Thumisa siyeyedzo nya esi si dugeleyago matshigwanaya gutshumayelani

Jesu a di gu thumisa silo si nga ba si dugeleya khu tepo yoyo gasi gu hevbudza. (Lu 13:1-5) Anuwe, u nga thumisa silo si giregago ga tepo yeyi gasi gu ndrindra gupima nya vathu khu mahungo nya Mufumo. Hwane nya gu ba u ganede khu silo nya nga gutsona, mhango nya tumbunugo, sigaradzo nya politika, dzivhisyu nya dzimbange mwendro simbe silo, gira giwudziso gi ndrindrago gupima. Mu wudzise esi: “Wo pimisa gu khuwe litshigu limwedo hi na wona mahegiso nya . . . ?” mwendro wo pimisa gu khuwe ginani gi yedego gu girwa gasi . . . ?” Khu gu landreya, mu yeyedze livhesi nya Bhibhiliya li pwananago ni giwudziso. Muthu a gu yeyedza gu tsakeya, u nga mu yeyedza vhidhyu mwendro libhuku la avba nya dziferameta hi hevbudzago khidzo. Tepo hi dzi garadzeyago gu kuha myonyo nya vathu gipandreni gyathu, ha gu “gira satshavbo sesi khu kotani nya Ivhangeli.” — 1Ko 9:22, 23.

Khu yavbini mahungo ma nga ndrindrago gupima nya vathu gipandreni gyanu?