Kumbi Bayibolu Lingandiwovya Kuja ndi Banja Lalikondwa?

Vo Bayibolu limuka

Hinya, lingakuwovyani. Wonani ulongozgi wazeru wakutuliya mu Bayibolu wo wawovya anthulumi ndi anthukazi anandi kuja ndi banja lalikondwa:

1. Jani ndi nthengwa yakuzomerezeka. Asani munthulumi ndi munthukazi atorana mwakulondo marangu alayizga kuti ajengi akugomezgeka mu nthengwa yawu, ndipu venivi vitovya kuti nthengwa yije yalikondwa.​—Mateyu 19:4-6.

2. Muyanjanengi Kweniso Mutumbikanengi. Munthu yo mukutorana nayu mumuchitiyengi vinthu vo yimwi mungayanja kuti wakuchitiyeni.​—Mateyu 7:12; Aefeso 5:25, 33.

3. Mungakalipiyananga cha. Mulongorongi umampha ndi munthu yo mukutorana nayu chinanga kuti iyu wangakamba pamwenga kuchita vinthu vo vakumwazani. (Aefeso 4:31, 32) Lemba la Nthanthi 15:1 likamba kuti: “Kumuka mwakuzika kuweza ukali, kweni mazu ngaganyavu ngavunduwa ukali.”

4. Jani akugomezgeka ku munthu yo mukutorana nayu. Mugonanengi ndi munthu yo mukutorana nayu pe. (Mateyu 5:28) Bayibolu likamba kuti: “Nthengwa yiŵi yakutumbikika ku ŵanthu wosi, ndipuso pakugona ŵanthu akutorana paŵi pambula kufipiskika.”—Aheberi 13:4.

5. Musambizengi ŵana ŵinu mwachanju. Ŵana mungaŵaleremekanga cha kweniso mungaŵachitiyanga nkhaza cha.​—Nthanthi 29:15; Akolose 3:21.