Gukawuka—giyeyedzo nya lihaladzo gya Jehovha

Gu kawuka sa gu thula gu hevbudza ganiolu si ngu pata gambe gutsayisa. Jehovha a gu hi kawuka gasi wukhozeyi wathu gwaye wu hakhega. (Ro 12:1; Heb 12:10, 11) Dzimbe dzitepo si ngu garadza gu dzumeya gu kawukwa ganiolu isoso si ngu resa gululama ni makategwa. (Mav 10:7) Oyu a kawukago ni oyu a kawukwago ginani va yedego gu gidundruga?

Oyu a kawukago. Madhota, vavelegi, ni vambe va yede gu kawuka vambe khu lihaladzo ni wuwadi kha nga edzi Jehovha a girago khidzo. (Jer 46:28) Ambari sa gu lomba gu kawuka khu tshivba hi nga gira isoso ganiolu na hi kutswa khu lihaladzo — Tit 1:13.

Oyu a kawukwago. Gani i tsayiso muni hi wu hakhago, hi yede gu mba wu bomba ganiolu hi gira iso si vbwetegago. (Mav 3:11, 12) Kha nga hi gu vathu nya gu mba vbeleya hi yede gu dzumeya dzatshavbo dzindziya dzi thumiswago gasi gu hi kawukwa. Adzina hi nga kawukwa tepo hi lerigo Bhibhiliya mwendro mitshanganoni hi yi manago libandlani ambari kamo gu kawukwa khu Kometi nya gu lamule. Ha gu dzumeya gu kawukwa hi bwe hi gira esi hi embedwago hi na mana womi nya wadi hi bwe hi vbanya kala gupindruga. — Mav 10:17.

WONA VHIDHIYU “JEHOVHA A GU KAWUKA AVA A VA HALADZAGO,” KHU GU LANDREYA GIRA SIWUDZISO SESI:

• 

  Mavbanyelo ya Canon maphede kharini nigu ayo ma vbindrugedzide kharini?

• 

  I tsayiso muni nya lihaladzo a nga wu hakha khiyo ga Jehovha?

• 

  Matshangu yaya mo hi hevbudza ginani?