DZI GARADZE THUMONI NYO TSHUMAYELE | ENGEDZEYA GUTSAKA THUMONI NYO TSHUMAYELE
Thumisa dziferameta dzathu
Jehovha a ngu hi ninga dziferameta nyo hevbudze khidzo gwadi, nya nga dzivhidhiyu, sidangaliyana, dzirevhista, dzibroxura, mabhuku ni ferameta yathu nyo pheye a gu Bhibhiliya. (2 Tm 3:16) Uye hi ningide gambe dziferameta gasi gu gevisisa khidzo, edzi dzi nga hi phasago gu tshamuseya gwadi Milowo. Gu pata ni Watchtower Library, aplikativhu JW Library®, Bhibliyoteka ya Torre de Vigia omu nya interneti ni Guia de pesquisa nya Dzifakazi dza Jehovha.
U na tsaka ngudzu tepo u na thumisago dzatshavbo dziferameta dzi gu romo gasi gu gira wugevisisi nyo ete omu nya Bhibhiliya. Trenari sihevbuli sago gu thumisa dziferameta dzedzi. Aniso si na tsaka khu gu mana mihlamulo nya siwudziso saso omu nya Bhibhiliya.
YEYEDZA VHIDHIYU SIMAMA GUTSAKA KHU GU GIRA VAPIZANE — DZUMEYA GIPHASO GYA JEHOVHA — THUMISA DZIFAMETA, KHU GU LANDREYA GIRA SIWUDZISO SESI:
Ginani egi Jade a ganedego maningano khu sivangwa?
Neeta, a yi manide hayi mihlamulo maningano khu mahungu yaya?
Gu mana ni gu hengeya ni vambe sihevbudzo nya Bhibhiliya si ngu hi ninga litsako
Neeta, hathide kharini mahungu ma nga ba ma gimbileyana gwadi ni esi Jade a nga ba a vbweta gu siti?
Neeta, dzipwide kharini khu gu ba a thumiside dziferameta dzathu nya wugevisisi?