Ina u dzi emisede gu hongola ga Xikola nya vavhangeli nya Mufumo?

U na ni 23 myaga kala 65, nigu u ngu thuma omu nya thumo nya tepo yatshavbo? U na ni womi nya wadi wu nga gu dzumeleyago gu thuma ni hayini gu vbwetegago giphaso? Wa gu ba u hlamude khuwe ina avba nya siwudziso sesi sasivili u di nga dundrugeya khu gu hongola xikwatunu nya vavhangeli nya Mufumo? Avba nya turma nyo pheye gu manegide likhumi mazana mipatwa ni sikwendra nya vama ni vanyamayi. Ganiolu, go vbwetega ngudzungudzu sikwendra. Lomba Jehovha gasi a gu engedzeya gu dogoreya nya gu mu tsakise ni gu pimedzeya gyanana gyaye. (Ndz 40:8; Mt 20:28; Heb 10:7) Khu gu landreya, wona silo nyo khaguri u nga vbungulago avbo nya thumo wago nya gu dzi vbanyise gasi gu dinganedwa khu gu hongola xikwatunu.

Malanga muni va rumedwago ava va hakhago treinamento yeyi gasi guya thuma? Omu nya dzimbe dzi graduação vambe va ngu rumedwa guya thuma omu nya sipandre gu ganedwago limbe lidimi. Omu nya dzimbe dzi graduação dza gu thuma gasi gu emisa vawoneleyi nya sipandre mwendro vamisiyonariyo. Tepo u dundrugeyago khu gu thumeya Jehovha, dundruga malito ya muprofeti Isaya: “Nyi womo avba. Nyi rume.” — Isa 6:8.

YEYEDZA VHIDHIYU YI GU KHIYO VAMISIYONARIYO THEMBWENI—SITHUMI SI VBWERAGO, KHU GU LANDREYA HLAMULA SIWUDZISO SESI:

• 

  Vamisiyonariyo va gu sasamedzwa kharini thumoni nyo tshumayele?

• 

  I thumo muni nya wadi wu girwago khu vamisiyonariyo thumoni nyo tshumayele?

• 

  Makategwa muni ma manwago thumoni nya wumisiyonariyo?