Dzi garadzeye gu vbwetedzeya sihevbudzo si tago khiyo ga Jehovha

KHU GINANI SI GU SA LISIMA: Jehovha, Muhevbudzi nya khongolo, a ngu hi ninga sihevbudzo nya lisima ngudzu. A ngu hi hevbudza mavbanyelo nya yadi ni gu bwe a hi dongiseya gasi gu ya vbanya omu nya wumindru nyo tsakise; ganiolu, satshavbo soso, kha hi livbi gilo! (Isa 11:6-9; 30:20, 21; Gut 22:17) Khu gu thumisa sihevbudzo a hi ningago, Jehovha a ngu hi dongiseya gambe gasi gu vbohiseya vambe vathu mahungu nyo vbanyise. — 2Ko 3:5.

MAGIRELO YAKONE:

• Haguleya makhalelo nya gudzinogisa ni gurula. — Ndz 25:8, 9

• Londrola gwadi sihevbudzo esi Jehovha a gu ningago olu, nya nga sipandre nyo khaguri sa avba nya mitshangano ya vbakari nya semana

• Dzivegeye misuwo ya liphuvboni. — Flp 3:13

• Dzime silo nyo khaguri gasi u kodza gu vboheya simbe sihevbudzo hi ningwago khu Jehovha. — Flp 3:8

WONA VHIDHIYU YI GU KHIYO: MAKATEGWA HI MA MANAGO KHU GU BA HI HEVBUDZWA KHU JEHOVHA, KHU HWANE HLAMULA SIWUDZISO SESI:

• Sihuru muni si ndragidwego khu vahuweleyi nyo khaguri gasi va feya gu hevbula Xikola nya vavhangeli nya Mufumo?

• Sihevbudzo muni si manwalo omu nya Xikola nya vavhangeli nya Mufumo?

• Sivbango nya libandla si phaside kharini ava va hevbudego Xikola nya vavhangeli nya Mufumo?

• Ginani gi vbwetegago gasi gu beleya Xikola nya vavhangeli nya Mufumo? (kr-AW paj. 189)

• Khu sevbi simbe sihevbudzo u nga si manago omu nya hengeledzano ya Jehovha?