Vavelegi, vbahani sanana sanu khu guti

Ha gu vbanya tigoni va gu khavo esi nya sadi si vivbide nigu khavo esi nyo vivbe silo nya sadi. (Isa 5:20) Egi gi si tsakisigu khu gu, vathu nya vangi va gu gira silo Jehovha a si nyenyago, gupata ni gu hengeya malawu nya vathu nya sivbango nyo fane. Dzipari xikwatunu mwendro vambe vathu va ngu kutsedzeya vaphya vathu gu gira silo nya nga soso. U nga dongiseya kharini gyanana gyago gu emisana ni silo nya nga soso?

Vbahani sanana sanu khu guti nya nayo wa Jehovha. (Le 18:3) Bhuleya sanana sago khesi Bhibhiliya yi ganeyago maningano khu gu hengeya malawu. Ganiolu si bhuleye mahungu guya khu tanga yaso ni mapwisiselo yaso, u nga si bhuleyi mahungu ma na si garadzeyago gu ma pwisisa. (Dhet 6:7) Dzi wudzise: Ina nyi hevbudzide gyanana gyangu gu ninga githawo gi vbwetegago ga vambe? Ina nyi gi hevbudzide maningano khu ma ambalelo nya yadi nya sombo? Ina nyi gi hevbudzide gu ninga githawo vambe khesi gi si silumbigo? Sanana sangu si na giti gilo nyo gire a gu tshuka muthu nyo khaguri a zama gu gi yeyedza dzifoto nya vathu nya mba ambala gilo (pornografiya) mwendro a gu si lomba gu gira silo Jehovha a gu khuye si vivbide? Wa gu gi hevbudza khu Guti gu tago khiyo ga Jehovha, gu na phasa gyanana gyago gu bomba satshavbo soso. (Mav 27:12; Muh 7:12) Tepo u hevbudzago sanana sago, yeyedza lihaladzo khu gu tsaka khu ‘giningwa u hakhidego khu ga [Jehovha.’] — Ndz 127:3.

WONA VHIDHIYU YI GU KHIYO VBAHA NDRANGA YI NA TIMISEYAGO — VHIKEYA SANANA SAGO GA “ESI NYA GUVIVBE, KHU HWANE U HLAMULA SIWUDZISO SI LANDREYAGO:

• 

  Khu ginani vambe si va garadzeyago gu ganeya ni sanana sawe khu malawu?

• 

  Khu ginani vavelegi va yedego gu hevbudza sanana sawe gu manega ni “mavbanyelo nya ndruda ni githawo, kha nga guruma ga Pfhumu.”? — Ef 6:4

• 

  Ginani egi hengeledzano ya Jehovha yi hi ningago gasi gu phasa vavelegi gu hevbudza sanana sawe maningano ni malawu? — w19.05 paj. 12, wona kwadru

• Khu ginani u yedego gu ganeya ni gyanana gyago tshigu ni tshigu gigaradzo gyogyo na gi nga si vbohi?