INTEMBAUZYO
BBUKU LYAKUSAANGUNA
(Intembauzyo 1-41)
1 Ulikkomene muntu uuteendi kweelana alulayo lwababi,
Uutaimi munzila yabasizibi+
Alimwi uutakkali mucikkalilo cabasikufwubaazya.+
3 Uyooba mbuli cisamu cisimpidwe kumbali aatulonga twamaanzi,
Icisamu cizyala micelo muciindi ceelede,
Icijisi matuvwu aataneti.*
Zyoonse nzyacita ziyoozwidilila.+
4 Ibabi tabali boobu pe;
Bali mbuli buungu bupepululwa amuwo.
5 Nkakaambo kaako ibabi tabakazumanani kwiima nji mulubeta;+
Nobaba basizibi tabakazumanani kwiima nji mumbungano yabalulami.+
Kuti balwane Jehova amunanike wakwe.*+
3 Baamba kuti: “Atudunsaule nsimbi zyabo
Akusowa ntambo zyabo!”
4 Ooyo uukkede acuuno cabwami kujulu uyooseka;
Jehova uyoobaweela.
5 Aciindi eeco uyoobaambila cabukali
Alimwi kanyemede kapati uyoobayoosya,
6 Kaamba kuti: “Mebo lwangu, ndabikka mwami wangu+
Acilundu cangu cisalala ca Ziyoni.”+
8 Kondilomba, eelyo ndilakupa masi kuti abe lukono lwako
Alimwi anyika yoonse kuti ibe lubono lwako.+
11 Amumubelekele Jehova cakuyoowa,
Alimwi amukondwe akukankama.
12 Amumulemeke* mwana,+ buyo-buyo Leza ulakalala
Aboobo mulaloba munzila,+
Nkaambo bukali bwakwe bubuka buyo.
Balikkomene aabo boonse ibayuba mulinguwe.
Lwiimbo lwa Davida naakali kutija Abisalomu+ imwanaakwe.
3 O Jehova, nkaambo nzi basinkondoma ncobavwula boobu?+
Nkaambo nzi bantu banji ncobandibukila akundilwana?+
2 Bantu banji bandaamba kuti:
“Leza takoomufwutula pe.”+ (Sela)*
7 Nyamuka, O Jehova! Kondivwuna,+ O Leza wangu!
Nkaambo yebo ulabauma kumweebo basinkondoma boonse;
Ulatyola meno aababi.+
Kumweendelezi wanyimbo; lwiimbo lwiimbwe atuntimbwa.
Lwiimbo lwa Davida.
4 Nendiita, kondivwiila O Leza wangu uululeme.+
Kondivwuna* mumapenzi aangu.
Kondifwida luzyalo akumvwa mupailo wangu.
2 Nywebo nobana babantu, ino mulandisampaula kwaciindi cilamfwu buti mebo ndemulemu?
Ino mulazumanana kuyanda zintu zyabuyo akuyandaula twaambo twakubeja kwaciindi cilamfwu buti? (Sela)
6 Bantu banji babuzya kuti: “Ino nguni utiitutondezye bubotu?”
Kotumunika amumuni wabusyu bwako, O Jehova.+
7 Yebo wapa kuti moyo wangu ukondwe kapati
Kwiinda mbobakkomana aabo batebula maila manji alimwi ibajisi waini mupya munji.
Kumweendelezi wanyimbo ya Nehiloti.* Lwiimbo lwa Davida.
5 Koswiilila majwi aangu, O Jehova;+
Komvwa kutongela kwangu.
2 Kondimvwa nendikwiila kuti ndigwasyigwe,
O Mwami wangu alimwi Leza wangu, nkaambo ndipaila kulinduwe.
3 O Jehova, mafwumofwumo uyoomvwa jwi lyangu;+
Mafwumofwumo ndiyookwaambila cindikatazyide+ mpoonya ndiyoolangila.
5 Kunyina muntu uulidunda uukonzya kwiima kumbele lyako.
Jehova ulabasesemwa basinkondo abasilweeno.*+
7 Pele mebo ndiyooboola akunjila muŋanda yako+ akaambo kaluyando lwako lupati lutamani;+
Cakukuyoowa, ndiyoovwuntama ansi kandilangide kutempele* lyako lisalala.+
8 O Jehova, kondeenzya mubululami bwako akaambo kabasinkondoma;
Kondibotezyela nzila yako.+
9 Nkaambo zyoonse nzyobaamba tazikonzyi kusyomwa;
Mumyoyo yabo muzwide buyo bubi;
Igoyooyo lyabo lili mbuli cuumbwe cijalukide;
10 Pele Leza uyoobapa mulandu;
Bayakuwa akaambo kamakanze aabo beni.+
Abamwaisyigwe akaambo kakuvwula kwazibi zyabo,
Nkaambo bakuzangila.
11 Pele aabo boonse bayuba mulinduwe bayookondwa;+
Banoosekelela lyoonse.
Yebo uyoobasinkila aabo bayanda kubacisa,
Alimwi aabo bayanda zina lyako bayookondwa mulinduwe.
12 Nkaambo yebo uyoomuleleka muntu uuli woonse uululeme, O Jehova;
Uyoobazinguluka akubakkomanina mbuli kuti bakwabililwa antobo mpati.+
Kumweendelezi wanyimbo; lwiimbo lwiimbwe atuntimbwa tutyunidwe tyuni ya Seminiti.* Lwiimbo lwa Davida.
6 O Jehova, utandisinsi cabukali,
Alimwi utandilulamiki konyemede.+
2 Kondifwida luzyalo,* O Jehova, nkaambo ndagonkelwa.
Kondiponya, O Jehova,+ nkaambo mafwuwa aangu alakankama.
6 Ndakatala akaambo kakutongela kwangu;+
Busiku boonse nditesya bulo bwangu amisozi;*
Ndipa kuti bulo bwangu bubombe akaambo kakulila.+
8 Kamuzwa aawa, nywebo nyoonse nobasimucita zibi,
Nkaambo Jehova ulalimvwa jwi lyangu nendilila.+
9 Jehova ulamvwa ndalomba lugwasyo;+
Jehova ulautambula mupailo wangu.
10 Basinkondoma boonse bayakuusa akunyongana;
Bayakuwa busaleme akugunwa mpoona-mpoona.+
Lwiimbo lwabuumba* oolo Davida ndwaakaimbila Jehova kujatikizya majwi aa Kusi muna Benjamini.
7 O Jehova Leza wangu, mebo ndayuba mulinduwe.+
Kondifwutula kulibaabo boonse bandipenzya alimwi kondivwuna.+
2 Buyo-buyo balandizazaula mbuli bucita syuumbwa,+
Akundikwempa kakutakwe uundivwuna.
3 O Jehova Leza wangu, ikuti naa ndililubizyide mumakani aaya,
Ikuti naa kuli cintu citaluleme ncindacita,
4 Ikuti naa ndalubizyila muntu uundicitila cibotu,+
Naa ikuti ndasaala sinkondoma kakunyina kaambo,*
5 Nkokuti kopa kuti sinkondoma anditandile akundeenzya;
Aandilyatauke ansi*
Akupa kuti bulemu bwangu bumanine mulusuko. (Sela)
6 Nyamuka, O Jehova, mubukali bwako;
Kobanyamukila basinkondoma ibandilwana cabukali;+
Buka undigwasye, akupa kuti bululami bucitwe.+
7 Masi aakuzinguluke;
Eelyo ulaalwana kuzwa kujulu.
Kondibeteka O Jehova kweelana abululami bwangu
Alimwi akweelana akubula kampenda kwangu.+
9 Akaka, kobumana bubi bwabasizibi.
Pele balulami+ kobaimika nji,
Mbwaanga yebo uli Leza mululami+ uulingula myoyo+ amizeezo iili mukati mwini.*+
10 Leza nintobo yangu,+ Mufwutuli wabaabo baluleme mumoyo.+
12 Ikuti muntu umwi kateempwi,+ Leza ulakwenga panga lyakwe;+
Uloongomeka buta bwakwe, akubugamika kuti ayase.+
13 Ulalibambila azibelesyo zyakwe zijaya;
Ulalibambila amivwi yakwe iivwilima.+
14 Amulange muntu uumitide bubi,
Umita mapenzi akutumbuka bubeji.+
15 Ulasya mulindi akuulampya,
Pele uwida mumulindi ngoonya ooyo ngwaasya mwini.+
16 Mapenzi ngaleta alamujokelela amutwe wakwe mwini;+
Lunya lwakwe luyoowida akatwikkilo kakwe.
17 Ndilatembaula Jehova akaambo kabululami bwakwe;+
Ndilaimba nyimbo zyakutembaula zina lya Jehova+ Mupatikampatila.+
Kumweendelezi wanyimbo; lwiimbwe kubelesya Gititi.* Lwiimbo lwa Davida.
8 O Jehova, O Mwami wesu, eelo kaka zina lyako ndipati munyika yoonse;
2 Kumilomo yabana baniini abavwanda+ watondezya nguzu
Akaambo kabaabo bakulwana,
Kutegwa wuumuzye sinkondo ayooyo uupilusya cibi.
3 Nendibona majulu aako, imilimo yaminwe yako,
Imwezi anyenyeezi nzyookabamba,+
4 Ino muntu ninzi ooyo ngobikkila maano,
Amwanaamuntu ooyo ngolanganya?+
6 Wakamupa kweendelezya milimo yamaanza aako;+
Zyoonse wazibikka kunsi aamaulu aakwe:
7 Matanga oonse aambelele ampongo alimwi aŋombe,
Kubikkilizya abanyama bamusyokwe,+
8 Ibayuni bauluka mujulu answi zyamulwizi,
Kufwumbwa ceendeenda mulwizi.
9 O Jehova, O Mwami wesu, eelo kaka zina lyako ndipati munyika yoonse!
Kumweendelezi wanyimbo; lwiimbwe kubelesya Muti-labeni.* Lwiimbo lwa Davida.
א [Aleph]
2 Ndilakondwa akusekelela mulinduwe;
Ndilaimba nyimbo zyakutembaula zina lyako, O Mupatikampatila.+
ב [Beth]
3 Basinkondoma nibapiluka,+
Balawa akunyonyooka kumbele lyako.
4 Nkaambo nduwe uundiiminina mukaambo kangu kaluzi;
Ukkede acuuno cako cabwami akubeteka cabululami.+
ג [Gimel]
5 Waakalalila masi+ akunyonyoona babi,
Walobya zina lyabo lyoonse alyoonse mane kukabe kutamani.
6 Sinkondoma wanyonyoonwa mane kukabe kutamani;
Yebo wazyula minzi yabo,
Alimwi mpuwo yabo yoonse iyakuloba.+
ה [He]
7 Pele Jehova ulikkede acuuno cabwami kukabe kutamani;+
Wakkazikizya cuuno cakwe cabwami kuti abeteke cabululami.+
ו [Waw]
9 Jehova uyooba mayubilo aakwabilidwe* kubantu bapenzyegwa,+
Mayubilo aakwabilidwe kuziindi zyamapenzi.+
ז [Zayin]
11 Amwiimbe nyimbo zyakutembaula Jehova, ooyo uukkede mu Ziyoni;
Amuluule milimo yakwe akati kabantu.+
12 Nkaambo Ooyo uusubula baabo batila bulowa bwabo ulabayeeya;+
Takakulubi pe kulila kwabantu bapengede.+
ח [Heth]
13 Kondifwida luzyalo, O Jehova; kobona mbobandipenzya aabo bandisulide,
Yebo oondibusya kuzwa kumilyango yalufwu,+
14 Kutegwa ndaambilizye milimo yako iitembaulika mumilyango yamwana musimbi wa Ziyoni,+
Akukondwa amilimo yako yalufwutuko.+
ט [Teth]
15 Imasi abbila mudindi ndibakasya beni;
Kuulu kwabo kwacegwa mulunsabwe ndobakateya.+
16 Jehova ulizyibidwe kulubeta ndwapa.+
י [Yod]
17 Bantu babi bayoopiluka ku Cuumbwe,*
Imasi oonse aamuluba Leza.
כ [Kaph]
19 Nyamuka, O Jehova! Utalekeli muntu buyo kuti azunde.
Masi aabetekwe kumbele lyako.+
20 Kobapa kuyoowa, O Jehova,+
Imasi aazyibe kuti mbantu buyo. (Sela)
ל [Lamed]
10 Nkaambo nzi, O Jehova, ncoimina kulaale?
Nkaambo nzi ncoyuba muziindi zyamapenzi?+
2 Cakulisumpula mubi utandaanya muntu uutakwe mugwasyi,+
Pele uyoojatwa mumakanze ngaliyeeyela mwini.+
3 Nkaambo mubi ulalidunda amakanze aakwe mabi*+
Alimwi ulumbaizya syaacivwulemwangu;*
נ [Nun]
Usampaula Jehova.
4 Mubi tavwuntauzyi pe akaambo kakulisumpula kwakwe;
Lyoonse uyeeya kuti: “Leza tako pe.”+
5 Nzila zyakwe zilazwidilila ciindi coonse,+
Pele mbeta zyako zilisumpukide, takonzyi kuzimvwisya pe;+
Basinkondonyina boonse ulabaweela.
6 Mumoyo wakwe waamba kuti: “Kunyina nendiyoozungaanizyigwa;
Kuzyalani azyalani
Tandikacitikilwi mapenzi pe.”+
פ [Pe]
8 Ulalindila kayubilila munsi-munsi aaminzi;
Ulazwa mubusena bwakwe busisikide akujaya muntu uunyina mulandu.+
ע [Ayin]
Meso aakwe alalanga-langa kuti abone muntu uutakwe coolwe.+
9 Ulayubilila mubusena bwakwe busisikide mbuli syuumbwa uuli mucoonde.+
Ulayubilila kutegwa ajate muntu uutakwe mugwasyi.
Ulamujata muntu uutakwe mugwasyi namuzambaila mulunsabwe lwakwe.+
10 Muntu ooyo iwajatwa ulagonkelwa akuwida ansi;
Bantu batakwe coolwe bawida mumaanza aakwe aanguzu.*
11 Mumoyo wakwe waamba kuti: “Leza waluba.+
Walanga kumbi.
Taboni pe.”+
ק [Qoph]
12 Nyamuka, O Jehova.+ O Leza, konyamuna janza lyako.+
Utabalubi pe bantu bapengede.+
13 Ino nkaambo nzi mubi ncasampaula Leza?
Mumoyo wakwe waamba kuti: “Tokandipi mulandu pe.”
ר [Resh]
14 Pele yebo ulaabona manyongwe amapenzi.
Ulalangilila akwaalanganya makani.+
ש [Shin]
15 Kotyola janza lyamuntu mubi alimwi sizibi,+
Kutegwa ciindi noyandaula bubi bwakwe,
Utabujani limbi.
16 Jehova Mwami lyoonse alyoonse mane kukabe kutamani.+
Imasi anyonyooka munyika.+
ת [Taw]
17 Pele yebo uyoomvwa kulomba kwababombe myoyo, O Jehova.+
Yebo uyookkazika myoyo yabo+ akubaswiililisya.+
18 Yebo uyoobabetekela cabululami bamucaala alimwi abaabo bauside,+
Ikutegwa muntu buyo waanyika atabayoosyi limbi.+
Kumweendelezi wanyimbo. Intembauzyo ya Davida.
11 Ndayuba muli Jehova.+
Aboobo ino inga mwandaambila buti kuti:
“Tijila kucilundu cako mbuli kayuni!
2 Bona basizibi mboboongomeka buta;
Babikka muvwi wabo kuntambo yabuta,
Kutegwa mumudima bayase bantu baluleme mumoyo.
4 Jehova uli mutempele lyakwe lisalala.+
Cuuno cabwami ca Jehova cili kujulu.+
Meso aakwe alabona, meso aakwe aalangisya alalingula bana babantu.+
7 Nkaambo Jehova uliluleme;+ uyandisya milimo iiluleme.+
Baluleme bayoobubona busyu bwakwe.*+
Kumweendelezi wanyimbo; lwiimbwe kweelana atyuni ya Seminiti.* Lwiimbo lwa Davida.
12 Kondifwutula, O Jehova, nkaambo muntu uusyomeka taciko;
Bantu basyomeka baloba akati kabantu.
3 Jehova uyookosola milomo yoonse yuupaika,
Amulaka waamba majwi aakulikankaizya,+
4 Aabo baamba kuti: “Tuyoozunda amilaka yesu.
Tubelesya milomo yesu kwaamba kufwumbwa ncotuyanda;
Ino nguni uukonzya kutweendelezya?”+
5 “Akaambo kakuti bantu bapengede baladyaamininwa,
Akaambo kakutongela kwabacete,+
Ndilanyamuka akubweza ntaamu,” mbwaamba Jehova.
“Ndilabafwutula kuli baabo babasampaula.”*
6 Majwi aa Jehova alasalala;+
Ali mbuli nsiliva yasalazyigwa mubbibi lyamulilo lyabulongo,* iisalazyidwe ziindi zili ciloba.
7 Yebo uyoobalinda, O Jehova;+
Uyoomukwabilila umwi aumwi wabo kutalikila kuzyalani eeli mane kukabe kutamani.
8 Basizibi balalyeendela koonse-koonse
Nkaambo bana babantu basumpula bukkale bubi kapati.+
Kumweendelezi wanyimbo. Lwiimbo lwa Davida.
13 O Jehova, ino ulandiluba kwaciindi cilamfwu buti? Sena mane kukabe kutamani?
Ino ulandisisa busyu bwako kwaciindi cilamfwu buti?+
2 Ino ndilalibilika kwaciindi cilamfwu buti,
Akuusa mumoyo wangu buzuba abuzuba?
Ino sinkondoma unoosumpukide kwiinda ndime kwaciindi cilamfwu buti?+
3 Kondilanga akundivwiila, O Jehova Leza wangu.
Kopa kuti meso aangu agweemuke, kutegwa nditaoni mulufwu,
4 Kutegwa sinkondoma ataambi kuti: “Ndamuzunda!”
Utalekeli kuti balwani bangu basekelele akaambo kakuti ndawa.+
6 Ndilaimbila Jehova, nkaambo wandileleka kapati.*+
Kumweendelezi wanyimbo. Intembauzyo ya Davida.
14 Mumoyo wakwe mufwubafwuba* waamba kuti:
“Jehova tako pe.”+
Zintu nzyobacita nzibyaabi, alimwi micito yabo ilasesemya;
Kunyina naba omwe uucita zibotu.+
2 Pele Jehova ulalanga bana babantu ansi kuzwa kujulu
Kuti abone naa kuli muntu uulaamaano, uuyandaula Jehova.+
3 Boonse baleya;+
Boonse buyo balisofweede.
Kunyina naba omwe uucita zibotu,
Kunyina naba omwe.
4 Sena kunyina muntu akati kabasimucita zibi uujisi maano?
Balya bantu bangu mbuli mbobalya cinkwa.
Tabasoli kwiita Jehova.
5 Pele bayooyoowa kapati,+
Nkaambo Jehova ulaantoomwe azyalani lyabantu baluleme.
6 Nywebo nobasimucita zibi musola kunyonganya makanze aamuntu uupengede,
Pele Jehova mayubilo aakwe.+
7 Eelo kaka inga cabota ikuti mu Ziyoni+ mwazwa lufwutuko lwa Israyeli!
Jehova aakuyobolola bantu bakwe baange,
Jakobo aakakondwe, Israyeli aakasekelele.
Lwiimbo lwa Davida.
15 O Jehova, ino nguni uukonzya kuba mweenzu mutente lyako?
Ino nguni uukonzya kukkala mucilundu cako cisalala?+
Tacinci mizeezo ikuti wasyomezya,* nokuba kuti zintu tiizyamweendela kabotu.+
5 Kunyina napa mali aakwe kumwi kalangila cinyonamucila,+
Alimwi kunyina natambula cisinkamulomo kuti abisizye muntu uunyina mulandu.+
Kufwumbwa uucita zintu eezyi takazungaanizyigwi pe.+
Mikitamu* ya Davida.
16 Kondikwabilila, O Leza, nkaambo ndiyubide mulinduwe.+
2 Ndaambila Jehova kuti: “Nduwe Jehova, Ikasensa kangu kabubotu.
4 Aabo ibatobela baleza bambi balivwuzyila mause.+
Kunyina nondiyootila zituuzyo zyabo zyabulowa,
Nokuba kwaamba mazina aabo+ amulomo wangu.
5 Jehova ncibeela cangu,+ ncaabilo cangu alimwi ninkapu yangu.+
Yebo ulalubamba lukono lwangu.
6 Ndapiminwa akupegwa masena mabotu.
Inzya, ndakkutila alukono lwangu.+
7 Ndilatembaula Jehova, iwandilaya.+
Nociba ciindi camasiku, imizeezo yangu iili ansi aamoyo* ilandilulamika.+
8 Ndibikkide Jehova kumbele lyangu ciindi coonse.+
Akaambo kakuti uli kujanza lyangu lyalulyo, tandikazungaanizyigwi pe.+
9 Aboobo moyo wangu ulakondwa, alimwi ndilikkomene* kapati.
Kunze lyaboobo, ndilakkala* cakuliiba.
10 Nkaambo tokandisiyi* mu Cuumbwe.*+
Tokalekeli uusyomeka wako kuti abone cilindi.*+
11 Yebo ulandipa kuzyiba nzila yabuumi.+
Kumbele lyako* kuli kukondwa kutaambiki;+
Kujanza lyako lyalulyo kuli lukkomano* mane kukabe kutamani.
Mupailo wa Davida.
17 Komvwa nendipailila bululami, O Jehova;
Kondiswiilila nendikukwiilila kuti undigwasye;
Koswiilila mupailo wangu ngondipaila amilomo iitakwe lweeno.+
2 Kondibetekela kaambo kangu cabululami;+
Meso aako aabone cintu ciluzi.
3 Walingula moyo wangu, wandilingula masiku;+
Wandisalazya;+
Ulajana kuti tandijisi makanze mabi,
Awalo mulomo wangu kunyina nowabisya pe.
4 Kujatikizya milimo yabantu,
Kweelana ajwi lizwa kumulomo wako, mebo ndilazitantamuka nzila zyacigwebenga.+
6 Ndilakwiita, akaambo kakuti ulandivwiila,+ O Leza.
Kocenjeka kutwi kwako* kulindime. Komvwa majwi aangu.+
7 Kotondezya luyando lwako lutamani munzila+ mbotu kapati,
Yebo O Mufwutuli wabaabo bayandaula mayubilo kujanza lyako lyalulyo
Kuzwa kuli baabo bakuzangila.
9 Kondikwabilila kubantu babi ibandilwana,
Kuli basinkondoma bajaya ibandizingulukide.+
10 Bayumya myoyo yabo;*
Amulomo wabo baambaula cakulisumpula;
11 Lino balituzingulukide koonse-koonse;+
Balitulangide kutegwa bajane nzila yakutuwisyila ansi.
12 Sinkondoma uli mbuli syuumbwa uuyandisya kuzazaula munyama ngwaajata,
Mbuli syuumbwa uucili mwana uukalaba kutegwa avwampile munyama.
13 Nyamuka, O Jehova, komugama+ akumuwisyila ansi;
Kondivwuna kubantu babi apanga lyako;
14 Kondivwuna ajanza lyako, O Jehova,
Kubantu bamunyika eeyi,* ibajisi buyo caabilo mubuumi oobu,+
Aabo mbokkutya azintu zibotu nzyopa+
Alimwi ibasiila bana babo banji lukono.
Kumweendelezi wanyimbo. Intembauzyo ya Davida mubelesi wa Jehova, iwakaambila Jehova majwi aalwiimbo oolu ibuzuba Jehova naakamuvwuna mujanza lyabasinkondonyina boonse amujanza lya Saulo. Wakati:+
18 Ndilakuyanda kapati, O Jehova, onguzu zyangu.+
2 Jehova ngomwala wangu, mampangala aangu alimwi ngonguwe uundivwuna.+
Leza wangu nindomba yangu,+ oomo mondiyubila,
Nintobo yangu alimwi ndwija* lwalufwutuko lwangu,* mayubilo aangu aakwabilidwe.*+
3 Ndiita Jehova, ooyo weelela kutembaulwa,
Eelyo ndiyoofwutulwa kuli basinkondoma.+
6 Mumapenzi aangu ndakaita Jehova,
Ndakaluujisi kukwiilila Leza wangu kuti andigwasye.
Mutempele lyakwe wakalimvwa ijwi lyangu,+
Alimwi kukwiila kwangu kwakuti andigwasye kwakasika kumatwi aakwe.+
7 Mpoonya nyika yakatalika kutenkaana akuzungaana;+
Intalisyo zyamalundu zyakazuzuma
Akuzungaana akaambo kakuti wakanyema.+
8 Busi bwakauntumuka mumpemo zyakwe,
Awalo mulilo uumpa cakumaninina wakazwa mukanwa lyakwe;+
Makala aayaka mulilo akayokoloka kulinguwe.
10 Wakatanta kerubi akuboola kauluka.+
Wakafwuumukila ansi atala aamababa aacilenge camuuya.*+
11 Mpoonya wakalivwumba mudima,+
Maanzi aasiya mbi alimwi amakumbi aasiya mbi,+
Akalimuzingulukide koonse-koonse mbuli citungu.
12 Mukumweka ikwakali kumbele lyakwe
Mwakazwa civwulamabwe alimwi amakala aavwilima mulilo kwiinda mumakumbi.
13 Mpoonya Jehova wakatalika kuzuma kujulu;+
Mupatikampatila wakapa kuti ijwi lyakwe limvwugwe+
Acivwulamabwe alimwi amakala aavwilima.
15 Eelyo ansi aatulonga* akalibonya;+
Intalisyo zyanyika zyakaba aatuba akaambo kakukalalilwa anduwe, O Jehova,
Kwiinda mumuya wanguzu iwakazwa mumpemo zyako.+
16 Wakatandabika janza lyakwe kuzwa kujulu;
Wakandijata akundinuna mumaanzi malamfwu.+
18 Bakandilwana ibuzuba nindakali mumapenzi,+
Pele Jehova nguwakandigwasya.
20 Jehova ulandilumbula kweelana abululami bwangu;+
Ulandijolela kweelana akusalala kwamaanza aangu.+
21 Nkaambo ndazibamba nzila zya Jehova,
Alimwi tiindazanga akusiya Leza wangu.
22 Mbeta zyakwe zyoonse zili kumbele lyangu;
Tandikaunduluzyi milawo yakwe.
24 Jehova aandipe bulumbu kweelana abululami bwangu,+
Kweelana akusalala kwamaanza aangu kumbele lyakwe.+
25 Kumuntu uusyomeka, yebo ulasyomeka;+
Kumuntu uutakwe kampenda ayebo tokwe kampenda;+
26 Kumuntu uusalala, yebo ulasalala,+
Pele kumuntu uupilingene, yebo ulicenjede.+
28 Nkaambo yebo ndonduwe uuyasya lambe lyangu, O Jehova,
Leza wangu uundimunikila mumudima.+
29 Kwiinda mukugwasyigwa anduwe ndilakonzya kutandaanya zigwebenga zisaala;+
Kwiinda munguzu zya Leza ndilakonzya kutanta bwaanda.+
Walo nintobo kuli baabo boonse ibayuba mulinguwe.+
31 Nkaambo sena kuli Leza uumbi kunze lya Jehova?+
Alimwi sena kuli ndomba iimbi kunze lya Leza wesu?+
33 Upa kuti maulu aangu abe mbuli aansya;
Undipa kwiimikila amasena aali mujulu.+
34 Ulayiisya maanza aangu kulwana nkondo;
Maanza aangu alakonzya koongomeka buta bwamukuba.
35 Yebo ulandipa ntobo yako yalufwutuko,+
Ijanza lyako lyalulyo ndelindigwasya,*
Alimwi kulicesya kwako kulandisumpula.+
37 Ndiyoobatandaanya basinkondoma akubeenzya;
Tandikapiluki pe kusikila bakanyonyweedwe limwi.
38 Ndiyoobapwayaula cakuti tabakacikonzyi kubuka limbi;+
Ndiyoobalyatauka amaulu aangu.
39 Yebo uyoondipa kuba anguzu zyakulwana munkondo;
Uyoopa kuti basinkondoma baganyuke kunsi aamaulu aangu.+
41 Balakwiila kuti bagwasyigwe, pele kunyina uubafwutula;
Naba Jehova balamukwiilila, pele tabavwiili pe.
42 Ndiyoobatwa mane bakabe mbuli lusuko luululuka mumuwo;
Ndiyoobasowa mbuli ntimba munzila.
43 Yebo uyoondivwuna kubantu+ bandijanina mulandu.
Uyoondibikka kuba silutwe wamasi.+
Ibantu mbonditazyi bayoondibelekela.+
44 Mbobayoomvwa buyo mpuwo yangu bayoondimvwida;
Bamuzwamasi bayooboola kabazuzuma kulindime.+
45 Bamuzwamasi bayoogonkelwa;*
Bayooboola kabakankama kuzwa mumampangala aabo.
46 Jehova muumi! Aitembaulwe Ndomba+ yangu!
Aasumpulwe Leza walufwutuko lwangu.+
47 Leza mwini-mwini nguubapilusizya cibi basinkondoma;+
Nguubombya bantu kunsi aamaulu aangu.
48 Nguundivwuna kuli basinkondoma banyemede;
Yebo nduwe uundisumpula atala lyabaabo bandilwana;+
Nduwe uundifwutula kumuntu sinkondo.
49 Nkakaambo kaako ndinookutembaula akati kamasi, O Jehova,+
Alimwi ndinootembaula zina lyako munyimbo.+
50 Nguucitila mwami wakwe+ milimo mipati yalufwutuko;*
Ulatondezya luyando lutamani kumunanike wakwe,+
Kuli Davida alimwi akulunyungu lwakwe mane kukabe kutamani.+
Kumweendelezi wanyimbo. Lwiimbo lwa Davida.
2 Buzuba abuzuba zilaambaula,
Alimwi busiku abusiku zitondezya luzyibo.
3 Tazikanani pe, alimwi tazyaambauli majwi aali oonse;
Ijwi lyanzizyo talimvwugwi pe.
4 Pele majwi* aanzizyo amvwugwa munyika yoonse,
Alimwi mulumbe wanzizyo wamwaika kusikila kumagolelo aanyika.*+
Mumajulu Leza wasimpa tente lyazuba;
5 Zuba lili mbuli sibwiinga uuzwa muŋanda mwaalede;
Lilakondwa mbuli mwaalumi singuzu uubalika munzila.
6 Lilapola kumagolelo aamwi aamajulu,
Akweenda mane lyaakubbila kumagolelo+ aangawo aambi;
Alimwi kunyina cintu cisitilidwe kukupya kwandilyo.
7 Mulawo wa Jehova ulilondokede,+ ulabukulusya nguzu.*+
Ziyeekezyo zya Jehova zilasyomeka,+ zilabasongwaazya batakwe luzyibo.+
8 Malailile aa Jehova aliluleme, apa kuti moyo ukkomane;+
Mulawo wa Jehova ulasalala, upa kuti meso ajaluke.+
9 Kuyoowa Jehova+ kulasalala, kunooliko lyoonse mane kukabe kutamani.
Imbeta zya Jehova nzyamasimpe, zyoonse buyo zililuleme.+
10 Zilayandika kapati kwiinda ngolida,
Kwiinda ngolida+ mbotu* inji kapati,
Alimwi zilalweela kwiinda buci,+ inzya buci buloka kucimbulwe.
12 Ino nguni uukonzya kubona kulubizya kwakwe mwini?+
Kondilekelela zibi nzyondicita cakutazyiba.
14 Nzyondaamba amulomo wangu anzyondiyeeya mumoyo
Azibe zyeezyo zikukonda,+ O Jehova, O Ndomba+ yangu alimwi O Muvwuni wangu.+
Kumweendelezi wanyimbo. Lwiimbo lwa Davida.
20 Jehova akuvwiile mubuzuba bwamapenzi.
Izina lya Leza wa Jakobo alikukwabilile.+
3 Aaziibaluke zituuzyo zyazipego zyako zyoonse;
Alimwi calukkomano aacitambule* cituuzyo cako cakuumpa. (Sela)
5 Tuyakoompolola cakukondwa akaambo kamilimo yako yalufwutuko;+
Muzina lya Leza wesu+ tuyoosumpula ndembela zyesu.
Jehova akucitile zintu zyoonse nzyolomba.
6 Lino ndazyiba ncobeni kuti Jehova ulamufwutula munanike wakwe.+
Ulamuvwiila kuzwa kumajulu aakwe aasalala
8 Bantu aabo banetuka akuwa,
Pele swebo twanyamuka akubukulusyigwa.+
9 O Jehova, komuvwuna mwami!+
Uyootuvwiila mubuzuba mbotuyoomwiita kuti atugwasye.+
Kumweendelezi wanyimbo. Lwiimbo lwa Davida.
21 O Jehova, munguzu zyako mwami ulakondwa;+
Eelo kaka walo ulakondwa kapati amilimo yako yalufwutuko!+
2 Wamupa ncouyanda moyo wakwe,+
Alimwi kunyina noomwiima ncoyalomba milomo yakwe. (Sela)
4 Wakakulomba buumi, eelyo wakamupa,+
Wakamupa koongola,* kuti kapona lyoonse alyoonse mane kukabe kutamani.
5 Milimo yako yalufwutuko imuletela bulemu bupati.+
Yebo ulamupa bulemu abweebesi.
6 Ulamupa kuti kalelekedwe lyoonse mane kukabe kutamani;+
Ulamupa kuti kabotelwa akaambo kalukkomano lujanwa kumbele lyako.*+
7 Nkaambo mwami usyoma Jehova;+
Akaambo kaluyando lutamani lwa Mupatikampatila, takazungaanizyigwi pe.+
8 Janza lyako liyoobajata basinkondonyoko boonse;
Janza lyako lyalulyo liyoobajata aabo ibakusulide.
9 Yebo uyoobapa kuba mbuli bbibi lyamulilo aciindi cako cakubalingula.
Jehova uyoobamena mubukali bwakwe, alimwi mulilo uyoobaumpa cakumaninina.+
10 Lunyungu* lwabo uyoolunyonyoona munyika,
Abana babo kuzwa akati kabana babantu.
13 Nyamuka, O Jehova, munguzu zyako.
Tulaimba nyimbo zyakutembaula nguzu zyako.
Kumweendelezi wanyimbo; lwiimbwe mbuli “Insya Inzyazi Yaku Bucedo.” Lwiimbo lwa Davida.
22 Leza wangu, Leza wangu, ino wandilekelezyela nzi?+
Nkaambo nzi ncoli kule muciindi cakuti undifwutule,
Ancotaswiilili majwi aakulila kwangu?+
2 O Leza wangu, ndiluujisi kwiita masyikati, pele tovwiili;+
Amasiku mbubonya tanduumuni pe.
8 “Wakalibikka mumaanza aa Jehova. Aamuvwune nguwenya ooyo!
Aamufwutule, mbokunga ulamuyanda kapati!”+
9 Nduwe wakandigusya mwida lyabaama,+
Nduwe wakali kundipa kuliiba kunkolo zyabo.
10 Ndakabikkwa mumaanza aako* kuzwa nindakazyalwa;
Kuzwa nindakali mwida lyabaama, nduwe Leza wangu.
14 Ndatilwa ansi mbuli maanzi;
Zifwuwa zyangu zyoonse zyagwejauka.
15 Nguzu zyangu zyamaninina, ndaba mbuli lukaye;+
Mulaka wangu wanamatila kucilakula;+
Yebo wandiwisyila ansi mulusuko lwalufwu.+
16 Nkaambo babwa bandizinguluka;+
Balindizingulukide koonse-koonse mbuli nkamu yabasimucita zibi,+
Mbuli syuumbwa baluujisi kundiluma kumaanza alimwi akumaulu.+
17 Ndilakonzya kwaabala mafwuwa aangu oonse.+
Balo balandilangisisya akundeebelela.
19 Pele yebo, O Jehova, utazumanani kunditantamuka.+
Ndonduwe nguzu zyangu; kofwambaana kundigwasya.+
20 Kondifwutula kupanga,
Kofwutula buumi bwangu buyandisi* kubabwa bakali;+
21 Kondifwutula kumulomo wasyuumbwa+ akumeja aabapoho bamusyokwe;
Kondivwiila akundifwutula.
23 Nywebo nomuyoowa Jehova, amumutembaule!
Nywebo nyoonse nolunyungu lwa Jakobo, amumupe bulemu!+
Amumulemeke kapati, nywebo nyoonse nolunyungu lwa Israyeli.
24 Nkaambo kunyina naasampaula naa kusesemwa mapenzi aamuntu uupengede;+
Kunyina naasisa busyu bwakwe kulinguwe.+
Naakamukwiilila kuti amugwasye, wakamumvwa.+
25 Ndiyookutembaula mumbungano mpati;+
Ndiyoozuzikizya zikonke zyangu kumbele lyabaabo bamuyoowa.
Amuzumanane kupona* mane kukabe kutamani.
27 Imagolelo aanyika oonse ayooyeeya akusandukila kuli Jehova.
Mikwasyi yoonse yamasi iyoovwuntama ansi kumbele lyako.+
28 Nkaambo Jehova ngo mwami;+
Ngonguwe weendelezya masi.
29 Bantu boonse bakupukide* munyika bayoolya alimwi bayoovwuntama ansi;
Boonse aabo baunka kubulongo bayoofwugama kumbele lyakwe;
Kunyina naba omwe uukonzya kufwutula buumi bwakwe.
30 Lunyungu lwabo luyoomubelekela;
Izyalani liboola liyakwaambilwa makani aajatikizya Jehova.
31 Bayooboola akwaamba zyabululami bwakwe.
Bayakwaambila bantu ibayoozyalwa kumbele ncaacita.
Lwiimbo lwa Davida.
Kunyina ncondiyoobula pe.+
Ulandeenzya munzila* zyabululami akaambo kazina lyakwe.+
4 Nokuba kuti ndeenda mukkuti lisiya mbi,+
Kunyina cintu cibi ncondiyoowa,+
Nkaambo yebo ulaandime;+
Inkoli yako amusako wako zilandikkazika moyo.*
5 Ulandibambila tebulu lyazyakulya kumbele lyabasinkondoma.+
6 Ncobeni bubotu aluyando lutamani zinoonditobela mazuba oonse aabuumi bwangu,+
Alimwi ndinookkala muŋanda ya Jehova mazuba oonse.+
Intembauzyo ya Davida. Lwiimbo.
24 Nyika njiya Jehova azintu zyoonse izili mulinjiyo,+
Nyika mbotu abaabo bakkala mulinjiyo.
2 Nkaambo wakaisimpa alwizi+
Akwiikkazika cakusitikila amilonga.
3 Ino nguni uunga watanta mucilundu ca Jehova,+
Alimwi nguni uunga wanyamuka mubusena bwakwe busalala?
4 Nguyooyo watacita mulandu amaanza aakwe alimwi uusalala mumoyo,+
Ooyo watakonka cakubeja muzina lyangu,*
Nokuba kukonkezya calweeno.+
6 Eeli ndezyalani lyabaabo bamuyandaula,
Aabo ibayandaula busyu bwako, O Leza wa Jakobo. (Sela)
7 Amwiintamune mitwe, nywebo nomilyango;+
Amujaluke,* nywebo nomanjililo aansiku,
Kutegwa Mwami uulemekwa anjile!+
8 Ino nguni Mwami ooyu uulemekwa?
9 Amwiintamune mitwe, nywebo nomilyango;+
Amujaluke, nywebo nomanjililo aansiku,
Kutegwa Mwami uulemekwa anjile!
10 Ino nguni Mwami ooyu uulemekwa?
Jehova wamakamu—ngonguwe Mwami uulemekwa.+ (Sela)
Intembauzyo ya Davida.
א [Aleph]
25 O Jehova, ndilapaila kulinduwe camoyo woonse.
ב [Behth]
Utalekeli basinkondoma kuti basekelele akaambo kamapenzi aangu.+
ג [Gimel]
3 Masimpe kunyina muntu akati kabaabo bakusyoma uuyakuusyigwa nsoni,+
Pele aabo bacita cabucenjezu kakunyina kaambo mbabayakuusyigwa nsoni.+
ד [Daleth]
ה [He]
5 Kondipa kweenda mukasimpe kako alimwi kondiyiisya,+
Nkaambo ndonduwe Leza walufwutuko lwangu.
ו [Waw]
Nduwe ngondisyoma buzuba boonse.
ז [Zayin]
ח [Heth]
7 Utayeeyi zibi nzyondakacita kubwana alimwi ansotoko zyangu.
ט [Teth]
8 Jehova mubotu alimwi uliluleme.+
Nkakaambo kaako uyiisya basizibi nzila mbotu yabuumi.+
י [Yod]
כ [Kaph]
10 Inzila zya Jehova zyoonse nzyaluyando lutamani alimwi nzyamasimpe
ל [Lamed]
11 Akaambo kazina lyako, O Jehova,+
Kondilekelela mulandu wangu, nokuba kuti mupati.
מ [Mem]
12 Ino nguni muntu uuyoowa Jehova?+
Nguyooyo ngwayooyiisya nzila njayelede kutola.+
נ [Nun]
ס [Samekh]
ע [Ayin]
פ [Pe]
16 Kondicebuka akundifwida luzyalo,
Nkaambo ndili endikke alimwi ndinyina mugwasyi.
צ [Tsade]
17 Mause aali mumoyo wangu avwulisya;+
Kondigusya mumapenzi aangu.
ר [Resh]
19 Kolanga mbobavwula basinkondoma
Ambobandisulide citaambiki.
ש [Shin]
20 Kolinda buumi bwangu alimwi kondivwuna.+
Utandilekeli kuti ndifwe nsoni, nkaambo ndayuba mulinduwe.
ת [Taw]
22 O Leza, komuvwuna* Israyeli mumapenzi aakwe oonse.
Intembauzyo ya Davida.
26 Kondibeteka, O Jehova, nkaambo mebo ndeenda kanditakwe kampenda;+
Ndisyoma Jehova cakutazungaana.+
2 Kondilingula, O Jehova, alimwi kondisunka;
Kosalazya mizeezo yangu iili mukati mwini* alimwi amoyo wangu.+
6 Ndiyoosamba kumaanza kutondezya kuti ndinyina mulandu,
Alimwi ndiyakweenda kuzinguluka cipaililo cako, O Jehova,
7 Kutegwa jwi lyakulumba kwangu limvwugwe+
Akwaambilizya milimo yako yoonse iigambya.
9 Utandijayi antoomwe abasizibi+
Naa kutola buumi bwangu antoomwe azigwebenga,*
10 Aabo bajisi maanza aacita milimo iisesemya,
Alimwi ibajisi janza lyalulyo lizwide makulo.
11 Pele mebo, ndinakweenda kanditakwe kampenda.
Kondivwuna* akundifwida luzyalo.
Intembauzyo ya Davida.
27 Jehova mumuni wangu+ alimwi ndufwutuko lwangu.
Ino nguni ngondikonzya kuyoowa?+
Jehova mampangala aabuumi bwangu.+
Ino nguni ngondikonzya kuyoowa kapati?
2 Basimucita zibi nobakaboola kuti balye nyama yamubili wangu,+
Balwani bangu alimwi basinkondoma mbabakalebwa akuwa.
Nokuba kuti babusya nkondo kulindime,
Ndilazumanana kuba sicamba.
4 Kuli cintu comwe ncindalomba kuli Jehova
—Eeco ncencico ncendiyandisya—
Kuti kandikkala muŋanda ya Jehova mazuba oonse aabuumi bwangu,+
Kuti kandeebelela bubotu bwa Jehova
5 Nkaambo mubuzuba bwamapenzi walo uyoondisisa+ mubusena bwakwe bwakuyusila;
Uyoondisisa mubusena busisikide bwatente lyakwe;+
Uyoondikkwezyeka atala aandomba.+
6 Lino mutwe wangu wasumpulwa atala lyabasinkondoma ibandizingulukide;
Ndiyoopaizya zipaizyo kutente lyakwe kumwi kandoongolola cakukondwa;
Ndiyakwiimba nyimbo zyakutembaula Jehova.
8 Ikujatikizya nduwe, moyo wangu waamba kuti:
“Amusole kuyandaula busyu bwangu.”
O Jehova, ndilasola kuyandaula busyu bwako.+
9 Utandisisi busyu bwako.+
Utatandi mubelesi wako cabukali.
Yebo uli mugwasyi wangu;+
Utandilekelezyi nokuba kundisiya, O Leza walufwutuko lwangu.
12 Utandaabi mumaanza aabasinkondoma,*+
Nkaambo bakamboni bakubeja bandibukila,+
Alimwi bayanda kundilwana.
13 Ino nindali kuli ikuti nindatalijisi lusyomo
Inzya, komulangila Jehova.
Intembauzyo ya Davida.
28 O Jehova, ndiluujisi kukwiita, O Ndomba yangu;+
Utandicitili muuzyamvwide.
2 Komvwa kukombelezya kwangu nendikukwiilila kuti undigwasye
Nendinyamuna akutambika maanza aangu kukaanda kamukati kabusena bwako busalala.+
3 Utandikwelelezyi antoomwe abantu babi, basimucita zibi,+
Aabo ibaambaula zyaluumuno abeenzinyina, kakuli mumyoyo yabo muli bubi.+
4 Kobajolela kweelana anzyobacita,+
Kweelana amicito yabo mibi.
Kobapilusyila kweelana amilimo yamaanza aabo,
Inzya, kweelana anzyobacita.+
Uyoobakolomona alimwi takabayaki pe.
6 Aatembaulwe Jehova,
Nkaambo wandimvwa nindali kukombelezya kuti andigwasye.
Wandigwasya, eelyo moyo wangu ulikondedwe,
Aboobo ndilamutembaula mulwiimbo lwangu.
8 Jehova ninguzu zyabantu bakwe;
Mampangala aaleta lufwutuko lupati kumunanike wakwe.+
9 Kobafwutula bantu bako akuleleka lukono lwako.+
Kobeembela akubanyamuna mumaanza aako lyoonse mane kukabe kutamani.+
Lwiimbo lwa Davida.
29 Amumupe Jehova izimweelede, nywebo nobana babasinguzu,
Amumupe Jehova izimweelede akaambo kabulemu anguzu zyakwe.+
2 Amupe Jehova bulemu ibweelede zina lyakwe.
Amumukotamine* Jehova kamusamide zisani zisalala izyeebeka.*
3 Ijwi lya Jehova lilamvwugwa atala aamaanzi;
Leza uulemekwa ulazuma.+
Jehova uli atala aamaanzi manji.+
4 Ijwi lya Jehova lilaanguzu kapati;+
Ijwi lya Jehova ndilemu.
5 Ijwi lya Jehova lilatyolaula masamu aakkedari;
Inzya, Jehova ulaandaula masamu aakkedari aaku Lebano.+
7 Ijwi lya Jehova lilaanda amulilo uuvwilima;+
8 Ijwi lya Jehova lipa kuti nkanda izuzume;+
Jehova upa kuti nkanda ya Kadesi+ izuzume.
9 Ijwi lya Jehova lipa kuti insya zizuzume akuzyala
Alimwi lilazyulaula masaka.+
Mpoonya boonse ibali mutempele lyakwe baamba kuti: “Aalemekwe!”
10 Jehova ulikkede acuuno cabwami atala lyazambangulwe;*+
Jehova ulikkede acuuno cabwami kali Mwami lyoonse mane kukabe kutamani.+
11 Jehova uyoobapa nguzu bantu bakwe.+
Jehova uyoobaleleka bantu bakwe aluumuno.+
Lwiimbo. Lwiimbo lwakwaaba ŋanda. Intembauzyo ya Davida.
30 Ndilakutembaula O Jehova, nkaambo wandifwutula;*
Tonoolekela kuti basinkondoma bakondwe akaambo kamapenzi aangu.+
2 O Jehova Leza wangu, ndakakoompolweda kuti undigwasye, eelyo yebo wakandiponya.+
3 O Jehova, wandigusya mu Cuumbwe.*+
Wandipa kuzumanana kupona; wandilesya kuselemukila mucilindi.*+
4 Amwiimbe nyimbo zyakutembaula Jehova, nywebo nobantu bakwe basyomeka,+
Amulumbaizye zina* lyakwe lisalala;+
5 Nkaambo kusikilwa bukali bwakwe nkwaciindi buyo cisyoonto,+
Pele kukkomaninwa anguwe nkwamazuba oonse aabuumi bwabantu.+
Kumangolezya inga kwaba kulila, pele cifwumofwumo kulaba kusekelela.+
6 Ciindi nondakanyina mapenzi, ndakaamba kuti:
“Kunyina nondiyoozungaanizyigwa pe.”
7 O Jehova, nowakali kundikkomanina wakandipa kuyuma mbuli cilundu.+
Pele nowakasisa busyu bwako, mebo ndakayoowa kapati.+
8 O Jehova, ndakazumanana kukwiita;+
Alimwi ndakali kumukombelezya Jehova kuti andifwide luzyalo.
9 Ino kuli mpindu nzi ikuti ndafwa,* ikuti ndaselemukila mucilindi?*+
Sena bulongo inga bwakutembaula na?+ Sena inga bwaambilizya kusyomeka kwako?+
10 Koswiilila, O Jehova, akundifwida luzyalo.+
O Jehova, koba mugwasyi wangu.+
11 Kulila kwangu wakusandula kuba kuzyana;
Wandisamununa cisani camasaka, akundisamika lukkomano,
12 Kutegwa ndikwiimbile* nyimbo zyakukutembaula, nditaumuni buyo pe.
O Jehova Leza wangu, ndinookutembaula lyoonse mane kukabe kutamani.
Kumweendelezi wanyimbo. Lwiimbo lwa Davida.
31 O Jehova, mebo ndayuba mulinduwe.+
Akaka nditausyigwi nsoni pe.+
Kondivwuna akaambo kabululami bwako.+
2 Kocenjeka kutwi kwako* kulindime.
Koboola cakufwambaana undivwune.+
Kondibeda mampangala aamucilundu,
Busena bukwabilidwe bwakundifwutwida.+
5 Ndabikka muuya wangu mumaanza aako.+
Wandinununa, O Jehova, Leza wakasimpe.*+
6 Ndilibasulide aabo balemeka mituni yabuyo, iitakwe mulimo,
Pele mebo, ndisyoma Jehova.
7 Ndilakondwa kapati muluyando lwako lutamani,
Nkaambo wakubona kupenga kwangu;+
Waazyiba mapenzi aangu mapati.*
8 Tonoondaaba mujanza lyasinkondoma,
Pele wandiimika mubusena bukwabilidwe.*
9 Kondifwida luzyalo, O Jehova, nkaambo ndili mumapenzi.
Kuusa kwapa kuti meso aangu abule nguzu,+ kubikkilizya amubili wangu woonse.+
Nguzu zyangu zyamana akaambo kacibi cangu;
Ndagonkelwa mumafwuwa.+
11 Basinkondoma boonse balandisampaula,+
Ikapati basimukoboma.
Alimwi ndaba cintu ciyoosya kapati kubeenzuma;
Nebandibona mubuleya, balanditija.+
12 Tandiciyeeyegwi mumyoyo* yabo alimwi ndalubwa, mbuli kuti ndilifwide;
Ndaba mbuli nongo ipwaikide.
13 Ndamvwa mamvwaamvwa mabi manji;
Koonse-koonse ndizingulukidwe zintu ziyoosya.+
Nibalibunga-bunga antoomwe kuti bandilwane,
Bakanza kundijaya.+
14 Pele mebo ndisyoma nduwe, O Jehova.+
Ndaamba kuti: “Nduwe Leza wangu.”+
15 Mazuba* aabuumi bwangu ali mujanza lyako.
Kondivwuna kujanza lyabasinkondoma akuli baabo bandipenzya.+
16 Komumunika mubelesi wako abusyu bwako.+
Kondifwutula muluyando lwako lutamani.
17 O Jehova, nditausyigwi nsoni pe nendikwiita.+
18 Milomo yaamba zyakubeja ayuumune wi,+
Milomo yaambaula cakulimvwa kubaluleme, cakulisumpula acakusampaula.
19 Eelo kaka tabulivwulili bubotu bwako!+
Wabuyobweda baabo bakuyoowa,+
Alimwi wabutondezya kumbele lyabantu boonse, kuti ugwasye baabo bayubila mulinduwe.+
20 Yebo uyoobasisa mubusena busisikide buli kumbele lyako+
Kuti ubavwune kumakanze aabantu mabi;
Uyoobasisa mubusena bwako bwakuyusila
21 Aatembaulwe Jehova,
Nkaambo munzila iigambya wanditondezya luyando lwakwe lutamani+ mumunzi uusinkilidwe.+
22 Lino mebo, ndakakopana akwaamba kuti:
“Masimpe ndilajaigwa kumbele lyako.”+
Pele yebo wakakumvwa kukombelezya kwangu nendakakukwiilila kuti undigwasye.+
23 Amumuyande kapati Jehova, nywebo nyoonse nomusyomeka kulinguwe!+
Intembauzyo ya Davida. Masikili.*
32 Ulikkomene ooyo wajatilwa mulandu wakwe, uulaacibi icavwumbwa.*+
3 Ciindi nindakaumwine buyo, ndakagonkelwa mumafwuwa akaambo kakutongela buzuba boonse.+
4 Nkaambo isyikati amasiku ijanza* lyako lyakandilemena.+
Nguzu zyangu zyakamaninina mbubonya maanzi mbwaayuminina akaambo kakupya kwacilimo. (Sela)
Ndakati: “Ndilalyaambilila nsotoko zyangu kuli Jehova.”+
Eelyo yebo wakandijatila mulandu wazibi zyangu.+ (Sela)
Aboobo noliba zambangulwe lyamaanzi manji talikasiki kulinguwe pe.
Uyoopa kuti koongolola akusekelela kwalufwutuko kukandizinguluke.+ (Sela)
8 “Ndiyookupa kuba amaano akukuyiisya nzila njoyelede kutobela.+
Ndiyookulaya kandikulangide.+
9 Mutabi mbuli bbiza naa myuulu* izitakwe maano,+
Izyeelede kwaangwa matomu atuzangala kuti zileke kuputauka
Kutegwa ziboole kulinduwe.”
10 Macise ngajisi muntu mubi manji;
Pele ooyo uusyoma Jehova ulizingulukidwe aluyando lwakwe lutamani.+
11 Amusekelele muli Jehova alimwi amukondwe, nywebo nobalulami;
Amoongolole cakukondwa, nywebo nyoonse nomululeme mumoyo.
33 Amoongolole cakukondwa, nywebo nobalulami, akaambo ka Jehova.+
Baluleme baleelela kumutembaula.
2 Amumulumbe Jehova akantimbwa;
Amumwiimbile nyimbo zyakumutembaula aciimbyo cijisi ntambo zili kkumi.
3 Amumwiimbile lwiimbo lupya;+
Amukalizye kabotu kantimbwa, akoongolola cakukondwa.
4 Nkaambo jwi lya Jehova lililuleme,+
Alimwi ulasyomeka mumilimo yoonse njacita.
5 Ulayandisya bululami akubeteka cakutasalulula.+
Nyika izwide luyando lwa Jehova lutamani.+
6 Kwiinda mujwi lya Jehova majulu akapangwa,+
Alimwi kwiinda mumuya wamukanwa lyakwe zyoonse izili mulingawo.*
7 Maanzi aamulwizi ulaaimika mbuli kuti mbwaanda;+
Ulabikka maanzi aabilauka muziyobwedo.
8 Nyika yoonse aimuyoowe Jehova.+
Abamulemeke kapati aabo ibakkede munyika mbotu.
11 Pele makanze* aa Jehova anooliko lyoonse mane kukabe kutamani;+
Nzyayeeya mumoyo zinooliko kuzyalani limwi alimwi.
13 Jehova ulalanga ansi kuzwa kujulu;
Ulabona bana babantu boonse.+
14 Kuzwa kubusena bwakwe nkwakkala
Ulabalanga boonse aabo bakkala anyika.
15 Ngonguwe uubumba myoyo yabo boonse;
Milimo yabo yoonse ulailingula.+
16 Kunyina mwami uufwutulwa akaambo kampi mpati yabasikalumamba;+
Muntu singuzu tafwutulwi anguzu zyakwe zinji.+
17 Ikusyoma kuti bbiza lilakonzya kuleta lufwutuko* nkulyeena;+
Nokuba kuti lilaanguzu zinji, tacaambi kuti lilakonzya kufwutula lyoonse.
18 Amubone! Liso lya Jehova lilangide baabo bamuyoowa,+
Aabo ibalangila luyando lwakwe lutamani,
19 Kuti abavwune kulufwu
Akubabamba kuti bazumanane kupona ciindi canzala.+
20 Swebo tulangila Jehova.
Ngomugwasyi wesu alimwi nintobo yesu.+
21 Myoyo yesu ilakondwa mulinguwe,
Nkaambo tusyoma zina lyakwe lisalala.+
Intembauzyo ya Davida, iciindi naakalicengeezya kuti ulisondokede+ kumbele lya Abimeleki, ooyo wakamutanda, aboobo wakaunka.
א [Aleph]
34 Ndinootembaula Jehova ciindi coonse;
Intembauzyo zyakwe zinooli amilomo yangu lyoonse.
ב [Beth]
ג [Gimel]
ד [Daleth]
4 Ndakabuzya Jehova, eelyo wakandivwiila.+
Wakandivwuna kuzintu zyoonse izyakali kundiyoosya.+
ה [He]
5 Aabo ibakalanga kulinguwe bakaba alumwemwe;
Kumasyu aabo kwakanyina nsoni.
ז [Zayin]
6 Ooyu uupengede wakaita, mpoonya Jehova wakamvwa.
Wakamufwutula mumapenzi aakwe oonse.+
ח [Heth]
ט [Teth]
י [Yod]
כ [Kaph]
10 Nobaba basyuumbwa balaanguzu ibacili bana-bana balakonzya kubula zyakulya akufwa nzala,
Pele aabo bayandaula Jehova tabakabuli cintu cibotu niciba comwe.+
ל [Lamed]
מ [Mem]
נ [Nun]
ס [Samekh]
ע [Ayin]
פ [Pe]
צ [Tsade]
ק [Qoph]
ר [Resh]
ש [Shin]
ת [Taw]
21 Mapenzi ayoomujaya muntu mubi;
Aabo batamuyandi mululami bayoopegwa mulandu.
22 Jehova unununa buumi bwababelesi bakwe;
Kunyina naba omwe akati kabaabo bayuba mulinguwe uuyoopegwa mulandu.+
Intembauzyo ya Davida.
3 Kobweza sumo lyako akeembe ulwane baabo banditandaanya.+
Kondaambila kuti: “Ndili lufwutuko lwako.”+
4 Abausyigwe nsoni akusampaulwa aabo ibayandaula buumi bwangu.+
Abapilusyigwe nkobazwa alimwi abagunwe aabo ibakanza kundijaya.
5 Ababe mbuli buungu bupepululwa amuwo;
Mungelo wa Jehova aabatande.+
6 Inzila yabo aibe yamudima alimwi iitezemuka
Eelyo mungelo wa Jehova nabatandaanya.
7 Nkaambo kakunyina kaambo banditeya lunsabwe;
Kakunyina kaambo bandisyida cilindi.
8 Aasikilwe lunyonyooko cakutayeeyela;
Aacegwe mulunsabwe ndwaakateya walo mwini;
Aawide mulindulo akunyonyooka.+
9 Pele mebo ndilakondwa muli Jehova;
Ndilasekelela mumilimo yakwe yalufwutuko.
10 Imafwuwa aangu oonse alaamba kuti:
“Ino nguni uuli mbuli nduwe, O Jehova?
12 Bandipilusizya cibi kucibotu ncindacita,+
Bandipa kulimvwa kusweekelwa kapati.
13 Pesi balo nobakaciswa, mebo ndakasama zisani zyamasaka;
Ndakalipenzya kwiinda mukuliimya kulya,
Alimwi ciindi mipailo yangu noyakali kugolela munzila kaitavwiilwi,*
14 Ndakali kweendeenda mbuli kuti ndilila mweenzuma naa mwanookwesu;
Kanduuside, ndakavwuntama ansi mbuli muntu uulila banyina.
15 Pele nindakawa, balo bakakondwa akulibunga-bunga antoomwe;
Bakabungana antoomwe akundiyubilila kuti banduume;
Bakandizazaula alimwi tiibakaumuna pe.
17 O Jehova, ino unakwiile kulangilila kwaciindi cilamfwu buti?+
18 Eelyo ndiyookulumba mumbungano mpati;+
Ndiyookutembaula akati kamakamu aabantu.
19 Aabo bandilwana kakunyina kaambo utabalekeli kuti bakkomane akaambo kakupenga kwangu;
Aabo bandisulide kakunyina kaambo+ utabalekeli kuti bandityankile meso kabajisi mizeezo mibi.+
20 Nkaambo tabaambauli makani aaluumuno,
Pele cabumpelenge bakanza kubacitila zibi bantu basiluumuno munyika.+
21 Bandaasamwida milomo yabo kuti bandibejekezye,
Kabaamba kuti: “Ehee! Ehee! Twalibonena ameso eesu.”
22 Ulizibwene zyacitika, O Jehova. Utaumuni buyo pe.+
Akaka O Jehova, utabi kulamfwu andime.+
23 Buka alimwi nyamuka kuti undiiminine,
Leza wangu Jehova, kondiiminina mukaambo kangu.
24 Kondibeteka kweelana abululami bwako,+ O Jehova Leza wangu;
Utabalekeli kuti bakkomane akaambo kakupenga kwangu.
25 Mumoyo bataambi kuti: “Ehee! Twacijana ncotwali kuyanda.”
Bataambi kuti: “Twamumena.”+
26 Boonse abausyigwe nsoni akugunwa,
Aabo bakkomana akaambo kamapenzi aandijisi.
Abausyigwe nsoni akusampaulwa citaambiki aabo balitukumuna kulindime.
27 Pele aabo ibakkomanina bululami bwangu aboongolole cakukondwa;
Lyoonse kabaamba kuti:
“Aalemekwe Jehova, ooyo uukkomanina luumuno lwamubelesi wakwe.”+
Kumweendelezi wanyimbo. Intembauzyo yamubelesi wa Jehova, Davida.
36 Cibi cilaambaula mukati kamoyo wamuntu mubi;
Mumeso aakwe kunyina cintu cimupa kuyoowa Leza.+
2 Nkaambo ulalilumbaizya kapati mwini
Cakuti taboni akusulaika cibi cakwe.+
3 Majwi aazwa kumulomo wakwe mabi alimwi ngalweeno;
Takwe maano aakucita zintu zibotu.
4 Noliba leelyo nali abulo bwakwe ukanza kucita zintu zibi.
Uli munzila iitali kabotu;
Tacikaki cibi pe.
5 O Jehova, luyando lwako lutamani lulisikide kujulu,+
Kusyomeka kwako kusikide kumakumbi.
O Jehova, muntu amunyama ulabavwuna.*+
7 Eelo kaka taluliboteli luyando lwako lutamani, O Leza!+
Mucimvwule camababa aako,
Mobayuba bana babantu.+
8 Balanywa akukkuta bulotwe* bwamuŋanda yako,+
Alimwi ubapa kunywa mumulonga wazintu zyako zibotu kapati.+
10 Kozumanana kutondezya luyando lwako lutamani kulibaabo bakuzyi,+
Abululami bwako kuli baabo baluleme mumoyo.+
11 Utalekeli kuulu kwabantu balisumpula kuti kundilyatauke
Naa kulekela janza lyabantu babi kuti linditande.
12 Amubone nkobawida basimucita zibi;
Bawisyilwa ansi alimwi tabakonzyi kunyamuka.+
Intembauzyo ya Davida.
א [Aleph]
2 Bayoonyana mukaindi kaniini buyo mbubonya mbobuneta bwizu+
Akuyuma mbubonya mbuli mweemvwe uufwefwema.
ב [Beth]
ג [Gimel]
6 Uyoopa kuti kuloma kwako kumweke mbuli mumuni wakubucedo,
Abululami bwako mbuli zuba mbolimweka isyikati.
ד [Daleth]
Utacimwi akaambo kamuntu
Uuzwidilila kuzuzikizya makanze aakwe mabi.+
ה [He]
ו [Waw]
10 Kusyeede kaindi kaniini buyo, ibantu babi tabakabi limbi pe;+
Uyoolanga nkobakabede,
Pele tabakabiko pe.+
ז [Zayin]
12 Muntu mubi ulakanza kucita cibi kumululami;+
Ulamulumina ntwino.
13 Pele Jehova ulamuseka,
Nkaambo ulizyi kuti buzuba bwakwe buyoosika.+
ח [Heth]
14 Ibabi basomona mapanga akoongomeka mata aabo
Kuti bawisye bantu bapengede alimwi abacete,
Kuti bajaye baabo beenda munzila iiluleme.
15 Pele mapanga aabo ayooyasa myoyo yabo beni;+
Mata aabo ayootyolaulwa.
ט [Teth]
16 Zintu zisyoonto nzyajisi mululami nzibotu
Ikwiinda zintu zinji nzyobajisi ibabi banji.+
17 Nkaambo maanza aababi ayootyolaulwa,
Pele Jehova unoobagwasya balulami.
י [Yod]
18 Jehova ulizizyi zintu zibacitikila bantu batakwe kampenda,*
Aboobo lukono lwabo lunooliko lyoonse mane kukabe kutamani.+
19 Tabakausyigwi nsoni ciindi camapenzi;
Ciindi canzala banoojisi zyakulya zinji kapati.
כ [Kaph]
20 Pele bantu babi bayooloba;+
Basinkondonyina Jehova bayoomana mbuli macelelo mabotu kapati;
Bayoozimaana mbuli busi.
ל [Lamed]
22 Aabo mbaleleka Leza bayookona nyika,
Pele aabo mbasinganya bayoonyonyoonwa.+
מ [Mem]
נ [Nun]
25 Ndakali mwana lino ndacembaala,
Nokuba boobo tandinabwene mululami wakalekelezyegwa,+
Nobaba bana bakwe kabalombelela cakulya.+
26 Lyoonse ulakweletesya camoyo woonse,+
Aboobo bana bakwe bayoolelekwa.
ס [Samekh]
27 Kozitantamuka zibi akucita zintu zibotu,+
Eelyo unoopona lyoonse mane kukabe kutamani.
פ [Pe]
צ [Tsade]
32 Imubi ulamulangilila mululami,
Kuyanda kuti amujaye.
ק [Qoph]
34 Kolangila Jehova akutobela nzila yakwe,
Eelyo uyookusumpula kuti ukone nyika.
Ibabi baakunyonyoonwa,+ yebo uyoolibonena ameso aako.+
ר [Resh]
35 Ndakabona muntu mubi, silunya
Kasumpuka mbuli cisamu cipati cili mubulongo mocakamenena.+
36 Nokuba boobo wakafwa cakutayeeyelwa, alimwi tanaakaciliko pe;+
Ndakali kumuyandaula, pele tanaakajanika pe.+
ש [Sin]
37 Amubikkile maano kumuntu uunyina kampenda,*
Akulanga muntu uululeme,+
Nkaambo kumbele muntu ooyo uyooba muluumuno.+
38 Pele basizibi boonse bayoonyonyoonwa;
Kumbele bantu babi bayooloba.+
ת [Taw]
40 Jehova uyoobagwasya akubavwuna.+
Uyoobavwuna kubantu babi akubafwutula,
Nkaambo bayuba mulinguwe.+
Lwiimbo lwa Davida, lwakwiibalusya.
38 O Jehova, utandisinsi cabukali,
Naa kundilulamika konyemede.+
2 Nkaambo mivwi yako yabbila mulindime,
Alimwi janza lyako lyandilemena.+
3 Mubili wangu woonse ulacisa* akaambo kakukalalilwa anduwe.
Taakwe luumuno muzifwuwa zyangu akaambo kacibi cangu.+
4 Nkaambo milandu yangu yandivwulila atala aamutwe wangu;+
Yandiminya kapati mbuli mukuli mulemu.
5 Zilonda zyangu zyabola akununka nsu
Akaambo kabufwubafwuba bwangu.
6 Ndapenga mumizeezo alimwi ndausa kapati;
Buzuba boonse ndileenda kanduuside.
8 Ndaba acinwe alimwi ndatyolooka cakumaninina;
Moyo wangu uupengede kapati wandipa kutongela.
9 O Jehova, zyoonse nzyondiyanda zili kumbele lyako,
Akwalo kutongela kwangu takusisidwe kulinduwe pe.
10 Moyo wangu waduntaana kapati, inguzu zyandimana,
Awalo mumuni wameso aangu wandisiya.+
11 Beenzuma alimwi abasaama balanditantamuka akaambo kacilwazi cangu,
Abalo aabo mbotuzyibene kapati baimina kulamfwu.
12 Aabo bayandaula buumi bwangu banditeya tukole;
Aabo basola kundicisa baamba zyalunyonyooko;+
Buzuba boonse bavwiya-vwiya zyalweeno.
13 Pele mbubonya mbuli musinkematwi, mebo tiindali kuswiilila;+
Mbubonya mbuli syaataambi, tiindali kujalula mulomo wangu.+
14 Ndaba mbuli muntu uutaswiilili,
Uutakwe majwi mukanwa aakukazya.
16 Nkaambo ndakaamba kuti: “Batakondwi akaambo kamapenzi aangu
Naa kulisumpula kulindime ikuti kuulu kwangu kwatezemuka.”
17 Nkaambo kwakasyeede buyo asyoonto kuti ndinetuke,
Alimwi lyoonse ndakamvwide kucisa.+
19 Pele basinkondoma mbasungu* alimwi mbaasinguzu,*
Aabo bandisulide kakunyina kaambo bavwula kapati.
20 Bakandijolela cibi kucibotu ncindakacita;
Bakali kundikazya akaambo kakuti nditobela cibotu.
21 Akaka utandilekelezyi, O Jehova.
O Leza wangu, utazumanani kwiimina kulamfwu andime.+
22 Koboola cakufwambaana undigwasye,
O Jehova, olufwutuko lwangu.+
Kumweendelezi wanyimbo; ya Jedutuni.*+ Lwiimbo lwa Davida.
Ndilalyaanga kazangala kuti kasinke mulomo wangu,+
Kufwumbwa kuti mubi kali kumbele lyangu.”
2 Ndakabula majwi aakwaamba, eelyo ndakaumuna buyo;+
Ndakaumuna wi nokuba kujatikizya cibotu,
Pele ndakamvwa kucisa kapati.
3 Moyo wangu wakapya mucamba.
Nindakatungumana kuyeeya,* mulilo wakaluujisi kuvwilima.
Aboobo ndakati:
4 “O Jehova, kondigwasya kuzyiba mbwaayooba mamanino aangu,
Amweelwe wamazuba aangu,+
Kutegwa ndizyibe mbobuli bufwaafwi buumi bwangu.
5 Ncobeni, yebo wandipa buyo mazuba masyoonto;*+
Alimwi kulampa kwabuumi bwangu kunyina mbokubede kumbele lyako.+
Masimpe nokuba kuti muntu woonse ulibonya kuti ukkede kabotu, mubwini muya buyo.+ (Sela)
6 Ncobeni bantu boonse baleendeenda mbuli cinzimweemwe.
Baile kubilinganina citako.*
Balundika lubono, pele tabazyi bayoolulya.+
7 Aboobo, ino ncinzi ncondikonzya kulangila, O Jehova?
Yebo olikke ndonduwe bulangizi bwangu.
8 Kondivwuna kunsotoko zyangu zyoonse.+
Utalekeli muntu mufwubafwuba kuti andisampaule.
10 Kocigusya cipenzyo cako kulindime.
Ndamana akaambo kajanza lyako linduuma.
11 Yebo ulalulamika muntu kwiinda mukumusubula akaambo kacibi cakwe;+
Ulazilya zintu zyakwe nzyayandisya mbubonya bucita nkoonkolekwa yamasiku.
Masimpe muntu woonse muya buyo.+ (Sela)
12 Komvwa mupailo wangu, O Jehova,
Koswiilila nendililila lugwasyo.+
Utaciti mbuli kuti toibwene misozi yangu.
Nkaambo ndimuzwakule buyo kulinduwe,+
Ndili simweendanzila wiinda buyo,* mbubonya mbuli bamatata boonse.+
13 Koleka kundilanga cabukali kutegwa ndikkomane
Kanditanafwa akuloba.”
Kumweendelezi wanyimbo. Intembauzyo ya Davida. Lwiimbo.
40 Ndakalangila* Jehova camoyo woonse,
Aboobo wakacenjeka kutwi kwakwe* kulindime akumvwa kulila kwangu kwakuti ndigwasyigwe.+
2 Wakandigusya mumulindi uuvwuuma,
Kuzwa mumankanda aatezemuka.
Mpoonya wakabikka maulu aangu amwala;
Wakandipa kweenda anyika njumu.
3 Kumane wakabikka lwiimbo lupya mukanwa lyangu,+
Lwiimbo lwakutembaula Leza wesu.
Banji bayoolanga kabagambidwe kapati
Alimwi bayoosyoma Jehova.
4 Ulikkomene muntu uusyoma Jehova
Alimwi uutalangi kubazangi nokuba kulibaabo babeja.
5 Nzinji kapati zintu nzyoocita,
O Jehova Leza wangu,
Milimo yako iigambya amakanze ngojisi kulindiswe.+
Kunyina uukonzya kweelanisyigwa anduwe;+
Ikuti naa ndati ndiziluule akuzyaamba,
Nzinji kapati cakuti tandikonzyi kuzibandauka zyoonse!+
Tonookalomba zituuzyo zyuumpwa azituuzyo zyacibi.+
7 Aboobo ndakati: “Bona, ndaboola.
Mubbuku lyakuvwunga kulilembedwe kujatikizya ndime.+
8 Ndilakukkomanina* kucita kuyanda kwako,+ O Leza wangu,
Alimwi mulawo wako uli mukati kamoyo wangu.+
9 Ndilaambilizya makani mabotu aabululami mumbungano mpati.+
Bona! Milomo yangu tandiilesyi kwaambaula.+
O Jehova, yebo ulaazyi kabotu makani aaya.
10 Tandibusisi bululami bwako mumoyo wangu.
Ndilaambilizya kusyomeka kwako alufwutuko lwako.
Tandisisi luyando lwako lutamani alimwi akasimpe kako mumbungano mpati.”+
11 O Jehova, utaleki kundifwida luse.
Luyando lwako lutamani akasimpe kako azindikwabilile lyoonse.+
12 Mapenzi aandizingulukide manji kapati, taakonzyi kubalwa.+
Milandu yangu minji kapati yandikopa cakuti tandikonzyi kubona nzila yangu;+
Minji kapati kwiinda masusu aakumutwe wangu,
Alimwi ndatyompwa kapati.
13 Akaka kolisungwide O Jehova, kondifwutula.+
O Jehova, kofwambaana kuboola kuzoondigwasya.+
14 Boonse aabo ibayanda kundijaya
Abafwe nsoni akugunwa.
Aabo ibakkomana nondipenga
Abajokele kabasampukide.
15 Aabo bandaambila kuti: “Ehee! Ehee!”
Abagambwe kapati akaambo kansoni zibajisi.
Aabo ibayanda milimo yako yalufwutuko lyoonse kabaamba kuti:
“Jehova aalemekwe.”+
17 Pele mebo ndilipengede alimwi ndili mucete;
Jehova aandibikkile maano.
Kumweendelezi wanyimbo. Lwiimbo lwa Davida.
2 Jehova uyoomulinda akumubamba kuti kapona.
Munyika uyakwaambwa kuti ulikkomene;+
Tokamwaabi kuli basinkondonyina kuti bamucite kufwumbwa ncobayanda.+
4 Mebo ndakati: “O Jehova, kondifwida luzyalo.+
Kondiponya,+ nkaambo ndakubisizya.”+
5 Pele basinkondoma bandaamba zintu zibi kabati:
“Ino uyoofwa lili kutegwa zina lyakwe lilobe?”
6 Ikuti umwi wabo waboola kuzoondibona, moyo wakwe waamba buyo zyakubeja.
Uyandaula cintu cibi cakuti akandaambe;
Mpoonya ulaunka akuyoocimwaya.
7 Boonse aabo bandisulide balavwiya-vwiya mulicabo kujatikizya ndime;
Bakanza kundicitila cibi ategwa:
10 Pele yebo, O Jehova, kondifwida luzyalo alimwi undibusye,
Kutegwa ndibajolele cibi.
11 Oobu mbonditiizyibe kuti ulandikkomanina:
Kuti sinkondoma atoongololi akaambo kakuti wandizunda.+
12 Lino mebo, ulindijatilide yebo akaambo kakuti tandikwe kampenda;+
Uyoondibamba kumbele lyako lyoonse mane kukabe kutamani.+
Ameni! Ameni!
BBUKU LYABILI
(Intembauzyo 42-72)
Kumweendelezi wanyimbo. Masikili* yabana ba Kora.+
42 Mbuli insya iifwide nyota iiyandisisya tulonga twamaanzi,
Andime ndilakuyandisisya, O Leza.
2 Ndifwide nyota ya Leza, Leza imuumi.+
Ino ndiyakuunka lili kuyoolibonya kumbele lya Leza?+
3 Misozi yangu ncecakulya cangu syikati amasiku;
Buzuba boonse bantu balandifwubaazya kabati: “Ino Leza wako uli kuli?”+
4 Zintu eezyi ndilaziibaluka, eelyo ndilapenga kapati mumoyo,
Nkaambo ndakali kweenda antoomwe ankamu yabantu;
Ndakali kweenda cabulemu* kumbele lyabo ikuunka kuŋanda ya Leza,
Amajwi aakoongolola cakukondwa alimwi akulumba,
Imajwi aankamu yabantu ibasekelela pobwe.+
5 Nkaambo nzi ncindatyompwa?+
Nkaambo nzi ncindanyongana boobu mumoyo?
6 O Leza wangu, ndilityompedwe.+
Nkakaambo kaako ndilakuyeeya,+
Kandili munyika ya Jordano atala eeni aacilundu ca Herimoni,
Kandili a Cilundu ca Mizara.*
7 Maanzi malamfwu aita maanzinyina malamfwu
Kukuvwuuma kwamaanzi aako aapoomoka.
Mayuwe aako oonse aajisi nguzu andivwumba.+
8 Syikati Jehova ulanditondezya luyando lwakwe lutamani,
Alimwi masiku ndilamwiimbila lwiimbo lwakwe—imupailo kuli Leza wabuumi bwangu.+
9 Ndilabuzya Leza, imwala wangu kuti:
“Ino wandilubila nzi?+
Nkaambo nzi ncondeenda kanduuside akaambo kakudyaamininwa asinkondoma?”+
10 Basinkondoma bandisulide cabujayi* balandifwubaazya;
Buzuba boonse balandifwubaazya kabati: “Ino Leza wako uli kuli?”+
11 Nkaambo nzi ncindatyompwa?
Nkaambo nzi ncindanyongana boobu mumoyo?
Kolindila Leza,+
Nkaambo ndiyoomutembaula alimwi, mbwaanga ngo Mufwutuli wangu Mupati, alimwi ngo Leza wangu.+
Kondivwuna kumuntu silweeno alimwi uutaluleme.
2 Nkaambo nduwe Leza wangu, imampangala aangu.+
Ino nkaambo nzi ncoondisowela?
Nkaambo nzi ncondeelede kweenda kanduuside akaambo kakudyaamininwa asinkondoma?+
3 Kotuma mumuni wako akasimpe kako.+
4 Mpoonya ndiyoosika kucipaililo ca Leza,+
Kuli Leza, ooyo uundipa kukondwa kapati.
Alimwi ndiyookutembaula akantimbwa,+ O Leza, Leza wangu.
5 Nkaambo nzi ncindatyompwa?
Nkaambo nzi ncindanyongana boobu mumoyo?
Kolindila Leza,+
Nkaambo ndiyoomutembaula alimwi, mbwaanga ngo Mufwutuli wangu Mupati, alimwi ngo Leza wangu.+
Kumweendelezi wanyimbo. Intembauzyo yabana ba Kora.+ Masikili.*
44 O Leza, twalimvwida amatwi eesu,
Bamataateesu batulwiida,+
Zintu nzyookacita mumazuba aabo,
Mumazuba aakaindi.
Wakazunda akutanda masi.+
3 Talili panga lyabo beni ilyakabapa kukona nyika,+
6 Nkaambo tandisyomi buta bwangu
Alimwi panga lyangu talikonzyi kundifwutula.+
7 Nduwe wakatufwutula kuli basinkondoma,+
Nduwe ookapa kuti basampuke aabo ibatusulide.
8 Buzuba boonse tunootembaula Leza,
Alimwi tunoolumba zina lyako lyoonse mane kukabe kutamani. (Sela)
9 Pele lino watusowa alimwi wapa kuti nsoni zitujaye,
Alimwi tocuunki ampi zyabasikalumamba besu.
10 Wazumanana kupa kuti tutije kuzwa kuli basinkondoma;+
Aabo ibatusulide balabweza kufwumbwa ncobayanda.
11 Watwaaba kuti tuligwe mbuli mbelele;
Watumwaya akati kamasi.+
13 Watupa kuba cintu cisampukide kuli basimukoboma,
Cisesemyo alimwi cintu ciweelwa abaabo boonse batuzingulukide.
15 Insoni zyandijaya buzuba boonse,
Alimwi bweemya bulindijisi citaambiki,
16 Akaambo kamajwi aabaabo basampaula akutukila,
Akaambo kasinkondoma ooyo uupilusya cibi.
17 Zyoonse eezyi zyatucitikila, pele swebo tiitwakuluba pe,
Alimwi tiitwajaya cizuminano cako.+
18 Myoyo yesu tiiyaleya pe;
Aalo maulu eesu tanaazwa munzila yako.
19 Pele yebo watupwayaula mubusena bukkala bamwaaba;
Watuvwumba mudima uusiya mbi.
20 Ikuti naa twaluba zina lya Leza wesu
Nokuba kutambika maanza eesu akupaila kuli leza mweenzu,
21 Sena Leza takaazyibi makani aaya?
Walo ulaazyi maseseke aali mumoyo.+
22 Akaambo kanduwe tuli muntenda yakujaigwa buzuba boonse;
Tubonwa mbuli mbelele ziyakukujaigwa.+
23 Buka. Ino nkaambo nzi ncozumanana koona, O Jehova?+
Sinsimuka! Utazumanani kutusowa mane kukabe kutamani.+
24 Ino nkaambo nzi ncosisa busyu bwako?
Nkaambo nzi ncoluba mbotupenzyegwa ambotudyaamininwa?
25 Nkaambo swebo twausyilwa ansi mulusuko;
Mibili yesu yasimininwa ansi.+
26 Nyamuka utugwasye!+
Kotuvwuna* akaambo kaluyando lwako lutamani.+
Kumweendelezi wanyimbo; lwiimbwe mbuli lwiimbo lwakuti “Mpana.” Intembauzyo yabana ba Kora.+ Masikili.* Nyimbo yaluyando.
45 Moyo wangu waduntaana akaambo kacintu cibotu.
Ndaamba kuti: “Nyimbo yangu* ijatikizya mwami.”+
Mulaka wangu aube cilembyo*+ casikukkopolola* uucibwene.+
2 Nduwe musankwa wiinda kubota akati kabana babantu boonse.
Kumilomo yako kuzwa majwi aakondelezya.+
Nkakaambo kaako Leza ulikulelekede lyoonse mane kukabe kutamani.+
4 Mpoonya koya ukazunde* mubweebesi bwako;+
Kotanta bbiza ulwanine kasimpe, kulicesya abululami,+
Alimwi janza lyako lyalulyo lilacita* zintu zigambya kapati.
6 Leza ncuuno cako cabwami lyoonse alyoonse mane kukabe kutamani;+
Nkoli yabwami bwako ninkoli yabululami.+
7 Yebo wakayandisya bululami,+ alimwi wakasulaika bubi.+
Nkakaambo kaako Leza, Leza wako,+ ncaakunanikila mafwuta aalukkomano+ manji kwiinda beenzinyoko.
8 Zisani zyako zyoonse zinunkilila tununkilizyo twamuro, twaaloye alimwi atwakkasiya;
Kulila kwatuntimbwa ikumvwika kuzwa muŋanda mpati yamwami iibotezyedwe ameja aabazovwu kulakukkomanisya.
9 Bana basimbi babami bali akati kabanakazi bako balemekwa.
Mukaintu wamwami waima kujanza lyako lyalulyo kasamide ngolida yaku Ofiri.+
10 Koswiilila, O mwana musimbi, kobikkila maano akucenjeka kutwi kwako;
Kobaluba bantu bako alimwi aŋanda yabauso.
12 Mwana musimbi waku Turo uyooboola kajisi cipego;
Ibantu bavwubide kapati akati kabantu bayooyanda kuti ubakkomanine.
13 Muŋanda yamwami, mwana musimbi wamwami ulilemekedwe kapati;
Cisani cakwe cilibotezyedwe angolida.
14 Uyooletwa kumwami kasamide zisani zisumidwe kabotu.
Banakalindu beenzinyina ibamusindikila lino baletwa kulinduwe.
15 Bayooletwa cakukondwa akusekelela;
Bayoonjila muŋanda yamwami.
16 Bana bako bayoobweza busena bwabamauso.
Uyoobabikka kuba basilutwe munyika yoonse.+
17 Ndinoozyibya zina lyako mumazyalani oonse aaboola.+
Nkakaambo kaako bantu banookutembaula lyoonse alyoonse mane kukabe kutamani.
Kumweendelezi wanyimbo. Intembauzyo yabana ba Kora.+ Kweelana abwiimbwa Alamoti.* Lwiimbo.
46 Leza mayubilo eesu alimwi ninguzu zyesu,+
Mugwasyi ngotukonzya kujana lyoonse muziindi zyamapenzi.+
2 Nkakaambo kaako tatukooyoowa pe, nokuba kuti nyika yacinca,
Nokuba kuti malundu akolomokela mumpisi zyalwizi,+
3 Nokuba kuti maanzi aandulo avwuuma akuzwa ccovwu,+
Nokuba kuti malundu azungaana akaambo kakukopana kwandulo. (Sela)
4 Kuli mulonga uujisi tulonga tupa kuti munzi wa Leza ukondwe,+
Itente lipati lisalala lyakukombela lya Mupatikampatila.
5 Leza uli mumunzi ooyu;+ taukonzyi kuzundwa pe.
Leza uyakuugwasya kubucedo.+
6 Masi akapyopyongana, imami akazundwa;
Wakoongolola ajwi lyakwe, eelyo nyika yakanyenguluka.+
8 Amuboole mulibonene milimo ya Jehova,
Mbwaacita zintu zigambya kapati anyika.
9 Ulamanizya nkondo munyika yoonse mboizulwa.+
Ibuta ulabutyolaula alyalo sumo ulalipwayaula;
Inkalaki zyankondo* ulazyuumpa amulilo.
10 “Amulibombye muzyibe kuti ndime Leza.
Kumweendelezi wanyimbo. Intembauzyo yabana ba Kora.+ Lwiimbo.
47 Nobantu nyoonse, amukambe maanza aanu.
Amoongololele Leza cakuzunda amajwi aakusekelela.
3 Ulabombya bantu kulindiswe;
Ulabikka misyobo yabantu kunsi aamaulu eesu.+
5 Leza watanta kubusena bwakwe ibantu kaboongolola calukkomano;
Jehova watanta kumwi bantu kabalizya mweembo.*
6 Amwiimbe nyimbo zyakutembaula Leza, amwiimbe ntembauzyo.
Amwiimbe nyimbo zyakutembaula Mwami wesu, amwiimbe ntembauzyo.
7 Nkaambo Leza ngo Mwami wanyika yoonse;+
Amwiimbe nyimbo zyakumutembaula, alimwi amutondezye bupampu.
8 Leza waba Mwami wamasi.+
Leza ulikkede acuuno cakwe cabwami cisalala.
9 Basololi babantu baswaangana antoomwe
Abantu ba Leza wa Abrahamu.
Nkaambo baleli* bamunyika mbabakwe Leza.
Walo ulisumpukide kapati.+
Lwiimbo. Intembauzyo yabana ba Kora.+
48 Jehova mupati alimwi uleelede kutembaulwa kapati
Mumunzi wa Leza wesu, mucilundu cakwe cisalala.
2 Iceebeka akaambo kabulamfwu bwancico, icikkomanisya nyika yoonse,+
Ncilundu ca Ziyoni eeco icili kule kulubazu lwakunyika,
Imunzi wa Mwami Mupati.+
4 Nkaambo amubone! Bami babungana antoomwe;*
Boonse antoomwe baunka bayaabweenda.
5 Nobakaubona, bakagambwa.
Bakanyongana akutija kabayoowede.
6 Bakazyangama citaambiki ooko,
Bakapenga mbubonya mbuli mukaintu uutumbuka.
7 Yebo ulanyonyoona mato aaku Tarisi amuwo uuzwa kujwe.
8 Eeco ncotwakamvwa, lino twalibonena ameso eesu
Mumunzi wa Jehova wamakamu, mumunzi wa Leza wesu.
Leza uyoowiimika nji lyoonse mane kukabe kutamani.+ (Sela)
9 O Leza, tulakkala ansi kuyeeya luyando lwako lutamani,+
Mukati katempele lyako.
10 Mbubonya mbuli zina lyako, O Leza, intembauzyo zyako
Zisikide kumagolelo aanyika.+
Ijanza lyako lyalulyo lizwide bululami.+
13 Amubikke myoyo yanu kumalambo aanguwo mayumu.+
Amulange-lange ngazi zyanguwo zikwabilidwe,
Kutegwa mukalwiide zyalani liboola.
14 Nkaambo ooyu Leza ngo Leza wesu+ lyoonse alyoonse mane kukabe kutamani.
Unootusololela lyoonse mane kukabe kutamani.*+
Kumweendelezi wanyimbo. Intembauzyo yabana ba Kora.+ Lwiimbo.
49 Amuswiilile makani aaya, nywebo nobantu nyoonse.
Amubikkile maano, nywebo nyoonse nomukkala munyika eeyi,*
2 Nobaniini anobapati,*
Nobavwubi anywebo nobacete.
3 Mulomo wangu ulaamba cabusongo,
Alimwi nzyondiyeeya mumoyo wangu+ zinooli zyamaano.
4 Ndilabikkila maano kukasimpi;
Ndilapasulula kalabi kangu kumwi kandilizya kantimbwa.
5 Ino ndiyoowele nzi muziindi zyamapenzi,+
Ciindi nendizingulukidwe abubi* bwabaabo ibasola kundaatula?
6 Aabo ibasyoma mubuvwubi bwabo+
Akulidunda akaambo kakuvwula kwalubono lwabo,+
7 Kunyina naba omwe wabo uukonzya kunununa mwanookwabo
Nokuba kupa Leza cinunuzyo cakwe,+
8 (Muulo wakunununa buumi bwabo ngwaatala kapati
Cakuti lyoonse tabaukonzyi pe);
10 Ulabona kuti nobaba basongo balafwa;
Muntu mufwubafwuba autakwe maano boonse buyo balaloba,+
Mpoonya buvwubi bwabo babusiila bantu bambi.+
11 Mumoyo balombozya kuti maanda aabo kaaliko lyoonse mane kukabe kutamani,
Inzya, matente aabo kuzyalani limwi alimwi.
Mpulazi zyabo bazyuulika mazina aabo.
12 Pele muntu, nokuba kuti ulalemekwa, takazumanani kupona pe;+
Taakwe mpabainda banyama ibalobelela.+
13 Oobu mbocibede kubantu bafwubafwuba+
Abaabo babatobela, ibakkomanina majwi aabo aabuyo. (Sela)
14 Mbuli mbelele bazandwidwa ku Cuumbwe.*
Lufwu ndoluyoobeembela;
Baluleme bayakweendelezya bantu+ aabo mafwumofwumo.
16 Utayoowi pe akaambo kakuti muntu umwi wavwuba,
Akaambo kakuti bulemu bwaŋanda yakwe buyaabuvwula,
17 Nkaambo afwa takonzyi kutolelela cintu cili coonse;+
Bulemu bwakwe tabukaunki anguwe pe.+
18 Nkaambo nacipona ulalilumbaizya.+
(Bantu balakutembaula ciindi zintu nozikweendela kabotu.)+
19 Pele kumamanino usangana zyalani lyabamausyi.
Tabakauboni kabili mumuni.
20 Muntu uutamvwisyi makani aaya, nokuba kuti ulalemekwa,+
Taakwe mpabainda banyama ibalobelela.
Lwiimbo lwa Asafu.+
50 Leza wabaleza, Jehova,*+ waamba;
Waita nyika
Kuzwa kumapaswido aazuba kusikila kumabbililo aandilyo.*
2 Kuzwa mu Ziyoni, ibusena bweebeka citaambiki,+ Leza wamweka.
3 Leza wesu uyooboola alimwi takonzyi kuumuna buyo pe.+
Kumbele lyakwe kuli mulilo uumpa cakumaninina,+
Alimwi koonse-koonse iguwo pati kapati lilimuzingulukide.+
5 “Amubunganye bantu bangu basyomeka kumbele lyangu,
Aabo ibapanga cizuminano andime kwiinda mucipaizyo.”+
6 Majulu aambilizya bululami bwakwe,
Nkaambo Leza lwakwe Mubetesi.+ (Sela)
7 “Amuswiilile, nobantu bangu, ndaambe;
O Israyeli, ndilapa bumboni bwamilandu yako.+
Ndime Leza, Leza wako.+
8 Tandikusinsi akaambo kazipaizyo zyako pe,
Naa akaambo kazituuzyo zyako zyuumpwa buumbulu izili kumbele lyangu lyoonse.+
10 Nkaambo banyama bamusyokwe boonse mbibangu,+
Nobaba banyama ibali mumalundu aali cuulu.
11 Ndilibazyi bayuni boonse bamumalundu;+
Banyama bamusyokwe ibatakonzyi kubalwa mbibangu.
12 Nokuba kuti kaindijaide nzala, tandikonzyi kukwaambila pe,
Nkaambo nyika mbotu azintu zyoonse zili mumo nzizyangu.+
13 Sena ndeelede kulya nyama yabapoho
Akunywa bulowa bwampongo?+
14 Kotuula cipaizyo cakulumba kuli Leza,+
Alimwi kozuzikizya zikonke zyako ku Mupatikampatila;+
15 Kondiita muciindi camapenzi.+
Ndilakuvwuna, eelyo yebo ulandilemeka.”+
16 Pele Leza uyoobuzya muntu mubi kuti:
19 Ubelesya mulomo wako kumwaya makani mabi,
Alimwi mulaka wako lyoonse waamba zyakubeja.+
21 Nowakali kucita zintu eezyi, mebo ndakaumwine buyo.
Aboobo wakali kuyeeya kuti andime ndilaba mbuli nduwe.
Pele lino ndilakusinsa,
Alimwi ndilakupa mulandu.+
22 Amwaamvwisye makani aaya, nywebo nomumuluba Leza,+
Kutegwa nditamuzazauli kakunyina naba omwe uumuvwuna.
23 Ooyo uutuula cipaizyo cakulumba nguundilemeka,+
Alimwi ooyo uutobela nzila iibikkidwe,
Ndiyoomupa kubona lufwutuko luzwa kuli Leza.”+
Kumweendelezi wanyimbo. Lwiimbo lwa Davida, ciindi Musinsimi Natani naakamuboolela eelyo Davida naakoonana a Bati-seba.+
51 Kondifwida luzyalo, O Leza, kweelana aluyando lwako lutamani.+
Kozimaanya zinyonyoono zyangu kweelana aluse lwako lupati.+
Aboobo, yebo uliluleme noambaula,
Yebo uliluzi mulubeta lwako.+
8 Kondipa kumvwa jwi lyakusekelela akukondwa,
Kutegwa mafwuwa ngookapwayaula akondwe.+
11 Utandisowi kuzwa kubusyu bwako;
Alimwi utandinyangi muuya wako uusalala.
12 Kopa kuti ndisekelele alimwi akaambo kalufwutuko lwako;+
Kondigwasya kuba amoyo uulisungwide kukumvwida.*
13 Ndiyooyiisya basizinyonyoono nzila zyako,+
Kutegwa basizibi bajokele kulinduwe.
14 Kondifwutula kumulandu wabulowa,+ O Leza, Leza walufwutuko lwangu,+
Kutegwa mulaka wangu waambilizye bululami bwako cakukondwa.+
15 O Jehova, kojalula milomo yangu,
Kutegwa mulomo wangu ukonzye kwaambilizya ntembauzyo zyako.+
17 Zipaizyo zimukkomanisya Leza muuya uuside;
18 Mububotu bwako komucitila kabotu Ziyoni;
Koyaka malambo aa Jerusalemu.
19 Aboobo uyookkomanina zipaizyo zyabululami,
Izipaizyo zyuumpwa alimwi azituuzyo zyuumbulu;
Mpoonya bapoho bayootuulwa acipaililo cako.+
Kumweendelezi wanyimbo. Masikili.* Intembauzyo ya Davida,
ciindi Doegi muna Edomu naakaunka kuyakwaambila Saulo kuti Davida wakalisikide kuŋanda ya Ahimeleki.+
52 Nkaambo nzi ncolikankaizya akaambo kamicito yako mibi, yebo osinguzu?+
Luyando lwa Leza lutamani ndwaciindi coonse.+
3 Yebo uyandisya zintu zibi kwiinda zibotu,
Kubeja kwiinda kwaamba masimpe. (Sela)
4 Uyandisya majwi oonse mabi,
Yebo omulaka walweeno!
5 Nkakaambo kaako Leza uyookukwelela ansi ciindi comwe buyo mane kukabe kutamani;+
Uyookukwempa akukunonkola kuzwa mutente lyako;+
Uyookuzyula munyika yabaumi.+ (Sela)
7 “Amubone! Ngooyu muntu watakacita Leza kuba mayubilo* aakwe,+
Pele wakasyoma buvwubi bwakwe butalivwulili+
8 Pele mebo ndinooli mbuli cisamu camaolifa cifwefwema muŋanda ya Leza;
Ndisyoma luyando lwa Leza lutamani+ lyoonse alyoonse mane kukabe kutamani.
9 Ndinookutembaula lyoonse mane kukabe kutamani nkaambo wabweza ntaamu;+
Kumbele lyabantu bako basyomeka,
Ndinoosyoma zina lyako,+ nkaambo ndibotu.
Kumweendelezi wanyimbo; lwiimbwe bwiimbwa Mahalati.* Masikili.* Intembauzyo ya Davida.
53 Mumoyo wakwe mufwubafwuba* waamba kuti:
“Jehova tako pe.”+
Micito yabo iitaluleme mibyaabi alimwi ilasesemya;
Kunyina naba omwe uucita zibotu.+
2 Pele Leza ulalanga bana babantu ansi kuzwa kujulu+
Kuti abone naa kuli muntu uulaamaano, uuyandaula Jehova.+
3 Boonse baleya;
Boonse buyo balisofweede.
Kunyina naba omwe uucita zibotu,
Kunyina naba omwe pe.+
4 Sena kunyina muntu akati kabasimucita zibi uujisi maano?
Balya bantu bangu mbuli mbobalya cinkwa.
Tabasoli kwiita Jehova.+
5 Pele bayooyoowa kapati,
Bayooyoowa kapati munzila njibatanayoowede,*
Nkaambo Leza uyoomwaya mafwuwa aabaabo bakulwana.*
Yebo uyoobausya nsoni, nkaambo Jehova wabakaka.
6 Eelo kaka inga cabota ikuti mu Ziyoni mwazwa lufwutuko lwa Israyeli!+
Jehova aakuyobolola bantu bakwe baange,
Jakobo aakakondwe, Israyeli aakasekelele.
Kumweendelezi wanyimbo; lwiimbwe kakulila tuntimbwa. Masikili.* Intembauzyo ya Davida, ciindi bana Zifi nobakaboola akwaambila Saulo kuti: “Davida uyubide kulindiswe.”+
2 O Leza, komvwa mupailo wangu;+
Kobikkila maano kumajwi aazwa kumulomo wangu.
3 Nkaambo bamuzwakule bandibukila,
Alimwi basilunya bayandaula buumi bwangu.+
4 Bona! Leza mugwasyi wangu;+
Jehova ulaabaabo bandigwasya.
6 Cakulisungula ndiyoopa cipaizyo kulinduwe.+
Ndinootembaula zina lyako, O Jehova, nkaambo ndibotu.*+
Kumweendelezi wanyimbo; lwiimbwe kakulila tuntimbwa. Masikili.* Intembauzyo ya Davida.
55 Komvwa mupailo wangu, O Leza,+
Alimwi utandicitili muuzyamvwide nendikulomba kuti undifwide luse.*+
2 Kondibikkila maano akundivwiila.+
Zintu zindilibilisya zyandipa kucucauka,+
Alimwi ndazyingwa
3 Akaambo kazyeezyo nzyaamba sinkondoma
Alimwi akaambo kakupenzyegwa amuntu mubi.
Nkaambo baluujisi kundiletela mapenzi,
Alimwi cabukali balandibikkilila.+
5 Buyoofwu akukankama zili alindime,
Akwalo kuzuzuma kulindijisi.
6 Lyoonse ndaamba kuti: “Eelo kaka nindalijisi mababa mbuli nziba!
Nindauluka akuunka kuyookkala mubusena bwakuliiba.
7 Bona! Nindatijila kule.+
Nindaakukkala munkanda.+ (Sela)
8 Nindafwambaana kuunka kubusena bwakuyusila
Kuzwa kumuwo wuungisya, kuzwa kuguwo pati.”
10 Syikati amasiku baleendeenda atala aamalambo aanguwo kabauzinguluka;
Mulinguwo muli bujayi amapenzi.+
11 Mulinguwo muli lunyonyooko;
Kudyaaminina abumpelenge tazimani pe kubbuwa lyanguwo lyabuleya.+
Tali muntu uundisulide iwandibukila;
Nicali boobo, nindamuyuba.
14 Yebo andime twakali kumvwana kapati;
Twakali kweenda antoomwe munkamu kunjila muŋanda ya Leza.
15 Abasikilwe lunyonyooko!+
Abaunke mu Cuumbwe* kabalanga;
Nkaambo bubi nkobuli akati kabo alimwi amumyoyo yabo.
16 Pele mebo ndiyookwiilila Leza,
Eelyo Jehova uyoondifwutula.+
Bayookaka kucinca,
Aabo ibatamuyoowi Leza.+
Majwi aakwe mateteete kwiinda mafwuta,
Pele mapanga aasomwedwe.+
Kunyina nayoolekela muntu uululeme kuti awe.*+
23 Pele yebo, O Leza, uyoobawisizya mucilindi calufwu cilamfwu kapati.+
Ibantu aabo bajisi mulandu wabulowa alimwi ibampelenge tabakaponi cisela camazuba aabo aabuumi.+
Pele mebo, ndinoosyoma nduwe.
Kumweendelezi wanyimbo; lwiimbwe mbuli lwiimbo lwa “Nziba Yuumwine Iili Kulamfwu Kapati.” Intembauzyo ya Davida. Mikitamu.* Ciindi ba Filisiti nobakamujata ku Gati.+
56 O Leza, kondifwida luzyalo, nkaambo muntu ulandilwana.*
Buzuba boonse baluujisi kundilwana akundipenzya.
2 Basinkondoma baluujisi kundiluma buzuba boonse;
Mbanji ibandilwana cakulisumpula.
3 Ciindi nendiyoowede,+ ndisyoma nduwe.+
4 Ngu Leza—ooyo uulaajwi ndyonditembaula—
Inzya, ngu Leza ngondisyoma; tandiyoowede pe.
Ino muntu* uulya maila inga wandityani?+
5 Buzuba boonse banyonganya milimo yangu;
Bajisi buyo muzeezo wakundicitila cibi.+
7 Kobakaka akaambo kabubi bwabo.
Kowisya masi cabukali, O Leza.+
8 Yebo ulibwene mbondituntulika.+
Kobikka misozi yangu munkomo yako yacikutu.+
Sena tiilembedwe mubbuku lyako?+
9 Basinkondoma bayootija mubuzuba mbondiyookwiita kuti undigwasye.+
Ndili masimpe kuti: Leza uli kulubazu lwangu.+
10 Ngu Leza—ooyo uulaajwi ndyonditembaula—
Ngu Jehova—ooyo uulaajwi ndyonditembaula—
11 Inzya, ngu Leza ngondisyoma; tandiyoowede pe.+
Ino muntu uulya maila inga wandityani?+
13 Nkaambo wandifwutula kulufwu+
Alimwi walesya maulu aangu kuti atalebwi,+
Kutegwa kandeenda kumbele lya Leza mumumuni wabaumi.+
Kumweendelezi wanyimbo; lwiimbwe mbuli lwiimbo lwa “Utanyonyooni.” Intembauzyo ya Davida. Mikitamu.* Ciindi naakatija Saulo akuyoonjila mumpangala.+
57 Kondifwida luzyalo, O Leza, kondifwida luzyalo,
Nkaambo mebo ndiyuba mulinduwe,+
Alimwi amucimvwule camababa aako kusikila mane mapenzi ainde.+
2 Ndiita Leza Mupatikampatila,
Leza mwini-mwini, ooyo uundimanizyila mapenzi aaya.
3 Ulatuma lugwasyo kuzwa kujulu akundifwutula.+
Ulamunyonganya ooyo uuyanda kundiluma. (Sela)
Leza ulatondezya luyando lwakwe lutamani akusyomeka kwakwe.+
4 Ndizingulukidwe basyuumbwa;+
Ndilede akati kabantu ibayanda kundimena,
Ibajisi meno aali mbuli masumo amivwi
Alimwi ibajisi mulaka uuli mbuli panga libosya.+
5 O Leza, kosumpuka kwiinda majulu;
Bulemu bwako abube atala aanyika yoonse.+
Bandisyida cilindi kumbele,
Pele balo beni mbabawida mulincico.+ (Sela)
7 Moyo wangu ulikkalikene, O Leza,+
Moyo wangu ulikkalikene.
Ndilakwiimbila akukutembaula munyimbo.
8 Kobuka, obulemu bwangu.
Kobuka, okalumbu; ayebo okantimbwa.
Ndilafwuma kubuka kakucili kubucedo.+
10 Nkaambo luyando lwako lutamani ndupati, lulasika akujulu,+
Akwalo kusyomeka kwako kulasika mumulengalenga.
11 O Leza, kosumpuka kwiinda majulu;
Bulemu bwako abube atala aanyika yoonse.+
Kumweendelezi wanyimbo; lwiimbwe mbuli lwiimbo lwa “Utanyonyooni.” Intembauzyo ya Davida. Mikitamu.*
58 Sena mulakonzya kwaamba bululami kuti kamuumwine?+
Sena mulakonzya kubeteka cabululami, nywebo nobana babantu?+
2 Muciindi caboobo, mumyoyo yanu mukanza kucita zintu zitaluleme,+
Alimwi maanza aanu apa kuti nkondo isakane mucisi.+
5 Taiswiilili jwi lyabaŋanga,
Nobacibwene buti kubelesya musamu wamasalamuzi.
6 O Leza, kokulaula meno aali mukanwa lyabo!
Kotyolaula myeebo yabasyuumbwa aaba, O Jehova!
7 Abazimaane mbuli maanzi aakunka mane ayuminina.
Leza aongomeke buta bwakwe kuti abawisye amivwi yakwe.
8 Ababe mbuli nkumba iiyaaya niiyabweenda;
Mbuli kasowe ikataboni zuba.
9 Izibiya zyanu kazitanamvwa mulilo watusanzo twamamvwa,
Leza uyootola kasamu katete akayumu ikayaka mucikko, mbuli kuti twabbubbulwa aaguwo lyuungisya.+
10 Mululami uyookondwa akaambo kakuti wabona kupilusyigwa kwacibi;+
Maulu aakwe ayoolyatauka mubulowa bwababi.+
11 Mpoonya bantu bayakwaamba kuti: “Masimpe mululami ulajana bulumbu.+
Ncobeni nkwali Leza uubeteka munyika.”+
Kumweendelezi wanyimbo; lwiimbwe mbuli lwiimbo lwa “Utanyonyooni.” Intembauzyo ya Davida. Mikitamu.* Ciindi Saulo naakatuma bantu kuti balinde ŋanda ya Davida kutegwa bamujaye.+
2 Kondivwuna kuli basimucita zibi,
Alimwi kondifwutula kuzigwebenga.*
4 Nokuba kuti tiindakabisya, balabalika akulibambila kundilwana.
Kobuka ciindi nendikwiita, ubone.
5 Nkaambo yebo, O Jehova Leza wamakamu, nduwe Leza wa Israyeli.+
Sinsimuka ulingule masi oonse.
Utabafwidi luse bantu bali boonse bajayi ibaaba bamwi.+ (Sela)
7 Kobona zipoomoka kumulomo wabo;
Milomo yabo ili mbuli mapanga,+
Nkaambo baamba kuti: “Ino nguni uuswiilila?”+
10 Leza uunditondezya luyando lutamani uyoondigwasya;+
Leza uyoondipa kubona mbobazundwa basinkondoma.+
11 Utabajayi pe, kutegwa bantu bangu batalubi.
Kobapa kutuntulika anguzu zyako;
Kobapa kuwa, O Jehova, ontobo yesu.+
12 Akaambo kacibi camukanwa lyabo, imajwi aazwa kumilomo yabo,
Abajatwe akaambo kakulisumpula kwabo,+
Akaambo kamatusi aabo alimwi alweeno ndobaamba.
13 Kobanyonyoona cabukali;+
Kobanyonyoona, kutegwa bamane;
Kobapa kuzyiba kuti Leza nguweendelezya Jakobo kusikila kumagolelo aanyika.+ (Sela)
14 Abapiluke kumangolezya;
Abakuwe mbuli babwa akuzelengana mumunzi.+
15 Bantu aabo abatuntulike kuyandaula cakulya;+
Batakkuti pe naa kujana busena bwakukkala.
16 Pele mebo, ndinakwiimba kujatikizya nguzu zyako;+
Mafwumofwumo ndinooluula luyando lwako lutamani cakukondwa.
17 Onguzu zyangu, ndinookwiimbila nyimbo zyakukutembaula,+
Nkaambo Leza mayubilo aangu aakwabilidwe, Leza uunditondezya luyando lutamani.+
Kumweendelezi wanyimbo; lwiimbwe mbuli lwiimbo lwa “Mpana ya Ciibalusyo.” Mikitamu.* Intembauzyo ya Davida. Yakuyiisya. Ciindi naakalwana impi zya Aramu-naharaimu alimwi a Aramu-Zoba, mpoonya Joabu wakajokela akujaya bana Edomu ibali 12,000 mu Kkuti lya Munyo.+
60 O Leza, wakatukaka; wakapwayaula zilikwabilizyo zyesu.+
Wakatunyemena; pele lino kotutambula alimwi!
2 Wakapa kuti nyika izungaane; wakayaandula akati.
Kosinka ŋanzi zyanjiyo, mbokunga iyanda kuwa.
3 Wakapa kuti bantu bako baabone mapenzi.
Wakatunywisya waini uutupa kudadalika.+
4 Kobapa* citondezyo aabo bakuyoowa
Kuti batije akuleya buta. (Sela)
5 Ikutegwa bayandwa bako bavwunwe,
Kotufwutula ajanza lyako lyalulyo alimwi kotuvwiila.+
6 Leza waambaula mubusalali bwakwe* ategwa:
7 Gileadi nguwangu, awalo Manase nguwangu,+
Alimwi Efraimu ngonguwe cimpoompo* camutwe wangu;
Juda ngomusako wangu wabwami.+
8 Moabu ndibbavwa lyangu lyakusambila.+
Edomu ndilamuwaalila mpato yangu.+
Ndiloongolola akaambo kakumuzunda Filisitiya.”+
9 Ino nguni utiinditole kumunzi uusinkilidwe?*
Ino nguni utiindisololele akundisisya ku Edomu?+
10 Sena toli nduwe, O Leza, iwatukaka,
O Leza wesu, ootacuunki limbi ampi zyabasikalumamba besu?+
11 Kotugwasya mumapenzi eesu,
Nkaambo lufwutuko iluzwa kubantu ndwabuyo.+
Kumweendelezi wanyimbo; lwiimbwe kakulila tuntimbwa. Intembauzyo ya Davida.
61 O Leza, koswiilila nendililila lugwasyo.
Komvwa mupailo wangu.+
Kondisololela akundibikka andomba ndamfwu kwiinda ndime.+
3 Nkaambo uli mayubilo aangu,
Ingazi njumu iindikwabilila kulisinkondoma.+
4 Ndinooli mweenzu mutente lyako lyoonse mane kukabe kutamani;+
Ndinooyuba mubukwabilizi bwamababa aako.+ (Sela)
5 Nkaambo yebo, O Leza, waziteelela zikonke zyangu.
Wandipa lukono lupegwa baabo ibayoowa zina lyako.+
6 Yebo uyooyungizya mazuba kubuumi* bwamwami,+
Aboobo myaka yakwe inooli minji kuzwa kuzyalani limwi kusikila kuzyalani limbi.
7 Unookkede acuuno cabwami kumbele lya Leza lyoonse mane kukabe kutamani;+
Komupa luyando lutamani akusyomeka, kutegwa kazimukwabilila.+
8 Aboobo ndinakwiimba nyimbo zyakutembaula zina lyako lyoonse mane kukabe kutamani+
Nendizuzikizya zikonke zyangu buzuba abuzuba.+
Kumweendelezi wanyimbo; ya Jedutuni.* Lwiimbo lwa Davida.
62 Ncobeni, ndiluumwine kandilindila Leza.
Lufwutuko lwangu luzwa kulinguwe.+
2 Ncobeni, walo nindomba yangu alufwutuko lwangu, mayubilo aangu aakwabilidwe;*+
Kunyina nendiyoozungaanizyigwa cakuzwa munzila.+
3 Ino mulaleka lili kuuma muntu kuti mumujaye?+
Nyoonse muli mbuli bwaanda bucengeme, ibwaanda bwamabwe ibuyanda kuwa.
4 Nkaambo balalivwiya-vwiya kuti bamwaatule acuuno cakwe caatala;*
Bayandisya kubeja.
Balaleleka amulomo wabo, pele mumoyo balatukila.+ (Sela)
6 Ncobeni, walo nindomba yangu alufwutuko lwangu, mayubilo aangu aakwabilidwe;
Kunyina nendiyoozungaanizyigwa pe.+
7 Lufwutuko lwangu abulemu bwangu zizwa kuli Leza.
Leza nindomba yangu njumu, mayubilo aangu.+
8 Amusyome mulinguwe ziindi zyoonse, nywebo nobantu.
Amumwaambile zyoonse zili mumyoyo yanu.+
Leza mayubilo eesu.+ (Sela)
9 Bana babantu muya buyo,
Bana babantu mbubeji.+
Nobapimwa acikkelo boonse antoomwe mbauba kwiinda muya.+
10 Mutasyomi mukunyanga bamwi,
Naa kuba abulangizi bwakubeja mukubba.
Ikuti naa lubono lwanu lwavwula, mutabikki myoyo yanu kulindulo pe.+
11 Leza waamba ciindi comwe, mebo ndaamvwa makani aaya ziindi zyobilo kuti:
Nguzu nzizya Leza.+
12 Alimwi luyando lutamani ndulwako, O Jehova,+
Nkaambo yebo ulapa muntu umwi aumwi kweelana amilimo yakwe.+
Lwiimbo lwa Davida, ciindi naakali munkanda ya Juda.+
63 O Leza, nduwe Leza wangu, lyoonse ndilakuyandaula.+
Ndifwide nyota yanduwe.+
2 Aboobo ndakubona mubusena busalala;
Ndazibona nguzu zyako abulemu bwako.+
4 Aboobo ndinookutembaula mubuumi bwangu boonse;
Muzina lyako ndinootambika maanza aangu mujulu.
5 Ndikkutide caabilo cibotu kapati alimwi cizwide mafwuta,
Aboobo mulomo wangu ulakutembaula alukkomano luli kumilomo yangu.+
8 Ndilikakatide kulinduwe;
Ijanza lyako lyalulyo lilindijatilide ciindi coonse.+
9 Pele aabo basola kunyonyoona buumi bwangu*
Bayakuunka kunsi aanyika.
10 Bayakwaabwa kupanga libosya;
Bayooba cakulya cabamwaaba.
11 Pele mwami uyookondwa muli Leza.
Kufwumbwa muntu uukonka muli Leza uyoosekelela,*
Nkaambo milomo yabaabo baamba zyakubeja iyakuumuzyigwa.
Kumweendelezi wanyimbo. Lwiimbo lwa Davida.
64 O Leza, koswiilila jwi lyangu nendikombelezya.+
Kokwabilila buumi bwangu kuli sinkondoma uuyoosya.
2 Kondisisa kumakanze aamaseseke aabantu babi,+
Kunkamu yabasimucita zibi.
3 Bakwenga milaka yabo mbubonya mbuli panga;
Bagamika majwi aabo mabi mbuli mivwi,
4 Kuti bayase muntu uutakwe mulandu kuzwa mumasena aabo aasisikide.
Cakutayeeyelwa balamuyasa kakunyina kuyoowa.
5 Balakakatila kumakanze aabo mabi;*
Balapangana mbobatiiteye tukole twabo.
Baamba kuti: “Ino nguni uutiitubone ootu?”+
6 Bayandaula nzila zipya zyakucita zintu zibyaabi;
Cabucenjezu bajana nzila yakucita zintu zibi;+
Mumoyo umwi aumwi wabo ujisi mizeezo iikatazyide.
7 Pele Leza uyoobayasa;+
Cakutayeeyelwa bayooba azilonda zyamuvwi.
8 Milaka yabo beni iyoobawisya;+
Boonse babalangilila bayoopukunya mitwe yabo.
9 Mpoonya bantu boonse bayooyoowa,
Bayakwaambilizya milimo njaacita Leza,
Alimwi bayakwiimvwisya milimo yakwe.+
Kumweendelezi wanyimbo. Intembauzyo ya Davida. Lwiimbo.
2 Yebo Ooswiilila mipailo, bantu bamisyobo yoonse* bayooboola kulinduwe.+
4 Ulikkomene muntu ngosala akuswenya kulinduwe
Kuti akkale mumabuwa aako.+
5 Uyootwiingula amilimo iiyoosya+ iicitwa mubululami,
O Leza walufwutuko lwesu;
Yebo ndonduwe Oosyomwa amagolelo oonse aanyika+
Alimwi abaabo ibali kule mutala aalwizi.
6 Yebo wakakkazikizya malundu kwiinda munguzu zyako;
Ulijisi nguzu zinji kapati.+
7 Yebo ulabatamika lwizi lukopene,+
Kuvwuuma kwamayuwe aandulo alimwi akupyopyongana kwamisyobo yabantu.+
8 Aabo bakkala kumasena aakule bayooziyoowa zitondezyo zyako;+
Yebo uyoopa kuti bantu boongolole cakukondwa kuzwa kumapolelo aazuba kusikila kumabbililo aandilyo.
9 Yebo ulailanganya nyika,
Wiipa kuti izyale micelo minji kapati alimwi akuti ibote kapati.+
Kalonga kazwa kuli Leza kazwide maanzi;
Ubapa maila,+
Nkaambo oobo mbookaibamba nyika.
10 Mifwolo yanjiyo ulaizuzya maanzi akweelanya nyika iilimidwe;
Ulaitesya amvwula yamuyoba; ulazileleka eezyo zimena alinjiyo.+
13 Macelelo azula camatanga,
Aalo makkuti azwide buyo maila.+
Zyoonse eezyi ziloongolola cakukondwa, inzya, zilaimba.+
Kumweendelezi wanyimbo. Lwiimbo. Intembauzyo.
66 Amoongolole cakukondwa kuli Leza, nobantu nyoonse nomukkala munyika.+
2 Amwiimbe nyimbo zyakutembaula zina lyakwe lilemekwa.
Amumulemeke akumutembaula.+
3 Amwaambile Leza kuti: “Eelo kaka milimo yako ilayoosya!+
Akaambo kanguzu zyako zinji,
Basinkondonyoko bayoolibombya kumbele lyako.+
4 Bantu boonse bakkala munyika bayookukotamina;+
Bayakwiimba nyimbo zyakukutembaula;
Bayakwiimba nyimbo zyakutembaula zina lyako.”+ (Sela)
5 Kamuboola mubone milimo ya Leza.
Zintu nzyacitila bana babantu zilayoosya.+
Okuya twakakkomana mulinguwe.+
7 Ulalela munguzu zyakwe lyoonse mane kukabe kutamani.+
Meso aakwe aluujisi kulangilila masi.+
Basinkazi batalisumpuli pe.+ (Sela)
8 Amutembaule Leza wesu, nywebo nobantu,+
Alimwi amupe kuti jwi lyakumutembaula limvwike.
10 Nkaambo yebo O Leza, watulingula;+
Watusalazya mbuli busalazyigwa nsiliva.
11 Wakatuleta mulunsabwe lwabavwimi;
Wakatutukka mukuli uuminya.*
12 Wakalekela muntu kuti atulyatauke amabbiza;
Twakainda mumulilo amumaanzi;
Mpoonya wakatuleta kubusena bwakulyookezyela.
13 Ndiyooboola muŋanda yako azituuzyo zyuumpwa buumbulu;+
Ndiyoozuzikizya zikonke zyangu kulinduwe+
14 Eezyo nzyondakasyomezya amilomo yangu+
Alimwi nzyowakaamba mulomo wangu ciindi nindakali mumapenzi.
15 Ndiyookutuulila zituuzyo zyakuumpa zyabanyama baneneede
Abusi bwacipaizyo cabagutu.
Ndiyootuula bapoho antoomwe abajembwe. (Sela)
16 Amuboole mumvwe, nywebo nyoonse nomuyoowa Leza,
Eelyo ndilamwaambila zintu nzyaandicitila.+
17 Ndakamwiita amulomo wangu
Akumutembaula amulaka wangu.
18 Ikuti nindakasiside cintu cibi mumoyo wangu,
Jehova naatakandimvwa pe.+
20 Aatembaulwe Leza, ooyo watakaukaka mupailo wangu
Nokuba kuleka kunditondezya luyando lwakwe lutamani.
Kumweendelezi wanyimbo; lwiimbwe kakulila tuntimbwa. Intembauzyo. Lwiimbo.
67 Leza ulatufwida luzyalo akutuleleka;
Ulatulanga kumwi kamweta-mweta+ (Sela)
2 Kutegwa nzila yako izyibwe munyika yoonse mboizulwa,+
Amilimo yako yalufwutuko akati kamasi oonse.+
3 Bantu abakutembaule, O Leza;
Bantu boonse buyo abakutembaule.
Uyoosololela masi aamunyika. (Sela)
5 Bantu abakutembaule, O Leza;
Bantu boonse buyo abakutembaule.
Kumweendelezi wanyimbo. Intembauzyo ya Davida. Lwiimbo.
68 Aanyamuke Leza, basinkondonyina abamwaikizyanye,
Alimwi aabo bamusulide abatije kumbele lyakwe.+
2 Mbubonya muwo mboutola busi, kobatanda;
Mbubonya bunzuka mbobunyenguluka kumulilo,
Abalo babi abalobe kumbele lya Leza.+
4 Amumwiimbile Leza; amwiimbe nyimbo zyakutembaula zina lyakwe.+
Amumwiimbile ooyo wiinda muzibanda* zili mucimpayuma.
Ja* ndezina lyakwe!+ Amusekelele kumbele lyakwe!
6 Leza upa kuti aabo bali balikke bakkale muŋanda;+
Waangununa baange akubapa kuti bazwidilile kapati.+
Pele basinkazi* bayookkala munyika yacimpayuma.+
7 O Leza nookasolweda bantu bako,+
Nookainda mucimpayuma, (Sela)
8 Inyika yakazungaana;+
Ijulu lyakapoomona* mvwula akaambo ka Leza;
Eeci cilundu ca Sinai cakazungaana akaambo ka Leza, Leza wa Israyeli.+
9 Yebo wakapa kuti mvwula iwe kapati, O Leza;
Wakabukulusya nguzu zyabantu* bako ibakakatede kapati.
10 Bakali kukkala munkambi yako yamatente;+
Mububotu bwako wakaabila bacete, O Leza.
12 Bami bampi zyabasikalumamba balatija,+ inzya balatija!
Mukaintu uusyeede kuŋanda waabilwa zintu zisaalwa.+
13 Nokuba kuti nywebo nobaalumi mwakali kulala akati kamililo yankambi,*
Muyooba mbuli nziba iijisi mababa aajisi nsiliva atala,
Amapepe aangolida mbotu.
16 Ino nkaambo nzi nywebo nozilundu zijisi nsonje zinji ncomucilanga camunyono,
Ncobeni Jehova unookkala aalincico lyoonse mane kukabe kutamani.+
17 Inkalaki zya Leza zyankondo zibalilwa kumakumi-makumi aazyuulu, inzya kuzyuulu zyazyuulu.+
Jehova wazwa ku Sinai akunjila mubusena busalala.+
Wakabwezelezya baange;
Wakabweza zipego muciimo cabantu,+
Inzya, nobaba basinkazi+ kuti ukkale akati kabo, O Ja, O Leza.
19 Aatembaulwe Jehova ooyo uutunyamwida mikuli yesu buzuba abuzuba,+
Leza mwini-mwini walufwutuko lwesu. (Sela)
20 Leza mwini-mwini ngo Leza uutufwutula;+
Alimwi Mwami Singuzuzyoonse Jehova ngonguwe uuvwuna bantu kulufwu.+
21 Masimpe, Leza uyoopwayaula mitwe yabasinkondonyina,
Akatwikkilo kajisi masusu kamuntu uuli woonse uuzumanana* kucita cibi.+
22 Jehova waamba kuti: “Ndiyoobapilusya kuzwa ku Basani;+
Ndiyoobapilusya kuzwa kunsi kwini kwalwizi,
23 Kutegwa maulu aako akalyatauke mubulowa+
Akuti milaka yababwa bako ikajane caabilo kuli basinkondonyoko.”
24 Balizibwene nkamu zyako izizwa mukuzunda, O Leza,
Inkamu zya Leza wangu, Mwami wangu, izizwa mukuzunda kazyeenda kunjila mubusena busalala.+
25 Basikwiimba baleenda kumbele, munsi lyabo kuli basikulizya tuntimbwa;+
Mpoonya akati kuli basimbi balizya nsakalala.+
26 Mumakamu-makamu aabungene amumutembaule Leza;
Amumutembaule Jehova, nywebo nomuzwa ku Cisiko ca Israyeli.+
27 Ngooyo Benjamini,+ muniini kwiinda boonse, ulabeendelezya,
Abasilutwe ba Juda antoomwe ankamu yabo iiyobeka,
Basilutwe ba Zebuloni, basilutwe ba Nafutali.
28 Leza wako walailila kuti yebo ulapegwa nguzu.
Kotondezya nguzu zyako, O Leza, yebo ooli kutugwasya.+
30 Kobanyemena banyama bakkala mumatete,
Itanga lyabapoho+ antoomwe aboombe babo,
Kusikila bantu bakakotame nobaleta* nsiliva.
Pele kobamwaya bantu ibayandisya nkondo.
31 Zintu zyamukuba uuvweledwe lubulo lumbi ziyooletwa* kuzwa ku Egepita;+
Kusi uyoofwambaana kupa Leza zipego.
32 Nywebo nomami aamunyika, amwiimbile Leza,+
Amwiimbe nyimbo zyakutembaula Jehova, (Sela)
33 Ooyo weenda katantide ajulu lyamajulu lyakaindi.+
Amumvwe! Ulazuma ajwi lyakwe, ijwi lyakwe lyanguzu.
34 Amulemeke Leza akaambo kanguzu zyakwe.+
Bupati bwakwe buli kuli Israyeli,
Alimwi nguzu zyakwe zili mumulengalenga.*
35 Leza ulayoosya mucikombelo cakwe* cipati.+
Ngo Leza wa Israyeli,
Uupa nguzu akuyumya bantu.+
Aatembaulwe Leza.
Kumweendelezi wanyimbo; lwiimbwe mbuli lwiimbo lwa “Mpana.” Intembauzyo ya Davida.
69 Kondifwutula, O Leza, nkaambo maanzi ayanda kundijaya.+
2 Ndabbila mumankanda manji, imunyina nyika njumu.+
Ndanjila mumaanzi malamfwu,
Alimwi kalonga kakunka canguzu kanditola.+
3 Ndakatala akaambo kakukwiila;+
Ijwi lyangu lyakanga.
Meso aangu alema akaambo kakulindila Leza wangu.+
Aabo bayanda kundijaya,
Basinkondoma bampelenge,* bavwula.
Ndakasinikizyigwa kulunga cintu ncondatakababbida.
5 O Leza, yebo ulibuzyi bufwubafwuba bwangu,
Awalo mulandu wangu tuusisidwe kulinduwe pe.
6 Aabo balangila nduwe batausyigwi nsoni pe akaambo kandime,
O Mwami Singuzuzyoonse, Jehova wamakamu.
Aabo bakuyandaula batasampaulwi pe akaambo kandime,
O Leza wa Israyeli.
8 Ndaba mweenzu kubanabokwesu,
Ndaba muzwakule kuli baabo mbotuzyalwa limwi da lyomwe.+
9 Busungu bwakuŋanda yako bwandilya cakumaninina,+
Aalo masampu aabaabo bakusampaula aboola alindime.+
10 Ciindi nondakalibombya akuliimya kulya,*
Ndakasampaulwa.
11 Nondakasama cisani camasaka,
Kulimbabo ndakaba cintu cakufwubaazya.*
12 Aabo bakkala kumulyango wamunzi baamba buyo ndime,
Alimwi bacakolwa balandiimba muziimbo zyabo.
13 Pele mupailo wangu ausike kulinduwe,
O Jehova, aciindi ceelede.+
Akaambo kaluyando lwako lupati lutamani, O Leza,
Kondivwiila amilimo yako iisyomeka yalufwutuko.+
14 Kondivwuna kumankanda;
Utandilekeli kuti ndibbile.
Kondivwuna kuli baabo bandisulide
Alimwi akumaanzi malamfwu.+
15 Utalekeli kuti kalonga kamaanzi aakunka canguzu kanditole,+
Naa kulekela kuti maanzi malamfwu andimene,
Nokuba kulekela mulomo wamugoti* kuti undijalile kandili mukati.+
16 Kondivwiila, O Jehova, nkaambo luyando lwako lutamani ndubotu.+
Kondivwiila cakufwambaana, nkaambo ndili mumapenzi.+
18 Koboola afwaafwi andime undivwune;*
Kondinununa akaambo kabasinkondoma.
19 Yebo ulizyi masampu aangu, insoni zyangu abweemya bwangu.+
Basinkondoma boonse ulibabwene.
20 Masampu andityompya kapati mumoyo, alimwi cilonda cangu tacisilikiki.*
Ndakali kulombozya muntu uunga wandifwida lubomba, pele kwakanyina pe,+
Alimwi abasikuumbulizya, pele kunyina ngondakajana pe.+
21 Pele muciindi cakundipa cakulya bakandipa musamu uujaya,*+
Alimwi nindakafwide nyota bakandipa cakunywa cisakamuka kuti ndinywe.+
22 Tebulu lyabo beni alibabede kakole,
Alimwi lubono lwabo alubabede kooze.+
23 Meso aabo aasiye mbi kutegwa bataboni,
Alimwi kopa kuti tusolo twabo katukankama lyoonse.
24 Kobatila bukali bwako,
Alimwi akubasikile kunyema kwako kutaambiki.+
26 Nkaambo batandaanya muntu ngookauma,
Alimwi baluujisi kuluula macise aabaabo mbookayasa.
27 Koyungizya mulandu kumilandu yabo,
Alimwi batabi acaabilo mubululami bwako.
29 Pele mebo ndilipengede mumoyo alimwi alindijisi macise.+
Azindikwabilile nguzu zyako zyakufwutula, O Leza.
30 Ndilaimba nyimbo zyakutembaula zina lya Leza,
Alimwi ndilamulemeka kwiinda mukulumba.
31 Eeci cilainda kumukkomanisya Jehova kwiinda mupoho,
Inzya, kwiinda mupoho uucili mwana uujisi meja alimwi ansumba.+
32 Babombe myoyo bayoobona eelyo bayookondwa.
Nywebo nomuyandaula Leza, myoyo yanu aiyumizyigwe.
34 Ijulu anyika azimutembaule,+
Lwizi azyoonse zyeendeenda mulindulo.
35 Nkaambo Leza uyoofwutula Ziyoni+
Akuyakulula minzi ya Juda,
Eelyo bayookkala oomo akukona nyika eeyo.
Kumweendelezi wanyimbo. Intembauzyo ya Davida, yakwiibalusya.
70 O Leza, kondifwutula;
O Jehova, kofwambaana kuboola kuzoondigwasya.+
2 Aabo ibayanda kundijaya
Abafwe nsoni akugunwa.
Aabo ibakkomana nondipenga
Abajokele kabasampukide.
3 Aabo ibaamba kuti: “Ehee! Ehee!”
Abatandwe kazibajisi nsoni.
4 Pele aabo ibakuyandaula
Abasekelele akukondwa mulinduwe.+
Aabo ibayanda milimo yako yalufwutuko lyoonse kabaamba kuti:
“Leza aalemekwe!”
71 Ndayuba mulinduwe, O Jehova.
Nditausyigwi nsoni pe.+
2 Kondifwutula akundivwuna mubululami bwako.
Kocenjeka kutwi kwako* kulindime akundifwutula.+
3 Koba mampangala aangu aamabwe
Mondikonzya kunoonjila lyoonse.
Kolailila kuti ndifwutulwe,
Nkaambo uli ndomba yangu amampangala aangu.+
4 O Leza wangu, kondivwuna kujanza lyamubi,+
Kujanza lyasilunya uutaluleme.
5 Nkaambo uli bulangizi bwangu, O Mwami Singuzuzyoonse Jehova;
Nduwe ngondali kusyoma kuzwa kubwana.+
6 Nduwe ngondali kusyoma kuzwa ciindi nindakazyalwa;
Nduwe wakandigusya mwida lyabaama.+
Nduwe ngonditembaula lyoonse.
7 Ndaba mbuli maleele kubantu banji,
Pele yebo uli mayubilo aangu mayumu.
8 Mulomo wangu uzwide ntembauzyo zyako;+
Buzuba boonse ndiluula bweebesi bwako.
10 Basinkondoma balandaamba,
Alimwi aabo bayanda kundijaya* balapangana,+
11 Kabaamba kuti: “Leza wamulekelezya.
Atumutandaanye tumujate, nkaambo tajisi mufwutuli.”+
12 O Leza, utazumanani kuba kulamfwu andime pe.
O Leza wangu, kofwambaana kundigwasya.+
13 Aabo bandilwana
Abagunwe alimwi abanyonyooke.+
Aabo bayanda kundiletela mapenzi
Abasampaulwe kapati akufwa nsoni.+
14 Pele mebo, ndilazumanana kulindila;
Ndinookutembaula kapati kwiinda kaindi.
15 Mulomo wangu unooluula bululami bwako,+
Amilimo yalufwutuko lwako buzuba boonse,
Nokuba kuti minji kapati cakuti tandikonzyi kwiizyiba yoonse.*+
16 Ndiyooboola akwaamba milimo yako mipati,
O Mwami Singuzuzyoonse Jehova;
Ndiyakwaambilizya bululami bwako, ibwako buyo bulikke.
17 O Leza, wali kundiyiisya kuzwa kubwana,+
Alimwi kusikila sunu ndicaambilizya milimo yako iigambya.+
18 Nokuba kuti ndacembaala akutuba mvwi, O Leza, utandilekelezyi pe.+
Leka ndaambile zyalani liboola makani aanguzu* zyako
Akuluula bupati bwako kulibaabo boonse baciboola.+
19 Bululami bwako, O Leza, bulasika kujulu kwini;
Wacita zintu zipati;+
O Leza, ino nguni uuli mbuli nduwe?+
20 Nokuba kuti wandipa kubona mause amapenzi manji,+
Kondibukulusya alimwi;
21 Koyungizya bupati bwangu
Alimwi kondizinguluka akunduumbulizya.
22 Aboobo ndiyookutembaula akalumbu
Akaambo kakusyomeka kwako, O Leza wangu.+
Ndiyakwiimba nyimbo zyakukutembaula akantimbwa,
Yebo Oosalala wa Israyeli.
23 Milomo yangu iyakoongolola cakukondwa ndanakwiimba nyimbo zyakukutembaula,+
24 Mulaka wangu unakwaamba zyabululami bwako ibuzuba boonse,+
Nkaambo aabo ibayanda kundijaya bayoogunwa akuusyigwa nsoni.+
Intembauzyo yaamba zya Solomoni.
72 O Leza, komupa mbeta zyako mwami,
Alimwi mwana wamwami komupa bululami bwako.+
3 Zilundu azilete luumuno kubantu,
Atwalo tulundu atulete bululami.
4 Aabaiminine* bapengede akati kabantu,
Aabafwutule bana babacete,
Alimwi aamupwayaule sikuunina bamwi.+
6 Mwami uyooba mbuli mvwula iiwida azisiko zyabwizu bwakaceswa,
Mbuli mvwula yamiyoba iitesya nyika.+
7 Mumazuba aakwe balulami bayoozwidilila,*+
Alwalo luumuno luyoovwula+ kusikila mane mwezi utakabi limbi.
10 Bami baku Tarisi abakunsumbu bayoopa mutelo.+
Bami baku Sheba abaku Seba bayooleta zipego.+
11 Bami boonse bayoomukotamina,
Alimwi masi oonse buyo ayoomubelekela.
12 Nkaambo uyoovwuna mucete uukwiilila lugwasyo,
Uupengede alimwi amuntu uuli woonse uutajisi mugwasyi.
13 Muntu uupengede alimwi amucete uyoobafwida lubomba,
Alimwi uyoofwutula buumi bwabacete.
14 Uyoobavwuna* kukudyaamininwa akunkondo,
Alimwi bulowa bwabo bunooli buyandisi mumeso aakwe.
15 Aapone akupegwa ngolida iizwa ku Sheba.+
Aapaililwe ciindi coonse,
Alimwi aalelekwe buzuba boonse.
17 Izina lyakwe likkalilile lyoonse mane kukabe kutamani,+
Alimwi alizumanane kuba ampuwo kufwumbwa kuti zuba kaliliko.
Bantu abalelekwe kwiinda mulinguwe;+
Masi oonse aamwaambe kuti ulikkomene.
19 Alitembaulwe zina lyakwe lilemekwa lyoonse mane kukabe kutamani,+
Alimwi nyika yoonse aizule bulemu bwakwe.+
Ameni! Ameni!
20 Aawa mpoimanina mipailo ya Davida, mwana wa Jese.+
BBUKU LYATATU
(Intembauzyo 73-89)
Lwiimbo lwa Asafu.+
73 Ncobeni Leza mubotu kuli Israyeli, kulibaabo basalala mumoyo.+
2 Lino mebo, maulu aangu akatiileye;
Maulu aangu akatiitezemuke.+
6 Aboobo, kulisumpula kuli mbuli bulungu munsingo zyabo;+
Lupyopyongano lulibavwumbide mbuli cisani.
7 Meso aabo akomena akaambo kakuvwuba;*
Bajana zinji kwiinda zyeezyo nzyobali kuyeeya mumoyo.
8 Balasampaula akwaamba zintu zibi.+
Cakulisumpula baamba makani aakudyaaminina bamwi.+
9 Baambaula mbuli kuti bali kujulu,
Alimwi baleendeenda munyika kabaambaula cakumeka amilaka yabo.
10 Aboobo bantu bakwe balaleya akuunka kulimbabo,
Alimwi banywa maanzi aabo manji.
11 Balati: “Ino Leza inga wazyiba buti?+
Sena Mupatikampatila ulaazyi ncobeni makani aaya?”
12 Inzya, aaba mbantu babi, ibaliibide lyoonse buyo.+
Baluujisi kuvwuzya lubono lwabo.+
13 Masimpe ndaile kulipenzya buyo kusalazya moyo wangu
Akusamba kumaanza kutondezya kuti ndinyina mulandu.+
16 Ciindi nindakali kusola kuti ndaamvwisye makani aaya,
Cakandikatazya kapati,
17 Kusikila mane ndakanjila mucikombelo ca Leza cipati,
Eelyo ndakazyiba ziyoobacitikila kumbele.
18 Masimpe ubabikkide abusena butezemuka.+
Ubapa kuwa akunyonyooka.+
19 Eelo kaka mukaindi kaniini buyo banyonyoonwa!+
Balobesyegwa cakutayeeyelwa mulunyonyooko luyoosya!
20 Mbuli ciloto ciindi muntu nasinsimuka, O Jehova,
Anduwe waakunyamuka, tokacibikkili maano* ciwa cabo.
22 Tiindakali kuyeeya kabotu alimwi tiindakajisi maano;
Mumeso aako ndakali buyo mbuli munyama uutayeeyi.
25 Ino nguni ngondijisi kujulu?
Alimwi kunze lyanduwe kunyina cintu cimbi ncondiyanda anyika.+
26 Mubili wangu amoyo wangu zilakonzya kubula nguzu,
Pele Leza nindomba yamoyo wangu alimwi ncaabilo cangu lyoonse mane kukabe kutamani.+
27 Masimpe, aabo bakutantamuka bayooloba.
Uyoomunyonyoona* muntu woonse uutalilemeki* uukusiya.+
28 Pele mebo, cilandibotela kuswena kuli Leza.+
Ndasala Mwami Singuzuzyoonse Jehova kuba mayubilo aangu,
Kutegwa ndaambilizye milimo yako yoonse.+
Masikili.* Intembauzyo ya Asafu.+
74 O Leza, nkaambo nzi ncootukakila mane kukabe kutamani?+
Nkaambo nzi bukali bwako ncobuvwutukila* butanga bwamumacelelo aako?+
Koyeeya Cilundu ca Ziyoni mowali kukkala.+
3 Kotozya maulu aako kumatongo aatamani.+
Sinkondo wanyonyoona zintu zyoonse mubusena bwako busalala.+
4 Basinkondonyoko bakavwuluma mukati kabusena bwako bwakuswaanganina.+
Babikka zikwankwani zyabo kuti zibe zitondezyo ooko.
5 Bakali mbuli bantu bavwukaula tweembe kugonka zisamu mucisaka.
6 Zintu zyoonse izizekaudwe+ mubusena oobo bakazigonka akuzipwayaula atweembe alimwi amingwala yabutale.
7 Bakaumpa cikombelo cako amulilo.+
Bakasampaula tente lyakukombela lijisi zina lyako, bakaliwaala ansi.
8 Balo abana babo, mumyoyo yabo baamba kuti:
“Masena oonse aakuswaanganina aa Leza* aali mucisi eeci ayelede kuumpwa.”
9 Kunyina zitondezyo zyakuti tubone;
Takucikwe limbi musinsimi,
Alimwi kunyina naba omwe akati kesu uuzyi naa eeci cilatola ciindi cilamfwu buti.
10 O Leza, ino mulwani ulazumanana kufwubaazya kusikila lili?+
Sena sinkondo unoosampaula zina lyako lyoonse mane kukabe kutamani?+
11 Nkaambo nzi ncolesya janza lyako, inzya janza lyako lyalulyo?+
Koligusya acamba* cako ubanyonyoone.
12 Pele Leza ngo Mwami wangu kuzwa kaindi,
Ngonguwe uucita milimo mipati yalufwutuko munyika.+
14 Yebo wakapwayaula mitwe ya Leviyatani;*
Wakamwaaba kubantu kuti abe cilyo cabo, aabo bakkala muzimpayuma.
15 Nduwe wakadonkola tusensa twamaanzi alimwi atulonga;+
Wakayuminizya milonga yakajisi maanzi aakali kukunka lyoonse.+
16 Ndonduwe mukamwini syikati alimwi amasiku.
Nduwe wakapanga mumuni alimwi azuba.+
18 Koyeeya mbwaakusampaula sinkondo, O Jehova,
Bantu bafwubafwuba mbobatalemeki zina lyako.+
19 Utaabi buumi bwanziba yako kubanyama bamusyokwe.
Utabulubililyo buumi bwabantu bako bapengede.
20 Koyeeya cizuminano cako,
Nkaambo masena aasiya mbi aamunyika azula makkalilo aazigwebenga.
22 Nyamuka, O Leza, ukabeteke cabululami kaambo kako.
Koyeeya bafwubafwuba mbobakusampaula buzuba boonse.+
23 Utazilubi pe nzyobaamba basinkondonyoko.
Ciyoyooyo cabaabo bakuzangila ciluujisi kuya mujulu.
Kumweendelezi wanyimbo. Lwiimbwe mbuli lwiimbo lwa “Utanyonyooni.” Intembauzyo ya Asafu.+ Lwiimbo.
75 Twakulumba, O Leza, twakulumba;
Izina lyako lilaandiswe,+
Alimwi bantu baambilizya milimo yako iitaliboteli.
2 Yebo waamba kuti: “Ndabikka ciindi,
Ndilabeteka cabululami.
3 Inyika abaabo boonse bakkala mumo nobakanyenguluka,
Ndime ndakayumya misemu yanjiyo.” (Sela)
4 Ndaambila basikulidunda kuti, “Mutalidundi pe,”
Ababi kuti, “Mutalisumpuli akaambo kanguzu* zyanu.
6 Nkaambo kusumpulwa takuzwi
Kujwe, kumbo naa kumusanza.
7 Nkaambo Leza Mubetesi.+
Ulafwiinsya muntu umwi akusumpula uumbi.+
8 Nkaambo mujanza lya Jehova muli nkapu;+
Nkapu eeyo izwide waini uufwufwumuka, uuvweledwe.
Masimpe waini uuli mumo uyakuutila,
Eelyo ibabi boonse baanyika bayoolingungumwida nguwo, mane acidibbwi-dibbwi coonse.”+
9 Pele mebo, ndinakwaambilizya makani aaya lyoonse mane kukabe kutamani;
Ndinakwiimba nyimbo zyakutembaula Leza wa Jakobo.
10 Nkaambo walo waamba kuti: “Ndiyoomana nguzu* zyoonse zyababi,
Pele nguzu zyabalulami ziyooyungizyigwa.”*
Kumweendelezi wanyimbo; lwiimbwe kakulila tuntimbwa. Intembauzyo ya Asafu.+ Lwiimbo.
3 Ooko wakatyolaula mivwi yabuta iivwilima,
Intobo, panga azilwanyo zimwi zyakunkondo.+ (Sela)
4 Yebo ulamweka kapati;*
Ulilemekedwe kwiinda zilundu zyabanyama babutambo.
5 Basicamba basaalwa,+
Zyabatola ŋonzi;
Basikalumamba boonse babula nguzu.+
6 Akaambo kakukalalilwa anduwe, O Leza wa Jakobo,
Sinkalaki zyamutola ŋonzi antoomwe abbiza lyakwe.+
7 Yebo olikke nduwe uuyoosya.+
Ino nguni uukonzya kuliyumya kuti konyemede kapati?+
8 Kuzwa kujulu wakaambilizya lubeta;+
Inyika yakayoowa akuumuna wi+
9 Ciindi Leza naakanyamuka kuti abeteke,
Kuti afwutule babombe myoyo boonse baanyika.+ (Sela)
11 Amukonke kuli Jehova Leza wanu akuzuzikizya zikonke zyanu,+
Boonse aabo bamuzingulukide abalete cipego cabo kabayoowede.+
12 Walo uyoobombya basololi balisumpula;
Ulayoosya kubami baanyika.
Kumweendelezi wanyimbo; kujatikizya Jedutuni.* Intembauzyo ya Asafu.+ Lwiimbo.
77 Ndilakwiilila Leza ajwi lyangu;
Ndilakwiilila Leza, eelyo walo ulandimvwa.+
2 Ibuzuba nondili mumapenzi ndiyandaula Jehova.+
Imasiku tandileki* kutambika maanza aangu kulinguwe.
Tandikonzyi kuumbulizyigwa.
4 Yebo wazijata zikoye zyangu kuti nditaoni;
Ndakopana alimwi tandikonzyi kwaambaula.
5 Ndayeeya mazuba aakaindi,+
Imyaka yakale-kale.
7 Sena Jehova ulatusowelalyo?+
Sena takatufwidi limbi luzyalo?+
8 Sena takalutondezyi limbi luyando lwakwe lutamani?
Sena cisyomezyo cakwe caba cabuyo kumazyalani oonse?
9 Sena Leza waluba kufwida luzyalo,+
Alimwi sena bukali bwakwe bwapa kuti luse lwakwe lumane? (Sela)
10 Sena ndizumanane kwaamba kuti: “Icindicisizya* moyo ncakuti:+
Mupatikampatila watusandukila”?*
11 Ndinooyeeya milimo ya Ja;
Ndinooyeeya milimo iitaliboteli njookacita kaindi.
12 Ndinoozinzibala kuyeeya milimo yako yoonse
Alimwi ndinookkala ansi kuyeeya zintu nzyocita.+
13 O Leza, inzila zyako zilasalala.
Ino nguleza nzi mupati mbuli nduwe, O Leza?+
14 Nduwe Leza mwini-mwini uucita zintu zibotu kapati.+
Watondezya nguzu zyako kumisyobo yabantu.+
16 Maanzi akakubona, O Leza;
Maanzi akakubona akuyoowa.+
Alimwi maanzi malamfwu akakopana.
17 Makumbi akapoomona maanzi.
Ijulu livwumbidwe makumbi lyakazuma,
Alimwi mivwi yako yakauluka ooku akooku.+
19 Mugwagwa wako wakainda mulwizi,+
Inzila yako yakainda mumaanzi manji;
Pele mikondo yako tiiyakali kukonzya kutobelezyegwa pe.
Masikili.* Intembauzyo ya Asafu.+
78 Amuswiilile mulawo* wangu, nobantu bangu;
Amucenjeke matwi aanu kumajwi aazwa kumulomo wangu.
2 Ndilajalula mulomo wangu akwaamba kasimpi.
Ndilalabika tulabi twakaindi.+
3 Zintu nzyotwakamvwa alimwi nzyotuzyi,
Eezyo nzyobakatulwiida bamataateesu,+
4 Tatukoozisisa pe kubana babo;
Tuyoolwiida zyalani liboola+
Milimo iitembaulika ya Jehova anguzu zyakwe,+
Izintu zigambya nzyaakacita.+
5 Wakapa ciyeekezyo kuli Jakobo
Akubikka mulawo mu Israyeli;
Wakalailila bamataateesu
Kuti zintu eezyi bakazizyibye bana babo,+
6 Ikutegwa zyalani liboola,
Nkokuti bana ibayoozyalwa, bakazizyibe.+
Mpoonya abalo bakazilwiide bana babo.+
7 Eelyo aaba bayoosyoma Leza.
8 Aboobo tabakabi mbuli bamausyi,
Izyalani lyabantu basicinguni alimwi ibazangi,+
Izyalani lyabantu ibakajisi myoyo iitakkalikene*+
Alimwi ibakajisi muuya wakutasyomeka kuli Leza.
9 Bana Efraimu bakajisi mata,
Pele bakavwuuluka akutija mubuzuba bwankondo.
13 Wakaandula lwizi kutegwa abazabusye,
Wakapa kuti maanzi aime mbuli bwaanda.+
14 Wakabasololela akkumbi isyikati
Mpoonya busiku boonse amumuni wamulilo.+
15 Wakaandula mandomba munkanda,
Wakabanywisya maanzi mane bakkuta mbuli kuti banywa kumaanzi malamfwu.+
16 Wakapa kuti tulonga tukunke kuzwa mumwala
Akupa kuti maanzi apoomoke kuyaansi mbuli milonga.+
17 Nokuba boobo bakazumanana kumubisyila
Kwiinda mukuzangila Mupatikampatila mucimpayuma;+
18 Bakasunka Leza mumyoyo yabo+
Kwiinda mukulilila cakulya ncobakali kulombozya.
19 Aboobo bakaamba zintu zibi kuli Leza,
Bakati: “Sena Leza ulakonzya kutubambila tebulu lyazyakulya munkanda?”+
20 Amubone! Walo wakauma ndomba
Cakuti maanzi akapoomoka, atwalo tulonga twakapaya.+
Nokuba boobo bakati: “Sena alimwi ulakonzya kutupa cinkwa,
Naa kupa bantu bakwe nyama?”+
21 Lino Jehova naakabamvwa, wakanyema kapati;+
Aboobo mulilo+ wakavwutukila Jakobo,
Abukali bwakwe bwakabukila Israyeli+
22 Akaambo kakuti tiibakamusyoma Leza;+
Tiibakasyoma kuti ulakonzya kubafwutula.
23 Aboobo wakalailila julu lijisi makumbi aasiya mbi,
Alimwi wakajalula milyango yakujulu.
26 Wakapa kuti muwo wakujwe wuunge kujulu
Akuti muwo wakumusanza ubbubbule munguzu zyakwe.+
27 Wakabalosyela nyama nji mbuli lusuko,
Inzya, bayuni banji mbuli musenga wakulwizi.
28 Wakabalosyela mukati kankambi yakwe,
Ikuzinguluka matente aakwe oonse.
29 Aboobo bakalya akumena cabulyato;
Wakabapa ncobakali kuyandisya.+
30 Pele kabatanamana kulya cakulya ncobakali kulombozya,
Ciindi zyakulya zyabo nozyakacili mukanwa lyabo,
31 Bukali bwa Leza bwakababukila.+
Wakabajaya baalumi babo basinguzu kapati;+
Wakanyonyoona balombwana bamu Israyeli.
33 Aboobo wakamanizya mazuba aabuumi bwabo mbuli kuti muya buyo,+
Amyaka yabuumi bwabo kwiinda muzintu zitayeeyelwi iziyoosya.
34 Pele lyoonse naakali kubajaya, bakali kumuyandaula;+
Bakali kujokela akuyandaula Leza,
35 Bakali kwiibaluka kuti Leza ngonguwe wakali Ndomba yabo+
36 Pele bakasola kumweena amilomo yabo
Akuti bamucenge amilaka yabo.
Ziindi zinji wakali kulilesya kunyema+
Muciindi cakubusya bukali bwakwe boonse.
42 Tiibakayeeya nguzu zyakwe,*
Ibuzuba obuya naakabavwuna* kuli sinkondonyina,+
43 Mbwaakacita zitondezyo zyakwe mu Egepita+
Amaleele aakwe mucooko ca Zoani,
44 Alimwi ambwaakasandula tulonga twa Nile kuba bulowa+
Cakuti tiibakacili kukonzya kunywa maanzi kuzwa mutulonga twabo.
46 Zisyango zyabo wakazipa cikwikwi icilya kapati,
Eezyo nzyobakali kupengela wakazipa cikwikwi.+
47 Misaansa yabo wakainyonyoona acivwulamabwe+
Ayalo mikuyu yabo wakainyonyoona acivwulamabwe.
48 Banyama babo ibanyamuna ntundu wakabaaba kucivwulamabwe+
Azyalo zivwubwa zyabo wakazyuumya tulabo.*
49 Wakabatondezya bukali bwakwe butaambiki,
Kunyema, kukalala alimwi amapenzi,
Nkamu zyabangelo zyakatumwa kuleta mapenzi.
50 Wakabambila bukali bwakwe nzila.
Taakwe naakabeengelela kuti batafwi;
Alimwi wakabaaba* kucilwazi cijaya.
51 Mpoonya kumamanino wakajaya bana boonse bataanzi kuzyalwa bamu Egepita,+
Imatalikilo aanguzu zyabo zyakuzyala mumatente aa Hamu.
52 Kumane wakagusya bantu bakwe mbuli butanga bwambelele+
Alimwi wakabasololela mbuli butanga munkanda.
54 Eelyo wakabaleta kucilawo cakwe cisalala,+
Inyika eeyi yamalundu njaakalijanina ajanza lyakwe lyalulyo.+
55 Wakatanda masi aakali kumbele lyabo;+
Wakabaabila lukono ndwaakabapimina acipimyo;+
Wakapa kuti misyobo yabana Israyeli ikkale mumaanda aabo.+
56 Pele bakazumanana kumusunka akumuzangila Leza Mupatikampatila;+
Tiibakazibikkila maano ziyeekezyo zyakwe.+
57 Kunze lyaboobo, bakamufwutatila akuba basilweeno mbubonya mbuli bamausyi.+
Tiibakali kusyomeka mbubonya mbuli buta butebede.+
58 Bakazumanana kumunyemya akaambo kamasena aabo aakukombela,+
Alimwi bakamukalazya* akaambo kazikozyanyo zyabo zibezedwe.+
59 Leza wakamvwa eelyo wakanyema,+
Aboobo wakamukakila limwi Israyeli.
60 Mpoonya kumamanino wakalilekelezya tente lyakukombela lyaku Silo,+
Itente oomo mwaakali kukkala akati kabantu.+
61 Aboobo wakalekela citondezyo canguzu zyakwe kuti citolwe mubuzike;
Abweebesi bwakwe wakabwaaba mumaanza aabasinkondonyina.+
62 Wakaaba bantu bakwe kupanga+
Alimwi wakanyemena lukono lwakwe.
63 Mulilo wakabaumpa cakumaninina balombwana bakwe,
Alimwi banakalindu bakwe tiibakaimbilwa nyimbo zyabwiinga.*
66 Mpoonya wakabatanda basinkondonyina;+
Wakapa kuti babe amasampu aatamani.
67 Wakalikaka tente lya Josefa;
Taakwe naakasala musyobo wa Efraimu.
69 Wakayaka cikombelo cakwe kuti cikkalilile mbubonya mbuli majulu,*+
Mbuli nyika eeyo njaakabamba kuti kailiko lyoonse mane kukabe kutamani.+
70 Wakasala Davida+ mubelesi wakwe
Akumugusya muzyaanda zyambelele,+
71 Wakamulesya kweembela mbelele zinyonsya;
Wakamubikka kuba mweembezi wabana ba Jakobo, ibantu bakwe,+
Inzya, bana ba Israyeli, ilukono lwakwe.+
Lwiimbo lwa Asafu.+
79 O Leza, bantu bamasi banjilila lukono lwako;+
Basofwaazya tempele lyako lisalala;+
Basandula Jerusalemu kuba matongo.+
2 Baaba mitunta yababelesi bako kuti ibe cakulya cabayuni bauluka mujulu
Anyama yamibili yabantu bako basyomeka kubanyama bamusyokwe baansi.+
3 Batila bulowa bwabantu bako mbuli maanzi kuzinguluka Jerusalemu,
Alimwi kunyina wasyaala kuti abazikke.+
4 Twaba cintu cisampukide kuli basimukoboma;+
Aabo batuzingulukide balatufwubaazya akutuweela.
5 Ino unoonyemede kusikila lili, O Jehova? Sena mane kukabe kutamani?+
Ino bukali bwako bunooyaka mbuli mulilo kusikila lili?+
6 Bukali bwako kobutila amasi aatakuzyi
Amami aayo aataiti zina lyako.+
7 Nkaambo Jakobo amulya cakumaninina
Alimwi anyonyoona cisi cakwe.+
8 Utatupi mulandu akaambo kazibi zyabasikale besu.+
Kofwambaana kutufwida luse,+
Nkaambo twapenga kapati.
10 Ino nkaambo nzi masi ncaayelede kwaamba kuti: “Ino uli kuli Leza wabo?”+
Kumwi katulangilila akuzyibwe akati kamasi
Kuti cibi cakutila bulowa bwababelesi bako capilusyigwa.+
11 Komvwa kutongela kwamwaange uuli muntolongo.+
Kobelesya nguzu* zyako zinji kapati kuvwuna* baabo babetekwa kuti bajaigwe.*+
13 Mpoonya swebo, tobantu bako alimwi tobutanga bwamumacelelo aako,+
Tunookulumba lyoonse mane kukabe kutamani;
Alimwi tunookutembaula kumazyalani oonse.+
Kumweendelezi wanyimbo; lwiimbwe mbuli lwiimbo lwa “Mpana.” Ciibalusyo. Intembauzyo ya Asafu.+ Lwiimbo.
80 O Mweembezi wa Israyeli, koswiilila,
Yebo oosololela Josefa mbuli butanga.+
4 O Jehova Leza wamakamu, ino mupailo wabantu bako ulaunyemena kusikila lili?+
5 Wabasanina misozi mbuli kuti ncinkwa,
Alimwi wabapa kunywa misozi iitalivwulili.
6 Walekela basimukoboma kuti kababwesyanya akaambo kandiswe;
Basinkondoma baluujisi kutusampaula mbuli mbobayanda.+
7 O Leza wamakamu, kotujola mbotwakabede;
Komwesya busyu bwako alindiswe, kutegwa tufwutuke.+
8 Yebo wakalonzya musaansa+ kuzwa mu Egepita.
Wakatanda masi mpoonya wakausimpa.+
9 Wakaubambila busena,
Eelyo walo wakasimpa miyanda akuzula mucisi.+
10 Malundu akavwumbwa acimvwule canguwo,
Aalo masamu aakkedari aa Leza akavwumbwa amitabi yanguwo.
12 Ino nkaambo nzi ncoomwaya lubaya lwawo lwamabwe lwamuunda wamisaansa,+
Cakuti basimweendanzila boonse baile kucela micelo yanguwo?+
14 Akaka kopiluka, O Leza wamakamu.
Kolanga ansi kuzwa kujulu ubone!
Koulanganya musaansa ooyu,+
15 Icisiko eeco ncookasimpa ajanza lyako lyalulyo,+
Alimwi kolanga mwanaako* ooyo ngookayumya kutegwa yebo ulemekwe.+
16 Wagonkwa akuumpwa amulilo.+
Balaloba akaambo kakunyemenwa anduwe.*
17 Janza lyako alimugwasye muntu uuli kujanza lyako lyalulyo,
Mwanaamuntu ngooyumya kutegwa yebo ulemekwe.+
18 Aboobo kunyina notuyookufwutatila.
Kotubamba kuti tuzumanane kupona, kutegwa tukonzye kwiita zina lyako.
19 O Jehova Leza wamakamu, kotujola mbotwakabede;
Komwesya busyu bwako alindiswe, kutegwa tufwutuke.+
Kumweendelezi wanyimbo; lwiimbwe kubelesya Gititi.* Intembauzyo ya Asafu.+
81 Amoompolole cakukondwa kuli Leza inguzu zyesu.+
Amoongolole kuli Leza wa Jakobo akaambo kakuzunda.
2 Amwaangule lwiimbo akubweza nsakalala,
Kantimbwa ikalila kabotu antoomwe akalumbu.
4 Nkaambo ooyu mulawo kuli Israyeli,
Malailile ngapede Leza wa Jakobo.+
Ndakamvwa jwi* ndyondatakazyiba kaliti:
7 Yebo nookapengede wakaita, eelyo ndakakuvwuna;+
Ndakakusunka kumaanzi aaku Meriba.*+ (Sela)
8 Amumvwe, nobantu bangu, eelyo ndilapa bumboni bwamilandu yanu.
Nywebo nobana Israyeli, inga cainda kubota ikuti naa mwandiswiilila.+
9 Akati kanu takukabi leza uutazizyilwe pe,
Alimwi tamukakotamini leza mweenzu.+
10 Mebo, nde Jehova, ndendime Leza wanu,
Ooyo wakamugusya mucisi ca Egepita.+
Amwaasamune milomo yanu, eelyo ndilamusanina kusikila mane mukkute.+
11 Pele bantu bangu tiibakaliswiilila jwi lyangu pe;
Ba Israyeli tiibakalibombya kulindime.+
13 Eelo kaka inga cainda kubota ikuti bantu bangu bandiswiilila,+
Ikuti ba Israyeli beenda munzila zyangu!+
14 Nindababombya cakufwambaana basinkondonyina;
Balwani babo nindabalwana ajanza lyangu lyanguzu.+
15 Aabo bamusulide Jehova bayoolibombya kumbele lyakwe,
Alimwi mamanino* aabo ngalyoonse alyoonse mane kukabe kutamani.
Lwiimbo lwa Asafu.+
3 Amubaiminine* bantu bapengede alimwi abamucaala.+
Amubacitile cabululami aabo batakwe mugwasyi alimwi bacete.+
4 Amubavwune bantu bapengede alimwi abacete;
Amubafwutule kumaanza aababi.”
5 Tabazyi pe, nokuba kumvwisya;+
Baile kweendeenda mumudima;
Intalisyo zyoonse zyanyika zilazungaanizyigwa.+
8 Nyamuka, O Leza, ubeteke nyika,+
Nkaambo masi oonse ngaako.
Lwiimbo. Intembauzyo ya Asafu.+
3 Cabumpelenge bapangana kulwana bantu bako;
Bakanza kubacitila cibi bantu bako mboyandisya.*
4 Baamba kuti: “Amuboole tubanyonyoone batabi limbi cisi,+
Kutegwa zina lya Israyeli litakayeeyegwi limbi.”
5 Calukamantano bajana nzila yomwe;*
Bapanga cizuminano cakuti bakulwane+—
6 Imatente aabana Edomu abana Isimayeli, bana Moabu+ abana Hagiri,+
10 Bakanyonyoonwa ku Eni-dori;+
Bakaba mbolezi yanyika.
11 Nkumekume zyabo kozipa kuba mbuli Orebi a Zeebi+
Alimwi basilutwe* babo kobapa kuba mbuli Zeba a Zalimuna,+
12 Nkaambo bakaamba kuti: “Atucibweze cisi mwakkala Leza kuti cibe cesu.”
13 O Leza wangu, kobacita kuba mbuli kasanzu kamamvwa katolwa akambizi,+
Ambuli buungu bupepululwa amuwo.
14 Mbubonya mbuli mulilo uumpa syokwe,
Ambuli mabangabanga aamulilo aatenta malundu,+
15 Kobatandaanya aguwo lyako pati+
Alimwi kobayoosya amuwo wako wuunga canguzu.+
16 Kopa kuti nsoni zibajaye,
Kutegwa bayandaule zina lyako, O Jehova.
17 Abausyigwe nsoni akuyoowa lyoonse mane kukabe kutamani;
Abasampulwe akunyonyoonwa;
18 Bantu abazyibe kuti yebo, oojisi zina lyakuti Jehova,+
Yebo olikke ndonduwe Mupatikampatila atala aanyika yoonse.+
Moyo wangu amubili wangu ziloongolola cakukondwa kuli Leza muumi.
3 Nokaba kayuni kalijanina ŋanda ooko
Akalo kamembya kalibambila citeente,
Mokalanganizyila bana bankako
Munsi-munsi acipaililo cako cipati, O Jehova wamakamu,
O Mwami wangu alimwi O Leza wangu!
4 Balikkomene aabo bakkala muŋanda yako!+
Baluujisi kukutembaula.+ (Sela)
5 Balikkomene bantu bajana nguzu kulinduwe,+
Aabo mumyoyo yabo ibalombozya kweenda mumigwagwa iitozya kuŋanda yako.
6 Nobainda mu Kkuti lya Bbaka,*
Balibona mbuli kuti mbusena bujisi tusensa twamaanzi;
Mpoonya mvwula yakusaanguna ilipa kuba azileleko zinji.*
7 Banooyaabweenda akuzumanana kuba anguzu zinji;+
Umwi aumwi wabo ulalibonya kumbele lya Leza mu Ziyoni.
8 O Jehova Leza wamakamu, komvwa mupailo wangu;
Koswiilila, O Leza wa Jakobo. (Sela)
10 Nkaambo kukkala buzuba bomwe mumabuwa aako nkubotu kwiinda kukkala mazuba aali 1,000 kumbi!+
Ndisala kwiimikila kumanjililo muŋanda ya Leza wangu
Muciindi cakukkala mumatente aabantu babi.
Jehova kunyina nayakubaima cintu cili coonse cibotu,
Aabo beenda kabatajisi kampenda.+
12 O Jehova wamakamu,
Ulikkomene muntu ooyo uukusyoma.+
Kumweendelezi wanyimbo. Intembauzyo yabana ba Kora.+ Lwiimbo.
3 Wakalesya bukali bwako boonse;
Wakaleka kunyema kwako kupati.+
5 Sena lyoonse unoonyemede akaambo kandiswe?+
Sena ucinoonyemede kumazyalani oonse?
6 Sena tokootubukulusya alimwi
Kutegwa bantu bako bakondwe mulinduwe?+
7 Kotutondezya luyando lwako lutamani, O Jehova,+
Alimwi kotufwutula.
8 Ndilaswiilila ncaamba Leza mwini-mwini Jehova,
Nkaambo waamba makani aaluumuno kubantu bakwe,+ inzya kubantu bakwe basyomeka,
Pele batataliki kulisyoma alimwi pe.+
9 Masimpe lufwutuko lwakwe lulaafwaafwi kuli baabo bamuyoowa,+
Kutegwa bulemu bwakwe bube mucisi cesu.
10 Luyando lutamani akusyomeka ziyakuswaangana;
Bululami aluumuno ziyakumyontana.+
11 Kusyomeka kuyoosyuuka munyika,
Alimwi bululami buyoolanga ansi kabuli kujulu.+
13 Bululami buyakweenda kumbele lyakwe+
Alimwi buyoopanga nzila mwayakwiinda.
Mupailo wa Davida.
2 Kolinda buumi bwangu, nkaambo ndilasyomeka.+
Komufwutula mubelesi wako uukusyoma,
Nkaambo nduwe Leza wangu.+
4 Kopa kuti mubelesi wako akondwe,
Nkaambo mebo ndalipa kulinduwe, O Jehova.
5 Nkaambo yebo, O Jehova uli mubotu+ alimwi ulilibambilide kulekelela zibi;+
Luyando lutamani ndojisi kulibaabo boonse bakukwiilila ndupati.+
11 Kondiyiisya nzila yako, O Jehova.+
Mebo ndinakweenda mukasimpe kako.+
Kondipa kuba amoyo omwe* kutegwa kandiyoowa zina lyako.+
12 Ndilakutembaula amoyo wangu woonse, O Jehova Leza wangu,+
Alimwi ndinoolemeka zina lyako lyoonse mane kukabe kutamani,
13 Nkaambo luyando lwako lutamani ndotondezya kulindime ndupati,
Alimwi wafwutula buumi bwangu kuzwa kunsi kwini kwa Cuumbwe.*+
15 Pele yebo O Jehova, uli Leza siluse alimwi silweetelelo,*
Tofwambaani kukalala alimwi uzwide luyando lutamani akusyomeka.*+
16 Kondicebuka akundifwida luzyalo.+
Komupa nguzu mubelesi wako,+
Alimwi komufwutula mwana musankwa wamuzike wako musimbi.
17 Konditondezya citondezyo* cabubotu bwako,
Kutegwa aabo batandiyandi babone akufwa nsoni.
Nkaambo yebo, O Jehova, uli mugwasyi wangu asikunduumbulizya.
Intembauzyo yabana ba Kora.+ Intembauzyo. Lwiimbo.
87 Intalisyo yamunzi wakwe ili mumalundu aasalala.+
2 Jehova ulaiyanda kapati milyango ya Ziyoni+
Kwiinda matente aa Jakobo oonse.
3 Zintu zibotu kapati zilaambwa kujatikizya nduwe, Omunzi wa Leza mwini-mwini.+ (Sela)
4 Rahabu+ a Babuloni ndiyoobabalila akati kabaabo ibandizyi;*
Ngooyu Filisitiya a Turo, antoomwe a Kusi.
Kuyakwaambwa kuti: “Ooyu ngonguwe wakazyalilwa nkuko.”
5 Alimwi kujatikizya Ziyoni kuyakwaambwa kuti:
“Umwi aumwi wabo wakazyalilwa mulinguwo.”
Alimwi Mupatikampatila uyoowiimika nji.
6 Jehova uyakwaambilizya, ciindi nayoolemba bantu kuti:
“Ooyu ngonguwe wakazyalilwa nkuko.” (Sela)
7 Baimbi+ abasikuzyana zizyano zyakuzinguluka+ bayakwiimba kuti:
“Tusensa twangu toonse tuli mulinduwe.”*+
Lwiimbo. Intembauzyo yabana ba Kora.+ Kumweendelezi wanyimbo; lwiimbwe mbuli lwiimbo lwa Mahalati.* Lwiimbo lwakwiingulana. Masikili* ya Hemani+ muna Ezara.
88 O Jehova, Leza walufwutuko lwangu,+
Isyikati ndilakukwiilila,
Aalo masiku ndilaboola kumbele lyako.+
5 Uusiidwe akati kabafwu
Mbuli bantu bakajaigwa ibalede mucuumbwe,
Aabo mbotaciibaluki
Bazandwidwe alimwi batagwasyigwi* anduwe.
6 Wandibikka kunsi kwini kwacilindi,
Mumasena aasiya mbi, mumulindi mupati uutagoli.
7 Bukali bwako bwandilemena,+
Alimwi wandipenzya amayuwe aako mapati. (Sela)
8 Beenzuma wababikka kulamfwu andime;+
Wapa kuti ndibe cintu cisesemya kulimbabo.
Ndasinkilwa alimwi tandikonzyi kutija.
9 Liso lyangu lyalema akaambo kamapenzi aandijisi.+
Ndilakwiita buzuba boonse, O Jehova;+
Nditambika maanza aangu kulinduwe.
10 Sena uyoobacitila zintu zigambya aabo bafwide?
Sena aabo bazundidwe alufwu balakonzya kubuka akukutembaula?+ (Sela)
11 Sena luyando lwako lutamani luyakwaambilizyigwa mucuumbwe,
Akusyomeka kwako mubusena bwalunyonyooko?*
12 Sena zintu zigambya nzyookacita ziyoozyibwa mubusena busiya mbi
Naa bululami bwako munyika yabantu bakaloba?+
13 Nokuba boobo, mebo ndakukwiilila kuti undigwasye, O Jehova,+
Lyoonse mafwumofwumo mupailo wangu ulasika kulinduwe.+
14 Nkaambo nzi, O Jehova, ncondikaka?+
Nkaambo nzi ncondisisa busyu bwako?+
15 Kuzwa kubwana,
Ndilipengede alimwi ndili afwaafwi kufwa;+
Zintu zibyaabi nzyozumizya kuti zindicitikile zyandinetula.
16 Ndabbila mubukali bwako buyoosya;+
Zintu ziyoosya izizwa kulinduwe zyandinyonyoona.
17 Zyandizinguluka mbuli maanzi buzuba boonse;
Zyandizinga mumbazu zyoonse.*
18 Beenzuma abalongwe bangu wabatandila kulamfwu andime;+
Mudima ngowaba mulongwe wangu.
Masikili.* Intembauzyo ya Etani+ muna Ezara.
89 Ndinakwiimba zyaluyando lwa Jehova lutamani lyoonse mane kukabe kutamani.
Amulomo wangu ndinoozyibya kusyomeka kwako kumazyalani oonse.
2 Nkaambo ndaamba kuti: “Luyando lutamani lunooliko lyoonse mane kukabe kutamani,+
Alimwi wakkazikizya kusyomeka kwako kujulu.”
4 ‘Lunyungu+ lwako ndiyoolwiimika nji lyoonse mane kukabe kutamani,
Alimwi cuuno cako cabwami ndiyoocikkazikizya kumazyalani oonse.’”+ (Sela)
5 Majulu atembaula milimo yako iigambya, O Jehova,
Inzya, kusyomeka kwako mumbungano yabasalali.
6 Ino nguni kujulu uukonzya kweelanisyigwa a Jehova?+
Ino nguni akati kabana ba Leza+ uuli mbuli Jehova?
7 Leza ulayoowegwa munkamu* yabasalali;+
Mupati alimwi ulayoosya kapati kuli baabo boonse bamuzingulukide.+
8 O Jehova Leza wamakamu,
Ino nguni singuzu uuli mbuli nduwe, O Ja?+
Kusyomeka kwako kulikuzingulukide.+
10 Yebo wapwayaula Rahabu+ mbuli muntu wajaigwa.+
Wamwaya basinkondonyoko ajanza lyako lyanguzu.+
14 Bululami alubeta luluzi nentalisyo yacuuno cako cabwami;+
Luyando lutamani akusyomeka zilaima kumbele lyako.+
15 Balikkomene bantu ibacizyi koongolola cakukondwa.+
O Jehova, baleenda mumumuni wabusyu bwako.
16 Balakondwa muzina lyako buzuba boonse,
Alimwi balasumpulwa mubululami bwako.
17 Nkaambo uli bulemu bwanguzu zyabo,+
Alimwi kwiinda mukukkomaninwa anduwe, nguzu zyesu zilayungizyigwa.*+
18 Nkaambo ntobo yesu njiya Jehova,
Mwami wesu ngwa Uusalala wa Israyeli.+
19 Aciindi eeco yebo wakaamba mucilengaano kubantu bako basyomeka kuti:
21 Janza lyangu linoomugwasya,+
Alimwi kuboko kwangu kunoomuyumya.
22 Kunyina sinkondo uuyoomubbadelesya mutelo,
Alimwi kunyina muntu uutaluleme uuyoomupenzya.+
24 Kusyomeka kwangu aluyando lwangu lutamani zilaanguwe,+
Alimwi nguzu zyakwe ziyooyungizyigwa muzina lyangu.*
26 Walo uyoondiita kuti: ‘Nduwe Taata,
Leza wangu alimwi a Ndomba yalufwutuko lwangu.’+
28 Ndinoomutondezya luyando lwangu lutamani lyoonse mane kukabe kutamani,+
Alimwi cizuminano cangu anguwe tacikamani pe.+
29 Lunyungu lwakwe ndiyoolwiimika nji mane kukabe kutamani
Alimwi ndiyoopa kuti cuuno cakwe cabwami kaciliko lyoonse mbubonya mbuli majulu.+
30 Ikuti bana bakwe bakasiye mulawo wangu
Alimwi ikuti batakeendi kweelana ambeta zyangu,
31 Ikuti batakatobeli malailile aangu
Alimwi ikuti bakasotoke milawo yangu,
32 Nkokuti ndiyoobasubula amusako akaambo kakutamvwa* kwabo+
Akubauma zimboko akaambo kazinyonyoono zyabo.
35 Mubusalali bwangu ndakonka, ciindi comwe mane kukabe kutamani;
Tandikaambi zyakubeja kuli Davida.+
36 Lunyungu lwakwe lunakuliko lyoonse mane kukabe kutamani;+
Cuuno cakwe cabwami cinooliko lyoonse mbubonya mbuli zuba kumbele lyangu.+
37 Mbuli mwezi cinakwiimvwi nji lyoonse mane kukabe kutamani
Mbuli kamboni uusyomeka kujulu.” (Sela)
38 Pele yebo wamusowa alimwi wamukaka;+
Wamunyemena munanike wako.
39 Wacikaka cizuminano ncowakapanga amubelesi wako;
Wasampaula musini wakwe wabwami kwiinda mukuuwaala ansi.
40 Wamwaya malambo aakwe aamabwe oonse;*
Wapa kuti minzi yakwe iikwabilidwe ibe matongo.
41 Basimweendanzila boonse bamusaala;
Waba cintu cisampukide kuli basimukobonyina.+
43 Kunze lyaboobo, walijola munsi panga lyakwe,
Alimwi wamupa kuti akomwe munkondo.
44 Wamupa kuti aleke kweebeka
Alimwi cuuno cakwe cabwami waciwaalila ansi.
45 Wacesya mazuba aabukubusi bwakwe;
Wapa kuti nsoni zimujaye. (Sela)
46 O Jehova, ino ulalisisa kwaciindi cilamfwu buti? Sena ulacita oobo mane kukabe kutamani?+
Sena bukali bwako bulazumanana kuyaka mbuli mulilo?
47 Koyeeya mbobuli bufwaafwi buumi bwangu!+
Sena taakwe kaambo ncookabalengela bantu boonse?
48 Ino nguni uukonzya kupona akutabona lufwu?+
Sena ulakonzya kulifwutula mwini kunguzu zya Cuumbwe?* (Sela)
49 O Jehova, ino ili kuli milimo yaluyando lwako lutamani njookali kucita kaindi,
Eeyo njookakonkezya kuli Davida mukusyomeka kwako?+
50 O Jehova, koyeeya mbobasampaulwa babelesi bako;
Mbondinyamuna* masampu aabantu boonse;
51 Basinkondonyoko mbobatukila, O Jehova;
Mbobali kutukila mikondo yamunanike wako.
52 Aatembaulwe Jehova lyoonse mane kukabe kutamani. Ameni! Ameni!+
BBUKU LYANE
(Intembauzyo 90-106)
Mupailo wa Musa, muntu wa Leza mwini-mwini.+
90 O Jehova, yebo wali makkalilo*+ eesu mumazyalani oonse.
2 Malundu kaatanazyalwa
Alimwi kotanalenga nyika alimwi ansi mbotu,+
Kuzwa lili alili mane kukabe kutamani nduwe Leza.+
4 Nkaambo mumeso aako myaka iili cuulu ili buyo mbuli buzuba bwajilo bwakainda,+
Ambuli ciindi comwe cakulinda masiku.
8 Yebo ubikka milandu yesu kumbele lyako;*+
Maseseke eesu alaantangalala akaambo kakumunikwa amumuni wabusyu bwako.+
9 Mazuba eesu ayaabumana* akaambo kabukali bwako;
Ayalo myaka yesu ilamana cakufwambaana mbubonya mbuli muya uuzwa notuswa ciya.
Pele yoonse izwide buyo mapenzi amause;
Ilafwambaana kumana, eelyo tulauluka.+
11 Ino nguni uukonzya kumvwisya nguzu zyabukali bwako?
Kunyema kwako nkupati, kuleelene amboyelede kuyoowegwa.+
13 Kojokela O Jehova!+ Ino cinooli boobu kusikila lili?+
Kobafwida lubomba babelesi bako.+
14 Mafwumofwumo kotukkutya luyando lwako lutamani,+
Kutegwa toongolole cakukondwa akusekelela+ mazuba oonse aabuumi bwesu.
17 Luzyalo lwa Jehova Leza wesu alube andiswe;
Kopa kuti milimo yamaanza eesu izwidilile.
Inzya, kopa kuti milimo yamaanza eesu izwidilile.+
91 Kufwumbwa uukkala mubusena busisikide bwa Mupatikampatila+
Ulakkala mucimvwule ca Singuzuzyoonse.+
3 Nkaambo walo uyookuvwuna kukakole kasikuteya tuyuni,
Kucilwazi cinyonyoona.
Kusyomeka kwakwe+ kuyookubeda ntobo+ mpati abwaanda bukukwabilila.
5 Tokayoowi zintu ziyoosya masiku,+
Naa muvwi wuuluka isyikati,+
6 Nociba cilwazi cibendelela mumudima uusiya mbi,
Naa lunyonyooko lusaala akalangabwaaseme.
7 Bantu bali 1,000 bayakuwa kumbali lyako
Abali 10,000 kujanza lyako lyalulyo,
Pele yebo tazikakusiki afwaafwi pe.+
9 Mbokunga waamba kuti: “Jehova mayubilo aangu,”
Wapa Mupatikampatila kuba makkalilo* aako;+
10 Kunyina penzi liyookusikila,+
Alimwi kunyina cipenzyo ciyooswena afwaafwi atente lyako.
11 Nkaambo walo uyoolailila bangelo bakwe+ kujatikizya nduwe,
Kuti bakukwabilile munzila zyako zyoonse.+
13 Yebo uyoolyatauka syuumbwa uucili mwana ankombola;
Uyoolyatauka syuumbwa wabutambo amuzoka mupati.+
14 Leza waamba kuti: “Akaambo kakuti ulandiyanda,* ndiyoomuvwuna.+
Ndiyoomukwabilila akaambo kakuti ulilizyi* zina lyangu.+
15 Walo uyoondiita, eelyo ndiyoomuvwiila.+
Ndinooli anguwe mumapenzi aakwe.+
Ndiyoomuvwuna akumupa bulemu.
Intembauzyo. Lwiimbo lwabuzuba bwa Sabata.
92 Ncibotu kukulumba, O Jehova+
Akwiimba nyimbo zyakutembaula zina lyako, O Mupatikampatila,
2 Ikwaambilizya luyando lwako lutamani+ mafwumofwumo
Alimwi akwaambilizya kusyomeka kwako masiku,
3 Ikucita boobo acakwiimbya cantambo zili kkumi alimwi akabbanjo,
Akwiinda munyimbo zililisya ziimbwa akantimbwa.+
4 Wapa kuti ndikondwe, O Jehova, akaambo kazintu nzyoocita;
Akaambo kamilimo yamaanza aako ndiloongolola cakukondwa.
5 Eelo kaka milimo yako mipati, O Jehova!+
Mizeezo yako tayeeli pe!+
6 Kunyina muntu uutayeeyi kabotu uukonzya kwiizyiba;
Alimwi kunyina mufwubafwuba uukonzya kumvwisya makani aaya aakuti:+
7 Ibabi baakumena mbuli nsaku*
Alimwi basimucita zibi boonse baakuvwulisya,
Eeci ciyoocitika kutegwa bakanyonyoonwe kukabe kutamani.+
8 Pele yebo O Jehova ulisumpukide lyoonse mane kukabe kutamani.
9 Ncobeni, kolanga mbobazundwa basinkondonyoko, O Jehova,
Bona mbobayooloba basinkondonyoko;
Basimucita zibi boonse bayoomwaigwa.+
10 Pele yebo uyoondipa kuba anguzu zinji* mbuli zyamupoho wamusyokwe;
Ndilanana mafwuta mabotu aakatalusya kutegwa lukanda lwangu luteteete.+
11 Meso aangu ayoobona mbobazundwa basinkondoma;+
Matwi aangu ayoomvwa mbobayakuwa bantu babi aabo bandilwana.
13 Balisimpidwe muŋanda ya Jehova;
Balasyuuka mumabuwa aa Leza wesu.+
14 Nokuba kubucembele* bayoozumanana kuzyala micelo;+
Banoojisi nguzu* akufwefwema lyoonse,+
15 Banakwaambilizya kuti Jehova uliluleme.
Walo ni Ndomba yangu,+ mulinguwe taakwe kutalulama pe.
93 Jehova waba Mwami!+
Usamide bupati;
Jehova usamide nguzu.
Ulizisamide mbuli lutambo.
Nyika* ilikkazikizyidwe;
Tiikonzyi kuzungaanizyigwa pe.
3 Milonga yapoomoka, O Jehova,
Milonga yapoomoka akuvwuuma;
Milonga iluujisi kupoomoka akuvwuuma kapati.
4 Imupati kwiinda kuvwuuma kwamaanzi manji,
Singuzu kwiinda mayuwe mapati aalwizi,+
Ngu Jehova imupati kujulu.+
5 Ziyeekezyo zyako zilasyomeka kapati.+
Busalali busakatizyide* ŋanda yako,+ O Jehova, lyoonse mane kukabe kutamani.
94 O Leza oopa cisubulo, Jehova,+
O Leza oopa cisubulo, komweka!
2 Nyamuka, O Mubetesi wanyika.+
Kobajolela zibeelede bantu balisumpula.+
3 Ino babi balaleka lili, O Jehova,
Ino babi balaleka lili kusekelela?+
4 Balabbwa akwaambaula cakulisumpula;
Basimucita zibi boonse balalidunda.
5 Bapwayaula bantu bako, O Jehova,+
Akupenzya lukono lwako.
6 Bajaya mukamufwu amuzwakule,
Alimwi bajaya bamucaala.
8 Amucimvwisye eeci, nywebo nomutayeeyi kabotu;
Nywebo nobafwubafwuba, ino ndilili nomuyooba amaano?+
9 Ooyo wakapanga* kutwi, sena takonzyi kumvwa?
Ooyo wakalenga liso, sena takonzyi kubona?+
10 Ooyo uululamika masi, sena takonzyi kusinsa?+
Ngonguwe uuyiisya bantu kuba aluzyibo!+
11 Jehova uliizyi mizeezo yabantu,
Kuti muya buyo.+
12 Ulikkomene muntu ngolulamika, O Ja,+
Ooyo ngoyiisya mulawo wako,+
13 Kutegwa umupe kuliiba mumazuba aamapenzi,
Kusikila limwi babi bakasyidwe cilindi.+
15 Nkaambo lubeta luyakululama alimwi,
Eelyo boonse aabo baluleme mumoyo bayoolutobela.
16 Ino nguni uutiinyamuke kuti andilwanine babi?
Ino nguni uutiibe kulubazu lwangu kuti andilwanine basimucita zibi?
17 Ikuti Jehova naatakali mugwasyi wangu,
Nindakafwa muciindi cisyoonto buyo.+
18 Ciindi nindakaamba kuti: “Kuulu kwangu kulatezemuka,”
Iluyando lwako lutamani, O Jehova, lwakali kundigwasya ciindi coonse.+
20 Sena cuuno cabwami* cabumpelenge cilakonzya kubelekela antoomwe anduwe
23 Walo ulabapilusyila micito yabo mibi.+
Ulabanyonyoona* abubi bwabo beni.
Jehova Leza wesu ulabanyonyoona.*+
95 Amuboole toongolole cakukondwa kuli Jehova!
Atoongolole ku Ndomba yesu yalufwutuko akaambo kakuzunda.+
3 Nkaambo Jehova ngu Leza mupati,
Mwami mupati kwiinda baleza boonse.+
4 Masena aali kunsi kwini kwanyika ali mujanza lyakwe;
Nsonje zyamalundu nzizyakwe.+
6 Amuboole, tukombe akukotama ansi;
Atufwugame kumbele lya Jehova Mubumbi wesu.+
Sunu ikuti nywebo muswiilile jwi lyakwe,+
8 Mutayumyi myoyo yanu pe mbuli mbobakacita ku Meriba,*+
Mbuli buzuba obuya ku Masa* munkanda,+
9 Eelyo bamauso nobakandisunka;+
Bakandikazya, nokuba kuti bakabona milimo yangu.+
10 Kwamyaka iili 40 ndakasesemwa azyalani eelyo, aboobo ndakati:
“Mbantu baleyauka mumoyo ciindi coonse;
Tabanazizyiba pe nzila zyangu.”
11 Aboobo kandinyemede ndakakonka ndilaamba:
“Tabakanjili pe mukulyookezya kwangu.”+
96 Amumwiimbile Jehova lwiimbo lupya.+
Amumwiimbile Jehova, nonyika yoonse!+
2 Amumwiimbile Jehova; amutembaule zina lyakwe.
Buzuba abuzuba amwaambilizye makani mabotu aalufwutuko lwakwe.+
4 Jehova mupati alimwi weelede kutembaulwa kapati.
Ulayoosya kapati kwiinda baleza bambi boonse.
7 Amupe Jehova izimweelede, nywebo nomikwasyi yabantu,
Amupe Jehova izimweelede akaambo kabulemu anguzu zyakwe.+
9 Amumukotamine* Jehova kamusamide zisani zisalala izyeebeka;*
Amukankame kumbele lyakwe, nonyika yoonse!
10 Amwaambilizye akati kamasi kuti: “Jehova waba Mwami.+
Nyika* ilisitikide, tiikonzyi kuzungaanizyigwa pe.
Walo uyoobeteka bantu* cabululami.”+
11 Majulu aasekelele, ayalo nyika aikondwe;
Lwizi aluvwuume antoomwe azyoonse izili mulindulo;+
12 Syokwe alikondwe azyoonse zili mumo.+
Aalo masamu oonse aamusyokwe aaimbe cakukondwa+
13 Kumbele lya Jehova, nkaambo ulaboola,*
Ulaboola kuzoobeteka nyika.
97 Jehova waba Mwami!+
Inyika aisekelele.+
Insumbu zinji azikondwe.+
2 Makumbi amudima uusiya mbi zilimuzingulukide koonse-koonse;+
Bululami alubeta luluzi nentalisyo yacuuno cakwe cabwami.+
4 Indabo zyakwe zimunika cisi;
Inyika ilabona akukankama.+
5 Malundu alanyenguluka mbubonya mbuli bunzuka kumbele lya Jehova,+
Inzya kumbele lya Mwami wanyika yoonse.
6 Majulu aambilizya bululami bwakwe,
Alimwi bantu boonse babona bulemu bwakwe.+
7 Boonse aabo ibabelekela cikozyanyo cili coonse cibezedwe abausyigwe nsoni,+
Aabo balidunda akaambo kabaleza babo babuyo.+
Amumukotamine,* nywebo nobaleza nyoonse.+
9 Nkaambo yebo, O Jehova, ndonduwe Mupatikampatila atala aanyika yoonse;
Ulisumpukide kapati kwiinda baleza boonse.+
10 Nywebo nomuyandisya Jehova, amusulaike bubi.+
11 Mumuni wabamwekela baluleme+
Akwalo kukondwa kwabasikila aabo baluleme mumoyo.
12 Amukondwe muli Jehova, nywebo nobalulami,
Alimwi amulumbaizye zina* lyakwe lisalala.
Intembauzyo.
Ijanza lyakwe lyalulyo, inzya kuboko kwakwe kusalala, kwaleta lufwutuko.*+
3 Waibaluka luyando lwakwe lutamani alimwi akusyomeka kwakwe kuŋanda ya Israyeli.+
Imagolelo oonse aanyika alibonena lufwutuko luzwa kuli Leza wesu.*+
4 Nonyika yoonse, amoompolole kuli Jehova akaambo kakuzunda.
Amusekelele, amoongolole cakukondwa alimwi amwiimbe ntembauzyo.+
5 Amwiimbe nyimbo zyakutembaula Jehova akantimbwa,
Amumwiimbile akantimbwa alwiimbo lwamajwi lubotu.
6 Kwiinda mukulizya myeembo alimwi alwija,+
Amoompolole kumbele lya Mwami Jehova, akaambo kakuzunda.
7 Lwizi aluvwuume antoomwe azyoonse izili mulindulo,
Inyika* abaabo bakkala mulinjiyo.
8 Milonga aikambe maanza aanjiyo;
Malundu aaongolole cakukondwa antoomwe+
9 Kumbele lya Jehova, nkaambo ulaboola* kuzoobeteka nyika.
99 Jehova waba Mwami.+ Bantu abakankame.
Ukkede acuuno cabwami atala* aabakerubi.+ Inyika aizungaane.
2 Jehova mupati mu Ziyoni,
Alimwi ulisumpukide kwiinda bantu boonse.+
3 Abatembaule zina lyako lipati,+
Nkaambo lilayoosya alimwi lilasalala.
4 Ngomwami singuzu uuyandisya kubeteka kabotu.+
Yebo wasitikizya cintu ciluzi.
Wapa kuti twaambo katubetekwa kabotu alimwi akuti kube bululami+ muli Jakobo.
6 Musa a Aroni bakali bamwi babapaizi bakwe,+
Alimwi Samuele wakali umwi wabaabo bakali kwiita zina lyakwe.+
Bakali kukwiilila Jehova,
Eelyo walo wakali kubavwiila.+
7 Wakali kwaambaula ambabo mumusumpuululu wakkumbi.+
Bakatobela ziyeekezyo zyakwe amalailile ngaakabapa.+
8 Yebo wakabavwiila, O Jehova Leza wesu.+
9 Amumulemeke Jehova Leza wesu+
Akukotama* ansi kumbele lyacilundu cakwe cisalala,+
Nkaambo Jehova Leza wesu ulasalala.+
Lwiimbo lwakulumba.
100 Nonyika yoonse, amoongolole kuli Jehova akaambo kakuzunda.+
2 Amubelekele Jehova cakukondwa.+
Amuboole kumbele lyakwe kumwi kamoongolola cakukondwa.
3 Amuzyibe* kuti Jehova ngo Leza.+
Ngonguwe wakatulenga, alimwi tuli bakwe.*+
Tuli bantu bakwe alimwi tuli mbelele zyamumacelelo aakwe.+
Amumulumbe; amutembaule zina lyakwe.+
5 Nkaambo Jehova mubotu;+
Luyando lwakwe lutamani nkoluli lyoonse mane kukabe kutamani,
Akusyomeka kwakwe nkwamumazyalani oonse.+
Intembauzyo ya Davida. Lwiimbo.
101 Ndiyakwiimba kujatikizya luyando lutamani alimwi abululami.
Ndiyakwiimba nyimbo zyakukutembaula, O Jehova.
2 Ndiyoocita zintu cabupampu alimwi cakubula kampenda.*
Ino ulaboola lili kulindime?
Ndiyakweenda amoyo uululeme+ muŋanda yangu.
3 Tandikabikki cintu cili coonse cabuyo kumbele ameso aangu.
4 Moyo wabumpelenge uli kulamfwu andime;
Tandikacizumini* cintu cibi.
Kufwumbwa muntu uulisumpula mumeso aakwe alimwi uulidunda mumoyo,
Tandikamulangi buyo pe.
6 Ndiyoolanga kubantu basyomeka munyika,
Kutegwa bakkale andime.
Ooyo weenda cakubula kampenda ngonguwe uuyoondikutaukila.
7 Kunyina muntu silweeno uuyookkala muŋanda yangu,
Alimwi kunyina muntu uubeja uuyakwiima kumbele lyangu.*
8 Cifwumofwumo cimwi acimwi ndinakuumuzya* babi boonse bamunyika,
Kutegwa boonse basimucita zibi balobe mumunzi wa Jehova.+
Imupailo wamuntu uupengede ciindi natyompedwe akwaamba zintu zyoonse zimupenzyede kumbele lya Jehova.+
2 Utandisisi busyu bwako ciindi nendili mumapenzi.+
3 Nkaambo mazuba aabuumi bwangu amana mbuli busi,
Alimwi mafwuwa aangu apya mbuli cikko.+
4 Moyo wangu waumpwa mbuli bwizu akuyuma,+
Nkaambo ndaluba kulya cakulya cangu.
6 Ndakozyanya asifundwe wamunkanda;
Ndaba mbuli tumba wamumatongo.
8 Buzuba boonse basinkondoma balandisampaula.+
Aabo bandifwubaazya babelesya zina lyangu nebasinganya.
9 Nkaambo ndilya mulota mbuli cinkwa cangu,+
Alimwi cakunywa cangu civweledwe misozi,+
10 Akaambo kabukali bwako akunyema kwako,
Nkaambo wakandinyamuna mujulu kutegwa undisowele kumbali.
13 Masimpe yebo uyoonyamuka akumufwida luse Ziyoni,+
Nkaambo nceciindi cakuti umufwide luzyalo;+
Ciindi cibikkidwe casika.+
15 Masi anakuyoowa zina lyako, O Jehova,
Alimwi bami boonse baanyika banakuyoowa bulemu bwako.+
19 Nkaambo walo ulanga ansi kuzwa kubusena bwakwe busalala busumpukide,+
Kuzwa kujulu Jehova ulanga nyika,
20 Kutegwa amvwe kutongela kwabaange,+
Kuti aangunune baabo bapedwe mulandu wakujaigwa,+
21 Kutegwa zina lya Jehova likaambilizyigwe mu Ziyoni+
Akuti akatembaulwe mu Jerusalemu,
22 Ciindi bantu alimwi amami
Baakubungana antoomwe kuti bamubelekele Jehova.+
23 Walo wakamanizya nguzu zyangu kacitanasika ciindi,
Wakakosola mazuba aabuumi bwangu.
24 Ndakati: “O Leza wangu,
Utandijayi eelyo mazuba aabuumi bwangu naacili akati,
Yebo oojisi myaka iizumanana kumazyalani oonse.+
25 Kaindi yebo wakabikka ntalisyo yanyika,
Alimwi majulu milimo yamaanza aako.+
26 Eezyi ziyooloba, pele yebo unooliko lyoonse;
Mbubonya mbuli cisani, zyoonse buyo ziyoomana.
Mbubonya mbuli cisani uyoozisowa akubikka zimbi, pele azyalo eezyo ziyooloba mbubonya.
27 Pele yebo uli mbubonya mbuli lyoonse, alimwi myaka yako tiikamani pe.+
28 Ibana bababelesi bako banoopona cakuliiba,
Alimwi lunyungu lwabo lunakwiimvwi nji kumbele lyako.”+
Intembauzyo ya Davida.
103 Anditembaule Jehova;
Zyoonse zili mukati kangu azitembaule zina lyakwe lisalala.
2 Anditembaule Jehova;
Nditalubi milimo yoonse njaacita.+
3 Ngonguwe uukulekelela milandu yako yoonse+
Akuponya malwazi aako oonse;+
4 Ngonguwe uuvwuna buumi bwako kucilindi,*+
Akukusamika musini waluyando lutamani alimwi aluse.+
5 Ngonguwe uukukkutya zintu zibotu+ lyoonse nocipona,
Kutegwa bukubusi bwako kabubukuluka mbubonya mbuli sikwaze.+
10 Kunyina naatucitila kweelana azibi zyesu,+
Naa kutupa cisubulo citweelede kweelana amilandu yesu.+
11 Nkaambo mbubonya julu mbolisumpukide kapati kwiinda nyika,
Alwalo luyando lwakwe lutamani ndupati kapati kuli baabo bamuyoowa.+
12 Mbubonya kumapolelo aazuba mbokuli kulamfwu kapati kuzwa kumabbililo aazuba,
Akwalo nkwabikkide zinyonyoono zyesu mbokubede kulampa kuzwa kulindiswe.+
16 Pele ciindi muwo nowuunga alindilyo, lilaloba,
Mbuli kuti taakwe nilyakaliko.*
17 Pele luyando lwa Jehova lutamani nkoluli lyoonse alyoonse mane kukabe kutamani
Kuli baabo bamuyoowa,+
Abululami bwakwe kubana babana babo,+
18 Kuli baabo babamba cizuminano cakwe+
Akuli baabo balomya kutobela malailile aakwe.
22 Amutembaule Jehova, nomilimo yakwe yoonse,
Mumasena oonse ngayendelezya.*
Moyo wangu woonse autembaule Jehova.
O Jehova Leza wangu, yebo uli mupati kapati.+
Usamide bulemu abweebesi.+
3 Ngonguwe uusimpa misemu yamaanda aakwe aamujulu mumaanzi aali kujulu,+
Uucita makumbi kuba nkalaki yakwe,+
Weenda atala aamababa aamuwo.+
4 Upa kuti bangelo bakwe babe myuuya,
Ibabelesi bakwe kuba mulilo uumpa cakumaninina.+
5 Wakkazikizya nyika antalisyo zyanjiyo ziyumu;+
Kunyina noiyoogwisyigwa* abusena bwanjiyo lyoonse alyoonse, mane kukabe kutamani.+
6 Yebo wakaivwumba maanzi malamfwu mbuli kuti waivwumba cisani.+
Maanzi akaliimvwi atala aamalundu.
7 Akatija akaambo kakunyemenwa anduwe;+
Akatija kaayoowede kapati akaambo kakundindima kwamuzumo wako
8 —Malundu akasumpuka+ aalo makkuti akayaansi—
Kubusena mbookaabambila.
9 Wakaabikkila munyinza ngwaateelede kusotoka,+
Kutegwa atakaivwumbi limbi nyika.
10 Ulatuma tusensa twamaanzi mumakkuti;*
Maanzi alakunka akati kamalundu.
11 Banyama boonse bamusyokwe balaanywa;
Mbongolo zyamusyokwe zilamana nyota yanzizyo.
12 Bayuni bauluka mujulu balalyookezya atala aamaanzi;
Balalila mumitabi yazisamu zifwefwema.
13 Walo ulatilaila malundu kuzwa mumaanda aakwe aamujulu.+
Nyika ilakkuta micelo iizwa kumilimo yako.+
14 Nguupa kuti kumene bwizu mbozilya ŋombe
Azisyumani nzyobabelesya bantu,+
Kutegwa cakulya cimene munyika
15 Awaini uukkomanisya moyo wamuntu,+
Mafwuta aabotezya busyu bwamuntu,
Alimwi acinkwa icipa kuti moyo wamuntu ube anguzu.+
16 Masamu aa Jehova akkuta,
Masamu aakkedari aaku Lebano ngaakasimpa,
17 Oomo bayuni mobayakila ziteente.
Tongola+ ulakkala muzisamu zyamulombe.
19 Wakapanga mwezi kuti kube ziindi zibikkidwe;
Zuba lilicizyi kabotu ciindi cakubbila.+
20 Yebo ulaleta mudima, eelyo aba masiku,+
Ciindi banyama boonse bamusyokwe nobeendeenda.
22 Izuba nolipasula,
Balaleka eelyo balalala muziyubilo zyabo.
23 Muntu ulaunka kumulimo wakwe,
Akubeleka mane kusikila kumangolezya.
24 Eelo kaka minji kapati milimo yako, O Jehova!+
Yoonse buyo wakaicita cabusongo.+
Nyika izwide zintu nzyookalenga.
25 Ndoluya lwizi, eelo kaka ndulamfwu alimwi ndupati kapati!
Mulindulo muli zilenge zyuumi zyeendeenda zitakonzyi kubalwa, ziniini alimwi azipati.+
27 Zyoonse buyo zilanga kulinduwe
Kuti uzipe cakulya canzizyo aciindi ceelede.+
28 Ncozipa zilabweza.+
Novwungulula janza lyako, zilakkuta zintu zibotu.+
29 Ciindi nosisa busyu bwako, zilanyongana.
Ikuti naa wazinyanga muuya ngozijisi, zilafwa akujokela kubulongo.+
31 Bulemu bwa Jehova bunooliko lyoonse mane kukabe kutamani.
Jehova unakwiikkomanina milimo yakwe.+
32 Ulailanga nyika, eelyo ilakankama;
Ulaampa malundu, eelyo alasuka busi.+
33 Ndinakwiimbila Jehova+ mubuumi bwangu boonse;
Ndinakwiimba nyimbo zyakutembaula Leza wangu kufwumbwa kuti kandili muumi.+
34 Mizeezo yangu aimukkomanisye.*
Ndinookondwa muli Jehova.
35 Basizibi bayooloba munyika,
Abalo babi tabakabiko limbi pe.+
Anditembaule Jehova. Amumutembaule Ja!*
2 Amumwiimbile, amwiimbe nyimbo zyakumutembaula,
3 Amulidunde muzina lyakwe lisalala.+
Aikondwe myoyo yabaabo bayandaula Jehova.+
4 Amuyandaule Jehova+ anguzu zyakwe.
Amuyandaule busyu bwakwe ciindi coonse.
5 Amuyeeye milimo yakwe iigambya njaakacita,
Imaleele aakwe ambeta zyakazwa kumulomo wakwe,+
6 Nywebo nolunyungu* lwa Abrahamu mubelesi wakwe,+
Nywebo nobana ba Jakobo, nobantu bakwe basalidwe.+
7 Ngu Jehova Leza wesu.+
Imbeta zyakwe zili munyika yoonse.+
8 Uyeeya cizuminano cakwe lyoonse mane kukabe kutamani,+
Cisyomezyo ncaakasyomezya,* kumazyalani aali cuulu,+
9 Cizuminano ncaakapangana a Abrahamu,+
Acikonke ncaakakonka kuli Izaka,+
10 Eeco ncaakapanga kuti cibe mulawo kuli Jakobo
Akuti cibe cizuminano citamani kuli Israyeli,
11 Naakati, “Ndiyoomupa nyika ya Kanana+
Kuti ibe caabilo calukono lwanu.”+
12 Wakaamba boobo nobakacili mweelwe musyoonto,+
Inzya, nobakali basyoonto kapati, alimwi nobakali bamuzwamasi mucisi.+
13 Bakatuntulika kuzwa mucisi cimwi acimwi,
Kuzwa mubwami bumwi akuya kubantu bambi.+
14 Tanaakazumizya muntu uuli woonse kubapenzya,+
Pele wakasinsa bami akaambo kambabo,+
15 Kaamba kuti, “Mutasoli kubaguma bananike bangu,
Alimwi mutabacitili cintu cibi basinsimi bangu.”+
17 Wakabatumina mwaalumi kumbele lyabo,
Josefa ooyo iwakasambalwa kuti abe muzike.+
18 Bakaanga* maulu aakwe muziliba,+
Nsingo yakwe bakainjizya munsimbi;
19 Kusikila ciindi jwi lyakwe nolyakazuzikizyigwa,+
Ijwi lya Jehova ndilyakamusensemuna.
20 Mwami wakalailila kuti agusyigwe muntolongo,+
Imuleli wabantu wakamwaangununa.
21 Wakamupa kuba simalelo muŋanda yakwe,
Mweendelezi walubono lwakwe loonse,+
22 Kuti ayendelezye* basilutwe bakwe kweelana ambwayanda
Akuti ayiisye bamadaala bakwe busongo.+
23 Mpoonya Israyeli wakasika mu Egepita,+
Jakobo wakakkala kali mweenzu mucisi ca Hamu.
24 Leza wakapa kuti bantu bakwe bazyalane kapati;+
Wakapa kuti babe anguzu kwiinda basinkondonyina,+
25 Wakalekela myoyo yabo kuti icince akutalika kusulaika bantu bakwe,
Kuti bayandaule nzila yakupenzya babelesi bakwe.+
27 Bakacita zitondezyo zyakwe akati kabo,
Maleele aakwe mucisi ca Hamu.+
28 Wakatuma mudima, eelyo mucisi kwakasiya mbi;+
Tiibakakaka kuswiilila majwi aakwe.
29 Wakasandula maanzi aabo kuba bulowa
Akujaya nswi zyabo.+
30 Icisi cabo cakazula bacula,+
Bakanjila amumaanda aabami.
31 Wakalailila kuti kuboole mazimbwa
Atususuli muzilawo zyabo zyoonse.+
33 Wakanyonyoona misaansa amikuyu yabo
Akwaandaula masamu mucilawo cabo.
34 Wakalailila kuti kuboole cikwikwi,
Cikwikwi cicili ciniini citakonzyi kubalwa.+
35 Cakalya zimena ansi zyoonse izyakali mucisi,
Alimwi cakalya micelo iimena mubulongo.
36 Mpoonya wakajaya bana boonse bataanzi kuzyalwa mucisi cabo,+
Imatalikilo aanguzu zyabo zyakuzyala.
37 Wakagwisya bantu bakwe bana Israyeli kabajisi nsiliva angolida;+
Akati kamisyobo yakwe kunyina wakali kudadalika.
38 Bana Egepita bakakondwa ciindi bana Israyeli nobakazwa,
Nkaambo bana Egepita bakabayoowa kapati bana Israyeli.+
39 Wakatandabika kkumbi kuti libe cisitilizyo cabo+
Amulilo kutegwa kaubamunikila masiku.+
42 Nkaambo wakaibaluka cisyomezyo cakwe cisalala ncaakasyomezya mubelesi wakwe Abrahamu.+
43 Aboobo wakagusya bantu bakwe kabasekelela,+
Bantu bakwe basalidwe kaboongolola cakukondwa.
44 Wakabapa nyika yabamasi;+
Bakakona lubono ndobakabelekela canguzu bantu bamisyobo iimbi,+
45 Kutegwa batobele malailile aakwe+
Akubamba milawo yakwe.
Amumutembaule Ja!*
106 Amumutembaule Ja!*
2 Ino nguni uukonzya kulomya kukambauka milimo mipati ya Jehova
Naa kwaambilizya milimo yakwe yoonse iitembaulika?+
3 Balikkomene aabo bacita zintu cabululami,
Bacita ziluleme ciindi coonse.+
4 Kondiyeeya, O Jehova, ciindi nobafwida luzyalo* bantu bako.+
Kondilanganya amilimo yako yalufwutuko,
5 Kutegwa ndibone bubotu mbotondezya bantu bako basalidwe,+
Kuti andime ndikondwe antoomwe acisi cako,
Akuti cakulidunda ndikutembaule* antoomwe alukono lwako.
7 Bamataateesu tiibakalumba* milimo yako iigambya ku Egepita.
Kunyina nobakayeeya luyando lwako lutamani lupati,
Pele bakazanga kulwizi, inzya ku Lwizi Lusalala.+
9 Wakakalalila Lwizi Lusalala, eelyo lwakayuminina;
Wakabainzya mumpisi yandulo mbuli kuti bainda mucimpayuma;*+
10 Wakabafwutula kuzwa mujanza lyasinkondonyina+
Akubanununa kuzwa mujanza lyamulwani.+
13 Pele cakufwambaana bakaziluba nzyaakacita;+
Tiibakalindila lulayo lwakwe.
15 Wakabapa ncobakalomba,
Pele wakabatumina cilwazi icakabapa kufwuluka.+
17 Mpoonya nyika yakaanduka akumena Datani
Alimwi yakavwumba baabo bakabungene a Abiramu.+
18 Mulilo wakavwutuka akati kankamu yabo;
Mulilo wamabangabanga wakabaumpa cakumaninina babi.+
19 Bakapanga moombe ku Horebu
Akukotamina cikozyanyo cifwulidwe;+
20 Bakacincanya bulemu bwangu
Acikozyanyo caŋombe iilya bwizu.+
21 Bakaluba Leza+ Mufwutuli wabo,
Ooyo wakacita milimo mipati mu Egepita,+
22 Milimo iigambya mucisi ca Hamu,+
Zintu ziyoosya kapati ku Lwizi Lusalala.+
23 Wakatiilailile kuti banyonyoonwe,
Pele Musa, imuntu wakwe uusalidwe wakabaiminina kulinguwe*
Kutegwa alesye bukali bwakwe bwakuti abanyonyoone.+
26 Aboobo wakatambika janza lyakwe mujulu akukonka kujatikizya mbabo
Kuti wakali kuyoobawisya munkanda;+
27 Bana babo wakali kuyoobawisyila akati kamasi,
Alimwi akubamwaila muzisi zyoonse.+
30 Pele Finehasi naakanyamuka akubweza ntaamu,
Cipenzyo eeco cakalesyegwa.+
31 Aboobo wakabonwa kuti mululami
Kumazyalani oonse mane kukabe kutamani.+
32 Bakamunyemya Leza kumaanzi aaku Meriba,*
Eelyo zintu tiizyakamweendela kabotu Musa akaambo kambabo.+
37 Bakali kupaizya bana babo basankwa
Alimwi abana babo basimbi kumadaimona.+
38 Bakazumanana kutila bulowa bwabantu batakwe mulandu,+
Bulowa bwabana babo basankwa abasimbi
Aabo mbobakali kupaizya kumituni yaku Kanana;+
Eelyo nyika yakasofwaazyigwa abulowa ibwakatilwa.
39 Bakasofwaala akaambo kamilimo yabo;
Bakacita buvwuule bwakumuuya akaambo kamicito yabo.+
40 Aboobo bukali bwa Jehova bwakavwutukila bantu bakwe,
Alimwi wakasesemwa lukono lwakwe.
41 Cakwiinduluka-induluka wakali kubaaba mumaanza aabantu bamasi,+
Kutegwa aabo babasulide babeendelezye.+
42 Basinkondonyina bakabapenzya,
Alimwi bakalibombya mumaanza aabo.
43 Ziindi zinji wakali kubavwuna,+
Pele balo bakali kuzanga alimwi tiibakali kumvwa,+
Aboobo bakali kuletwa ansi akaambo kamilandu yabo.+
45 Kutegwa abagwasye wakali kwiibaluka cizuminano cakwe,
Alimwi wakali kweetezyegwa,* akaambo kaluyando lwakwe lutamani lupati.+
46 Wakali kubapa kuti kabeetezya
Kuli baabo boonse ibakabaangide mubuzike.+
47 Kotufwutula, O Jehova Leza wesu,+
Alimwi kotuyobolola kuzwa kumasi+
Kutegwa tulumbaizye zina lyako lisalala
Bantu boonse abaambe kuti, “Ameni!”*
Amumutembaule Ja!*
BBUKU LYASANU
(Intembauzyo 107-150)
107 Amumulumbe Jehova, nkaambo mubotu;+
Luyando lwakwe lutamani nkoluli lyoonse mane kukabe kutamani.+
2 Aabo mbaavwuna* Jehova abaambe boobo,
Aabo mbaavwuna kujanza lyasinkondonyina,+
3 Aabo mbaakabunganya antoomwe kuzwa muzisi,+
Kuzwa kujwe akumbo,*
Kuzwa kunyika akumusanza.+
4 Bakaingaila munkanda, mucimpayuma;
Tiibakajana nzila yakubatola kumunzi nkobakali kukonzya kukkala.
5 Bakafwa nzala anyota;
Bakanetuka akaambo kakukatala.
8 Bantu abamulumbe Jehova+ akaambo kaluyando lwakwe lutamani
Alimwi akaambo kamilimo yakwe iigambya njaacitila bana babantu.+
9 Nkaambo waimana nyota yabaabo bafwide nyota
Akubakkutya zintu zibotu aabo bafwide nzala.+
10 Ibamwi bakali kukkala mumudima uusiya mbi,
Basintolongo bapengede ibakaangidwe nsimbi.
11 Nkaambo bakakaka kutobela ijwi lya Leza;
Bakanyansya lulayo lwa Mupatikampatila.+
12 Aboobo wakabombya myoyo yabo amapenzi;+
Bakawa, alimwi kwakanyina wakubagwasya.
13 Bakakwiilila Jehova kuti abagwasye mumapenzi aabo;
Wakabafwutula mumakatazyo aabo.
14 Wakabagusya mumudima uusiya mbi,
Alimwi wakadunsaula nsimbi nzyobakaangidwe.+
15 Bantu abamulumbe Jehova akaambo kaluyando lwakwe lutamani+
Alimwi akaambo kamilimo yakwe iigambya njaacitila bana babantu.
16 Nkaambo wapwayaula zijazyo zyamukuba
Akukosaula mingwala yabutale.+
18 Tiibakacili kuyanda kulya cakulya cili coonse;
Bakasika kufwaafwi amilyango yalufwu.
19 Bakali kukwiilila Jehova kuti abagwasye mumapenzi aabo;
Wakali kubafwutula mumakatazyo aabo.
20 Wakali kubatumina jwi lyakwe akubaponya+
Akubagwisya muzilindi mobakanyikilide.
21 Bantu abamulumbe Jehova akaambo kaluyando lwakwe lutamani
Alimwi akaambo kamilimo yakwe iigambya njaacitila bana babantu.
22 Abatuule zipaizyo zyakulumba+
Akwaambilizya milimo yakwe ajwi lyakukondwa.
23 Aabo beenda mulwizi amato,
Ibacita makwebo mumaanzi manji,+
24 Baibona milimo ya Jehova
Amilimo yakwe iigambya mumpisi yamaanzi;+
25 Mbwaamba ijwi akupa kuti kutalike kubbubbula guwo pati,+
Eelyo linyamuna mayuwe aamulwizi.
26 Balaunka mujulu;
Balabbila kunsi mumpisi.
Balayoowa kapati akaambo kamapenzi aaboola.
28 Mpoonya bakwiilila Jehova mumapenzi aabo,+
Eelyo ulabavwuna mumakatazyo aabo.
29 Ulabatamika guwo pati;
Mayuwe aamulwizi alaumuna wi.+
30 Balakondwa ciindi eezyi nozibatama,
Eelyo ulabasololela kucito ncobayanda.
31 Bantu abamulumbe Jehova akaambo kaluyando lwakwe lutamani
Alimwi akaambo kamilimo yakwe iigambya njaacitila bana babantu.+
33 Ulasandula milonga kuba cimpayuma,
Atusensa twamaanzi kuba nyika njumu iilunda kasuko,+
34 Nyika iizyala zilyo waisandula kuba cikula+
Akaambo kabubi bwabaabo bakkala mulinjiyo.
35 Ulasandula cimpayuma kuba zizyiba zyamaanzi zijisi matete,
Anyika njumu kuba tusensa twamaanzi.+
38 Ulabaleleka, eelyo balavwula kapati;
Talekeli ŋombe zyabo kuceya.+
39 Pele alimwi balaceya akuusyigwa nsoni
Akaambo kakudyaamininwa, mapenzi alimwi akuusa.
40 Ulabapoomweda masampu bantu balemekwa
Akubapa kwiingaila muzimpayuma imunyina nzila.+
43 Kufwumbwa muntu musongo uyoozibikkila maano zintu eezyi+
Alimwi uyooyeeyesya milimo ya Jehova yaluyando lutamani.+
Lwiimbo. Intembauzyo ya Davida.
108 Moyo wangu ulikkalikene, O Leza.
Ndilakwiimbila akukutembaula munyimbo amoyo wangu woonse.*+
2 Kobuka okalumbu; ayebo okantimbwa.+
Ndilafwuma kubuka kakucili kubucedo.
3 Ndinookutembaula akati kabantu, O Jehova,
Ndinookwiimbila nyimbo zyakukutembaula akati kamasi.
4 Nkaambo luyando lwako lutamani ndupati, lulasika akujulu,+
Akwalo kusyomeka kwako kulasika mumulengalenga.
5 O Leza, kosumpuka kwiinda majulu;
Bulemu bwako abube atala aanyika yoonse.+
6 Ikutegwa bayandwa bako bavwunwe,
Kotufwutula ajanza lyako lyalulyo alimwi kondivwiila.+
7 Leza waambaula mubusalali bwakwe* ategwa:
8 Gileadi+ nguwangu, awalo Manase nguwangu,
Alimwi Efraimu ngonguwe cimpoompo* camutwe wangu;+
Juda ngomusako wangu wabwami.+
9 Moabu ndibbavwa lyangu lyakusambila.+
Edomu ndilamuwaalila mpato yangu.+
Ndiloongolola akaambo kakumuzunda Filisitiya.”+
10 Ino nguni utiinditole kumunzi uukwabilidwe?
Ino nguni utiindisololele akundisisya ku Edomu?+
11 Sena toli nduwe, O Leza, iwatukaka,
O Leza wesu, ootacuunki limbi ampi zyabasikalumamba besu?+
Kumweendelezi wanyimbo. Intembauzyo ya Davida. Lwiimbo.
109 O Leza ngonditembaula,+ utaumuni buyo pe.
2 Nkaambo bantu babi abasilweeno bandaasamwida milomo.
Baamba zintu zyakubeja kujatikizya ndime amilaka yabo;+
3 Balandizinguluka amajwi aalusulo,
Alimwi balandilwana kakunyina kaambo.+
4 Nendibacitila caluyando balo balandikazya;+
Pele mebo ndilazumanana kupaila.
6 Komusalila muntu mubi kuti kamweendelezya;
Sikukazya* aaimikile kujanza lyakwe lyalulyo.
9 Bana bakwe ababe bamucaala,
Amukaintu wakwe aabe mukamufwu.
10 Bana bakwe ababe basikulombelela ibaingaila,
Ibavwenta cakulya mumatongo aabo.
11 Sikumukweletesya aazitole* zintu zyoonse nzyajisi,
Alimwi beenzu abasaale lubono lwakwe.
12 Kutabi muntu uumufwida luzyalo,*
Alimwi kutabi muntu uubafwida lubomba bana bakwe bamucaala.
14 Cinyonyoono cabamausyi aaciyeeye Jehova,+
Acibi cabanyina citazimaanizyigwi pe.
15 Zintu nzibacita aaziyeeye Jehova ciindi coonse;
Alimwi aabape kutayeeyegwa limbi aanyika.+
16 Nkaambo muntu ooyo tanaakayeeya kutondezya luzyalo,*+
Pele wakazumanana kuvwima muntu uupengede,+ mucete alimwi uutyompedwe mumoyo
Kuti amujaye.+
17 Lyoonse wakali kusinganya, aboobo kusinganya kwakamusikila;
Tanaakali kuyanda kuleleka, aboobo tanaakalelekwa.
18 Kusinganya wakakusama mbuli cisani.
Kwakatilwa mumubili wakwe mbuli maanzi,
Amumafwuwa aakwe mbuli mafwuta.
19 Kusinganya kwakwe akumubede mbuli cisani ncasama+
Ambuli lutambo ndwalyaanga ciindi coonse.
20 Oobu mbobulumbu Jehova mbwapa muntu uundikazya+
Abaabo bandaamba zintu zibi.
21 Pele yebo, Jehova O Mwami Singuzuzyoonse,
Kondicitila kabotu akaambo kazina lyako.+
Kondivwuna, nkaambo luyando lwako lutamani ndubotu.+
23 Ndamana mbuli cimvwule cizimaana;
Ndatapulwa mbuli nsozi.
24 Magondo aangu agonkelwa akaambo kakuliimya kulya;
Mubili wangu wafwuluka alimwi wamana.*
25 Kulimbabo ndaba cintu ncobanonga.+
Nobandibona, balapukunya mitwe yabo.+
26 Kondigwasya, O Jehova Leza wangu;
Kondifwutula aluyando lwako lutamani.
27 Abazyibe kuti ndijanza lyako lyacita boobu;
Kuti yebo, O Jehova, nduwe wacicita.
28 Abasinganye, pele yebo uleleke.
Ciindi nobanyamuka kuti bandilwane, abausyigwe nsoni,
Pele mubelesi wako aakondwe.
30 Ndiyoomutembaula kapati Jehova amulomo wangu;
Ndiyoomutembaula kumbele lyabantu banji.+
31 Nkaambo uyakwiimikila kujanza lyalulyo lyamucete
Kuti amufwutule kuli baabo bamupa mulandu.
Intembauzyo ya Davida. Lwiimbo.
110 Jehova wakaambila Mwami wangu kuti:
“Kkala kujanza lyangu lyalulyo+
Kusikila mane ndikabikke basinkondonyoko kuba cilyatilo camaulu aako.”+
2 Jehova uyootambika musako wanguzu zyako kuzwa mu Ziyoni, kati:
“Nkooko koyaabuzunda akati kabasinkondonyoko.”+
3 Bantu bako bayoolyaaba cakuliyandila mubuzuba bwampi yako yabasikalumamba.*
Mubusalali bweebeka kapati, kuzwa mwida lyabucedo,
Ulijisi nkamu yabalombwana bali mbuli malosi aamume.
4 Jehova wakonka cikonke, alimwi takacinci maano pe, wati:
Uyoopwayaula musololi* wacisi cipati.*
7 Uyoonywa* mukalonga kali munzila.
Aboobo, uyakwiintamuna mutwe wakwe.
א [Aleph]
Ndinoomutembaula Jehova amoyo wangu woonse+
ב [Beth]
Munkamu yabantu baluleme babungene alimwi amumbungano.
ג [Gimel]
ה [He]
3 Milimo yakwe njabulemu abweebesi,
ו [Waw]
Alimwi bululami bwakwe bunooliko lyoonse mane kukabe kutamani.+
ז [Zayin]
4 Upa kuti milimo yakwe iigambya kaiyeeyegwa.+
ח [Heth]
Jehova ngusilweetelelo* alimwi ngusiluse.+
ט [Teth]
5 Aabo bamuyoowa ulabapa cakulya.+
י [Yod]
Ulaciyeeya cizuminano cakwe lyoonse mane kukabe kutamani.+
כ [Kaph]
מ [Mem]
ס [Samekh]
8 Alasyomeka ciindi coonse,* lino mane kukabe kutamani,
ע [Ayin]
Alacitwa mukasimpe alimwi amubululami.+
פ [Pe]
9 Wabapa lufwutuko bantu bakwe.+
צ [Tsade]
Wakalailila kuti cizuminano cakwe kaciliko lyoonse mane kukabe kutamani.
ק [Qoph]
Izina lyakwe lilasalala alimwi lilayoosya kapati.+
ר [Resh]
10 Kuyoowa Jehova ngamatalikilo aabusongo.+
ש [Sin]
Aabo boonse batobela malailile aakwe bali amaano mabotu.+
ת [Taw]
Unootembaulwa lyoonse mane kukabe kutamani.
א [Aleph]
ג [Gimel]
ה [He]
3 Lubono abuvwubi zili muŋanda yakwe,
ד ו[Waw]
Alimwi bululami bwakwe bulazumanana lyoonse mane kukabe kutamani.
ז [Zayin]
4 Ulamweka kubaluleme mbuli mumuni mumudima.+
ח [Heth]
Ngusilweetelelo,* ngusiluse+ alimwi mululami.
ט [Teth]
5 Zimweendela kabotu zintu muntu ooyo uupa bamwi camoyo omwe.*+
י [Yod]
Weendelezya milimo yakwe cabululami.
כ [Kaph]
ל [Lamed]
Mululami unooyeeyegwa lyoonse mane kukabe kutamani.+
מ [Mem]
7 Kunyina nayooyoowa mulumbe mubi.+
נ [Nun]
Moyo wakwe ulikkede, usyoma Jehova.+
ס [Samekh]
פ [Pe]
9 Wabapa cakuvwuzya;* wabaabila bacete.+
צ [Tsade]
Bululami bwakwe bulazumanana lyoonse mane kukabe kutamani.+
ק [Qoph]
Nguzu zyakwe ziyooyungizyigwa* cabulemu.
ר [Resh]
10 Muntu mubi uyoobona akucimwa.
ש [Shin]
Uyooluma ntwino akunyenguluka.
ת [Taw]
Makanze aababi ayoofwidilila.+
Amumutembaule, nywebo nobabelesi ba Jehova,
Amutembaule zina lya Jehova.
2 Alitembaulwe zina lya Jehova
Kuzwa lino mane kukabe kutamani.+
Nguusumpula mucete kuzwa kucimbotela*+
8 Kuti amupe kukkala ankumekume,
Inzya, inkumekume zyabantu bakwe.
9 Ulapa ŋanda kumukaintu uutazyali
Kuti abe mutumbu uukkomene uujisi bana.+
Amumutembaule Ja!*
114 Israyeli naakazwa mu Egepita,+
Ŋanda ya Jakobo noyakazwa kubantu baambaula mulaka mweenzu,
2 Juda wakaba cikombelo cakwe,*
Israyeli wakaba cisi ncayendelezya.+
4 Malundu akasotauka mbuli bagutu,+
Atulundu mbuli bana bambelele.
5 Ino ncinzi cakakupa kuti utije olwizi?+
Ayebo O Jordano, ncinzi cakakupa kuvwuuluka?+
6 Nomalundu, ino ncinzi cakamupa kusotauka mbuli bagutu,
Anywebo notulundu, mbuli bana bambelele?
7 Kokankama onyika, akaambo ka Mwami,
Akaambo ka Leza wa Jakobo,+
8 Ooyo uucinca ndomba kuba cizyiba camaanzi cijisi matete,
Bbweluuma kuba tusensa twamaanzi.+
115 Tutabi ndiswe pe, O Jehova, tutabi ndiswe,*
Pele kolemeka zina lyako+
Akaambo kaluyando lwako lutamani alimwi akusyomeka kwako.+
2 Ino nkaambo nzi bantu bamasi ncobeelede kwaamba kuti:
“Ino uli kuli Leza wabo?”+
3 Leza wesu uli kujulu;
Ulacita kufwumbwa ncayanda.
4 Mituni yabo njansiliva angolida,
Milimo yamaanza aabantu.+
5 Ilijisi mulomo, pele tiikonzyi kwaambaula;+
Ilijisi meso, pele tiikonzyi kubona;
6 Ilijisi matwi, pele tiikonzyi kumvwa;
Ilijisi mpemo, pele tiikonzyi kununkizya;
7 Ilijisi maanza, pele tiikonzyi kwaampaampa;
Ilijisi maulu, pele tiikonzyi kweenda;+
Kunyina noikuluma amagoyooyo aanjiyo.+
10 Nywebo nobamuŋanda ya Aroni,+ amusyome Jehova,
Ngomugwasyi wanu alimwi nintobo yanu.
13 Jehova ulabaleleka aabo bamuyoowa,
Ibaniini kubikkilizya abapati.
14 Jehova ulamuvwuzya nywebo,
Inzya nywebo abana banu.+
18 Pele swebo tunoomutembaula Ja
Kuzwa lino mane kukabe kutamani.
Amumutembaule Ja!*
2 Nkaambo ulacenjeka kutwi kwakwe* kulindime,+
Aboobo ndinoomwiita lyoonse kufwumbwa kuti kandili muumi.
Mapenzi amause akandizunda.+
4 Pele ndakaita zina lya Jehova kuti:+
“O Jehova, kondivwuna!”
6 Jehova ulabalinda aabo banyina luzyibo.+
Ndakagonkelwa, eelyo walo wakandifwutula.
7 Andilyookezye alimwi,
Nkaambo Jehova wandeendelezya kabotu.
8 Yebo wandivwuna kulufwu,
Liso lyangu kumisozi, akuulu kwangu kukudadalika.+
9 Ndinakweenda kumbele lya Jehova munyika yabaumi.
10 Ndakalijisi lusyomo, aboobo ndakaamba;+
Ndakalipengede kapati.
11 Lino mebo ndakakopana kapati akwaamba kuti:
“Bantu boonse mbabeji.”+
12 Ino inga ndamupilusyila nzi Jehova
Kububotu boonse mbwaandicitila?
13 Ndilabweza nkapu yalufwutuko,*
Alimwi ndilaita zina lya Jehova.
16 Ndakukomba, O Jehova,
Nkaambo mebo ndili mubelesi wako.
Ndili mubelesi wako, imwana wamuzike wako musimbi.
Yebo wandaangununa zyaanzyo nzyondaangidwe.+
17 Ndilatuula cipaizyo cakulumba kulinduwe;+
Ndilaita zina lya Jehova.
18 Ndilazuzikizya zikonke zyangu kuli Jehova+
Kumbele lyabantu bakwe boonse,+
19 Mumabuwa aaŋanda ya Jehova,+
Mukati kako, O Jerusalemu.
2 Nkaambo luyando lutamani ndwatutondezya ndupati;+
Kusyomeka+ kwa Jehova kunooliko lyoonse mane kukabe kutamani.+
118 Amumulumbe Jehova, nkaambo mubotu;+
Luyando lwakwe lutamani nkoluli lyoonse mane kukabe kutamani.
2 Lino Israyeli aambe kuti:
“Luyando lwakwe lutamani nkoluli lyoonse mane kukabe kutamani.”
3 Lino aabo bamuŋanda ya Aroni abaambe kuti:
“Luyando lwakwe lutamani nkoluli lyoonse mane kukabe kutamani.”
4 Lino aabo bamuyoowa Jehova abaambe kuti:
“Luyando lwakwe lutamani nkoluli lyoonse mane kukabe kutamani.”
6 Jehova uli kulubazu lwangu; tandikooyoowa pe.+
Ino muntu inga wandityani?+
8 Cilainda kubota kuyubila muli Jehova
Ikwiinda kusyoma bantu.+
9 Cilainda kubota kuyubila muli Jehova
Ikwiinda kusyoma basilutwe.+
11 Akandizinguluka, inzya, akandizinguluka koonse-koonse,
Pele ndakaatanda
Muzina lya Jehova.
12 Akandibumba mbuli nzuki,
Pele akazimwa cakufwambaana mbuli mulilo uuyaka muzisanzo zyamamvwa.
Ndakaatanda
Muzina lya Jehova.+
13 Ndakatonkwa canguzu* kutegwa ndiwe,
Pele Jehova wakandigwasya.
14 Ja mayusilo aangu alimwi ninguzu zyangu,
Alimwi ngonguwe waba mufwutuli wangu.+
15 Ijwi lyakusekelela alufwutuko*
Lilamvwugwa mumatente aabalulami.
Ijanza lyalulyo lya Jehova litondezya kuti lilaanguzu.+
16 Janza lyalulyo lya Jehova lilisumpukide;
Ijanza lyalulyo lya Jehova litondezya kuti lilaanguzu.+
17 Tandikoofwa pe, pele ndilazumanana kupona,
Kutegwa ndaambilizye milimo ya Ja.+
19 Amundijalwide milyango yabululami;+
Ndilanjila mulinjiyo akutembaula Ja.
20 Ooyu ngomulyango wa Jehova.
Balulami balanjila mulinguwo.+
21 Ndilakutembaula, nkaambo wakandivwiila+
Alimwi yebo wakaba mufwutuli wangu.
24 Oobu mbobuzuba mbwaabamba Jehova;
Swebo tulakondwa akusekelela mulimbubo.
25 Akaka Jehova, twakomba kotufwutula!
Akaka Jehova, twakomba kopa kuti tuzunde!
27 Jehova ngo Leza;
Ngonguwe uutupa mumuni.+
Amwiisangane nkamu yabantu balifwoola kuunka kupobwe kabajisi mitabi mumaanza,+
Mane kusikila kumeja aacipaililo.+
28 Yebo nduwe Leza wangu, aboobo ndilakutembaula;
O Leza wangu, ndilakulemeka.+
29 Amumulumbe Jehova,+ nkaambo mubotu;
Luyando lwakwe lutamani nkoluli lyoonse mane kukabe kutamani.+
א [Aleph]
3 Tabaciti zitaluleme;
Beenda munzila zyakwe.+
4 Yebo walailila kuti
Milazyo yako kaitobelwa cakulomya.+
6 Nocali boobo nokunga tandilisendi pe+
Nondiyeeya milawo yako yoonse.
7 Ndinookutembaula amoyo uululeme
Nondiiya mbeta zyako ziluleme.
8 Ndinootobela malailile aako.
Akaka utandisiili limwi pe.
ב [Beth]
9 Ino mulombwana inga waisalazya buti nzila yakwe?
Nkwiinda mukulikwabilila kweelana ajwi lyako.+
10 Ndilakuyandaula camoyo woonse.tandilekeli kuleya kumilawo yako.+
12 Kotembaulwa, O Jehova;
Kondiyiisya malailile aako.
13 Amilomo yangu ndaambilizya
Mbeta zyoonse zizwa kumulomo wako.
16 Ndilaakkomanina malailile aako.
Tandikooliluba jwi lyako.+
ג [Gimel]
17 Kondicitila kabotu ndemubelesi wako,
Kutegwa kandipona akutobela jwi lyako.+
18 Kojalula meso aangu kutegwa ndizibone bwini mbozibede
Zintu zibotu kapati zili mumulawo wako.
19 Ndili muzwakule buyo mucisi.+
Utandisisi milawo yako.
20 Cakuyandisisya ndilangila
Mbeta zyako ciindi coonse.
21 Yebo ulabakalalila basikulisumpula,
Bantu basinganizyidwe ibaleya kumilawo yako.+
22 Kondigusya masampu alunyansyo,
Nkaambo ndazitobela ziyeekezyo zyako.
23 Noliba leelyo basilutwe nobakkala antoomwe akundaamba zibi,
Mebo ndemubelesi wako ndilakkala ansi kuyeeya* malailile aako.
ד [Daleth]
25 Ndoona mulusuko.+
Kondibamba kuti ndizumanane kuba muumi kweelana ajwi lyako.+
26 Ndakakwaambila nzila zyangu, eelyo yebo wakandivwiila;
Kondiyiisya malailile aako.+
28 Ndaba acilabila akaambo kakuusa.
Kondiyumya kweelana ajwi lyako.
29 Nzila yabumpelenge koigusya kulindime,+
Alimwi kondifwida luzyalo kwiinda mukundiyiisya mulawo wako.
30 Ndasala kweenda cakusyomeka.+
Ndilizyi kuti mbeta zyako zililuzi.
31 Ndilakakatila kuziyeekezyo zyako.+
O Jehova, utandilekeli kuti ndityompwe.*+
ה [He]
33 Kondiyiisya, O Jehova,+ kweenda munzila yamalailile aako,
Eelyo ndilaitobela kusikila kumamanino.+
34 Kondipa maano,
Kutegwa nditobele mulawo wako
Akuti nduubambe camoyo woonse.
36 Kopa kuti moyo wangu uyandisye ziyeekezyo zyako,
Ikutali kujana mpindu cabumpelenge.+
39 Koagwisya masampu aandiyoosya,
Nkaambo mbeta zyako nzibotu.+
40 Bona mbondiiyandisya milazyo yako.
Mubululami bwako kondibamba kuti ndizumanane kupona.
ו [Waw]
41 Konditondezya luyando lwako lutamani, O Jehova,+
Lufwutuko lwako kweelana acisyomezyo cako;*+
42 Aboobo ndiyoomuvwiila ooyo uundisampaula,
Nkaambo ndisyoma jwi lyako.
43 Utaligusyi jwi lyakasimpe lili kumulomo wangu,
Nkaambo ndisyoma* mbeta yako.
44 Ndinakuutobela mulawo wako ciindi coonse,
Inzya, lyoonse alyoonse mane kukabe kutamani.+
47 Ndilaikkomanina milawo yako,
Inzya, ndilaiyanda kapati.+
ז [Zayin]
50 Eeci ncecinduumbulizya mumapenzi aangu,+
Nkaambo majwi aako andipa kuzumanana kupona.
53 Ndilinyemede kapati akaambo kababi,
Ibasotoka mulawo wako.+
54 Malailile aako andibeda nyimbo
Kufwumbwa nkondikkala.*
55 Masiku ndilayeeya zina lyako, O Jehova,+
Kutegwa kandibamba mulawo wako.
56 Eeci ncindali kucita
Nkaambo ndaitobela milazyo yako.
ח [Heth]
59 Ndalingula nzila zyangu,
Kutegwa ndijole maulu aangu kukutobela ziyeekezyo zyako.+
60 Ndilafwambaana alimwi tandimuki pe
Kutobela milawo yako.+
62 Akati kamasiku ndilabuka akukulumba+
Akaambo kambeta zyako ziluleme.
64 O Jehova, luyando lwako lutamani lulizwide munyika;+
Kondiyiisya malailile aako.
ט [Teth]
65 Wamweendelezya kabotu mubelesi wako,
O Jehova, kweelana ajwi lyako.
68 Uli mubotu+ alimwi milimo yako mibotu.
Kondiyiisya malailile aako.+
69 Basikulisumpula banditamikizya twaambo tunji twakubeja,
Pele mebo nditobela milazyo yako camoyo woonse.
י [Yod]
73 Maanza aako akandibumba akundipanga.
Kondipa maano,
Kutegwa ndikonzye kwiiya milawo yako.+
Pele mebo ndinookkala ansi kuyeeya* milazyo yako.+
79 Aabo bakuyoowa abajokele kulindime,
Aabo bazizyi ziyeekezyo zyako.
כ [Kaph]
84 Ino mubelesi wako weelede kulindila kwamazuba ongaye?
Ino aabo bandipenzya uyoobabeteka lili?+
85 Basikulisumpula bandisyida zilindi,
Aabo ibanyansya mulawo wako.
86 Milawo yako yoonse ilasyomeka.
Bantu balandipenzya kakunyina kaambo; akaka kondigwasya!+
87 Kwaaceede buyo asyoonto kuti bandinyonyoone munyika,
Pele tiindakaleka kutobela milazyo yako.
88 Kopa kuti ndizumanane kupona akaambo kaluyando lwako lutamani,
Kutegwa kanditobela ziyeekezyo nzyoamba.
ל [Lamed]
90 Kusyomeka kwako kunooliko mumazyalani oonse.+
Waikkazikizya nyika kutegwa kayiimvwi nji lyoonse.+
91 Nkozili kusikila sunu akaambo kambeta zyako,
Nkaambo zyoonse* buyo zilakubelekela.
93 Ziyume zitete tandikailubi milazyo yako,
Nkaambo kwiinda mulinjiyo undipa kuzumanana kupona.+
95 Babi balindila kundijaya,
Pele mebo ndilazibikkila maano kapati ziyeekezyo zyako.
מ [Mem]
97 Eelo kaka ndilauyanda mulawo wako!+
Ndilakkala ansi kuuyeeya* buzuba boonse.+
98 Mulawo wako undipa kuba musongo kwiinda basinkondoma,+
Nkaambo ulaandime lyoonse mane kukabe kutamani.
100 Ndicita zintu cabusongo kwiinda bamanene,
Nkaambo nditobela milazyo yako.
101 Ndilakaka kweenda munzila iili yoonse mbyaabi,+
Kutegwa nditobele jwi lyako.
102 Tandileyi pe kumbeta zyako,
Nkaambo yebo nduwe wandiyiisya.
104 Ndicita zintu cabusongo akaambo kamilazyo yako.+
Mkakaambo kaako ndilizisulide nzila zyoonse zitaluzi.+
נ [Nun]
106 Ndakonka, eelyo ndilazuzikizya cikonke cangu,
Kuti ndibambe mbeta zyako ziluleme.
107 Ndapenzyegwa citaambiki.+
O Jehova, kondipa kuzumanana kupona kweelana ajwi lyako.+
108 Akaka kozikkomanina zituuzyo zyangu zyakukutembaula,*+ O Jehova,
Alimwi kondiyiisya mbeta zyako.+
112 Mumoyo wangu ndikanzide* kutobela malailile aako
Ciindi coonse, kusikila kumamanino.
ס [Samekh]
115 Amunditantamuke, nywebo nobasimucita zibi,+
Kutegwa nditobele milawo ya Leza wangu.
118 Yebo ulabakaka boonse aabo baleka kutobela malailile aako,+
Nkaambo mbabeji alimwi mbampelenge.
119 Yebo ulabasowa babi boonse baanyika mbuli tombe litakwe mulimo.+
Nkakaambo kaako mebo ndilaziyanda ziyeekezyo zyako.
120 Mubili wangu wakankama akaambo kakukuyoowa;
Ndilaziyoowa mbeta zyako.
ע [Ayin]
121 Ndacita cintu ciluzi alimwi ciluleme.
Utandilekelezyi mumaanza aabaabo bandipenzya!
122 Kosyomezya kuti mubelesi wako ulapona buumi bubotu;
Basikulisumpula batandipenzyi pe.
125 Mebo ndilimubelesi wako; kondipa maano,+
Kutegwa ndizyibe ziyeekezyo zyako.
126 Casika ciindi cakuti Jehova abweze ntaamu,+
Nkaambo bautyola mulawo wako.
127 Ncencico ncondiiyandila kapati milawo yako
128 Aboobo malailile* oonse aazwa kulinduwe ndaabona kuti aliluzi;+
Ndilizisulide nzila zyoonse zitaluzi.+
פ [Pe]
129 Ziyeekezyo zyako nzibotu kapati.
Nkakaambo kaako ndilazitobela.
131 Ndaasamuna mulomo wangu akuswa ciya,
Nkaambo ndiyandisya milawo yako.+
133 Kondisololela amajwi aako kuti ndeende kabotu;
Kutabi cintu cibyaabi cili coonse cindeendelezya.+
134 Kondivwuna kubantu basilunya,
Eelyo ndinootobela milazyo yako.
136 Misozi yeenda kumeso aangu
Nkaambo bantu tabatobeli mulawo wako.+
צ [Tsade]
138 Ziyeekezyo zyako zililuleme
Alimwi zilakonzya kusyomwa cakumaninina.
139 Busungu bwangu bwandilya cakumaninina,+
Nkaambo basinkondoma baaluba majwi aako.
141 Bantu bandibona kuti ndinyina mulimo alimwi balandinyansya;+
Nokuba boobo, tiindailuba milazyo yako.
143 Nokuba kuti mapenzi amakatazyo alandisikila,
Mebo ndilazumanana kwiiyanda milawo yako.
144 Ziyeekezyo zyako zinooluleme lyoonse mane kukabe kutamani.
Kondipa maano+ kutegwa ndizumanane kupona.
ק [Qoph]
145 Ndakukwiilila camoyo woonse. Kondivwiila, O Jehova.
Ndinakutobela malailile aako.
146 Ndakwiita; akaka kondifwutula!
Ndilatobela ziyeekezyo zyako.
148 Meso aangu alajaluka kazitanainda ziindi zyakulinda masiku,
149 Komvwa jwi lyangu akaambo kaluyando lwako lutamani.+
O Jehova, kopa kuti ndizumanane kupona kweelana abululami bwako.
150 Aabo bacita zintu zisesemya* baswena afwaafwi;
Bali kule kapati amulawo wako.
152 Kaindi ndakaiya ziyeekezyo zyako,
Kuti wakazibikka kuti kaziliko lyoonse mane kukabe kutamani.+
ר [Resh]
153 Bona mapenzi aangu, undivwune,+
Nkaambo tiindauluba mulawo wako.
155 Lufwutuko luli kulamfwu kapati abantu babi,
Nkaambo tiibayandaula malailile aako.+
156 Luse lwako ndupati, O Jehova.+
Kopa kuti ndizumanane kupona kweelana abululami bwako.
157 Basikundipenzya abasinkondoma mbanji;+
Pele mebo tiindaleya kuziyeekezyo zyako.
158 Bantu bampelenge balandisesemya nendibalanga,
Nkaambo tabatobeli majwi aako.+
159 Akaka bona mbondiyandisya milazyo yako!
O Jehova, kopa kuti ndizumanane kupona akaambo kaluyando lwako lutamani.+
160 Ijwi lyako lyoonse mbolibede nkasimpe,+
Alimwi zyoonse mbeta zyako ziluleme zinooliko lyoonse mane kukabe kutamani.
ש [Sin] naa [Shin]
162 Ndasekelela akaambo kamajwi aako+
Mbubonya mbwacita muntu najana lubono lunji.
164 Yebo ndilakutembaula ziindi zili ciloba abuzuba
Akaambo kambeta zyako ziluleme.
166 Ndilangila milimo yako yalufwutuko, O Jehova,
Alimwi nditobela milawo yako.
168 Ndilaitobela milazyo yako alimwi aziyeekezyo zyako,
Nkaambo yebo ulizizyi zyoonse nzyondicita.+
ת [Taw]
169 Kukwiila kwangu kwakuti undigwasye akusike kulinduwe, O Jehova.+
Kweelana ajwi lyako, kondipa maano.+
170 Kulomba kwangu kwakuti undifwide luzyalo akusike kulinduwe.
Kondifwutula kweelana ambowakasyomezya.*
171 Milomo yangu aikutembaule kapati,+
Nkaambo yebo undiyiisya malailile aako.
172 Mulaka wangu awiimbe kujatikizya majwi aako,+
Nkaambo milawo yako yoonse ililuleme.
174 Ndilombozya lufwutuko lwako, O Jehova,
Nlimwi ndilauyanda kapati mulawo wako.+
175 Andizumanane kupona kutegwa ndikutembaule;+
Mbeta zyako azindigwasye.
176 Ndaingaila mbuli mbelele iisweekede.+ Kondiyandaula ndemubelesi wako,
Nkaambo tiindailuba milawo yako pe.+
Lwiimbo lwa Basikutanta.*
2 O Jehova kondivwuna kumilomo yaamba zyakubeja
Akumulaka waamba zyalweeno.
5 Maawe ndemucaangu, nkaambo ndakkala mbuli muzwakule mu Meseki!+
Ndakkala akati kamatente aa Kedara.+
6 Calampisya ciindi ncendakkala
Abaabo batayandi luumuno.+
7 Mebo ndiyanda luumuno, pele nendaambaula,
Balo bayanda nkondo.
Lwiimbo lwa Basikutanta.
121 Ndawaala meso aangu kumalundu.+
Ino lugwasyo lwangu lulazwa kuli?
3 Kunyina pe nayoolekela kuulu kwako kuti kutezemuke.*+
Ooyo uukulinda takaumfwuli pe.
5 Jehova nguukulinda.
Jehova ncecimvwule+ cako kujanza lyako lyalulyo.+
7 Jehova unookulinda mumapenzi oonse.+
Unoolinda buumi bwako.+
Lwiimbo lwa Basikutanta. Intembauzyo ya Davida.
122 Ndakakondwa nibakandaambila kuti:
Atweende kuŋanda ya Jehova.”+
2 Lino maulu eesu aliimvwi
Mumilyango yako, O Jerusalemu.+
4 Misyobo yaunka nkuko,
Misyobo ya Ja,*
Kweelana aciyeekezyo kuli Israyeli
Kutegwa balumbe zina lya Jehova.+
6 Amulombe kuti kube luumuno mu Jerusalemu.+
Aabo bakuyanda, yebo omunzi, banookwabilidwe.
7 Luumuno aluzumanane mukati kamalambo aako,*
Kuliiba mukati kangazi zyako zikwabilidwe.
8 Akaambo kabakwesu abeenzuma ndilaamba kuti:
“Akube luumuno mukati kako.”
9 Akaambo kaŋanda ya Jehova Leza wesu,+
Ndilakuyandawida bubotu.
Lwiimbo lwa Basikutanta.
123 Ndawaala meso aangu kulinduwe,+
Yebo ookkede acuuno cabwami kujulu.
2 Mbubonya meso aababelesi mbwaalanga kujanza lyasimalelo wabo,
Ameso aamubelesi musimbi mbwaalanga kujanza lyanamalelo wakwe,
Aalo meso eesu alanga kuli Jehova Leza wesu+
Kusikila mane atufwide luzyalo.+
3 Kotufwida luzyalo, O Jehova, kotufwida luzyalo,
Nkaambo twasampaulwa cabonwa.+
4 Twacimvwa kufwubaazyigwa abaabo balisyoma
Twasampaulwa abasikulisumpula.
Lwiimbo lwa Basikutanta. Intembauzyo ya Davida.
124 “Ikuti Jehova naatakali andiswe,”+
Lino Israyeli aambe kuti,
2 “Ikuti Jehova naatakali andiswe+
Ciindi bantu nobakanyamuka kuti batulwane,+
3 Nobakatumena bulanga+
Ciindi bukali bwabo nobwakali kutuyakila.+
4 Aboobo maanzi naakatutola,
Mulonga nowakapaya atala lyesu.+
5 Maanzi aakunka canguzu naakatubbizya.
6 Aatembaulwe Jehova,
Nkaambo tanaatwaaba kuti tube nyama kumeno aabo.
7 Swebo tuli mbuli kayuni kakatija
Kuzwa mukakole kasikuteya;+
Kakole kakazutuka,
Mpoonya swebo twakatija.+
8 Lugwasyo lwesu luli muzina lya Jehova,+
Mulengi wajulu anyika.”
Lwiimbo lwa Basikutanta.
125 Aabo basyoma Jehova+
Bali mbuli Cilundu ca Ziyoni citakonzyi kuzungaanizyigwa
Pele iciliko lyoonse mane kukabe kutamani.+
2 Mbubonya malundu mbwaazingulukide Jerusalemu,+
Awalo Jehova mbwabazingulukide bantu bakwe+
Kuzwa lino mane kukabe kutamani.
3 Inkoli yabwami yabubi tiikoozumanana kuyaama anyika njobakapegwa balulami,+
5 Pele aabo baleya akutobela nzila zyabo zyabumpelenge,
Jehova uyoobagusya antoomwe abasimucita zibi.+
Akube luumuno mu Israyeli.
Lwiimbo lwa Basikutanta.
126 Jehova naakayobolola akujola baange baku Ziyoni,+
Twakali kuyeeya kuti tulota buya.
2 Aciindi eciya twakasekelela kapati
Alimwi milaka yesu yakoongolola cakukondwa.+
Aciindi eciya akati kamasi kwakaambwa kuti:
“Jehova wabacitila zintu zipati.”+
3 Jehova watucitila zintu zipati,+
Aboobo twakkomana kapati.
5 Aabo ibasyanga mbuto kumwi kabalila
Bayootebula kaboongolola cakukondwa.
6 Ooyo uunka kumuunda, nokuba kuti uyaabulila,
Kumwi kanyamwide nkomo iijisi mbuto,
Ncobeni uyoojoka koongolola cakukondwa,+
Kanyamwide misunta yamaila aakwe.+
Lwiimbo lwa Basikutanta. Intembauzyo ya Solomoni.
127 Ccita kuti Jehova wayaka ŋanda,
Bayaki inga baile kulipenzya buyo kubeleka canguzu kwiiyaka.+
Ccita kuti Jehova walinda munzi,+
Mulindizi inga waile kulipenzya buyo kulinda.
2 Nywebo mulipenzya buyo kufwuma kubuka,
Kumuka kukotoka,
Akulijaya kubelekela cakulya canu,
Nkaambo Leza ulabapa nzyobayandika bantu mbayanda alimwi ulabapa ŋonzi.+
5 Ulikkomene mwaalumi uuzuzya nkomo yakwe yamivwi ambabo.+
Tabakausyigwi nsoni pe,
Nkaambo bayakwaambaula abasinkondonyina kumulyango wamunzi.
Lwiimbo lwa Basikutanta.
2 Yebo unoolya nzyobelekela canguzu amaanza aako.
Unookkomana alimwi unookkala kabotu.+
3 Mukaintu wako unooli mbuli musaansa uuzyala micelo mukati kaŋanda yako;+
Bana bako banoozingulukide tebulu lyako mbuli mpakatwa zyazisamu zyamaolifa.
4 Amubone! Oobu mbwayoolelekwa muntu
Uuyoowa Jehova.+
5 Jehova uyookuleleka mu Ziyoni.
Kobona mbwatiisumpuke Jerusalemu mazuba oonse aabuumi bwako+
6 Alimwi kobona bana babana bako.
Akube luumuno mu Israyeli.
Lwiimbo lwa Basikutanta.
129 “Balikundilwana lyoonse kuzwa kubwana,”+
3 Balimi bandilima kumusana;+
Mifwolo yabo bailansya.”
5 Bayoogunwa alimwi bayoovwuuluka kazibajisi nsoni,
Aabo boonse basulide Ziyoni.+
6 Bayooba mbuli bwizu buli aziluli
Oobo buyuma kabutanazyulwa,
7 Oobo butazuli mujanza lyasikutebula
Nomuba mumaanza aayooyo uubunganya misunta.
8 Basimweendanzila tabakaambi kuti:
“Jehova aamuleleke.
Twamuleleka muzina lya Jehova.”
Lwiimbo lwa Basikutanta.
130 Nendili mumapenzi mapati ndilakwiita, O Jehova.+
2 O Jehova, komvwa jwi lyangu.
Matwi aako aamvwe nendikukombelezya kuti undigwasye.
5 Ndilangila Jehova, inzya ndilamulangila amoyo wangu woonse;
Ndilindila jwi lyakwe.
6 Ndilindila Jehova caluyandisisyo,+
Kwiinda balindizi mbobalindila kuti buce,+
Inzya, kwiinda balindizi mbobalindila kuti buce.
7 Israyeli aazumanane kulindila Jehova,
Nkaambo Jehova ulaaluyando lutamani,+
Alimwi ulijisi nguzu zinji kapati zyakunununa.
8 Uyoomunununa Israyeli kuzinyonyoono zyakwe zyoonse.
Lwiimbo lwa Basikutanta. Intembauzyo ya Davida.
131 O Jehova moyo wangu taulidundi pe,
Aalo meso aangu taalisumpuli;+
Alimwi kunyina nendilombozya zintu zipati kapati,+
Noziba zintu nzyonditakonzyi kujana.
2 Peepe, pele moyo wangu ndawuumbulizya akuwuumuzya,+
Mbuli mwana mulesi mumaanza aabanyina;
Ndililiibide mbuli mwana mulesi.
3 Israyeli aalindile Jehova+
Kuzwa lino mane kukabe kutamani.
Lwiimbo lwa Basikutanta.
132 O Jehova, komuyeeya Davida
Alimwi akupenga kwakwe koonse;+
2 Mbwaakakonka kuli Jehova,
Mbwaakakonka kuli Singuzu wa Jakobo kuti:+
3 “Tandikokunjila mutente lyangu, muŋanda yangu.+
Tandikokoona acuuno cangu cakoonena, inzya abulo bwangu;
4 Tandikoolekela meso aangu koona,
Noziba zikoye zyangu kuti zifwunye
5 Kusikila ndijanine Jehova busena,
9 Bapaizi bako abasame bululami,
Alimwi bantu bako basyomeka aboongolole cakukondwa.
11 Jehova wakonka kuli Davida;
Masimpe takacinci maano pe, waamba kuti:
12 Ikuti bana bako bazumanane kubamba cizuminano cangu
Aziyeekezyo zyangu nzyondibayiisya,+
Bana babo abalo
Bayookkala acuuno cako cabwami mane kukabe kutamani.”+
14 “Oobu mbusena bwangu bwakulyookezyela mane kukabe kutamani;
Ndinookkala oomuno,+ nkaambo ncecintu ncondiyanda.
15 Ndiyoobuleleka kapati kwiinda mukubupa zyakulya;
Bacete bakkala mumo ndiyoobakkutya cinkwa.+
16 Bapaizi bamumo ndiyoobasamika lufwutuko,+
Alimwi bantu bamumo basyomeka bayakoongolola cakukondwa.+
17 Ooko nkondiyoopa kuti nguzu zya Davida zivwule.*
Ndamubambila lambe munanike wangu.+
18 Basinkondonyina ndiyoobapa kufwa nsoni citaambiki,
Pele musini uuli amutwe wakwe unooyaabumweka.”+
Lwiimbo lwa Basikutanta. Intembauzyo ya Davida.
133 Amubone! Eelo kaka ncibotu alimwi cilakondelezya
Kuti babunyina kabakkede antoomwe calukamantano!+
2 Cili mbuli mafwuta mabotu kapati aatilwa amutwe,+
Aayenda kucilezu,
Cilezu ca Aroni,+
Aayenda kusikila kunsingo yazisani zyakwe.
Ooko nkonkuko Jehova nkwaakalailila kuti kube cileleko cakwe,
Inzya buumi butamani.
Lwiimbo lwa Basikutanta.
134 Amumutembaule Jehova,
Nywebo nyoonse nobabelesi ba Jehova,+
Nywebo nomwiima muŋanda ya Jehova masiku.+
3 Jehova, Mulengi wajulu anyika,
Aamuleleke mu Ziyoni.
135 Amumutembaule Ja!*
Amutembaule zina lya Jehova;
Amumutembaule nywebo nobabelesi ba Jehova,+
2 Nywebo nomwiimvwi muŋanda ya Jehova,
Mumabuwa aaŋanda ya Leza wesu.+
3 Amumutembaule Ja, nkaambo Jehova mubotu.+
Amwiimbe nyimbo zyakutembaula zina lyakwe, nkaambo cilakondelezya kucita boobo.
4 Nkaambo Ja walisalila Jakobo kuti abe wakwe,
Israyeli kuti abe lubono lwakwe luyandisi.+
5 Mebo ndilizyi kabotu kuti Jehova mupati;
Mwami wesu mupati kwiinda baleza bambi boonse.+
6 Jehova ulacita zintu zyoonse nzyayanda kucita+
Kujulu alimwi aanyika, mulwizi alimwi amumpisi zyoonse.
7 Walo upa kuti makumbi* aunke mujulu kuzwa kumagolelo aanyika;
Upa kuti tulabo tumweke noiwa mvwula;*
Upa kuti muwo wuunge kuzwa muziyobwedo zyakwe.+
8 Wakajaya bana bataanzi kuzyalwa bamu Egepita,
Babantu ababanyama boonse buyo.+
10 Wakanyonyoona masi manji+
Akujaya bami basinguzu+
11 —Sihoni mwami wabana Amori,+
Ogi mwami waku Basani+
Alimwi wakazunda mami oonse aamu Kanana.
12 Wakaabila nyika yabo kuti ibe lukono,
Lukono lwabana Israyeli bantu bakwe.+
13 O Jehova, izina lyako linooliko lyoonse mane kukabe kutamani.
O Jehova, mpuwo* yako inooliko kumazyalani oonse.+
15 Mituni yabantu bamasi njansiliva angolida,
Milimo yamaanza aabantu.+
16 Ilijisi mulomo, pele tiikonzyi kwaambaula;+
Ilijisi meso, pele tiikonzyi kubona;
17 Ilijisi matwi, pele tiikonzyi kumvwa.
Tiijisi muya mukanwa lyanjiyo.+
19 Nywebo nobamuŋanda ya Israyeli, amumutembaule Jehova.
Nywebo nobamuŋanda ya Aroni, amumutembaule Jehova.
20 Nywebo nobamuŋanda ya Levi, amumutembaule Jehova.+
Nywebo nomuyoowa Jehova, amumutembaule Jehova.
Amumutembaule Ja!+
136 Amumulumbe Jehova, nkaambo mubotu;+
Luyando lwakwe lutamani nkoluli lyoonse mane kukabe kutamani.+
3 Amumulumbe Mwami wabami,
Nkaambo luyando lwakwe lutamani nkoluli lyoonse mane kukabe kutamani.
4 Walo alikke nguucita zintu zigambya,+
Nkaambo luyando lwakwe lutamani nkoluli lyoonse mane kukabe kutamani.+
5 Wakalenga majulu cabusongo,*+
Nkaambo luyando lwakwe lutamani nkoluli lyoonse mane kukabe kutamani.
6 Wakayala nyika atala aamaanzi manji,+
Nkaambo luyando lwakwe lutamani nkoluli lyoonse mane kukabe kutamani.
7 Wakalenga mimuni mipati,+
Nkaambo luyando lwakwe lutamani nkoluli lyoonse mane kukabe kutamani,
8 Izuba kuti kalyeendelezya masyikati,+
Nkaambo luyando lwakwe lutamani nkoluli lyoonse mane kukabe kutamani,
9 Mwezi anyenyeezi kuti kazyeendelezya masiku,+
Nkaambo luyando lwakwe lutamani nkoluli lyoonse mane kukabe kutamani.
10 Wakajaya bana bataanzi kuzyalwa bamu Egepita,+
Nkaambo luyando lwakwe lutamani nkoluli lyoonse mane kukabe kutamani.
11 Wakagusya bana Israyeli akati kabana Egepita,+
Nkaambo luyando lwakwe lutamani nkoluli lyoonse mane kukabe kutamani,
12 Ajanza lyanguzu akuboko+ kutandabede,
Nkaambo luyando lwakwe lutamani nkoluli lyoonse mane kukabe kutamani.
13 Wakaandaanya Lwizi Lusalala muzibeela zyobilo,*+
Nkaambo luyando lwakwe lutamani nkoluli lyoonse mane kukabe kutamani.
14 Wakapa kuti bana Israyeli bazabuke akati kandulo,+
Nkaambo luyando lwakwe lutamani nkoluli lyoonse mane kukabe kutamani.
15 Wakanyikizya Farao ampi yabasikalumamba bakwe mu Lwizi Lusalala,+
Nkaambo luyando lwakwe lutamani nkoluli lyoonse mane kukabe kutamani.
16 Wakasololela bantu bakwe munkanda,+
Nkaambo luyando lwakwe lutamani nkoluli lyoonse mane kukabe kutamani.
17 Wakanyonyoona bami bapati,+
Nkaambo luyando lwakwe lutamani nkoluli lyoonse mane kukabe kutamani.
18 Wakajaya bami basinguzu,
Nkaambo luyando lwakwe lutamani nkoluli lyoonse mane kukabe kutamani,
19 Sihoni+ mwami wabana Amori,
Nkaambo luyando lwakwe lutamani nkoluli lyoonse mane kukabe kutamani,
20 Alimwi a Ogi+ mwami waku Basani,
Nkaambo luyando lwakwe lutamani nkoluli lyoonse mane kukabe kutamani.
21 Wakapa nyika yabo kuti ibe lukono,+
Nkaambo luyando lwakwe lutamani nkoluli lyoonse mane kukabe kutamani,
22 Lukono lwa Israyeli mubelesi wakwe,
Nkaambo luyando lwakwe lutamani nkoluli lyoonse mane kukabe kutamani.
23 Wakatuyeeya notwakali mumapenzi,+
Nkaambo luyando lwakwe lutamani nkoluli lyoonse mane kukabe kutamani.+
24 Wakazumanana kutuvwuna kuli basinkondoma,+
Nkaambo luyando lwakwe lutamani nkoluli lyoonse mane kukabe kutamani.
25 Ulazipa cakulya zilenge zyoonse zipona,+
Nkaambo luyando lwakwe lutamani nkoluli lyoonse mane kukabe kutamani.
26 Amumulumbe Leza wamajulu,
Nkaambo luyando lwakwe lutamani nkoluli lyoonse mane kukabe kutamani.
137 Twakakkala kumbali aamilonga ya Babuloni.+
Twakalila notwakayeeya Ziyoni.+
3 Nkaambo aabo bakatujisi buzike bakatwaambila kuti tubaimbile lwiimbo,+
Aabo bakali kutufwubaazya bakali kuyanda kunoneezyegwa, bakaamba kuti:
“Amutwiimbile lwiimbo lumwi lwaku Ziyoni.”
4 Ino inga twaimba buti lwiimbo lwa Jehova
Mucisi citali cesu?
5 Ikuti ndikulube, O Jerusalemu,
Nkokuti janza lyangu lyalulyo alyaalilwe* kucita cintu cili coonse.+
6 Mulaka wangu aunamatile kucilakula cangu
Ikuti naa ndikulube,
Ikuti naa nditabikki Jerusalemu kumbele
Aazintu zindipa kukkomana.+
7 Koyeeya, O Jehova,
Mbubakali kwaamba bana Edomu mubuzuba mbuwakawa munzi wa Jerusalemu, kuti:
“Aumwaigwe! Aumwaigwe kusikila kuntalisyo zyanguwo!”+
8 Omwana musimbi wa Babuloni, yebo ootiinyonyoonwe ino-ino buyo,+
Ulakkomana ooyo uutiikupe bulumbu
Kweelana ambowakatupenzya.+
9 Ulakkomana ooyo uutiijate bana bako
Akubaumputila amabwe.+
Intembauzyo ya Davida.
138 Ndiyookutembaula camoyo woonse.+
Kumbele lyabaleza bambi,
Ndiyookwiimbila ntembauzyo.*
2 Ndiyookotama ansi kandilangide kutempele* lyako lisalala,+
Alimwi ndiyootembaula zina lyako+
Akaambo kaluyando lwako lutamani alimwi akusyomeka kwako.
Nkaambo wapa kuti jwi lyako alimwi azina lyako lilemekwe kapati kwiinda cintu cili coonse.*
4 Bami boonse bamunyika bayookutembaula, O Jehova,+
Nkaambo banoomvwide zisyomezyo nzyookaamba.
5 Bayakwiimba kujatikizya nzila zya Jehova,
Nkaambo bulemu bwa Jehova mbupati.+
6 Nokuba kuti Jehova ulisumpukide, ulamubona muntu uulicesya,+
Pele ooyo uulisumpula tamusweni afwaafwi, umuzyi buyo kulamfwu.+
7 Nokuba kuti ndikabe muntenda, yebo uyoondikwabilila kuti ndizumanane kupona.+
Yebo uyootandabika janza lyako kuti umane bukali bwabasinkondoma;
Janza lyako lyalulyo liyoondifwutula.
8 Jehova uyoozuzikizya makanze oonse ngajisi kujatikizya ndime.
O Jehova, luyando lwako lutamani nkoluli lyoonse mane kukabe kutamani;+
Utailekelezyi milimo yamaanza aako.+
Kumweendelezi wanyimbo. Intembauzyo ya Davida. Lwiimbo.
139 O Jehova, wandilingula alimwi ulindizyi.+
2 Yebo ulizyi nendikkala ansi anendinyamuka.+
Ulaizyiba mizeezo yangu koli kulamfwu.+
5 Kusyule akumbele, yebo ulindisinkilide;
Alimwi wandijata ajanza lyako.
6 Luzyibo luli boobu tandikonzyi kulumvwisya.*
Lulisumpukide kapati cakuti tandikonzyi kulujana.*+
7 Ino nkuli nkondikonzya kuunka kuti nditije muuya wako,
Alimwi ino inga ndatijila kuli kuzwa kubusyu bwako?+
8 Ikuti naa ndatanta kujulu, unooliko ooko,
Alimwi kuti ndayala bulo bwangu mu Cuumbwe,* bona akwalo ooko unooliko.+
9 Ikuti naa ndauluka amababa aabucedo
Kuti ndikakkale kulwizi luli kule kapati,
10 Akwalo ooko janza lyako lilakonzya kundisololela
Alimwi janza lyako lyalulyo lilakonzya kundijata.+
11 Ikuti naa ndaamba kuti: “Ncobeni mudima ulandivwumba!”
Nkokuti masiku alandibeda mumuni koonse-koonse.
12 Nouba mudima taukonzyi kukubeda mudima uusiya mbi,
Aalo masiku alakonzya kutuba mbubonya mbuli syikati;+
Mudima uli buyo mbuli mumuni kulinduwe.+
14 Ndilakutembaula nkaambo ndilengedwe munzila iigambya, mbotu kapati.+
Milimo yako mibotu kapati,+
Mebo ndilaazyi kabotu makani aaya.
15 Mafwuwa aangu kunyina naakasisidwe kulinduwe
Ciindi nindakali kupangwa cakusisikizya,
16 Meso aako akandibona nindakacili nsalalila;
Zizo zyangu zyoonse zyakalilembedwe mubbuku lyako
Amazuba nozyakabambwa,
Kakutanaba cizo nociba comwe akati kazyo.
17 Aboobo, mizeezo yako mibotu kapati kulindime!+
O Leza, mweelwe wanjiyo mupati kapati!+
18 Ikuti ndasola kwiibala, minji kapati kwiinda musenga.+
Nendisinsimuka, inga ndicili anduwe.*+
19 O Leza, inga cainda kubota kuti wabajaya babi!+
Nkokuti zigwebenga* inga zyazwa kulindime,
20 Aabo bakwaamba zintu zibi kabajisi makanze mabi;*
Mbaasinkondonyoko aabo ibabelesya zina lyako munzila yabuyo.+
22 Ndilibasulide cakumaninina;+
Bandibeda basinkondoma ncobeni.
23 O Leza, kondilanga-langa, uuzyibe moyo wangu.+
Kondilingula, wiizyibe mizeezo iindilibilisya.+
24 Kobona naa mukati kangu kuli nzila iili yoonse mbyaabi,+
Alimwi kondeenzya+ munzila iiliko lyoonse mane kukabe kutamani.
Kumweendelezi wanyimbo. Lwiimbo lwa Davida.
140 Kondivwuna, O Jehova, kubantu babi;
Kondikwabilila kuzigwebenga,+
2 Aabo ibakanza kucita zintu zibyaabi mumyoyo yabo+
Akubusya mazwanga buzuba boonse.
5 Basikulisumpula banditeya kakole;
Antambo banditeya lunsabwe kumbali aanzila.+
Banditeya tooze.+ (Sela)
6 Ndaambila Jehova kuti: “Nduwe Leza wangu.
O Jehova, kondiswiilila nendilila kuti undigwasye.”+
7 O Mwami Singuzuzyoonse Jehova, O Mufwutuli wangu singuzu,
Yebo nduwe uukwabilila mutwe wangu mubuzuba bwankondo.+
8 O Jehova, utabapi nzyobayanda bantu babi.
Utalekeli makanze aabo kuti azwidilile, kutegwa batasumpulwi. (Sela)+
9 Mitwe yabaabo bandizingulukide,
Aivwumbwe mapenzi ngobaamba amilomo yabo beni.+
10 Abalosyelwe makala aamulilo.+
11 Muntu sikubejekezya atabi abusena munyika.*+
Mapenzi aazitobele zigwebenga akuzijaya.
12 Ndilizyi kuti Jehova ulabaiminina bantu bapengede
Akubabetekela cabululami bacete.+
13 Ncobeni balulami banoolumbaizya zina lyako;
Balomene banookkala kumbele lyako.+
Lwiimbo lwa Davida.
141 O Jehova, ndiita nduwe.+
Kofwambaana kuboola undigwasye.+
Koswiilila nendikwiita.+
2 Mupailo wangu aube mbuli tununkilizyo+ tubambidwe kabotu kumbele lyako,+
Maanza aangu aatambikide mujulu aabe mbuli cituuzyo camaila cakumangolezya.+
3 O Jehova kobikka mulindizi kumulomo wangu,
Kobikka sikulinda mulyango wamilomo yangu.+
4 Utalekeli moyo wangu kuyanda cintu cili coonse cibi,+
Kuti ndicite micito mibi antoomwe abantu babi;
Nditalidomeneni budodoodo bwabo pe.
5 Ikuti mululami wanduuma, nkokuti unditondezya luyando lutamani;+
Ikuti wandisinsa, cili mbuli mafwuta aatilwa amutwe wangu,+
Aayo mutwe wangu ngwaatakonzyi kukaka.+
Ndilazumanana kupaila noliba leelyo nobali mumapenzi.
6 Nokuba kuti babetesi babo bawaalwa ansi kujeleele,
Bantu balakonzya kuswiilila majwi aangu, nkaambo mabotu.
7 Mbubonya mbokuba ciindi muntu nalima akupwayaula bulongo,
Mafwuwa eesu amwaigwa kumulyango wa Cuumbwe.*
8 Nokuba boobo, meso aangu alangide kulinduwe, O Mwami Singuzuzyoonse Jehova.+
Mebo ndayuba mulinduwe.
Utandinyangi buumi.
9 Kondivwuna kukakole nkobanditeya,
Kutooze twabasimucita zibi.
10 Ibabi boonse bayoocegwa mutunsabwe twabo beni+
Pele mebo ndiyakwiindilila buyo.
Masikili.* Intembauzyo ya Davida naakali mumpangala.+ Mupailo.
142 Ajwi lyangu ndiita Jehova kuti andigwasye;+
Ajwi lyangu ndikwiilila Jehova kuti andifwide luzyalo.
2 Ndilamwaambila zintu zyoonse zindikatazya mumoyo;
Ndilamwaambila mapenzi aandijisi+
3 Ciindi moyo wangu noutyompwa* mukati kangu.
Yebo ulailanga nzila yangu.+
Mukazila mondiinda,
Banditeya kakole.
Taakwe nkondikonzya kutijila;+
Kunyina uundibikkila maano.
5 Ndilakwiita, O Jehova, kuti undigwasye.
6 Kondibikkila maano nendilila kuti undigwasye,
Nkaambo ndagonkelwa kapati.
Kondivwuna kuli basikundipenzya,+
Nkaambo balandiinda nguzu.
7 Kondigwisya muntolongo iisiya mbi
Kutegwa nditembaule zina lyako.
Abandizinguluke balulami
Nkaambo yebo undicitila kabotu.
Lwiimbo lwa Davida.
Kondivwiila mukusyomeka kwako amubululami bwako.
3 Nkaambo sinkondoma uyandaula buumi bwangu;
Wapwayaula buumi bwangu ansi.
Wapa kuti mebo ndikkale mumudima mbuli baabo bakafwa kaindi.
5 Ndilaayeeya mazuba aakaindi;
Ndilazinzibala kuyeeya milimo yako yoonse;+
Caluyandisisyo ndilakkala ansi kuyeeya* milimo yamaanza aako.
8 Mafwumofwumo andimvwe zyaluyando lwako lutamani,
Nkaambo ndisyoma nduwe.
Kondizyibya nzila njondeelede kweendela,+
Nkaambo mebo ndilanga kulinduwe.
9 Kondivwuna kuli basinkondoma, O Jehova.
Mebo ndiyanda kukwabililwa anduwe.+
Muuya wako mubotu;
Aundisololele munyika iiyalene.*
11 Akaambo kazina lyako, O Jehova, kondibamba kuti ndizumanane kupona.
Mubululami bwako kondivwuna mumapenzi.+
12 Muluyando lwako lutamani kobalobya* basinkondoma;+
Kobanyonyoona boonse aabo bandipenzya,+
Nkaambo mebo ndili mubelesi wako.+
Intembauzyo ya Davida.
144 Aatembaulwe Jehova Indomba yangu,+
Ooyo uuyiisya maanza aangu kulwana,
Akuyiisya minwe yangu nkondo.+
2 Ndoluyando lwangu lutamani amampangala aangu,
Mayubilo aangu aakwabilidwe* alimwi ngomuvwuni wangu,
Nintobo yangu alimwi mulinguwe mondiyuside,+
Nguubombya bantu mumaanza aangu.+
3 O Jehova, ino muntu nguni wakuti komulanganya,
Imwana wamuntu ooyo ngobikkila maano?+
7 Tandabika maanza aako kuzwa kujulu;
Kondivwuna akundifwutula kumaanzi aakunka canguzu,
Kumaanza aabamuzwakule,+
8 Ibaamba zyakubeja amilomo yabo
Alimwi ibatambika maanza aabo aalulyo mujulu akukonka cakubeja.*
9 O Leza, ndilakwiimbila lwiimbo lupya.+
Ndilaimba nyimbo zyakukutembaula kumwi kandilizya kantimbwa kajisi ntambo zili kkumi,
10 Yebo oopa kuti bami bazunde,*+
Oovwuna Davida mubelesi wako kupanga lijaya.+
11 Kondivwuna akundifwutula kumaanza aabamuzwakule,
Ibaamba zyakubeja amilomo yabo
Alimwi ibatambika maanza aabo aalulyo mujulu akukonka cakubeja.
12 Aboobo bana besu basankwa banooli mbuli tusamu tuniini tufwambaana kukomena,
Bana besu basimbi banooli mbuli misemu iibezedwe iili kumakkona aaŋanda yamwami.
13 Matala eesu anoozwide zyakulya zyamisyobo yoonse;
Matanga aambelele zyesu musyokwe anoozyalana muzyuulu-zyuulu, inzya makumi-makumi aazyuulu.
14 Ŋombe zyesu izilaamada, kunyina nozinoopenga* naa kusowa;
Kunoonyina balila akaambo kakupenga mumabuwa eesu aabuleya.
15 Balikkomene bantu aabo bacitikilwa zintu zili boobu!
Balikkomene bantu aabo bajisi Jehova kali Leza wabo!+
Lwiimbo lwakutembaula lwa Davida.
א [Aleph]
145 Ndinookutembaula, O Mwami Leza wangu,+
Ndinootembaula zina lyako lyoonse alyoonse mane kukabe kutamani.+
ב [Beth]
ג [Gimel]
3 Jehova mupati alimwi weelede kutembaulwa kapati;+
Bupati bwakwe kunyina muntu uukonzya kubumvwisya.+
ד [Daleth]
ה [He]
5 Banakwaamba zyabulemu bweebeka bwabupati bwako+
Alimwi mebo ndinoozinzibala kuyeeya milimo yako iigambya.
ו [Waw]
ז [Zayin]
7 Banakwaambaula kabakkomene ciindi nobayeeya bubotu bwako butalivwulili,+
Alimwi banakoongolola cakukondwa akaambo kabululami bwako.+
ח [Heth]
8 Jehova ngusilweetelelo* alimwi ngusiluse,+
Ulamuka kukalala alimwi ulijisi luyando lutamani lupati.+
ט [Teth]
י [Yod]
כ [Kaph]
11 Banakwaambilizya bulemu bwabwami bwako+
Alimwi akwaamba kujatikizya nguzu zyako,+
ל [Lamed]
12 Kutegwa bazyibye bantu milimo yako mipati+
Alimwi abulemu bwabwami bwako bweebeka.+
מ [Mem]
13 Bwami bwako mbwami butamani,
Alimwi bweendelezi bwako nkobuli kumazyalani oonse buyo.+
ס [Samekh]
14 Jehova ulabajatilila boonse aabo bayanda kuwa+
Alimwi ulababusya boonse aabo bavwunteme akaambo kakulemenwa.+
ע [Ayin]
15 Meso aabo boonse alanga kulinduwe kabajisi bulangizi;
Yebo ulabapa cakulya cabo kuciindi ceelede.+
פ [Pe]
צ [Tsade]
ק [Qoph]
ר [Resh]
ש [Shin]
ת [Taw]
21 Mulomo wangu unakwaambilizya ntembauzyo zya Jehova;+
Baumi boonse* abatembaule zina lyakwe lisalala lyoonse alyoonse mane kukabe kutamani.+
Anditembaule Jehova amoyo wangu woonse.+
2 Ndinootembaula Jehova mubuumi bwangu boonse.
Ndinakwiimba nyimbo zyakutembaula Leza wangu kufwumbwa kuti kandipona.
4 Muuya* wakwe ulazwa, eelyo walo ulapiluka kubulongo;+
Mubuzuba mbubonya oobo nzyayeeya zyoonse zilamana.+
5 Ulikkomene ooyo uujisi Leza wa Jakobo kali mugwasyi wakwe,+
Uulangila Jehova Leza wakwe,+
6 Mulengi wajulu anyika,
Lwizi, azyoonse zili mumo,+
Ooyo uusyomeka lyoonse,+
7 Ooyo uubacitila cabululami aabo bauninwa,
Ooyo uubapa cakulya aabo bafwide nzala.+
Jehova ulabaangununa aabo baangidwe.+
8 Jehova ulajalula meso aaboofwu;+
Jehova ulabusya aabo bavwunteme akaambo kakulemenwa;+
Jehova ulabayanda baluleme.
9 Jehova ulakwabilila bamuzwakule;
Ulabalanganya bamucaala abamukabafwu,+
10 Jehova unooli Mwami lyoonse mane kukabe kutamani,+
O Ziyoni, Leza wako unooli mwami kuzyalani azyalani.
Amumutembaule Ja!*
Ncibotu kumwiimbila nyimbo zyakumutembaula Leza wesu;
Cilanoneezya alimwi cileelela kumutembaula!+
3 Ulabaponya aabo batyompedwe mumoyo;
Alimwi ulaanga zilonda zyabo.
7 Amwiimbile Jehova nyimbo zyakulumba;
Amwiimbe nyimbo zyakutembaula Leza wesu kumwi kamulizya kantimbwa,
8 Ooyo uuvwumba majulu amakumbi,
Ooyo uupa nyika mvwula,+
Ooyo uupa kuti bwizu bumene+ mumalundu.
12 Komulemeka Jehova, O Jerusalemu.
Kotembaula Leza wako, O Ziyoni.
13 Nguuyumya mpingizyo zyamilyango yamunzi wako;
Nguuleleka bana bako ibali mulinduwe.
15 Nguutuma mulawo wakwe anyika;
Ijwi lyakwe lileenda cakufwambaana.
17 Nguulosya civwulamabwe cakwe mbuli mikusu yansima.+
Ino nguni uukonzya kuliyumya kumpeyo yakwe?+
18 Nguutuma jwi lyakwe eelyo zilanyenguluka.
Ulapa kuti muwo wakwe wuunge,+ eelyo maanzi alakunka.
148 Amumutembaule Ja!*
Amumutembaule Jehova nywebo nomuli mumajulu;+
Amumutembaule nywebo nomuli kujulu.
2 Amumutembaule, nywebo nobangelo bakwe nyoonse.+
Amumutembaule, nywebo nomakamu aakwe oonse.+
3 Amumutembaule, nozuba amwezi.
Amumutembaule, nyoonse nonyenyeezi zimweka.+
4 Amumutembaule, nomajulu aamajulu
Anywebo nomaanzi aali atala lyamajulu.
5 Azitembaule zina lya Jehova;
Nkaambo walo nguwakalailila, eelyo zyakalengwa.+
7 Amumutembaule Jehova nywebo nomuli anyika,
Nozilenge zipati zyamulwizi andinywe nyoonse nomaanzi malamfwu,
8 Yebo okalabo acivwulamabwe, ocaanda amakumbi aasiya mbi,
Oguwo lyuungisya, oozuzikizya jwi lyakwe,+
9 Nomalundu anotulundu-lundu toonse,+
Nozisamu zizyala micelo anyoonse nomasamu aakkedari,+
10 Nobanyama bamusyokwe+ anyoonse nobanyama bavwubwa,
Nozilenge zikalaba ansi anywebo nobayuni bauluka,
11 Nobami baanyika anyoonse nomisyobo yabantu,
Nobasilutwe anyoonse nobabetesi baanyika,+
12 Nobalombwana anywebo nobasimbi,*
Nobamadaala antoomwe abana.*
Ibulemu bwakwe bwiinda nyika ajulu.+
14 Uyooyungizya nguzu* zyabantu bakwe,
Kuti bantu bakwe basyomeka boonse batembaulwe,
Nkokuti bana ba Israyeli, bantu balaafwaafwi anguwe.
Amumutembaule Ja!*
149 Amumutembaule Ja!*
2 Israyeli aakondwe mu Mulengi wakwe Mupati;+
Ibana ba Ziyoni abasekelele mu Mwami wabo.
3 Abatembaule zina lyakwe kwiinda mukuzyana+
Abamwiimbile nyimbo zyakumutembaula kumwi kabalizya nsakalala alimwi akantimbwa.+
4 Nkaambo Jehova ulabakkomanina bantu bakwe.+
Babombe myoyo ulabasakatizya kwiinda mukubafwutula.+
5 Bantu basyomeka abasekelele akaambo kabulemu bwabo;
Aboongolole cakukondwa nobali amalo aabo.+
6 Milomo yabo ayiimbe nyimbo zyakutembaula Leza,
Kujanza kabajisi panga likwengedwe koonse-koonse,
7 Kuti baajolele cibi masi
Akuti basubule misyobo yabantu,
8 Kuti baange bami babo nketani
Akuti nkumekume zyabo bazyaange nsimbi zyabutale,
9 Kuti bababeteke kweelana ambeta iilembedwe.+
Bulemu buli boobu mbwabantu bakwe boonse basyomeka.
Amumutembaule Ja!*
Amumutembaule Leza mubusena bwakwe busalala.+
Amumutembaule mumulengalenga* wanguzu zyakwe.+
2 Amumutembaule akaambo kamilimo yakwe mipati.+
Amumutembaule akaambo kabupati bwakwe butaambiki.+
3 Amumutembaule kwiinda mukulizya mweembo.+
Amumutembaule akalumbu alimwi akantimbwa.+
4 Amumutembaule ansakalala acizyano cakuzinguluka.+
Amumutembaule aciimbyo cantambo+ alimwi amuntolilo.+
5 Amumutembaule azibulo zipapalete zilila kabotu.
Amumutembaule azibulo zipapalete zililisya.+
6 Cilenge coonse ciyoya—acitembaule Ja.
Naa “ulazinzibala kuyeeya mulawo wakwe.”
Bamwi baamba kuti “kunyana; kupusama.”
Naa “ncoizinzibala kuyeeya.”
Naa “zilapangana.”
Naa “a Kristo wakwe.”
Mu Chihebrayo, “mulazyo wa.”
Naa “Amucenjele.”
Mu Chihebrayo, “Amumumyonte.”
Amubone Bupanduluzi Bwamabala.
Mu Chihebrayo, “Kondipangila busena bupati.”
Naa “uyoomusala muntu wakwe uusyomeka; uyoozandula muntu wakwe uusyomeka kuti abe wakwe.”
Amubone Bupanduluzi Bwamabala.
Naa “ulasesemwa muntu uutila bulowa alimwi silweeno.”
Naa “kucikombelo.”
Naa “Babelesya mulaka waamba zyakubeja.”
Naa “nyimbo iililila ansaansi.” Amubone Bupanduluzi Bwamabala.
Naa “luse.”
Naa “kukuyeeya.”
Naa “Cikkalilo Cabafwu.” Amubone Bupanduluzi Bwamabala.
Mu Chihebrayo, “ndipa kuti bulo bwangu busaye.”
Naa “Lyacembaala.”
Naa “Lwiimbo lwamalila.”
Naa ambweni, “Nondali kweengelela muntu uundikazya kakunyina kaambo.”
Mu Chihebrayo, “Aalyatauke buumi bwangu ansi.”
Naa “uulingula myoyo ansa.”
Naa “ulakalalila.”
Amubone Bupanduluzi Bwamabala.
Naa ambweni, “Yebo ulaabulemu butembaulwa kwiinda majulu!”
Naa “kwiinda bangelo.”
Amubone Bupanduluzi Bwamabala.
Naa “nyika mbotu.”
Naa “mayubilo aasumpukide.”
Amubone Bupanduluzi Bwamabala.
Naa “Cikkalilo Cabafwu.” Amubone Bupanduluzi Bwamabala.
Naa “azintu nzyayanda mwini.”
Naa ambweni, “Syaacivwulemwangu ulalilumbaizya mwini.”
Naa “mumala aakwe mayumu.”
Naa “ntalisyo zyabululami.”
Naa ambweni, “makala aamulilo.”
Naa “bayookkomaninwa anguwe.”
Amubone Bupanduluzi Bwamabala.
Mu Chihebrayo, “Balaambaula amilomo myuuba-uba.”
Naa “babafwubaazya.”
Naa ambweni, “mubbibi lyamulilo libikkidwe ansi.”
Naa “wandicitila kabotu.”
Naa “muntu uutakwe maano.”
Naa “cakusyomeka.”
Naa “nabajazya nsoni.”
Mu Chihebrayo, “wakonka.”
Amubone Bupanduluzi Bwamabala.
Naa “mbondilimvwa mukati mwini.” Mu Chihebrayo, “insa zyangu.”
Mu Chihebrayo, “bulemu bwangu bulikkomene.”
Naa “mubili wangu ulakkala.”
Naa “tokandilekelezyi.”
Naa “Cikkalilo Cabafwu.” Amubone Bupanduluzi Bwamabala.
Naa ambweni, “abone kubola.”
Mu Chihebrayo, “Kubusyu bwako.”
Naa “kubotelwa.”
Naa “Kosintama uswiilile.”
Naa “Babbila mumafwuta aabo beni.”
Naa “bamubweende bwazintu oobu.”
Naa “akubona ciimo cako.”
Amubone Bupanduluzi Bwamabala.
Naa “mufwutuli wangu singuzu.”
Naa “mayubilo aangu aasumpukide.”
Naa “Cikkalilo Cabafwu.” Amubone Bupanduluzi Bwamabala.
Naa “aamuwo.”
Naa “aatugelo twamaanzi.”
Naa “mubusena bukwakwabukide.”
Mu Chihebrayo, “meso aalisumpula.”
Naa “ndelindibamba.”
Naa “Ingo.”
Naa “Yebo uyoondipa makosi aabasinkondoma.”
Mu Chihebrayo, “ndiyoobaumuzya.”
Naa “bayoobula nguzu.”
Naa “milimo mipati yakuzunda.”
Naa ambweni, “cipimyo.”
Naa “aanyika mbotu.”
Naa “ulajola buumi.”
Naa “iisalazyidwe.”
Naa “wansotoko zinji.”
Mu Chihebrayo, “aacibone kuti cilaamafwuta.”
Naa “mizeezo.”
Naa “kuzunda kapati.”
Naa “iisalazyidwe.”
Mu Chihebrayo, “mazuba manji.”
Mu Chihebrayo, “kubusyu bwako.”
Mu Chihebrayo, “Mucelo.”
Mu Chihebrayo, “mukutondeka masyu aabo.”
Mu Chihebrayo, “ntambo yabuta.”
Naa “Ukkede acuuno cabwami kotembaulwa a Israyeli.”
Naa “tiibakausyigwa nsoni pe.”
Bamwi baamba kuti “munyambi.”
Mu Chihebrayo, “Ndakawaalwa aalinduwe.”
Mu Chihebrayo, “buumi bwangu bulikke buyo.”
Mu Chihebrayo, “Myoyo yanu aipone.”
Mu Chihebrayo, “baneneede.”
Naa ambweni, “kumaanzi aabateme.”
Mu Chihebrayo, “mutuzila.”
Naa “zilanduumbulizya.”
Naa “watakonka cakubeja kubelesya buumi bwangu,” nkokuti, buumi bwa Jehova.
Naa “Amunyamuke.”
Naa “Oolo ilwaliko kuzwa kuziindi zyakale-kale.”
Mu Chihebrayo, “mulubeta.”
Mu Chihebrayo, “komunununa.”
Naa “mbondilimvwa mukati mwini.” Mu Chihebrayo, “insa zyangu.”
Mu Chihebrayo, “Tandikkali.”
Naa “abantu batila bulowa.”
Mu Chihebrayo, “Kondinununa.”
Naa “Akulilangisisya.”
Naa “cikombelo.”
Naa “mumakanze aabasinkondoma.”
Naa ambweni, “Masimpe ndilaalusyomo lwakuti ndiyoobubona bubotu bwa Jehova munyika yabaumi.”
Naa “kucuumbwe.”
Naa “Amumukombe.”
Naa ambweni, “akaambo kabusalali bwakwe bweebeka.”
Kuboneka kuti, aambwa aawa malundu aa Lebano.
Naa “atala aamaanzi manji aakujulu.”
Naa “wandikwela.”
Naa “Cikkalilo Cabafwu.” Amubone Bupanduluzi Bwamabala.
Naa “mucuumbwe.”
Mu Chihebrayo, “ciibalusyo.”
Mu Chihebrayo, “mubulowa bwangu.”
Naa “mucuumbwe.”
Naa “Kutegwa bulemu bwangu bukwiimbile.”
Naa “Kosintama uswiilile.”
Naa “Leza uusyomeka.”
Naa “mapenzi aali mumoyo wangu.”
Naa “mubusena bukwakwabukide.”
Naa “mumizeezo.”
Mu Chihebrayo, “Ziindi.”
Naa “Cikkalilo Cabafwu.” Amubone Bupanduluzi Bwamabala.
Mu Chihebrayo, “Kuzwa kukubwesyanya kwamilaka.”
Amubone Bupanduluzi Bwamabala.
Naa “icalekelelwa.”
Naa “bukali.”
Ooyu munyama uuzyalwa ikuti mbongolo yaswaangana abbiza.
Mu Chihebrayo, “makamu aangawo oonse.”
Naa “mizeezo.”
Naa “lulayo.”
Naa “kupa kuzunda.”
Naa “usimpide tente lyakwe ikuzinguluka.”
Naa “Aabo batyompedwe.”
Naa “Buyumuyumu.”
Naa “kujokela acamba cangu.”
Naa ambweni, “Bantu batayoowi Leza balafwubaazya kutegwa bapegwe kakulya.”
Mu Chihebrayo, “buumi bwangu bulikke buyo.”
Mu Chihebrayo, “mbuli zilundu zya Leza.”
Naa “ulabafwutula.”
Mu Chihebrayo, “mafwuta.”
Naa “Utanyemi.”
Naa “Kokkomana kapati.”
Mu Chihebrayo, “Tola nzila yako kuli Jehova.”
Naa “cakukkazika moyo.”
Naa ambweni, “Utacimwi, nkaambo eeco inga cakusololela buyo kucibi.”
Mu Chihebrayo, “ulaazyi mazuba aabantu batakwe kampenda.”
Naa “ulafwida luzyalo.”
Naa “ulasitikizya.”
Naa “ajanza lyakwe.”
Naa “waamba busongo caansaansi.”
Naa “kumuntu uuzumanana kusyomeka.”
Mu Chihebrayo, “Kunyina mpondilimvwide kabotu mumubili wangu.”
Mu Chihebrayo, “Mucibuno cangu mulapya kapati.”
Mu Chihebrayo, “mbaumi.”
Naa ambweni, “Pele bantu bandilwana kakunyina kaambo mbanji.”
Amubone Bupanduluzi Bwamabala.
Naa “Nindakaswa ciya.”
Mu Chihebrayo, “bwamba bwajanza.”
Mu Chihebrayo, “Baile kusabila aatakwe kaambo.”
Naa “muzwakule.”
Naa “Ndakamulindila cakukkazika moyo.”
Naa “wakasintama akuswiilila.”
Naa “tiiwakazikkomanina.”
Naa “Ndilayanda.”
Mu Chihebrayo, “wanduuma akasindi kakwe.”
Amubone Bupanduluzi Bwamabala.
Naa “asyoonto-syoonto.”
Naa “akalundu kasyoonto.”
Naa ambweni, “bandisulide mbuli kuti bapwayaula mafwuwa aangu.”
Amubone Bupanduluzi Bwamabala.
Naa “kufwutuka.”
Naa “Kopa.”
Naa “Tojani mpindu kumuulo wabo.”
Mu Chihebrayo, “ibaambwa mukasimpi.”
Mu Chihebrayo, “Kotunununa.”
Amubone Bupanduluzi Bwamabala.
Mu Chihebrayo, “Milimo yangu.”
Naa “bboopeni.”
Naa “camulembi.”
Naa “ukazwidilile.”
Mu Chihebrayo, “lilakuyiisya.”
Amubone Bupanduluzi Bwamabala.
Naa “mayubilo eesu aasumpukide.”
Naa ambweni, “Intobo.”
Naa “kabalizya lwija lwamugutu.”
Mu Chihebrayo, “intobo.”
Naa “mayubilo aasumpukide.”
Naa “baswaangana kwiinda mukupangana.”
Mu Chihebrayo, “Bana basimbi.”
Naa ambweni, “kusikila tukafwe.”
Naa “mubweende bwazintu oobu.”
Mu Chihebrayo, “Nobana babantu anobana bamuntu.”
Mu Chihebrayo, “acinyonyoono.”
Naa “cuumbwe.”
Naa “Cikkalilo Cabafwu.” Amubone Bupanduluzi Bwamabala.
Naa “Cikkalilo Cabafwu.” Amubone Bupanduluzi Bwamabala.
Mu Chihebrayo, “kujanza.”
Naa “Cikkalilo Cabafwu.” Amubone Bupanduluzi Bwamabala.
Naa “Leza, Leza, Jehova.”
Naa “Kuzwa kujwe kusikila kumbo.”
Mu Chihebrayo, “bajembwe.”
Naa “malailile.”
Mu Chihebrayo, “kusowa majwi aangu kusyule lyako.”
Naa ambweni, “ulamusangana.”
Naa “Ujaya zina.”
Naa “ndilaciyeeya ciindi coonse.”
Mu Chihebrayo, “nduwe olikke ngondabisyila kapati.”
Naa “Ndili sizibi kuzwa ciindi baama nobakandimita.”
Naa “buntu bwangu bwamukati.”
Naa “Kosisa busyu bwako.”
Naa “komwaya.”
Mu Chihebrayo, “Kondigwasya amuuya wakulisungula.”
Naa “tokausampauli.”
Amubone Bupanduluzi Bwamabala.
Naa “mampangala.”
Naa “Akuyuba mu.”
Mu Chihebrayo, “mapenzi aazwa kulinguwe.”
Amubone Bupanduluzi Bwamabala.
Amubone Bupanduluzi Bwamabala.
Naa “muntu uutakwe maano.”
Naa ambweni, “Bayakuyoowa aatakwe ciliko.”
Mu Chihebrayo, “bakuzingide kabasimpide matente aabo.”
Amubone Bupanduluzi Bwamabala.
Naa “kondibetekela kaambo kangu.”
Naa “Tababikki Leza kumbele lyabo.”
Mu Chihebrayo, “Kobaumuzya.”
Naa “nkaambo ncibotu kucita boobo.”
Amubone Bupanduluzi Bwamabala.
Naa “Alimwi utalisisi ciindi nondipaila kuti undigwasye.”
Mu Chihebrayo, “koandaanya mulaka wabo.”
Naa “omuntu iweelene andime.”
Naa “Cikkalilo Cabafwu.” Amubone Bupanduluzi Bwamabala.
Mu Chihebrayo, “Uyoondinununa.”
Nkokuti, muntu uulya wakali mweenzinyina iwaambwa mutupango 13 a 14.
Bamwi baamba kuti “maumba.”
Naa “adadalike; azungaanizyigwe.”
Amubone Bupanduluzi Bwamabala.
Naa “uyanda kundiluma.”
Mu Chihebrayo, “mubili wanyama.”
Amubone Bupanduluzi Bwamabala.
Amubone Bupanduluzi Bwamabala.
Naa “mbampelenge.”
Amubone Bupanduluzi Bwamabala.
Naa “kubantu bayanda kutila bulowa.”
Amubone Bupanduluzi Bwamabala.
Naa ambweni, “Yebo wabapa.”
Naa ambweni, “mubusena bwakwe busalala.”
Naa “Cibanda.”
Mu Chihebrayo, “mampangala.”
Naa ambweni, “uukwabilidwe.”
Naa “Ciindi moyo wangu noubula nguzu.”
Mu Chihebrayo, “kumazuba.”
Amubone Bupanduluzi Bwamabala.
Naa “mayubilo aangu aasumpukide.”
Naa “bamwaatule mubulemu bwakwe.”
Mu Chihebrayo, “Mubili wangu wagonkelwa.”
Naa “kundijaya.”
Naa “uyoolidunda.”
Naa “Balakulwaizyanya kucita zintu zibi.”
Naa “bayoolidunda.”
Mu Chihebrayo, “mibili yoonse yanyama.”
Naa “Cikombelo.”
Mu Chihebrayo, “musweka mafwuta.”
Mu Chihebrayo, “kusweka.”
Naa “kudadalika; kuzungaanizyigwa.”
Mu Chihebrayo, “Wakabikka mukuli uuminya atusolo twesu.”
Naa “bayoomulemeka.”
Naa ambweni, “kali atala lyamakumbi.”
“Ja” nkufwiinsyigwa kwazina lyakuti Jehova.
Mu Chihebrayo, “mubetesi.”
Naa “bazangi.”
Mu Chihebrayo, “lyakalosya.”
Mu Chihebrayo, “lukono.”
Naa ambweni, “akati kazyaanda zyambelele.”
Naa “Cakali mbuli kuti kwaloka caanda mu Zalimoni.”
Naa “ncilundu cipati.”
Naa “ncayanda.”
Naa “weendeenda.”
Naa ambweni, “nobalyatauka.”
Naa ambweni, “Baiminizi bayooboola.”
Mu Chihebrayo, “mumakumbi.”
Mu Chihebrayo, “cako.”
Naa “Bantu bandilwana kakunyina kaambo.”
Naa ambweni, “Ciindi nondakalila akuliimya kulya.”
Mu Chihebrayo, “ndakaba kasimpi.”
Naa “wacilindi.”
Naa “Koboola afwaafwi abuumi bwangu ububweze.”
Naa “bulangizi bwangu bulaafwaafwi kumana.”
Naa “cisamu cijaya.”
Naa “Inkambi yabo iiyakilidwe bwaanda.”
Naa “mubbuku lyabuumi.”
Naa “Kosintama uswiilile.”
Naa “bayandaula buumi bwangu.”
Naa “kuzyiba mweelwe wanjiyo.”
Mu Chihebrayo, “aajanza.”
Naa “mumaanzi malamfwu.”
Naa “wanununa buumi bwangu.”
Mu Chihebrayo, “Aababeteke.”
Mu Chihebrayo, “bayoosyuuka.”
Naa “Uyoolela.”
Nkokuti, Mulonga wa Firate.
Naa “Uyoonununa buumi bwabo.”
Naa “basikulidunda.”
Naa “Mada aabo azwide mafwuta.”
Mu Chihebrayo, “kamafwuta.”
Mu Chihebrayo, “izyalani lyabana bako.”
Mu Chihebrayo, “uyoosampaula.”
Mu Chihebrayo, “munsa zyangu.”
Mu Chihebrayo, “Uyoomuumuzya.”
Naa “uutasyomeki.”
Amubone Bupanduluzi Bwamabala.
Mu Chihebrayo, “ncobuuntumukila.”
Mu Chihebrayo, “mbungano yako.”
Naa “Masena oonse mwakombwa Leza.”
Naa “munkomo yacisani.”
Amubone Bupanduluzi Bwamabala.
Mu Chihebrayo, “kalwija.”
Mu Chihebrayo, “kalwija.”
Mu Chihebrayo, “Ndiyootyolaula meja.”
Mu Chihebrayo, “meja aabalulami ayoosumpulwa.”
Naa “Yebo uli mumumuni.”
Amubone Bupanduluzi Bwamabala.
Mu Chihebrayo, “tandimvwi cinwe.”
Naa “Icindiyasa mu.”
Mu Chihebrayo, “wacinca janza lyakwe lyalulyo kulindiswe.”
Mu Chihebrayo, “Wanununa.”
Mu Chihebrayo, “ajanza lyako.”
Naa “nyika mbotu.”
Mu Chihebrayo, “Kwiinda mujanza lya.”
Amubone Bupanduluzi Bwamabala.
Naa “malailile.”
Mu Chihebrayo, “iitalibambilide.”
Naa “cabangelo.”
Naa “Sikusubula basinkondonyina.”
Mu Chihebrayo, “kuvwumba.”
Naa ambweni, “Kuti muuya ulaunka alimwi taupiluki pe.”
Naa “kumucisizya moyo.”
Mu Chihebrayo, “janza lyakwe.”
Mu Chihebrayo, “naakabanununa.”
Naa ambweni, “cilwazi cakupya mubili.”
Mu Chihebrayo, “wakaaba buumi bwabo.”
Naa “bakamupa kuba abuzuba.”
Mu Chihebrayo, “Alimwi banakalindu bakwe tiibakatembaulwa.”
Mu Chihebrayo, “Wakayaka cikombelo cakwe mbuli majulu.”
Mu Chihebrayo, “akuvwumba.”
Mu Chihebrayo, “janza.”
Naa ambweni, “kwaangununa.”
Mu Chihebrayo, “bana balufwu.”
Naa ambweni, “akati.”
Naa “Kotondezya mumuni wako.”
Nkokuti, Mulonga wa Firate.
Bamwi baamba kuti “bankuntula.”
Naa “mutabi.”
Mu Chihebrayo, “kabukali bwakubusyu bwako.”
Amubone Bupanduluzi Bwamabala.
Naa “mwaambo.”
Bamwi baamba kuti “cinzuma.”
Mu Chihebrayo, “mubusena busisikide bwamuzumo.”
Nkokwaamba kuti “Kubwesyanya.”
Mu Chihebrayo, “Bakeenda mululayo lwabo beni.”
Mu Chihebrayo, “ciindi.”
Mu Chihebrayo, “walo,” nkokuti, bantu ba Leza.
Mu Chihebrayo, “mafwuta aawiiti.”
Naa “mumbungano ya Leza.”
Naa “kabaabo bali mbuli Leza.”
Naa “Amubabeteke.”
Naa “mbuli baabo bali mbuli Leza.”
Naa “banongomeka mitwe yabo.”
Mu Chihebrayo, “basisidwe.”
Mu Chihebrayo, “bapana maano camoyo omwe.”
Mu Chihebrayo, “Baba janza ku.”
Naa “basololi.”
Amubone Bupanduluzi Bwamabala.
Naa “lilayandwa kapati.”
Naa “kkuti lyazivwuna zyabbaka.”
Naa ambweni, “Awalo mwiiyi ulisakatizya ntembauzyo.”
Naa ambweni, “O Leza, kolanga ntobo yesu.”
Mu Chihebrayo, “Wakavwumba.”
Naa “Kotubunganya.”
Naa “buvwubi.”
Naa “kosintama uswiilile.”
Naa “Kondigwasya kutegwa nditabi amyoyo yobilo.”
Naa “Cikkalilo Cabafwu.” Amubone Bupanduluzi Bwamabala.
Naa “iyandaula buumi bwangu.”
Naa “tiibakubikka kumbele lyabo.”
Naa “silubomba.”
Naa “akasimpe.”
Naa “bumboni.”
Naa “ibandizumina.”
Naa “Yebo uli kasensa kangu kazintu zyoonse.”
Amubone Bupanduluzi Bwamabala.
Amubone Bupanduluzi Bwamabala.
Naa “Kosintama uswiilile.”
Naa “Cikkalilo Cabafwu.” Amubone Bupanduluzi Bwamabala.
Naa “mucuumbwe.”
Naa “uutakwe nguzu.”
Mu Chihebrayo, “Bazandwidwe kujanza lyako.”
Naa “Abadoni.”
Naa ambweni, “zyoonse aciindi comwe.”
Amubone Bupanduluzi Bwamabala.
Naa “mumbungano.”
Mu Chihebrayo, “lwija lwesu lulasumpulwa.”
Mu Chihebrayo, “lwija lwakwe luyoosumpulwa muzina lyangu.”
Naa “bweendelezi.”
Naa “kakuzanga.”
Mu Chihebrayo, “Naa kuleka kusyomeka.”
Naa “mayusilo aakwe aamabwe.”
Mu Chihebrayo, “wasumpula janza lyalulyo lyabalwani bakwe.”
Naa “Cikkalilo Cabafwu.” Amubone Bupanduluzi Bwamabala.
Mu Chihebrayo, “Mbondinyamuna acamba cangu.”
Naa ambweni, “mayubilo.”
Naa “Yebo uliizyi milandu yesu.”
Naa “Buumi bwesu buyaabumana.”
Naa “akaambo kanguzu zilibedelede.”
Naa “Uyookusinkilila.”
Mu Chihebrayo, “mbobayoojolelwa cibi.”
Naa ambweni, “mampangala; mayubilo.”
Mu Chihebrayo, “waliswaanganya kulindime.”
Naa “ulalisyoma.”
Naa “kubona lufwutuko luzwa kulindime.”
Naa “bwizu.”
Mu Chihebrayo, “uyoosumpula lwija lwangu.”
Naa “kuciindi cakutuba mvwi.”
Mu Chihebrayo, “Banooneneede.”
Naa “Nyika mbotu.”
Naa “buleelela.”
Mu Chihebrayo, “wakasimpika.”
Naa “Mizeezo iilibilisya neyakavwula mumoyo wangu.”
Naa “baleli; babetesi.”
Naa “mukubikka mulawo.”
Mu Chihebrayo, “Alimwi bulowa bwamuntu uunyina mulandu babwaamba kuti bulaamulandu (mbubi).”
Naa “mayubilo aasumpukide.”
Mu Chihebrayo, “ulabaumuzya.”
Mu Chihebrayo, “ulabaumuzya.”
Mu Chihebrayo, “kubusyu bwakwe.”
Mu Chihebrayo, “zyakujanza lyakwe.”
Nkokwaamba kuti “Kubwesyanya.”
Nkokwaamba kuti “Kusola; Kusunka.”
Naa “Amumukombe.”
Naa ambweni, “akaambo kabusalali bwakwe bweebeka.”
Naa “Nyika mbotu.”
Naa “uyoobeteka kaambo kabantu.”
Naa “wasika.”
Naa “nyika mbotu.”
Naa “Amumukombe.”
Mu Chihebrayo, “Bana basimbi.”
Mu Chihebrayo, “ciibalusyo.”
Naa “kwapa kuti azunde.”
Naa “kuzunda kwa Leza wesu.”
Naa “Nyika mbotu.”
Naa “wasika.”
Naa “nyika mbotu.”
Naa ambweni, “akati.”
Naa “akukomba.”
Mu Chihebrayo, “wakatondezya bukali.”
Naa “akukomba.”
Naa “Amusyome.”
Naa ambweni, “kutali ndiswe tobeni.”
Naa “cakusyomeka.”
Naa “Micito yabo tiikakatili kulindime.”
Mu Chihebrayo, “Tandikacizyibi.”
Naa “Ndiyoomunyonyoona.”
Mu Chihebrayo, “kumbele lyameso aangu.”
Naa “ndinoonyonyoona.”
Naa “Kosintama uswiilile.”
Naa ambweni, “Ndakoka.”
Naa “ciyaabukomena.”
Naa “zina.” Mu Chihebrayo, “ciibalusyo.”
Mu Chihebrayo, “ibayoolengwa.”
Naa “kucuumbwe.”
Naa “ngusilubomba.”
Naa “luzyalo.”
Mu Chihebrayo, “Alimwi busena bwandilyo bulaliluba.”
Mu Chihebrayo, “nomumvwa mbolilimvwisya ijwi lyakwe.”
Naa “aabweendelezi bwakwe.”
Naa “noiyoozungaanizyigwa.”
Naa “mutulonga.”
Amubone Bupanduluzi Bwamabala.
Mu Chihebrayo, “busyu bwanyika.”
Naa ambweni, “Andizinzibale kuyeeya zintu zibotu kujatikizya nguwe.”
Naa “Aleluya!” “Ja” nkufwiinsyigwa kwazina lyakuti Jehova.
Naa ambweni, “Amwaambe kujatikizya.”
Naa “nobana.”
Mu Chihebrayo, “Ijwi ndyaakalailila.”
Mu Chihebrayo, “Wakatyolaula tusamu toonse twakwaanzikila cinkwa.” Ambweni kwaamba tusamu itwakali kubelesyegwa kuyobola cinkwa.
Mu Chihebrayo, “Bakapenzya.”
Mu Chihebrayo, “aange.”
Naa “mabangabanga aamulilo.”
Naa “Aleluya!” “Ja” nkufwiinsyigwa kwazina lyakuti Jehova.
Naa “Aleluya!” “Ja” nkufwiinsyigwa kwazina lyakuti Jehova.
Naa “nobacitila zibotu.”
Naa “ndilidunde akaambo kanduwe.”
Naa “tiibakamvwisya.”
Naa “munkanda.”
Naa “wakasiigwa.”
Mu Chihebrayo, “wakaima mumweenya iwakali kumbele lyakwe.”
Naa “Bakaliswaanganya kuli.”
Nkokuti, zipaizyo zituulwa kubantu bafwide naa kuli baleza bataponi.
Nkokwaamba kuti “Kubwesyanya.”
Naa “Akwiiya.”
Naa “kucinca mizeezo.”
Naa “tusekelele muntembauzyo zyako.”
Naa “Kuzwa lili alili mane kukabe kutamani.”
Naa “Akube boobo!”
Naa “Aleluya!” “Ja” nkufwiisyigwa kwazina lyakuti Jehova.
Naa “mbaanununa.”
Naa “Kuzwa kumapaswido aazuba kusikila kumabbililo aandilyo.”
Mu Chihebrayo, “mucikkalilo.”
Naa “ulababikka atala aabusena busumpukide,” nkokuti, aatakonzyi kusikwa.
Mu Chihebrayo, “abulemu bwangu.”
Naa ambweni, “mubusena bwakwe busalala.”
Naa “Cibanda.”
Mu Chihebrayo, “mampangala.”
Naa “Sikubejekezya.”
Naa “Aajanwe kuti mubi.”
Naa “Basikumukweletesya abaziteye tukole.”
Naa “luyando lutamani.”
Naa “Bana.”
Naa “luyando lutamani.”
Mu Chihebrayo, “Nyama yamubili wangu yanyana, taijisi mafwuta.”
Naa “jansi linyina maanza.”
Naa “mubuzuba mboiyoolibambila nkondo impi yako yabasikalumamba.”
Naa “Uyoobeteka akati ka.”
Mu Chihebrayo, “mutwe.”
Naa “wanyika yoonse.”
Eeci caamba “Mwami wangu,” iwaambwa mukapango 1.
Naa “Aleluya!” “Ja” nkufwiinsyigwa kwazina lyakuti Jehova.
Naa “ngusilubomba.”
Naa “Aliimvwi nji.”
Naa “Aleluya!” “Ja” nkufwiinsyigwa kwazina lyakuti Jehova.
Naa “Ngusilubomba.”
Naa “cabuuya.”
Naa “cabwaabi.”
Mu Chihebrayo, “Lwija lwakwe luyoosumpulwa.”
Naa “Aleluya!” “Ja” nkufwiinsyigwa kwazina lyakuti Jehova.
Naa “uukkede acuuno cabwami.”
Naa ambweni, “kubusena kusowelwa dooti.”
Naa “Aleluya!” “Ja” nkufwiinsyigwa kwazina lyakuti Jehova.
Naa “busena bwakwe busalala.”
Naa “Swebo kunyina ncotujisi, O Jehova, swebo kunyina ncotujisi.”
Naa “Aleluya!” “Ja” nkufwiinsyigwa kwazina lyakuti Jehova.
Naa ambweni, “Ndilayanda nkaambo Jehova ulamvwa.”
Naa “ulasintama akuswiilila.”
Mu Chihebrayo, “Mapenzi aamu Cikkalilo Cabafwu akandisikila.”
Naa “ngusilubomba.”
Naa “yalufwutuko lupati.”
Mu Chihebrayo, “ncintu cipati.”
Naa “Aleluya!” “Ja” nkufwiinsyigwa kwazina lyakuti Jehova.
Naa “nomikowa.”
Naa “Aleluya!” “Ja” nkufwiinsyigwa kwazina lyakuti Jehova.
“Ja” nkufwiinsyigwa kwazina lyakuti Jehova.
Naa “busena bukwakwabukide.”
Naa ambweni, “ulaantoomwe abaabo bandigwasya.”
Naa ambweni, “Yebo wakanditonka canguzu.”
Naa “akuzunda.”
Mu Chihebrayo, “mutwe wakukkona.”
Naa “basyomeka.”
Mu Chihebrayo, “Eelo kaka inga cainda kubota ikuti nindalisitikide munzila zyangu.”
Naa “kwiiya.”
Naa “kwiiya.”
Mu Chihebrayo, “nzila ya.”
Naa “kwiiya.”
Naa “nduusyigwe nsoni.”
Mu Chihebrayo, “ndinoobalikila munzila.”
Naa ambweni, “yebo undipa kuba alusyomo mumoyo wangu.”
Naa “Kondeenzya.”
Naa “majwi aako.”
Naa ambweni, “Ncobakasyomezyegwa aabo bakuyoowa.”
Naa “amajwi aako.”
Naa “ndilindila.”
Naa “mubusena bukwakwabukide.”
Naa “kwiiya.”
Naa “cisyomezyo.”
Naa “ndyookandipa kuti kandilindila.”
Naa “Muŋanda mondikkala kandili muzwakule.”
Naa “Ndatontozya (ndiyandaula lumwemwe lwa) busyu bwako.”
Naa “amajwi aako.”
Naa “ndakali kubisya cakutazyiba.”
Mu Chihebrayo, “taimvwi cili coonse mbubonya mbuli mafwuta.”
Naa “ndilindila jwi lyako.”
Naa “amajwi aako ku.”
Naa ambweni, “abubeji.”
Naa “kwiiya.”
Naa “ndilindila jwi lyako.”
Nkokuti, zintu zyoonse nzyaakalenga.
Mu Chihebrayo, “mupati kapati.”
Naa “kwiiya.”
Naa “kwiiya.”
Mu Chihebrayo, “zituuzyo zyakuliyandila zizwa kumulomo wangu.”
Naa “buli mujanza lyangu lyoonse.”
Naa “cikono cangu citamani.”
Mu Chihebrayo, “Ndagamika moyo wangu.”
Naa “bantu bajisi myoyo yobilo.”
Naa “ndilindila jwi lyako.”
Naa “kweelana amajwi aako.”
Naa “cindipe kufwa nsoni.”
Naa “amajwi.”
Naa “iisalazyidwe.”
Naa “milazyo.”
Naa “Komumwetela.”
Naa “kubucedo.”
Naa “ndilindila majwi aako.”
Naa “kwiiya.”
Naa “zisapi.”
Naa “Kobeteka kaambo kangu.”
Naa “amajwi aako.”
Naa “Kulimbabo kunyina cilebyo pe.”
Naa “kweelana amajwi aako.”
Amubone Bupanduluzi Bwamabala.
Mu Chihebrayo, “alimwi ino ulakuyungizyila nzi?”
Naa “kudadalike.”
Mu Chihebrayo, “nozwa anonjila.”
“Ja” nkufwiinsyigwa kwazina lyakuti Jehova.
Naa “kabwaanda bwako buyumu.”
Naa “batatambiki maanza aabo ku.”
Naa “Kobabukulusya.”
Naa “tulonga twakumusanza.”
Naa “kubalila.”
“Ja” nkufwiinsyigwa kwazina lyakuti Jehova.
Mu Chihebrayo, “kabakuyoowa.”
Naa “Tente lipati lyakubunganina.”
Naa “tente lyakwe lipati lyakubunganina.”
Mu Chihebrayo, “Utapilusyi busyu bwa.”
Mu Chihebrayo, “wamicelo iizwa mwida lyako.”
Mu Chihebrayo, “lwija lwa Davida lukomene.”
Naa ambweni, “mucikombelo.”
Naa “Aleluya!” “Ja” nkufwiinsyigwa kwazina lyakuti Jehova.
Naa “sikunku.”
Naa ambweni, “Upanga nzila mwiinda mvwula.”
Naa “zina.” Mu Chihebrayo, “ciibalusyo.”
Naa “uyoobeteka kaambo ka.”
Naa “uyoocinca maano kujatikizya.”
Naa “cabupampu.”
Mu Chihebrayo, “muzibeela-beela.”
Nkokuti, ku Babuloni.
Naa ambweni, “alinyane.”
Naa ambweni, “Cakutalemeka baleza bambi, yebo ndiyookwiimbila nyimbo.”
Naa “kucikombelo.”
Naa ambweni, “wadumya jwi lyako kwiinda zina lyako lyoonse mbolibede.”
Mu Chihebrayo, “Ulandipima.”
Naa “lulandigambya kapati.”
Naa “tandikonzyi kulumvwisya.”
Naa “Cikkalilo Cabafwu.” Amubone Bupanduluzi Bwamabala.
Naa ambweni, “Wakandinunganya.”
Mu Chihebrayo, “Eelyo nindakali kunungwa kunsi aanyika.”
Naa ambweni, “inga kandiciibala.”
Naa “bantu bajisi mulandu wabulowa.”
Naa “kweelana amizeezo yabo.”
Naa “Mumalindi aamaanzi.”
Naa “mucisi.”
Naa “Cikkalilo Cabafwu.” Amubone Bupanduluzi Bwamabala.
Amubone Bupanduluzi Bwamabala.
Naa “nguzu zyangu nozimana.”
Mu Chihebrayo, “uundibala.”
Mu Chihebrayo, “Nduwe caabilo cangu.”
Naa “Nguzu zyangu zyamana.”
Naa “kwiiya.”
Mu Chihebrayo, “Muuya.”
Naa “mucuumbwe.”
Naa “munyika yabululami.”
Mu Chihebrayo, “kobaumuzya.”
Naa “Mayubilo aangu aasumpukide.”
Naa “ongomeka.”
Mu Chihebrayo, “Alimwi maanza aabo aalulyo, maanza aabubeji.”
Naa “babe alufwutuko.”
Naa “nozinoojisi zilonda.”
Naa “nguzu.”
Naa “ngusilubomba.”
Naa “camoyo woonse.”
Mu Chihebrayo, “Zilenge zyoonse zijisi mubili wanyama.”
Naa “Aleluya!” “Ja” nkufwiinsyigwa kwazina lyakuti Jehova.
Naa “nkumekume.”
Naa “Muya.”
Naa “ulapilinganya nzila zyababi.”
Naa “Aleluya!” “Ja” nkufwiinsyigwa kwazina lyakuti Jehova.
Naa “Aleluya!” “Ja” nkufwiinsyigwa kwazina lyakuti Jehova.
Mu Chihebrayo, “mafwuta aawiiti.”
Naa “Aleluya!” “Ja” nkufwiinsyigwa kwazina lyakuti Jehova.
Naa “Aleluya!” “Ja” nkufwiinsyigwa kwazina lyakuti Jehova.
Mu Chihebrayo, “nobanakalindu.”
Naa “Nobapati antoomwe abana.”
Mu Chihebrayo, “Uyoosumpula lwija.”
Naa “Aleluya!” “Ja” nkufwiinsyigwa kwazina lyakuti Jehova.
Naa “Aleluya!” “Ja” nkufwiinsyigwa kwazina lyakuti Jehova.
Naa “Aleluya!” “Ja” nkufwiinsyigwa kwazina lyakuti Jehova.
Naa “Aleluya!” “Ja” nkufwiinsyigwa kwazina lyakuti Jehova.
Naa “mujulu ilipa bumboni bwanguzu zyakwe.”
Naa “Aleluya!” “Ja” nkufwiinsyigwa kwazina lyakuti Jehova.