Vidilirisi Vanthazi Vananga Vinthu Vinandi ku Turkey ndi ku Syria—Kumbi Bayibolu Likambanji?

Pa Mandi, pa 6 February 2023, ku Turkey ndi ku Syria kunguchitika vidilirisi vanthazi.

• “Chidilirisi chanthazi ukongwa chabaya ŵanthu akujumpha 3,700 ku Turkey kweniso kunkhondi chakuzambwi kwa charu cha Syria pa Mandi. Chidilirisi ichi chinguchitika pa nyengu yo kunguzizira ukongwa, vo vinguchitiska kuti ŵanthu masawuzandi nganandi wo angupwetekeka kweniso wo nyumba zawu zinguwa asuzgiki ukongwa. Kuzizira kwenuku kunguchitiska so kuti vije vakusuzga ukongwa kutaska ŵanthu.”—Reuters, February 6, 2023.

Tikwaskika ukongwa asani tiŵerenga vakukwaskana ndi masoka ngenanga. Asani venivi vachitika, tithemba Yehovaa yo ndi “Chiuta wakupembuzga ukongwa.” (2 Akorinto 1:3) Iyu ‘watitipembuzga ndi Malemba ndi chilatu chakuti tije ndi chilindizga.’​—Aroma 15:4.

Mu Bayibolu, tisambira:

• Vo vingukambikiya limu vakukwaskana ndi vidilirisi.

• Ko tingasaniya chilindizga kweniso kupembuzgika.

• Mo Chiuta wazamutuzgiyapu masuzgu ngosi.

Kuti muwoni vo Bayibolu likamba pa nkhani zenizi, ŵerengani nkhani izi:

• “Kumbi Bayibolu Likukambiya Limu Vakukwaskana ndi Vidilirisi Vanthazi?”

• “Kumbi Chilindizga Ndingachisaniya Pani?”

• “Chiuta Watuzgengepu Masuzgu Ngosi Pambula Kuswera”