Ntchitu Yapade Yakupharazga Ufumu Waku Chiuta mu September!

Mu September, tazamuyesesa kuchita vosi vo tingafiska kuti tizipharazgiyi ŵanthu kuti ndi Ufumu waku Chiuta pe wo wazamumalisa masuzgu. (Mt 24:14) Kumbi mungachita wuli kuti namwi mugwireku ntchitu yeniyi? Mu mwezi wenuwu, muziyesesi kuŵerenge ŵanthu anandi malemba ngo ngakamba va Ufumu waku Chiuta. Asani munthu walongo kuti we ndi mtima wakukhumba kuziŵa vinandi, muzimugaŵiyi Chigongwi cha Mlinda cha Na. 2 2020. Muziweriyengeku mwaliŵi ku ŵanthu wo akhumba kuziŵa vinandi ndi kwamba kusambira nawu Bayibolu mwakugwiriskiya ntchitu kabuku kakuti Kondwani ndi Umoyu Kwamuyaya! Wosi wo achita upayiniya wakovya angazisankha kupereka maora 15- pamwenga 30-mu mwezi wenuwu.

Pambula kuswera yapa, Ufumu waku Chiuta wazamutuzgapu maufumu ngosi ngo ngasuskana ndi Ufumu waki. (Da 2:44; 1Ak 15:24, 25) Tiyeni tiziyesesi kugwiraku ntchitu yeniyi kuti tizilongo kuti te kuchigaŵa chaku Yehova ndi Ufumu waki!