Fwida Bamwi Luzyalo
Penzi
Kuti wakkala kuyeeya atala ambusiyene abamwi bantu zilakonzya kupa kuti ubonaanga bantu aabo tabali kabotu pe. Alubo zilakonzya kupa kuti ubalangile aansi bantu basiyene anduwe. Kuti waba amaboneno aaya atali kabotu atala abamwi kuyookuyumina kubafwida luzyalo. Kutabafwida luzyalo bamwi nchitondeezyo chakuti ulasaluula.
Nzilyaamba Bbayibbele
“Amukondwe abaabo bakondwa; amulile abaabo balila.”—BAROMA 12:15.
Zyaambaanzi? Mubufwiifwi lugwalo oolu lwaamba kuti, fwida bamwi luzyalo. Luzyalo nkulibikka muchiimo chawumwi muntu akulimvwa mbuli mbalimvwa.
Mbukugwasya Kufwida Bamwi Luzyalo
Kuti twamufwida luzyalo umwi muntu zipa kuti tubone kuti tufanana biyeni anguwe. Alubo tulakonzya kubona kuti ulimvwa mbuli mbutulimvwa akuti nzituchita zileendelana. Luzyalo lutugwasya kubona kuti bantu boonse kazitakwe ndaba akuti mbamusyoboyi, bakazwa kumuntu uumwi. Kuti twakkala katulangisisya kuti tufanana biyeni abamwi bantu zipa kuti tutabasaluuli pe.
Luzyalo lulakonzya kutugwasya kuti tubalemeke bamwi. Anne-Marie uzwa kuSenegal wakali kubasaluula bantu bamusyobo wakali kulangililwaansi. Wakaamba mbukwakamugwasya kubafwida luzyalo, wakati: “Chiindi nindakabona buyumu-yumu mbubakali kuswaana bantu bamusyobo ulangililwaansi, ndakalibuzya kuti ndalikunoomvwa biyeni kaansinga ndime nindili muchiimo chabo. Eezi zyakapa kuti ndibone kuti tandisumpukide pe kwiinda bantu aaba nkaambo takwe nzindakachita pe zyakapa kuti ndibe wamusyobo ubonekaanga ulisumpukide.” Kuti tweezya kumvwisisisya buyumu-yumu mbubaswaana bamwi zipa kuti tubafwide luzyalo kutali kwaambuula zintu zitali kabotu atala ambabo.
Nzweelede Kuchita
Utalangi mbumusiyene pesi yezya kubona kuti mufanana biyeni abantu bamusyobo ngulangilaansi. Muchikozyano, yeeya kuti bamvwa biyeni kuti:
Luzyalo lutugwasya kubona kuti bantu boonse bakazwa kumuntu uumwi.
kabali kulyaamwi ampuli zyabo
bamaninsya kubeleka mulimu muyumu ngubali kubeleka buzuba boonse
kabalaamwi abeenzinyina
kabali kuswiilizya nyimbo nzibayandisya loko
Mpawo libikke muchiimo chabo. Libuzye kuti:
‘Ndayinoomvwa biyeni kuti umwi muntu wapa kuti ndilimvwe kanditagwasyi?’
‘Ndayinoomvwa biyeni kuti bamwi bantu baamba zintu zitali kabotu atala andime kabatandizi pe?’
‘Kaansinga ndali wamusyobo ooyo, ndayinooyanda kuti bantu bandijate biyeni?’