Simama gu vireya wutshigu ni mihani khu gutimiseya

Myaga mingani yi vbindrago na wu vireya guta nya Mufumo wa Nungungulu? Ina u ngu vireya khu gu timiseya ambari wa gu ba u tshaniseka? (Ro 8:25) Mambe maKristo ma ngu nyenywa, ma tshaniswa, ma khothedwa mwendro gu songwa. Mambe ma ngu emisana ni sigaradzo nya nga madwali nya makhongolo mwendro gu dandra khu tanga.

Ginani gi na hi phasago gu vireya wutshigu ni mihani ambari ha gu ba hi emisana ni gevbini gigaradzo? Hi yede gu tiyisa gukhodwa gwathu khu gu leri Bhibhiliya tshigu ni tshigu hi bwe hi dundrugeya khesi hi hevbulago. Hi yede gu vega gupima avba nya gutumba hi gu nago. (2Ko 4:16-18; Heb 12:2) Hi yede gu gombeya khu monyo watshavbo ga Jehovha hi mu lomba tshivba nya liphuvbo laye nya guage. (Lu 11:10, 13; Heb 5:7) Babe wathu nya lihaladzo a na hi phasa ‘gu tsarama siloni satshavbo khu gutimiseya ni gutsaka.’ — Kol 1:11.

WONA VHIDHIYU YI GU KHIYO GU VBWETEGA HI “TUTUMA NYAMBA VBELA TSHIVBA” — TIYISEGA GU KHUWE U NA MANA TSHATSHAZELO, KHU HWANE HLAMULA SIWUDZISO SI LANDREYAGO:

• 

  Silo muni nya mba si vireya si kodzago gu hi dugeleya womini? (Muh 9:11)

• 

  Nombelo wa gu hi phasa kharini tepo hi emisanago ni sigaradzo?

• 

  Ha gu ba hi tandrega gu thumeya Jehovha nga edzi hi nga ba hi mu thumeya khidzo gale, khu ginani hi yedego gu vega gupima avba nya esi hi ngo si kodzago gu gira?

• 

  Ginani gi gu phasago gu simama gu tumba gu khuwe u na mana tshatshazelo?