U ngu li ninga lisima Lito la Nungungulu?

Bhibhiliya yi na ni mapimo ni malito ya Jehovha Nungungulu, a gu mutumbunusi nya libhuku leli nyo age. (2Pe 1:20, 21) Bhibhiliya yi ngu si vega gu agani gu khiyo Jehovha a gu yeyedza gu khuye, khuye yenga a gu ni fanelo nyo fume nigu a na thumisa Mufumo waye gasi gu vbindrugedza mafu ma khala pharadhesi. Khu kharato, hatshavbo hi nga vireya wumindru wowo nyo tsakise. Iyo gambe Bhibhiliya yi ngu hi yeyedza edzi Jehovha, Papayi wathu wa ndzadzini a gu ni lihaladzo khidzo. — Ndz 86:15.

Moyo ni moyo gwathu na ni gighelo nyo hambane gi mu girago a ninga lisima Lito la Jehovha. Ina ka, hi ngu yeyedza gu khethu hi ngu ninga lisima giningwa gegi khu gu hi leri Bhibhiliya tshigu ni tshigu ni gu bwe hi thumisa esi hi leridego guvbanyani gwathu? Ha gu vbweta gu khethu mavbanyelo yathu ma fana nedzi muembi nya dzindzimo a dzipwidego khidzo, tepo a nga khuye: “Idzo nyi wu golago khidzo nayo wago!” — Ndz 119:97.

WONA VHIDHIYU YI GU KHIYO, AVO VA NINGIDE LISIMA BHIBHILIYA — GIPANDRE (WILLIAM TYNDALE), KHU GU LANDREYA U HLAMULA SIWUDZISO SESI:

• 

  Khu ginani William Tyndale a vbindrugedzedego sipandre nya Bhibhiliya?

• Khu ginani gudzigaradza gwaye nyo vbindrugedzeye Bhibhiliya gu samadzisidego?

• Dzikopiya nya Bhibhiliya ya Tyndale dzi vbohisidwe kharini Inglaterra khu gisihaledza?

• Moyo ni moyo wathu a nga yeyedza kharini gu khuye a ngu ninga lisima Lito la Nungungulu?