Satshavbo sigaradzo si na ni mahegiso

Sigaradzo si nga hi vbedza tshivba khu gu vbiredza, ngudzungudzu so wonega khatsi so simama. Dhavhidhe a di gu dziti gu khuye sigaradzo si nga ba si vangwa khu Pfhumu Sawule, si na vbeya nigu a na khala pfhumu kholu Jehovha a di tumbiside. (1Sa 16:13) Gukhodwa a nga ba ari nago Dhavhidhe gu mu giride a vireya, kala Jehovha a lulamisa gigaradzo gyaye.

Tepo hi emisanago ni sigaradzo, hi nga thumisa guti hi gu nago, wugengeyi mwendro makodzelo hi gu nawo nyo gire silo gasi gu vbindrugedza giemo. (1Sa 21:12-14; Mav 1:4) Ganiolu, simbe sigaradzo si nga simama, ambari na hi giride satshavbo guya khu matshina nya milayo nya Bhibhiliya. Ga siemo nya nga esi, hi yede gu laphisa monyo hi vireya Jehovha. Nugunugu, Jehovha a na vbedza sigaradzo satshavbo nigu “a na bavbula marongo” mahoni gwathu. (Gut 21:4) Gani gutshulega gwathu avba nya sigaradzo go guta khu ga Jehovha mwendro khu gimbe gighelo, hi nga tiyisega ga gilo gimwegyo: Satshavbo sigaradzo si na ni mahegiso. Esi si ngu hi thaveleya.

YEYEDZA VHIDHIYU VATHU VA GU NI WUMOWO TIGONI NYA GIHATHEYA, KHU GU LANDREYA GIRA SIWUDZISO SESI:

• Sigaradzo muni vandriyathu va sul ga Estados Unidos da América va nga tshangana naso?

• Va yeyedzide kharini lihaladzo ni gu laphisa monyo?

• Va vegide kharini gupima ga esi si gu na ni lisima? — Flp 1:10