Ndziya Nya Gu Dugeleye Kha Nga Mutshumayeli - Khedza giemo

KHU GINANI SI GU SA LISIMA: Ava va todzidwego ni dzimbe dzinvuta, va ngu rana vathu nya mafumbo yatshavbo gu ‘hakha mahala mati nya guvbanye.’ (Gut 22:17) Mati yaya nyo fananise mo emeya malulamiselo ya Jehovha nyo tshudzise vathu nyo engise avba nya gighoho ni gufa. Gasi gu phasa ava va gu ni mitumbunugo ni wukhongeyi nya guhambanehambene, gu vbwetega hi va yeyedza “mahungu nya yadi nya gupindruge” gasi va feya gu kutsega. — Gut 14:6.

MAGIRELO YAKONE:

• Hatha mahungu ni lowo wu na khuhago myonyo nya vathu va gipandreni gwago. U nga gira sasamedzo nya mabhulo nya Bhibhiliya mwendro gu vegedza mabhulelo nya yadi u nga nga dugeleya khayo gutshumayelani. Mahungu ni milowo muni yi thumago gwadi? Ina ayo mahungu nya maphya ga ava u bhulago navo? Mahungu muni ma na khuhago vama mwendro vanyamayi?

• Thumisa malosanelo ni magirelo nya silo si olovelegidego gipandreni gwanu. — 2Ko 6:3, 4

• Oloveyana ni mabhuku ni dzivhidhiyu dzi girago gipandre nya dziferameta hi hevbudzago khidzo, wa gu mana muthu a yeyedzago gu tsakeya

• Tshisa mahungu khu li lidimi nya vathu u mananago navo gipandreni gwanu

• Thumisa mahungu guya khu giemo gya mune ndranga. (1Ko 9:19-23) Khu giyeyedzo, u na khuwe ginani wa gu tugula gu khuwe mune ndranga a ngari gu fedwa khu gigodwa?

• WONA VHIDHIYU U BWE U HLAMULA SIWUDZISO SESI: Mahungu muni muhuweleyi a phedego khayo gu bhula ni muni ndranga?

• Ginani gi dugeledego gu vbanyani ga muni ndranga?

• Lowo muni wu thumidego gwadi avba nya giemo gegi, nigu khu ginani?

• U nga vbindrugedza kharini mabelelo yago gasi gu pwanana gwadi ni giyemo gya vathu gipandreni gwanu?