BOKOSI 7B
Mazu Ngakukhumbika Ukongwa Mubuku La Ezekiyeli
“Mwana wa Munthu”
NGASANIRIKA MAULENDU NGAKUJUMPHA 90
Ezekiyeli wadanika kuti “mwana wa munthu” maulendu ngakujumpha 90. (Ezeki. 2:1) Yapa Yehova wamukumbusanga kuti chinanga kuti wangupaskika uteŵeti wapade, iyu wenga munthu ŵaka. Mu mabuku nga uthenga wamampha, Yesu nayu wadanika kuti “Mwana wa munthu” maulendu pafufupi 80. Venivi vilongo kuti Yesu wati waza pacharu chapasi wenga mungelu yo wangusambuka ŵaka munthu cha, kweni wenga munthu chayiyu.—Mate. 8:20.
“. . . Mwazamuziŵa Kuti Ini Ndini Yehova”
NGASANIRIKA MAULENDU NGAKUJUMPHA 50
Ezekiyeli wangulemba mazu ngo Chiuta wakambiyanga ŵanthu ngakuti “mwazamuziŵa kuti ini ndini Yehova” maulendu ngakujumpha 50. Mazu yanga ngalongo kuti ndi Yehova pe yo watenere kusopeka.—Ezeki. 6:7.
“Yehova, Ambuya Fumu Yikulu”
NGASANIRIKA MAULENDU 217
Mazu ngakuti “Yehova, Ambuya Fumu Yikulu” ngasanirika maulendu 217. Venivi vichitiska kuti zina laku Chiuta likankhuskiki kweniso ngalongo kuti vakulengeka vosi ve pasi paku Yehova.—Ezeki. 2:4.