Kulanga-langa Zicitikila Mukwasyi

Africa

Kweelana akabunga ka World Health Organization, bamatumbu beelede kutalika kunyonsya bana kakutanainda woola lyomwe kuzwa nobatumbuka akubanyonsya kusikila bakkwanya myezi iili cisambomwe. Nokuba kuti mbobakulwaizyigwa oobu, kabunga ka UNICEF Regional Nutrition Adviser for Eastern and Southern Africa kakaamba kuti basikwaambilizya makwebo bazumanana ikwaamba makani aataluzi aakuti “mukupa wakupanga wabana uli buyo mbuli mukupa wakunkolo.”

NCOLYAAMBA BBAIBBELE: “Muntu mufwubafwuba ulaasyoma makani oonse, pele ooyo uucenjede ulakkala ansi kuyeeya ntaamu zyakwe.”—Tusimpi 14:15.

Canada

Basikuvwuntauzya ku Montreal bapa muzeezo wakuti bana ibajisi bazyali bakali—aabo ibabikka milawo miyumu pele batondezya luyando lusyoonto buyo kubana babo—balalangilwa kuciswa bulwazi bwakuneneya kapati a 30 pesenti kwiinda bana bajisi bazyali ibabatondezya luyando alimwi ibabalaya.

SENA MULIZYI? Nzila yakukomezya bana iigwasya kapati yakalembwa mu Bbaibbele myaka minji yainda.—Bakolose 3:21.

The Netherlands

Kulanga-langa zicitika mumikwasyi yaba Dutch mwalo bazyali boonse bobilo mobabeleka, kwatondezya kuti bazyali baandaanya mulimo amikuli yamumukwasyi balamvwana abana babo kwiinda bazyali bazumizya mulimo kunyonganya mikuli njobajisi mumukwasyi. Mucikozyanyo, kutuma mafooni aajatikizya mulimo cainda ciindi camulimo nobali amukwasyi cilakonzya kupa kuti bazyali kabatababikkili maano bana babo.

NCOMWEELEDE KUYEEYA: “Zintu zyoonse zilijisi ciindi canzizyo [ceelede].”—Mukambausi 3:1..