2 Kubelekelaamwi

CHAMBAANZI?

Mwaalumi amukayintu babelekelaamwi mulukwatano bali mbuuli sikweenzya ndeke awumugwasya, bali amakanze aakozyenie. Nikuba chiindi nibaswaana mapenzi, boonse babelesya mabala aakuti “iswe” kutali kuti “ime.”

NZILYAAMBA BBAYIBBELE: “Lino tabacili bobile pe, baba nyama yomwe.”—Matayo 19:6.

“Lukwatano teelwamuntu omwe. Mwaalumi amukayintu beelede kubelekelaamwi kuti lukwatano lwabo luzwidilile.”—Christopher.

NKAMBOONZI NIKUYANDIKANA?

Kuti kwaba kutamvwanana, bakwetene batabelekelaamwi bayanduula wabisya mulukwatano kutali kumana penzi. Eezi zilakonzya kupa kuti twaambo tuniini tube twaambo tupati.

“Kubelekelaamwi kulayandikana kuti lukwatano luzwidilile. Kaansinga ime amulumaangu tatubelekelaamwi nikuli tuli bantu babili bakkala aamwi pesi batagwasyanyi mukusala zintu ziyandikana.”—Alexandra.

NZUKONZYA KUCHITA

LILANGE-LANGE

• Mali njitujana ndiyibona kayili “yangu na andikke”?

• Kuti kandiyanda kulyookezya, ndiyandisya kuba kule na angundikwetenaawe?

• Nditondeezya kuti tandiziyandi na zibbululu zyangundikwetenaawe, nikuba kuti we ulaziyanda?

WAMBUUZYANIA MIBUZYO IITOBELA ANGUKWETENAAWE

• Nziizili zintu nzituchita mulukwatano lwesu zitondeezya kuti tubelekelaamwi?

• Tweelede kubambululaali?

• Tweelede kuchitaanzi kuti tubelekelaamwi?

ZIKONZYA KUMUGWASYA

• Atuteedi muli kusaana chisobano cha-tennis mpawo muli mumatimu aasiyene angukwetenaawe, kujana mwachita biyeni kuti mube mutimu iimwi?

• Muchiindi chakwaamba kuti ‘Kujana ndachita biyeni kuti ndizunde?’ weelede kwaamba kuti ‘Kujana twachita biyeni kuti tuzunde?’

“Tamweelede kuyanduula wabisya. Kuyeeya oobo takupi kuti mulukwatano kube luumuno akujatana.”—Ethan.

NZILYAAMBA BBAYIBBELE: “Tamweelede kuyeeya kuligwasya nubeni luzutu, pe, umwi aumwi uleelede kwiingasila kugwasya mweenzinyina.”—BaFilipi 2:3, 4.