CHIPAANZI 3

Ino Bwakali Biyeni Buumi muParadaiso?

Jehova wakapa Adamu aEva zintu ziingi zibotu. Matalikilo 1:28

Jehova wazwa kulenga Eva akumutola kuli Adamu

Jehova wakabumba Eva mwanakazi wakusanguna, akupa Adamu kuti abe mwanakazi wakwe.—Matalikilo 2:21, 22.

Jehova wakabalenga kabala mizeezo amibili imaninide, itakwe kampenda.

Adamu aEva balikulanga muunzi wabo waParadayizi

Muunzi wabo waParadaiso wakali muunda waEdeni. Bwakali busena bweebeka loko, oomo mwakali mulonga amisamu yamicelo alimwi abanyama.

Jehova wakabayiisya kwiinda mukwambulaabo. Ansinga bakamuswiilila niinga bakapona akutamani muParadaiso anyika.

Kwakali musamu omwe Leza ngwakabakasya kulya micelo yawo. Matalikilo 2:16, 17

Musamu uli mumunda Jehova ngwaakabuzya Adamu aEva kuti batawulyi pe

Umwi wabangelo wakapapila Leza. Ooyo mungelo mubi nguSaatani Diabolosi.

Mungelo mubi Saatani ulikubelesya nzoka kwaambuula aEva

Jehova wakatondezya Adamu aEva musamu omwe wamicelo wakali mumuunda. Wakabaambila kuti tabeelede kuulya, nkaambo kuti bawulya balafwa.

Saatani takayanda pe kuti Adamu aEva baswiilile Jehova. Aboobo, wakabelesya nzoka kwaambila Eva kuti alya mucelo wamusamu ooyo takalikunofwa pe, pesi wakali kuzooba mbuli Leza. Ooko kwakali kubeja.—Matalikilo 3:1-5.