Malito nyo tule nya gipandre 6

Tepo Vaisrayeli va nga vboha Tigoni nya Gitumbiso, tabhernakeli yi di khala iyo tsindza nya wukhozeyi nya lisine. Vapristi va di gu hevbula Nayo, nigu valamuli va di gu thangeya vathu. Gipandre gegi gyo yeyedza gwadi edzi sigiro nya muthu si khuhago khidzo vambe. Muisrayeli moyo ni moyo a di yede gu tumbega ga Jehovha ni ga vambe. Gipandre gegi gi na yeyedza gambe edzi Dhebhora, Nowemi, Josuwa, Ana, Nyamahegyane wa Jefiti ni Samuweli va phasidego khidzo vambe omu va nga ba va vbanya umo. Gi na tshingisa gu khigyo, ambari vathu va nga ba va siri Vaisrayeli, nya nga Rahabhe, Rute, Jayeli ni Vaghibhiyoni, va dzi patide ni Vaisrayeli khu gu wona gu khavo Nungungulu a diri navo.