Mungaŵa Ndi Chilindizga mu 2024—Kumbi Bayibolu Likambanji?

Ŵanthu anandi awona kuti palivi cho angachita kuti amalani ndi masuzgu nga mucharu mu 2024. Kweni tingaŵa ndi chilindizga chamampha cha munthazi. Kumbi tingachisaniya pani?

Bayibolu lititipaska chilindizga

Bayibolu lititilayizga kuti Chiuta wazamutuzgapu masuzgu ngo tikumana nangu. Pambula kuswera yapa, Chiuta “wazamuleska masozi ngosi mumasu mwawu, ndipu nyifwa yazamuŵaku so cha. Kwazamuŵavi kuliya, kukuta pamwenga urwirwi.”—Chivumbuzi 21:4.

• Kuti muziŵi vinandi pa nkhani ya vo Bayibolu lilayizga kuti vichitikengi kunthazi, ŵerengani nkhani ya mutu wakuti “Tiziyembekezera Kuti Zinthu Zidzakhala Bwino M’tsogolo.”

Mo Bayibolu lingakuwovyani pasonu panu

Vo Bayibolu lilayizga vingakuwovyani kuti mumalani ndi maŵanaŵanu ngaheni ndipuso kuti muwonengi vinthu mwakwenere. (Aroma 15:13) Ulongozgi wa mu Bayibolu ungakuwovyani kuti mukunthiyepu masuzgu ngo mukumana nangu pasonu panu nge ukavu, vinthu vambula urunji kweniso matenda.

• Wonani mo Bayibolu linguwovye munthu munyaki kuti waŵi ndi chimangu kweniso likondwa chinanga kuti wangukuliya mu ukavu. Woneriyani vidiyo yakuti Juan Pablo Zermeño: Yehova Wangundipaska Umoyu Wamampha.

• Wonani mo Bayibolu lingakuwovyiyani kuti mumalani ndi masuzgu nge kujimba mulandu, kuguŵa, kufipa mtima kweniso nyifwa ya munthu yo mwamuyanjanga. Ŵerengani nkhani yakuti “Kumbi mu Bayibolu mwe Fundu zo Zingandipembuzga?”

• Wonani mo munthu yo kali wenga msilikali yo wajikambanga kuti “waphweriyangaku cha va ŵanthu anyaki” wangusaniriya chilindizga kutuliya mu Bayibolu. Woneriyani vidiyo yakuti Ndinasiya Usilikali.

Yesesani kuti chaka cha 2024 chije chamampha kwaku yimwi kweniso ŵanthu a mubanja linu. Wonani mo Bayibolu lingakuwovyiyani. Sambirani Bayibolu kwawezi ndi Kaboni waku Yehova mwakuchita kukambiskana. Wonani mo Chiuta wangakuwovyiyani kuti muje ndi ‘maŵanaŵanu nga chimangu’ sonu kweniso kuti “vinthu vizikuyendiyeni umampha kunthazi kweniso kuti muje ndi chilindizga chamampha.”—Yeremiya 29:11.