Malito nyo tule nya gipandre 12

Jesu hevbudzide vathu khu Mufumo wa ndzadzini. Hevbudzide vathu gambe gu gombeya gu khavo lina la Nungungulu li agiswa, Mufumo wa Nungungulu wuta nigu gugola gwaye gu girega mafuni. Wo ba uri muvelegi, tshamuseya gyanana gyago gu khuwe khu ginani nombelo wowo wu gu wa lisima gwathu. Jesu kha dzumeleya Sathane a mu tandregisa gu tumbega ga Jehovha. Jesu a di hatha vapostoli vaye, nigu avo khavo nyo pheye ava Jesu a giridego pwanano nyo fume navo Mufumoni wa Nungungulu. Wona edzi Jesu a nga ba a wu vbisegeya khidzo wukhozeyi nya lisine. Kha nga olu Jesu a nga ba a vbweta gu phasa vathu, a di va hawulugisa madwali, a va ninga guhodza va hodza a bwe a wusa ava va fudego. Khu gu gira silewugiso soso, a di gu yeyedza esi Mufumo wa Nungungulu wu na gireyago vathu teponi yi tago.