Dzumeya giphaso gya Jehovha khu gu gombeya

Jehovha khuye a girago lisine li tsitsa mikhamba li bwe li dandra monyoni nya muthu. (1Ko 3:6-9) Khu kharato, gasi hi dugeleya thumoni nyo tshumayele hi yede gu tiyisega gu khethu Jehovha a na hi phasa a bwe a phasa sihevbuli sathu nya Bhibhiliya.

Lomba Jehovha gu a phasa sihevbuli sago nya Bhibhiliya gu timiseya mikutsedzelo nya mba yadi si bwe si pala sigaradzo soso. (Flp 1:9, 10) Ganeya khu gu kongoma, lomba liphuvbo nya guage gasi li thangeya mapimo yaso ni esi si girago. (Lu 11:13) Hevbudza sihevbuli sago nya Bhibhiliya edzi si nga gombeyago khidzo u bwe u si kutsa gu gira sasimweso. Gombeya naso, u bwe u khumbuga malina yaso.

YEYEDZA VHIDHIYU ENGEDZEYA GU TSAKA THUMONI NYO TSHUMAYELE — DZUMEYA GIPHASO GYA JEHOVHA — NOMBELO, KHU GU LANDREYA GIRA SIWUDZISO SESI:

• Gigaradzo muni a nga tshangana nagyo Neta tepo a nga ba a gimbidziseya gihevbulo Jade?

• 1 Vakorinto 3:6, phaside kharini Neta?

• Neta giride kharini gasi gu lulamisa gigaradzo?