U nga phasega kharini khu gufa ga Jesu?

Jesu a di hi feya gasi hi mana guvbanya. Johane 3:16

Hwane nya matshigu mararu Jesu na a fude, gu di khuga vanyamayi va ya wona avba a nga ba a dzingidwe avbo ganiolu va di ya gu mana na guri liphanga. Jehovha a di wuside Jesu khu ga vafudego.

Hwane nya tepo Jesu a di wonega ga vapostoli vaye.

Khu lisine, Jehovha a di wuside Jesu gasi a vbanya kha nga muthu nya liphuvbo nya tshivba, oyu a no ne gufa gambe. Vapizane va Jesu va mu wone na a gweya ndzadzini.

Nungungulu wuside Jesu a bwe a mu gira Pfhumu nya Mufumo wa Nungungulu. Dhaniyeli 7:13, 14

Jesu a di ningeya womi waye gasi gu dzegisa vathu. (Matewu 20:28) Khu gu thumisa gudzegiswa gogo, Nungungulu a gu hi ninga guvbanya nya gupindruge.

Jehovha emiside Jesu kha nga Pfhumu gasi gu fumeya mafu. A na fuma gumogo ni 144 000 nya vathu nya gutumbege va wuswago khu mafuni gasi va ya vbanya ndzadzini. Jesu ni 144 000 nya dzipari dzaye va gu wumba mufumo nya gululame wa ndzadzini — wu gu Mufumo wa Nungungulu. — Gutuledwa 14:1-3.

Mufumo wa Nungungulu wu na vbindrugedza mafu ma khala paradhesi. Silo nya nga dzinyimbi, wughevenga, wusiwana ni ndzala, si na fuva. Vathu va na tsaka kamu nya dzadi. — Ndzimo 145:16.