Utaleki Pe

Malayilile: “Bakayinkilila kunembo kabataleki pe kuyiisya akwaambilizya makani mabotu.”—Mil. 5:42.

Nzyaakachita Pawulu

Mwaapostoli Pawulu ulikukambawuka makani mabotu kukabunga kabantu bali mugilawundi.

KAVIDIYO: Pawulu Taakaleka Pe Kugwasya Bantu baku-Efeso

1. Yebela KAVIDIYO naakuti ubale Milimu 19:8-10, mpawo ulange-lange mibuzyo iitobela:

Pawulu wakayinkilila biyeni kunembo kugwasya bantu bakali aachiyandisyo nikuba kuti wakali kukazigwa?
Pawulu wakababweedela kwaziindi zingane kuti akabayiisye aabo bakali aachiyandisyo alubo wakazichita kwachiindi chilamfu biyeni?

Twiiyaanzi Kuzwa Kuli Pawulu?

2. Tweelede kujana chiindi akubeleka changuzu kuti tubweedele bantu bakatondeezya chiyandisyo akusaanguna kwiiyaabo Bbayibbili.

Tobelezya Pawulu

3. Swaya muntu aachiindi najanika. Libuzye kuti: ‘Ndiilili nindeelede kumufoonena muntu ooyu? Ndiilili alubo nkuukuli nkwakonzya kuzumina kuti tuzooyiye?’ Muswaye aachiindi najanika nikuba kuti chiindi nchaawamba tacheendelani pe achako.

4. Mwaambuuzyanie chiindi nutazoomuswaye lubo. Chiindi choonse nimwamana kwiiya, buzya chiindi naangunukide kuti uzoomuswaye lubo. Toyelede kuleka pe kwiinka buzuba achiindi nchimwazuminana.

5. Bona bubotu mubantu. Utayeeyi kuti muntu takwe chiyandisyo akaambo kakuti tajaniki-janiki pe aang’anda naakuti chiindi chiingi ukkala kalibbizi. (1 Kor. 13:4, 7) Utaleki pe kumuyanduula muntu ooyo, pesi baachoonzyo chakuti ulikuchibelesya kabotu chiindi chako.—1 Kor. 9:26.

ALUBO LANGA

Mil. 10:42; 1 Kor. 9:22, 23; 2 Kor. 4:1; Gal. 6:9