Kumbi Ufumu Waku Chiuta Wazamuchita Nangu Wuli Matenda?

“Chinanga kuti umoyu wa ŵanthu we pa ngozi so cha chifukwa cha mulili wa COVID-19, kweni venivi vilongo kuti mulili uwu wamaliya limu cha.. . . Tikhumbika kuziŵa kuti kunthazi kungaziyamba so mulili unyaki, mwaviyo tikhumbika kunozgeke.”—Dr. Tedros Adhanom Ghebreyesus, director-general of the World Health Organization, May 22, 2023.

Ŵanthu anandi ŵeche kukumana mbwenu ndi masuzgu chifukwa cha mulili wa COVID-19. Kumbi maboma kweniso mawupu ngo ngawona va umoyu wa ŵanthu nganozgekiyengi limu kuti kuzengi mulili unyaki, nanga kumbi angafiska kumalisa masuzgu ngo ngalipu pasonu panu?

Bayibolu lititikambiya kuti pe boma lo lazamuwovya ŵanthu kuzija ndi umoyu wamampha. Likamba kuti “Chiuta wakuchanya wazamujalikiska ufumu” pamwenga kuti boma. (Daniyeli 2:44) Asani boma lenili laziyamba kulamuliya “palivi wakuja mucharu cho yo wazamukamba kuti: “Ndatama.’” (Yesaya 33:24) Weyosi wazamukondwa ndi umoyu wamampha kweniso wanthazi.—Yobu 33:25.