Kudilowa Kulakonzya Kukugwasya Kuti Utalubi

Teekuuba pe chiindi choonse kuti tuyeeye zintu nzitwali kubala. Pesi nkuuba kuti tuyeeye zintu Jesu nzyaakali kuyiisya akaambo kakuti wakali kubelesya zikozyano. Tulakonzya kuzibona kazilikuchitika mumizeezo yesu zintu eezyo nzyaakali kuyiisya. Alubo zitugwasya kuti tutazilubi. Munzila iikozyenie, tulakonzya kuziyeeya zintu nzitwali kubala kuti tweezya kuzibona mumizeezo yesu. Kujana twazichita biyeni? Kwiinda mukudilowa zifanikisyo chiindi nituli kubala.

Bantu badilowa zifanikisyo zyazintu zipya nzibayiya, chiindi chiingi tabazilubi pe zintu eezyo. Kudilowa zifanikisyo kubagwasya kuti batabikkili maanu kumabala kupela pesi kuti babikkile maanu kutwaambo tupati ntubanooli bajana. Zifanikisyo zyabo tazikwe zintu zyiingi, nzyuuba. Kudilowa zifanikisyo kulakonzya kugwasya, ikapati bantu bakomena kuti batalubi nzibayiya.

Muchiindi chitobela nimwanoobala akuyanduulisisya, amweezye kudilowa zifanikisyo zyazintu nzimunooli mwayiya. Mulakonzya kuzoogamba kuti munooziyeeyede zintu nzimutanooli mwayiya.