Phasa sihevbuli sago nya Bhibhiliya gu dzihodzisa khu liphuvboni

Khu lisine u ngu dzina gu khuwe gihevbulo gyago nya Bhbhiliya gi dandra khu liphuvboni gi bwe gi muti Jehovha, ganiolu gasi gu isoso si kodzega gihevbuli nya Bhibhiliya kha gi yeli gu dzihodzisa khu liphuvboni tepo gi hevbulago ni muhevbudzi wagyo basi. (Mt 5:3; Heb 5:12–6:2) Igyo gi yede gu dzihodzisa gambe khu liphuvboni.

Gu khugeya avbo nya sihevbulo nyo pheye hevbudza gihevbuli gyago edzi gi nga dzi dongiseyago khidzo u bwe u gi dundrugisa khu lisima nyo gire isoso. (mwb18.03 paj. 6) Wulangani nya isoso kutsa gihevbuli gyago gu gombeya na gisi pheyi gihebulo nya muthu enga. Gi phase gu mana dzisayiti ni dziferameta dzathu gasi gi hevbula. Ugi tshamuseya edzi gi nga manago khidzo mahungo nya maphya omu nya JW.org ni JW Broadcasting^®. Kutsa gihevbuli gyago gu leri Bhibhiliya tshigu ni tshigu, gi dongiseya gwadi mitshangano gi bwe gi gira dzipeskisa gyo tshangana ni silo gi si sitigu. Phasa gihevbuli gyago gu dundrugeya khesi gisi hevbulago.

YEYEDZA VHIDHIYU PHASA SIHEVBULi SAGO NYA BHIBHILIYA GU DZIHODZISA KHU LIPHUVBONI KHU GU LANDREYA GIRA SIWUDZISO SESI:

• 

  Neta phaside kharini Jadi gu wona gu khuye gu hevbula khasi thuli gu mana milhamulo nya siwudziso basi?

• 

  Ginani gi phasidego Jadi gu pwisisa gu khuye Jehovha na ni gighelo nyo himbedzeye wubhayi?

• 

  Jadi pwisiside ginani maningano ni gu dundrugeya?