LIPEDE KUMULIMU WAKUKAMBAWUKA | ZIKONZYA KUKUGWASYA KUTI UBOTELWE MUMULIMU WAKUKAMBAWUKA
Ba Aaluzyalo
Kuba aaluzyalo chaamba kweezya kumvwisisisya nzibayeeya, mbubalimvwa anzibayanda bamwi. Bamwi balakonzya kuzibona kuti tulaaluzyalo na naakuti pe. Kuti katulaachiyandisyo chakubagwasya bamwi, tuyoobafwida luzyalo. Kuti katubatondeezya luzyalo bamwi mumulimu wakukambawuka, nga tulikutobelezya chikozyano chaJehova chakuba aaluyando akubaandaba abamwi. Eezi ziyoopa kuti bantu bayande kuswena afwiifwi aJehova.—Flp 2:4.
Tatujinkili aakutondeezya kuti tulaaluzyalo chiindi nitulikwiiya aabantu luzutu pesi tutondeezya luzyalo kwiinda mukuswiilizya bamwi nibalikwaambuula. Alubo tulalutondeezya kunzila njitwambuulaayo ambutuchita kumeso bamwi nibalikwaambuula. Tutondeezya kuti tulaaluzyalo kwiinda mukutondeezya kuti tulaandaba abamwi. Tubikkila maanu kuzintu nzibayandisya, nzibasyoma azyiimo zyabo. Tubabuzya makani aabagwasya pesi tatubamanikizyi pe kuti bachinche. Kuti bantu mbitukambawukila batuswiilila, nga twabotelwa loko.
AMWEEBELE KAVIDIYO KATII, KUYIISYA BANTU KUTI BABE BASIKWIIYA KUPA KUTI TUBOTELWE—ZINTU NZUKONZYA KUCHITA MUKUKAMBAWUKA—BA AALUZYALO, KUZWA WAAWO, MUSANDULE MIBUZYO IITOBELA:
Neeta wakatondeezya biyeni kuti ulaaluzyalo chiindi Maluba naakanonoka?
Neeta wakatondeezya biyeni kuti ulaaluzyalo chiindi Maluba naakaamba kuti batayiyi pe akaambo kakuti ulikataazikane?
Kuti bantu twabatondeezya luzyalo, nga babaachiyandisyo chakukomba Jehova
Neeta wakatondeezya biyeni kuti ulaaluzyalo chiindi Maluba naakalyaamba kuti tabambikene pe?