Malito nyo tule nya gipandre 11

Omu nya gipandre gegi hi na ganeya khu matimo nya Milowo nya Gigreki nya Wukristo. Jesu velegedwe ndrangani nya sisiwana yi nga ba yi vbanya gidhoropanani nyo khaguri. Thumide ni papayi waye Josefa, oyu a nga ba ari karipinteru. Jehovha a mu hathide gasi a khala Pfhumu nya Mufumo wa ndzadzini. Wa gu ba uri muvelegi, phasa gyanana gyago gu wona lisima nya edzi Jehovha a nga hatha khidzo ndranga ni wulanga owu Jesu a nga hadzi velegedwa avbo a bwe a dandreya avbo. Gi phase gu wona edzi Jehovha a nga vhikeya khidzo Jesu gasi a si songwi khu Herodhi, ni edzi a nga yeyedza khidzo gu khuye gi mwalo gilo gi nga kodzago gu tandregisa gu tadzisa makungo yaye. Mu na hevbula edzi Jehovha a ningidego khidzo thumo Johane nya gu dongiseye ndziya nya gute ga Jesu. Tshingisa edzi Jesu a yeyedzidego khidzo gu khuye gukhugeya wananani waye a di gu gola wugengeyi wa Jehovha.