MAVBANYELO NYA WUKRISTO

Thumisa libhuku Vbanya kala gupindruga! gasi gu vbaha gukhodwa gwago ga Jehovha ni Jesu

Gasi gu sihevbuli nya Bhibhiliya si tsakisa Nungungulu, si yede gu manega ni gukhodwa nyo tiye. (Heb 11:6) Hi nga va phasa gu gira isoso, khu gu thumisa libhuku Vbanya kala gupindruga! Libhuku leli nya gihevbulo, li nani lisima, kholu li ni mabhulo nyo pwisisege, li ngu yeyedza milowo, li ngu thumisa siwudziso nyo pwale nigu li ni dzivhidhyu ni dzikwadru dzi gu nani dzifotu nyo hambanehambane. Tepo hi phasago sihevbuli nya Bhibhiliya gu manega ni makhalelo nya wukristo ni gu tiyisa wupari waso ni Nungungulu, hi na ba hi vbahide khu materiyali ma na ne gu tsagama omu nya nilo — 1Ko 3:12-15.

Vathu nya vangi va gu pimisa gu khavo kha si kodzegi gu khala pari ya Nungungulu kholu uye kha wonegi. Khu kharato, hi yede gu va phasa guti Jehovha ni gu va mu tumba.

YEYEDZA VHIDHYU VBAHA GUKHODWA GWAGO GA JEHOVHA KHU GU THUMISA LIBHUKU “VBANYA KALA GUPINDRUGA!” KHU GU LANDREYA GIRA SIWUDZISO SESI:

Ndriyathu avbo nya vhidhyu dzi dongisede kharini gasi guya gimbidzisa gihevbulo?
Uye thumiside kharini siwudziso nyo engedzelege gasi gu ndrindra gupima ga gihevbuli gyaye khu gu thumisa Isaya 41:10, 13?
Gihevbuli nya Bhibhiliya, gi phasegide kharini khu dzivhidhyu ni mavhesi nya Bhibhiliya?

Vathu nya vangi kha va wu pwisisi dzegiso ni gu kha va wu woni nga giningwa egi va ningidwego khu Nungungulu. (Ga 2:20) Khu kharato, hi yede gu va phasa gu vbaha gukhodwa gwawe gasi va pwisisa dzegiso wa Jesu Kristo.

YEYEDZA VHIDHYU VBAHA GUKHODWA GWAGO GA JESU KHU GU THUMISA LIBHUKU “VBANYA KALA GUPINDRUGA!”, KHU GU LANDREYA GIRA SIWUDZISO SESI:

Ndriyathu avbo nya vhidhyu dzi dongisede kharini gasi guya gimbidzisa gihevbulo?
Ndriyathu thumiside kharini gipandre “Hevbula simbe” gasi gu phasa gihevbuli gyaye?
Khu ginani si gu na ni lisima gu gombeleya gihevbuli?