Haladza Vambe
Gasi gigaradzo gyo khugeya hayi?
Gihatheya kha gi vbeyi khu muhuno ni mindru. Kha nga giwungu nya madwali (vírus) gi dzegago tepo nyo laphe gasi gu duga givilini, gu dusa gihatheya niso so vbweta gudzigaradza nigu si ngu dzega tepo nyo laphe. Ginani u yedego gu gira gasi gu sigula gihatheya khu monyoni?
Litshina nya nayo nya Bhibhiliya
“Vegani lihaladzo a gu ilo li tshanganisago silo satshavbo.” — VAKOLOSI 3:14.
Litshina leli nya nayo lo hi hevbudza ginani? Gu gireya silo nya sadi vambe vathu si ngu wumba wupari. Tepo hi yago hi haladza vambe, gihatheya gyo vbeya. Wo dzi garadzeya gu haladza vambe tepo yatshavbo, gihatheya gi na hamuga wulanga nyo zumbe avbo.
Esi u yedego gu gira
Dundrugeya khu dzindziya nyo khaguri nya gu u yeyedza khidzo lihaladzo ga vathu nya yimbe tshonge. Kha si lombi gu dzi lova dzindziya dzodzo. Nga zama gu landra mweyo nya dzindziya dzedzi mwendro dzatshavbo kamo:
Ni gevbini hi girago na gi gu yeyedza lihaladzo, gi nga songa gihatheya
Yeyedza makhalelo nya yadi ga vathu vovo khu gu va nyeseya wulanga nyo khale mo ba muri xapani.
Zama gu va bhudzisanyana ambari vo ba va si liti gwadi lidimi lago.
Va laphiseye monyo vo gira silo khu ndziya u nga mba yi oloveya.
Va pweye wusiwana vo ba va ganeya khu sigaradzo sawe.