Pachanya kumazge: Marek M. Berezowski/Anadolu Agency via Getty Images; pasi kumazge: Halfpoint Images/Moment via Getty Images; center: Zhai Yujia/China News Service/VCG via Getty Images; pachanya kumaryi: Ismail Sen/Anadolu Agency via Getty Images; pasi kumaryi: E+/taseffski/via Getty Images
JANI MASU!
2023: Chaka cho Munguchitika Vinthu vo Vingufipiska Mtima Ŵanthu Anandi—Kumbi Bayibolu Likambanji?
Vinthu vo vinguchitika mu chaka cha 2023, pacharu chosi chapasi vingulongo ukaboni wambula kususkika wakuti tija mu nyengu yo Bayibolu likamba kuti “mazuŵa ngakumaliya.” (2 Timote 3:1) Wonani mo vinthu vo vichitika vikoliyana ndi vo Bayibolu lingukambiya limu kuti vichitikengi mazuŵa nganu.
Bayibolu ndi vo vichitika pacharu chosi chapasi
“Viwawa vankhondu ndi mbiri zankhondu.”—Mateyu 24:6.
“Nkhondu zisazgikiyaku muvigaŵa vinandi pacharu chapasi.”a
Wonani nkhani ya mutu wakuti “Kumbi Ndiyani yo Wataskengi Ŵanthu Bweka Asani Kwe Nkhondu?” ndipuso ya mutu wakuti “World Military Spending Surpasses $2 Trillion.”
“Vidilirisi mumalu ngakupambanapambana.”—Mariko 13:8.
“Mu chaka cha 2023 pe, pacharu chosi chapasi pachitika vidilirisi vikuluvikulu vakukwana 13. Chenichi ntchiŵerengu chakwamba chikulu ukongwa cha vidilirisi vikuluvikulu vo vichitika pa chaka.”b
Wonani nkhani ya mutu wakuti “Vidilirisi Vanthazi Vananga Vinthu Vinandi ku Turkey ndi ku Syria.”
“Kwazamuwoneka vinthu vakofya.”—Luka 21:11.
“Kufunda kwa charu kumala; kotcha kwa charu kwayamba.”—António Guterres, Mlembi wa wupu wa United Nations.c
Wonani nkhani ya mutu wakuti “Charu Chapasi Chafunda Ukongwa mu 2023.”
“Kwazamuja nja.”—Mateyu 24:7.
“2023: Ntchimoza mwa chaka cho ŵanthu angusuzgika ukongwa kusaniriya chakurya mabanja ngawu.”d
Wonani nkhani ya mutu wakuti “Chakurya Chisoŵa Pacharu Chosi Chifukwa cha Nkhondu Kweniso Kusintha kwa Nyengu.”
“Kuŵengi nyengu zakusuzga ukongwa.”—2 Timote 3:1.
“Pacharu chosi chapasi munthu yumoza pa ŵanthu 8, watama matenda ngakusuzgika maŵanawanu.”e
Wonani nkhani ya mutu wakuti “Achinyamata Asuzgika Maŵanaŵanu Ukongwa Mazuŵa Nganu.”
Kumbi ndi vinthu wuli vo vichitikengi mu 2024?
Palivi munthu yo wangaziŵiya limu vo vichitikengi mu 2024. Kweni vo vichitika pacharu chapasi vilongo kuti pambula kuswera yapa Ufumu waku Chiuta pamwenga kuti boma la kuchanya, liserengi mumalu mwa maboma nga ŵanthu ndipu lazamutuzgapu vo vitambisa masuzgu ngosi pacharu chapasi.—Daniyeli 2:44; Chivumbuzi 21:4.
Pasonu panu, asani tifipa mtima tikhumbika kuthemba Chiuta kuti watiwovyi. Bayibolu likamba kuti:
“Asani ndachita mantha, ndithemba yimwi.”—Salimo 56:3.
Kumbi tingalongo wuli kuti tithemba Chiuta? Titikupemphani kuti musambiri vinandi vo Bayibolu lilayizga pa nkhani ya kuzituzgapu masuzgu ngosi kunthazi. Yesani kwamba kusambira Bayibolu kwawezi mwakuchita kukambiskana kuti yimwi ndi banja limu muwoni mo mungayanduliya ndi malayizgu nga mu Bayibolu.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.