MAVBANYELO NYA WUKRISTO
Dzi wone nga edzi Jehovha a gu wonago khidzo
“Pfhumu Nungungulu a ngu tsakiswa khu vathu vaye.” (Ndzi. 149:4) Ambari olu hi nga mba vbeleya uye a ngu wona makhalelo yathu nya yadi. Dzimbe dzitepo, adzina si nga hi garadzeya gu mba wona makhalelo yathu nya yadi. Ethu hi nga tshuka hi dzi wona na hi si sizi gilo khu kotani nya edzi vambe va hi wonago khidzo. Ha gu tshuka hi vega gupima avbo nya sighoho hi giridego gale hi na kanakana gu khethu Jehovha a ngu hi haladza. Ginani gi na hi phasago ha gu ba hi dzipwa khu ndziya yoyo?
Dundruga gu khuwe Jehovha a ngu wona esi vathu va si si wonigo. (1Sa 16:7) Iso si thulago gu khiso uye a ngu wona esi ethu habune hi gu mba si wona. Bhibhiliya yi ngu hi phasa gu pwisisa edzi Jehovha a hi wonago khidzo. Hi nga pwisisa isoso tepo hi lerigo Bhibhiliya ni matimo ma yeyedzago edzi Jehovha a haladzago khidzo vakhozeyi vaye.
WONA VHIDHYU YI GU KHIYO: TIYISEGA MONYONI GWAGO, KHU GU LANDREYA HLAMULANI SIWUDZISO SESI:
Gipimaniso nya mututumi ni papayi waye gya gu hi hevbudza ginani khedzi Jehovha a hi wonago khidzo?
A gu tshuka ndriyathu nyo khaguri a gira gighoho nya gikhongolo a bwe a dzi garadzeya gu wusedza wupari waye ni Jehovha, a nga tiyisega kharini gu khuye Jehovha a mu divalede? — 1Jo 3:19, 20
Ndriyathu a wuyedwe kharini khu gu leri ni gu dundrugeya khu matimo ya Dhavhidhe ni Josafati?