Uwe u nga phasa ndranga yago gu mana litsako

Jehovha a gu vbweta gu khuye dzindranga dzi tsaka. (Ndzi 127:3-5; Muh 9:9; 11:9) Ambari ulolo, ethu hi nga luza litsako khu kotani nya silo nyo vivbe si giregago tigoni momu nyo vivbe ni sihoso si girwago khu vambe ndrangani. Vatshavbo ndrangani va nga gira ginani gasi gu ndranga yi mana litsako?

Mwama a ngu zundza mwangadzi waye. (1Pe 3:7) A ngu vbedza tepo naye. Uye a ngu tsaka khesi mwangadzi waye a mu gireyago, nigu a ngu yeyedza gubonga khesi a gireyago ndranga yawe. (Kol 3:15) Uye gambe a ngu yeyedza gu khuye a ngu mu haladza. — Mav 31:28, 31.

Mwangadzi a ngu phasedzeya mwama waye. (Mav 31:12) Uye a ngu engisa mwama waye ni gu pwanana naye. (Kol 3:15) Uye a ngu ganeya gwadi ni mwama waye ni gu ganeya gwadi khuye. — Mav 31:26.

Vavelegi va ngu vbedza tepo ni sanana sawe (Dhet 6:6, 7) Avo va ngu embeya sanana sawe gu khavo va ngu si haladza. (Mt 3:17) Nigu tepo va kawukago sanana sawe va ngu si yeyedza gu khavo va ngu si haladza nigu avo va nguti. — Ef 6:4.

Sanana si ngu ninga githawo ni gu engisa vavelegi vaso. (Mav 23:22) Iso si ngu embeya vavelegi vaso edzi si dzipwago khidzo ni esi si si pimisago. Iso si ngu dzumeya gu kawukwa khu vavelegi vaso. — Mav 19:20.

YEYEDZA VHIDHYU YI GU KHIYO: HAGULEYA GUTSAKA NDRANGANI GWAGO, KHU GU LANDREYA GIRA GIWUDZISO GEGI:

Ginani egi givbango ni givbango gi giridego gasi gu haguleya gutsaka ndrangani?