Vathu nyo tumbege va ngu tadzisa situmbiso sawe

Leri Valamuli 11:30-40 u bwe u wona giyeyedzo nya gyadi hi vegedwego khu Jefiti ni gyanana gyaye maningano ni gu tadzisa esi hi tumbisidego.

Gevisisa mongo. Vaisrayeli nyo tumbege va di gu dzipwa kharini khu situmbiso va giridego ga Jehovha? (Mite. 30:2) Jefiti ni gyanana gyaye va yeyedzide kharini gu khavo va di gu khodwa ga Jehovha? — Val. 11:9-11, 19-24, 36.

Gira wugevisisi nyo ete. Ginani egi Jefiti a tumbisidego Jehovha, nigu a di gu vbweta gu ganeya ginani khu isoso? (Mukhedziseyi 04.16 paj. 7, par. 12) Silo muni Jefiti ni gyanana gyaye va giridego gasi gu tadzisa gitumbiso va giridego? (Mukhedziseyi 04.16 dzipaj. 7-8, dzipar. 14-16) Situmbiso muni Makristo ma ga girago muhuno? — Mukhedziseyi 04.17 dzipaj. 5-8, dzipar. 10-19, khu giputukezi.

Dundrugeya khesi u si hevbudego. Dzi wudzise gu khuwe:

• ‘Ginani gi na nyi phasago gu tadzisa gitumbiso gyangu nyi giridego nya gu thumeye Jehovha kala gupindruga?’ (Mukhedziseyi 03.20 paj. 13, par. 20)

• ‘Silo muni nyi nga dzi hiyago gasi gu gira nya singi thumoni ga Jehovha?’

• ‘Ginani gi na nyi phasago gu simama ni gitumbiso nyi giredego pari yangu nya wugadzi tepo hi nga tshadha?’ (Mat. 19:5, 6; Efes. 5:28-33)