Ina u dongide gasi gu emisana ni sigaradzo nya politika?

Ha gu vireya gu khethu sigaradzo nya politika, terrorismos ni dzinyimbi, si engedzeya. (Gut 6:4) Hi nga dzi dongiseya kharini gasi gu emisana ni sigaradzo sitago?

• Dzi dongiseye khu liphuvboni: Vegisa matshina nya milayo ni matimo ma na gu phasago gu tiyisa gukhodwa gwago ga Jehovha ni ga hengeledzano yaye nigu ma na gu phasa gu u si dzi bedzedzeyi omu nya politika. (Mav 12:5; jr dzipaj. 125-126, dzindri. 23-24) Eyi khiyo tepo nyo tiyise wupari wathu ni vandriyathu libandlani. — 1 Pe 4:7, 8

• Gu dongiseya givili: Dundrugeya khu wulanga u na sihalago avbo, sa gu mba kodzega gu duga khu gaya, u bwe u vega pimo nyo khaguri nya guhodza. Nigu vbwetedzeya wulanga nyo tutumeye avbo sa gu lombega. Dongiseya pasta yago nyo endre khiyo, mirendre ni dzitsapawu. Manega ni numeru nya madhota nigu u yede gu tiyisega gu khuwe anavo va na ni numeru yago gani. — Isa 32:2; g17.5 dzipaj. 3-7

Ndrani nya sigaradzo: Simama ni longoloko wago wa liphuvboni. (Flp 1:10) Sa gu ba si si lombi gu duga khu ndrangani, zama gu khala wulanga wumowo. (Mt 10:16) Kabana ni vambe guhodza ni mirendre. — Ro 12:13.

YEYEDZA VHIDHYU INA U DONGIDE GU EMISANA NI DZIMHANGO? KHU GU LANDREYA GIRA SIWUDZISO SESI:

• Jehovha, a nga hi phasa kharini tepo hi emisanago ni dzimhango?

• Ginani hi nga girago gasi gu dzi dongiseya?

• Hi nga phasa kharini vambe, va nga thegedwa khu dzimhango?