Phasa sihevbuli sago nya Bhibhiliya gu pala mavbanyelo nyo nyenyeze

Avo va gu ni mavbanyelo nya yadi, khavo va nga sikodzago gu manega ni wupari wa vbafuvbi ni Jehovha. (1 Pe 1:14-16) Tepo sihevbuli nya Bhibhiliya si yago si pala mavbanyelo nya guvivbe, si nga mana giphaso ga valongo ni gu si na manega ni womi nya wadi.

Va tshamuseye gwadi matshina nya milayo ya Jehovha, gighelo nya gu va ma thumisa ni edzi va nga wuyedwago khidzo. Dzi garadzeye guphasa sihevbuli sago gu vbindrugedza mapimiselo yawe ni magirelo yawe nya silo. (Ef 4:22-24) Va tiyisegise gu Jehovha a na va phasa gu pala mavbanyelo nyo vivbe. (Flp 4:13) Va hevbudze gu lomba giphaso ga Jehovha, tepo va tedwago khu gu dogoreya nyo gire silo nyo vivbe. Vaphase gu tugula siemo si nga va girago va lingwa gu gira silo nyo vivbe. Va kutse gu tshikedza mavbanyelo nyo vivbe khu mavbanyelo nya yadi. U na tsaka khu gu wona sihevbuli sago nya Bhibhiliya na si gu vbindrugedza khu gu phaswa khu Jehovha.

YEYEDZA VHIDHIYU PHASA SIHEVBULI SAGO NYA BHIBHILIYA GU PALA MAVBANYELO NYO NYENYEZE, KHU GU LANDREYA GIRA SIWUDZISO SESI:

• 

  Madhota ni Neta va yeyedzide kharini gu tumba Jade?

• 

  Neta yeyedzide kharini gukhathala khu Jade?

• 

  Jade vbwetide kharini giphaso ga Jehovha?