Kumbi Akaboni aku Yehova Alonde Munkhwala ku Chipatala?

Hinya. Akaboni aku Yehova akana cha munkhwala pamwenga chovyu cha chipatala. Kuphwere maliŵavu ngidu kungachitiska kuti nyengu zinyaki “tikhumbi dokotala.” (Luka 5:31, Easy-to-Read Version) Mwakuyanana ndi Luka, Mkhristu wa m’nyengu ya akutumika, Akaboni aku Yehova anyaki ndi madokotala.—Ŵakolose 4:14.

Akaboni aku Yehova akana chovyu cha munkhwala cho chisuskana ndi fundu za m’Bayibolo. Mwakuyeruzgiyapu, akana kuŵikika ndopa chifukwa Bayibolo likanizga kurya ndopa. (Machitidu 15:20) Ndipuso, Bayibolo likanizga chovyu chechosi cha munkhwala cho chikoliyana ndi kuchita vamizimu.—Ŵagalatia 5:19-21.

Kweni mitundu yinandi ya munkhwala yisuskana cha ndi fundu za m’Bayibolo. Mwaviyo, weyosi wakhumbika kusankha yija chovyu cha munkhwala. Kaboni munyaki wangasankha mtundu wa munkhwala wo Kaboni munyaki wangakana.—Ŵagalatia 6:5.