Jehovha a ngu haladza ava va ningeyago khu gu dzina

2 Vakorinto 9:7, wari khuye: “Muthu ni muthu a na ningele khu gu dzina nya monyo waye. Mu nga dileli esi mu ningedego, mu nga ningeli na mu si dzini. Kholu oyu a ningelago khu lihaladzo, a ngu tsakisa Nungungulu.” Muhuno hi nga gira miningelo khu gu thumisa internet gasi ngu phasedzeya thumo wu girwago mafuni gwatshavbo khu Dzifakazi dza Jehovha.

WONA VHIDHIYU YI GU KHIYO MAGIRELO NYA MININGELO KHOMU NYA INTERNET, KHAVBOVBO U HLAMULA SIWUDZISO SI LANDREYAGO:

• 

  Hi nga beya kharini omu nya pajina yi ganeyago khu miningelo gasi gu mana dzindziya nya gu gire khidzo miningelo tigoni gwathu?

• 

  Khu sevbi siphaso nyo khaguri nya gu gire miningelo khu gu thumisa internet?

• 

  Khu dzevbi dzimbe dzindziya nya gu gire khidzo miningelo?

• 

  Ginani hi nga girago ha gu mba pwisisa mathumiselo nya dziferameta nya dziphya dzi gimbeleyanago ni gu gira miningelo khu gu thumisa internet?