Bhuleya vambe esi u si hevbudego

Tepo hi hevbulago Bhibhiliya hi ngu dzipwa gwadi, ganiolu hi nga engedzeya gu dzipwa gwadi tepo hi bhuleyago vambe dzithomba nya liphuvbo dzi hi tiyisago. Mavingu 11:25 wari khuye: “Wule a thawuludzago libogo a ningela, uye nuye a na ningwa.”

Tepo hi bhuleyago vambe esi hi nga si hevbula, si nga hi phasa gu dundruga khu gu vbevbuga dzipontu nya lisima ni gu engedzeya gupwisisa gwathu. Nigu kha nga olu dzipontu dzodzo dzi nga phasago vambe, hi ngu tsaka ngudzu khu gu va bhuleya dzithomba dzodzo dza liphuvboni. — Mith. 20:35.

Zama gu gira esi: Ga semana yi landreyago, vbwetedzeya lithomo nya gu bhuleye muthu nyo khaguri esi u si hevbudego. U nga gira isoso ni givbango gya ndrangani, muthu nyo khaguri libandlani, githumi-khwathu, gihevbuli-khwathu, vhizinyo mwendro muthu u na mu manago thumoni nyo tshumayele. Zama gu ganeya esi u si hevbudego khu malito nyo vbevbuge ni gu pwisisega.

Dundrugeya khesi: Bhuleya vambe esi u nga si hevbula gasi gu va tiyisa, nasiri gasi gu dzi yeyedza. — 1 Kor. 8:1.