Alongozgi Achinyengu—Kumbi Ufumu Waku Chiuta Wazamuchita Wuli?

Ŵanthu akhumba kuja ndi alongozgi wo angaŵagomezga; yiwu avuka ndi alongozgi achinyengu. Kafukufuku wapacharu chosi yo wanguchitika mu 2023 walongo kuti ŵanthu atiŵagomezga viŵi cha alongozgi andali.a

Bayibolu likamba va boma lo Mulongozgi waki ngwakugomezgeka ukongwa, wakuchita vinthu mwauneneska ndipuso wambula chinyengu. Boma lenili ndi Ufumu waku Chiuta ndipu Mulongozgi waki ndi Yesu Khristu.—Yesaya 9:7.

Pa nyengu yo wenga pacharu chapasi, Yesu wangulongo kuti watiŵaŵanaŵaniya nadi ŵanthu. (Mateyu 9:35, 36) Ndipu nge Fumu ya Ufumu waku Chiuta, wazamuchita vinthu mwaurunji kweniso mwachimangu ndi ŵanthu wo asankha kuja kuchigaŵa cha ulamuliru waki.—Salimo 72:12-14.