Nkhondu ya ku Ukraine Yisere mu Chaka Chachiŵi—Kumbi Bayibolu Lipereka Chilindizga Wuli?

Kufika pa Chinkhondi, February 24, 2023, viŵengi kuti pajumpha chaka chimoza kutuliya po nkhondu yingwambiya ku Ukraine. Mwakukoliyana ndi malipoti nganyaki asilikali pafufupi 300,000 a ku Ukraine ndi ku Russia akufwa pamwenga kupwetekeka. Ndipu ŵanthu anyaki pafufupi 30,000 abayika pa nkhondu yeniyi. Kweni chiŵerengeru cha ŵanthu akubayika chikhoza kujumpha penapa.

Vachitima kuti nkhondu iyi yilutiriya ndipu palivi chechosi cho chilongo kuti yimalengi zuŵanji

• “Kutuliya po asilikali a ku Russia akuyukiya charu cha Ukraine, palivi cho chilongo kuti nkhondu yeniyi yingamala pambula kuswera yapa. Palivi charu cho chilongo kuti chiwinengi nkhondu yeniyi ndipu vakukayikisa kuti vyaru venivi vikoliyanengi kuti visaniyi nthowa yakumalisiya nkhondu.”—NPR (National Public Radio), February 19, 2023.

Vakupaska chitima kuti ŵanthu anandi afipa mtima ndi masuzgu ngo ŵanthu ambula kunanga pacharu chosi akumana nangu chifukwa cha nkhondu yeniyi kweniso nkhondu zinyaki. Kumbi Bayibolu lipereka chilindizga wuli? Kumbi nkhondu yazamumala nadi?

Nkhondu yo yazamutuzgapu nkhondu zosi

Bayibolu likamba kuti pe nkhondu yo yazamutaska ŵanthu, kuŵabaya cha. Nkhondu yeniyi yidanika kuti Aramagedoni, ndipu ndi “nkhondu ya zuŵa likulu laku Chiuta Wanthazizosi.” (Chivumbuzi 16:14, 16) Chiuta wazamugwiriskiya ntchitu nkhondu yeniyi, kutuzgapu maufumu ngosi nga ŵanthu ngo ngatambisa nkhondu zinandi pacharu chapasi. Kuti muziŵi mo nkhondu ya Aramagedoni yizisiyengi chimangu chambula kumala, ŵerengani nkhani izi:

• “Kumbi Nkhondu ya Aramagedoni ndi Nkhondu Wuli?”

• “Aramagedoni Mbuthenga Wamampha!”