BHIBLIYOTEKA NYA SAYITI ya Torre de Vigia
BHIBLIYOTEKA NYA SAYITI
ya Torre de Vigia
Gitonga
  • BHIBHILIYA
  • MABHUKU
  • MITSHANGANO
  • w20 Maio pp. 8-11
  • Dzipfhumu dzimbili dzi dwanisanago matshiguni nyo hegise

Gipandre u hathidego gi mwalo vhidhiyu.

Hi divaleye, hi tshanganide ni gigaradzo nyo khaguri tepo hi nga ba hi zama gu tula vhidhiyu.

  • Dzipfhumu dzimbili dzi dwanisanago matshiguni nyo hegise
  • Mukhedziseyi a tivisago Mufumo wa Jehovha (Nya gihevbulo) — 2020
  • Nyo yelane
  • “Mufumeli wa wuronga” matshiguni nya guhegise
    Mukhedziseyi a tivisago Mufumo wa Jehovha (Nya gihevbulo) — 2020
  • Khu mani “mufumeli wa wuronga” muhuno?
    Mukhedziseyi a tivisago Mufumo wa Jehovha (Nya gihevbulo) — 2020
  • Esi si na dugeleyago valala va Nungungulu guya khu Gutuledwa
    Mukhedziseyi a tivisago Mufumo wa Jehovha (Nya gihevbulo) — 2022
  • Hevbula khu siprofeto nya Bhibhiliya
    Mukhedziseyi a tivisago Mufumo wa Jehovha (Nya gihevbulo) — 2023
Mukhedziseyi a tivisago Mufumo wa Jehovha (Nya gihevbulo) — 2020
w20 Maio pp. 8-11

Dzipfhumu dzimbili dzi dwanisanago matshiguni nyo hegise

Dzipfhumu dzimbili dzi dwanisanago matshiguni nyo hegise Simbe siprofeto si tshamusedwago avba nya kwadru yeyi so ganeya khu sigiro si na dugeleyago khu gumogo. Satshavbo so ganeya khu silo nyo hambanehambane si yeyedzago gu khiso ha gu vbanya matshiguni nya guhegise. — Dhan. 12:4

Kwadru yi tshamuseyago siprofeto si yeyedzago gu khiso khu mani pfhumu ya wuronga ni pfhumu ya marandzi gukhugeya khu 1870 si hongola kala 1918 ni matshiguni yathu.
  • Kwadru 1, yo yeyedza siprofeto si khugeyago khu 1870 si hongola kala 1918 ni matshiguni nya guhegise. Gukhugeya khu 1914 kala muhuno go tidwa nari matshigu nya guhegise. Giprofeto 1: Girengo nya livbandre nya mivili mihungo gi dugeledego na gu si vbohi mwaga wu gomogo avba nya kwadru. Ndrani nya Nyimbi nya Wuvili nya Mafu yatshavbo, girengo nya livbandre na mivili mihungo gi bayiswa. Khu 1917 guya mbeli, girengo nya livbandre na mivili mihungo gya gu hawuluga gi bwe gi pheledza gu manega. Giprofeto 2: Gu tivega pfhumu ya wuronga ni pfhumu ya marandzi khu 1870. Pfhumu ya wuronga yi pheledza gu manega khu 1871 Alemanha. Gupheyani pfhumu ya marandzi yi di gu tidwa kha nga Grã-bretanha ganiolu khu 1917 yi di tshikedzwa khu Mufumo nya Tshivba nya Anglo-Amerika. Giprofeto 3: Gukhugeya khu myaga nya 1870, Charles T. Russell ni vaphasedzeyi vaye va tidwa kha nga ‘girumwa.’ Khu myaga nya 1880 ‘Zion’s Watch Tower’ yi di kutsa valeri vayo gu tshumayela mahungu nya yadi. Giprofeto 4: Gukhugeya khu 1914 guya mbeli, yi pheya nango nya guvbwere. Nyasavare a hambaniswa ni tirigu. Giprofeto 5: Gukhugeya khu 1917 guya mbeli, gupheya gu fuma migondro nya githombe yi wumbwago khu simbi ni libumba. Simbe si yeyedzwago: Sigiro nya mafu gukhugeya khu 1914 kala 1918, Nyimbi nyo Pheye nya Mafu yatshavbo. Sigiro si khuhago sithumi sa Jehovha: Gukhugeya khu 1914 kala 1918, Sihevbuli nya Bhibhiliya si khothedwa tigoni ga Grã-bretanha ni Alemanha. Khu 1918, vandriyathu va tsindza gwathu Estados Unidos va khothedwa.
    Giprofeto1.

    Milowo: Gutu. 11:7; 12:13, 17; 13:1-8, 12

    Giprofeto: “Girengo” gi ngu fumeya vathu mafuni ndrani nya myaga yi vbindrago 3000. Matshiguni nya guhegise, hungo wagyo nya livbandre na mivili wu bayiswa. Khu gu gimbiya nya tepo, hungo wowo wu hawulugiswa, khavbovbo “litigo latshavbo” li landreya girengo. Sathane a gu thumisa girengo gyogyo gasi gu “wugela avo va . . . tshadego.”

    Gutadzisega gwagyo: Hwane nya ndrambi gu di pheya gu manega mifumo nya vathu yi nga ba yi wugeya Jehovha. Hwane nya mazanazana myaga, ndrani nya Nyimbi nyo Pheye nya Mafu yatshavbo, mufumo wa Grã-bretanha wu di vbeya tshivba. Wu pheledzide gu manega ni tshivba tepo wu nga patana ni Estados Unidos. Matshiguni nya guhegise, Sathane a gu thumisa yatshavbo mifumo nya mafu gasi gu wugeya sithumi sa Nungungulu.

  • Giprofeto2.

    Lowo: Dhan. 11:25-45

    Giprofeto: Matshiguni nya guhegise pfhumu ya wuronga ni pfhumu ya marandzi dzi ngu dwanisana khu kotani nya wufumu.

    Gutadzisega gwagyo: Mufumo wa Alemanha wu di dwanisana ni mufumo nya Anglo-Amerika. Khu 1945, União Soviética ni vaphasedzeyi vaye va di khala pfhumu ya wuronga. Khu 1991 mufumo wa União Soviética wu di tshungunuga, khu gu gimbiya nya tepo Rússia ni vaphasedzeyi vaye va di khala pfhumu ya wuronga.

  • Giprofeto3.

    Milowo: Isa. 61:1; Mal. 3:1; Luka 4:18

    Giprofeto: Jehovha a di rumeya girumwa gyaye gasi guya “dongisela ndzila” na wu si emiswi Mufumo wa Mesiya. Girumwa gi pheya gu “huwelela mahungu maphya” ga va nya gurula.

    Gutadzisega gwagyo: Gukhugeya khu 1870, ndriyathu Russell ni vaphasedzeyi vaye va di thuma khu sighingi gasi gu tshamuseya esi Bhibhiliya yi si ganeyago. Khu 1881 va di tugula gu khavo si na ni lisima ngudzu gu sithumi sa Nungungulu si tshumayela. Avo va di dusa dzindrima nya nga edzi, “Precisam-se 1.000 pregadores” ni “Ungidos para pregar.”

  • Giprofeto4.

    Lowo: Mat. 13:24-30, 36-43

    Giprofeto: Mwama moyo a di yala tirigu thembweni. Khu hwane, guta nala a ta yala nyasavare. Nyasavare wu di dandra wu fenengedza tirigu. Teponi nyo vbwere nyasavare wa gu hambaniswa ni tirigu.

    Gutadzisega gwagyo: Gukhugeya khu 1870, guhambana vbakari nya maKristo nya lisine ni maKristo nya malipha gu di engedzeya gu wonega ngudzu. Ndrani nya matshigu nya guhegise, maKristo nya lisine ma ngu tshanganiswa libandlani ma bwe ma hambaniswa ni maKristo nya malipha.

  • Giprofeto5.

    Lowo: Dhan. 2:31-33, 41-43

    Giprofeto: Mawundru ma wumbidwego khu simbi ni libumba ma gu gira gipandre nya githombe.

    Gutadzisega gwagyo: Libumba lo emeya vathu nyo olovelege va fumedwago khu Grã-bretanha ni Estados Unidos va wugeyago mifumo yoyo. Khu kotani nya vathu vovo, mifumo yoyo kha yi si kodzi gu fuma khu tshivba nga khatshi i simbi.

  • Kwadru 2, yo yeyedza gutadzisega nya siprofeto matshiguni nya guhegise gukhugeya 1919 kala 1945. Alemanha a khala pfhumu ya wuronga kala 1945. Mufumo nya Tshivba nya Anglo-Amerika wu khala uwo pfhumu ya marandzi. Giprofeto 6: Khu 1919, maKristo ma todzidwego ma tshanganiswa libandlani li wusedzidwego. Gukhugeya 1919 guya mbeli thumo nyo tshumayele wu engedzeya. Giprofeto 7: Khu 1920, gu wumbwa Liga das Nações yi bwe yi simama kala yi pheya Nyimbi nya Wuvili nya Mafu yatshavbo. Simbe si yeyedzwago: Giprofeto 1, girengo nya livbandre na mivili mihungo gi simama. Giprofeto 5, migondro yi wumbwago khu libumba ni simbi yi simama. Silo si giregidego mafuni gukhugeya khu 1939 kala 1945, Nyimbi nya Wuvili nya Mafu yatshavbo. Sigiro si khuhidego vathu va Jehovha: Gukhugeya khu 1939 kala 1945 tigoni ga Alemanha gu khothedwe Dzifakadzi dzi vbindrago 11 000. Gukhugeya khu 1939 kala 1945, Grã-bretanha a khotheya tanga nya 1600 Dzifakazi. Gukhugeya khu 1940 kala 1944 tanga nya 2500 vathu va wugeya Dzifakazi Estados Unidos.
    Giprofeto 6.

    Lowo: Mat. 13:30; 24:14, 45; 28:19, 20

    Giprofeto: Tirigu yi hengeledzedwa gisangalani gu emiswa ‘githumi nya gu tumbege ni nya gu gengeye’ gasi gu khathaleya sithumi sa Nungungulu. Mahungu nya yadi nya Mufumo wa Nungungulu ma pheya gu “huweledwa tigoni gwatshavbo.”

    Gutadzisega gwagyo: Khu 1919 gu di emiswa githumi nya gu tumbege ni nya gu gengeye gasi gu thangeya vathu va Nungungulu. Gukhugeya khu tepo yoyo Sihevbuli nya Bhibhiliya si di engedzeya gu tshumayela. Muhuno Dzifakazi dza Jehovha dzi ngu tshumayela mayigoni ma vbindrago 200 dzi bwe dzi dusa mabhuku ma seketedwago omu nya Bhibhiliya khu malimi ma vbindrago 1000.

  • Giprofeto 7.

    Milowo: Dhan. 12:11; Gutu. 13:11, 14, 15

    Giprofeto: Girengo nya dzikheho dzimbili gi ruma vathu mafuni gu gira “gifananiso nya gudhumise girengo” gi bwe gi ninga “hefemulo gifananiso nya girengo.”

    Gutadzisega gwagyo: Mufumo nya Anglo-Amerika wu pheya gu wumba Liga das Nações. Khu 1926 kala 1933, pfhumu ya wuronga niyo yi di pheya gu gira gipandre nya Liga das Nações. Vathu va di khodwa gu khavo Liga das Nações yi di hadzi si kodza gu resa gurula mafuni narigu igyogyo gilo gi na kodzwago basi khu Mufumo wa Nungungulu. Vathu va ngu khodwa gambe gu khavo Nações Unidas (ONU) a na si kodza gu resa gurula mafuni.

  • Kwadru 3, yo yeyedza gutadzisega nya siprofeto matshiguni nya guhegise gukhugeya khu 1945 kala 1991. União Soviética ni vaphasedzeyi vaye va khala pfhumu ya wuronga khu 1991, khu hwane gwayo gu ta khala Russia ni vaphasedzeyi vaye. Mufumo nya Tshivba nya Anglo-Amerika wu khala uwo Pfhumu ya marandzi. Giprofeto 8: Wutshi nya wungi wu giridwego khu bhomba wu tshamuseyago gutshungunudwa nya gukhongolo gu vangidwego khu Mufumo nya Tshivba nya Anglo-Amerika. Giprofeto 9: Khu 1945 gu wumbwa Nações Unidas a nga tshikedza Liga das Nações. Simbe si yeyedzwago: Giprofeto 1, girengo nya livbandre na mivili mihungo gi simama. Giprofeto 5, migondro yi wumbidwego khu libumba ni simbi yi simama. Giprofeto 6, khu 1945 guya mbeli gu manega 156 000 vahuweleyi ni guvbindra. Khu 1991 gu manega vahuweleyi va vbindrago 4 278 000. Sigiro si khuhago sithumi sa Jehovha: Gukhugeya khu 1945 kala omu nya myaga nya 1950, União Soviética a rumeya mazanazana nya Dzifakazi Sibéria.
    Giprofeto 8.

    Lowo: Dhan. 8:23, 24

    Giprofeto: Pfhumu nya gu thise yi na “wusa vhilinganya nya gusamadzise.”

    Gutadzisega gwagyo: Mufumo nya Anglo-Amerika wu ngu songa vathu nya vangi ngudzu wu bwe wu tshungunula silo nya singi. Khu giyeyedzo, ndrani nya nyimbi nya wuvili nya mafu yatshavbo Estados Unidos rinyide dzibhomba dzimbili nya tshivba ngudzu ga litigo li gu nala nya mufumo nya Anglo-Amerika. Dzibhomba dzodzo dzi songide vathu nya vangi ngudzu.

  • Giprofeto 9.

    Milowo: Dhan. 11:31; Gutu. 17:3, 7-11

    Giprofeto: “Girengo nya gufuvile” gi gu ni likhumi dzikheho gi di duga khu phalani nigu igyo khigyo pfhumu nya livbandre na wuraru. Libhuku la Dhaniyeli lo tshamuseya pfhumu yeyi kha nga “manyala nya guthise” ma resago gumbembisa.

    Gutadzisega gwagyo: Ndrani nya Nyimbi nya Wuvili nya Mafu yatshavbo Liga das Nações yi di thega. Hwane nya nyimbi yoyo gu di emiswa ONU. Gufana ni Liga das Nações, vathu va gu khodwa gu khavo ONU a na si kodza gu gira silo si na kodzwago basi khu Mufumo wa Nungungulu. ONU a na wugeya wukhongeyi.

  • Kwadru 4, yo yeyedza gutadzisega nya siprofeto matshiguni nya guhegise gupata ni matshiguni yathu kala nyimbini nya Harimagedhoni. Russia ni vaphasedzeyi vaye va khala pfhumu ya wuronga. Mufumo nya Tshivba nya Anglo-Amerika wu khala pfhumu ya marandzi. Giprofeto 10: Dzipfhumu nya mafu dzi huweleya gurula ni gukhadzisega. Khu hwane nya isoso, gu pheya tshanisa nya yikhongolo. Giprofeto 11: Mayigo ma wugeya dzihengeledzano nya wukhongeyi nya malipha. Giprofeto 12: Mifumo nya mafu yi wugeya sithumi sa Nungungulu. Ava va todzidwego va tshadego va hongola ndzadzini. Giprofeto 13: Harimagedhoni. Oyu a khadego avba nya kavhalu nya guage a vbedzisa gupala gwaye. Girengo nya livbandre na mivili mihungo gi fuviswa; githombe nya gikhongolo gi tshungunudwa khu migondroni gwagyo nya libumba ni simbi. Simbe si yeyedzwago: Giprofeto 1, girengo nya livbandre na mivili mihungo gi simama kala teponi nya Harimagedhoni. Giprofeto 5, migondro nya simbi ni libumba yi simama kala teponi nya Harimagedhoni. Giprofeto 6, muhuno gu na ni vahuweleyi va vbindrago 8 580 000. Sigiro si khuhago sithumi sa Jehovha: Khu 2017, mufumo wa Russia wu khotheya Dzifakazi wu bwe wu wandra Bheteli.
    Giprofeto 10 ni 11.

    Milowo: 1 Tes. 5:3; Gutu. 17:16

    Giprofeto: Mayigo ma huweleya gu khayo “litigo li lade mwendro gu rude, gu mwalo gilo,” nigu “likhume dzikheho” ni “girengo” si wugeya “nyamayi nya gibhayi” va mu tshungunula. Hwane nya isoso mayigo ma na tshungunudwa.

    Gutadzisega gwagyo: Mayigo ma na huweleya gu khayo ma kodzide gu resa gurula ni gukhadzisega mafuni. Khu gulandreya ONU a na fuvisa dzihengeledzano nya wukhongeyi nya malipha. Ugogo gu na ba guri gupheya nya tshanisa nya yikhongolo. Tshanisa yoyo yi na vbeya tepo Jesu a na fuvisago litigo la Sathane nyimbini nya Harimagedhoni.

  • Giprofeto 12.

    Milowo: Ezek. 38:11, 14-17; Mat. 24:31

    Giprofeto: Gogi a na dhumeya litigo la vathu va Nungungulu. Khu gulandreya dzingilozi dzi hengeledza ava va hathidwego.

    Gutadzisega gwagyo: Pfhumu ya wuronga ni yimbe mifumo nya mafu va na wugeya vathu va Nungungulu. Gitepwana hwane nya gu ba gu phede guwugedwa gogu, vale va todzidwego va na gu ba va ngo tshade mafuni va na hongola ndzadzini.

  • Giprofeto 13.

    Milowo: Ezek. 38:18-23; Dhan. 2:34, 35, 44, 45; Gutu. 6:2; 16:14, 16; 17:14; 19:20

    Giprofeto: Oyu a nga ba a khilede “kavalu nya guage” a gu pala nyimbini khu gu ya mbembisa Gogi ni masotshwa yaye. “Girengo” gi “rinywa . . . tsivani nya nilo” khavbovbo giwindri gi khungumula githombe nya gikhongolo.

    Gutadzisega gwagyo: Jesu, Pfhumu nya Mufumo wa Nungungulu yi fumago a na vbulugisa vathu va Nungungulu. Jesu gumogo ni ava nya 144 000 ni dzingilozi va na fuvisa mayigo yatshavbo ma wugeyago vathu va Nungungulu. Ugogo gu na ba guri gumbembiswa nya litigo la Sathane.

    Mabhuku khu Gitonga (2002-2025)
    Duga
    Beya
    • Gitonga
    • Rumeya
    • Esi u si tsakeyago
    • Copyright © 2025 Watch Tower Bible and Tract Society of Pennsylvania
    • Nayo nya mathumiselo
    • Nayo nya sihalo
    • Privacy Settings
    • JW.ORG
    • Beya
    Rumeya