Bakatebulanzi Nibakaswiilila Saatani?

Adamu aEva bakafwa nkaambo tibakamuswiilila pe Leza. Matalikilo 3:6, 23

Eva wakaswiilila nzoka, aboobo wakalya mucelo. Kuzwaawo wakapa Adamu umwi mucelo mpawo alakwe wakalya.

Ncibakacita tecakeelede​—cakali cibi. Akambo kaako, Leza wakabaanda mumunzi wabo waParadaiso.

Buumi bwakabayumina abana babo. Mukuya kwaciindi, bakacembala alimwi bakafwa. Tibakayinka kunyika yamizimu, pesi tebakaciliko pe.

Bafwide tabakwe buumi mbuli bulongo. Matalikilo 3:19

Toonse tulafwa akambo kakuti twakazwa kuli Adamu aEva. Bafwide tabakonzyi kubona naa kumvwa, nikuba kucita cimwi cintu.​—Mukambausi 9:5, 10.

Tikwakali kuyanda kwaJehova ikuti bantu kabafwa. Lino-lino uyoobusya balede mulufu. Ikuti bakamuswiilile, bayoopona akutamani.