Thumisa dzivhidhiyu ni sithombe guhevbudzani

Genesi 15:5

ESI U YEDEGO GU GIRA: Thumisa silo nyo wonege nya nga dzivhidhiyu ni sithombe gasi gu tshingisa matshina nya gisekelo nya esi u hevbudzago, u bwe u phasa vaengiseyi vago gu si dundruga gambe ni gambe.

MAGIRELO YAKONA:

• Hatha silo nyo wonege si na tshingisago sihevbudzo sago. Tepo u vegago ganelo u nga thumisa dzifoto, dzikwadru, mapa ambari dzitepo gasi gu tshingisa matshina nya gisekelo nya lisima, nasiri silo nya mba phasa gilo. Wo ba uri thumoni nya gutshumayele, u nga thumisa dzivhidhiyu gasi gu gira sasimweso. Phasa vaengiseyi gu dundruga litshina nya gihevbudzo, nasiri silo nyo wonege va si wonidego.

• Tiyisega gu khuwe silo nyo wonege u si thumisago si ngu wonega gwadi ga vaengiseyi gani.