MAVBANYELO NYA WUKRISTO
Ina u dongide gu emisana ni gu hamugega nya dzitsapawu?
Ethu kha hi garadzegi tepo siemo nya litigo leli si girago dzi kala dzitsapawu mafuni gwatshavbo. Khu ginani? Kholu ha gu vbanya matshigoni nya gu hegise nigu Bhibhiliya ya gu hi kutsa gu mba vega gutumba gwathu avbo nya “thomba nyamba tiya.” (1Tm 6:17; 2Tm 3:1) Giyeyedzo gya Pfhumu Josafati gya gu hi hevbudza ginani tepo hi emisanago ni gu hamugega nya dzitsapawu?
Tepo Josafati a nga wugedwa khu mayigo nya valala, uye a di tumba Jehovha. (2Dzik 20:9-12) Uye gambe a di tiyisa mabhiyo nya madhoropa ni gu dongiseya mabuthu nya makhongolo nya masotshwa gasi gu vhikeya madhoropa a nga ba a ma fumeya. (2Dzik 17:1, 2, 12, 13) Gufana ni Josafati, ethu hi na gira gwadi ha gu tumba Jehovha ni gu dzegeya gu gira gilogyo tepo hi emisanago ni sigaradzo.
WONANI VHIDHYU YI GU KHIYO, INA U DONGIDE GASI GU EMISANA NI DZIMHANGO NYA TUMBUNUGO? KHU GU LANDREYA HLAMULANI SIWUDZISO SI LANDREYAGO:
Ginani hi nga girago gasi gu dzi dongiseya gu emisana ni dzimhango?
Hi nga dzi dongiseya kharini gasi gu phasa vambe?