Amubale Antoomwe Abana Benu

Mbuli bwaamba magazini yakucisi ca Brazil iitegwa Veja ibana bajisi bazyali bayandisisya kubala balalangilwa abalo kubaa luyando lwakubala mabbuku kwiinda babaya batajisi muzyali uuyandisisya kubala aŋanda. Imukaintu umwi wazina lya Martha Hoppe haabupampu mulwiiyo lwakukomezya bana wakaamba kuti, “Kubala kwaantoomwe kuyumya bulongwe akati kabazyali abana, alimwi kupa kuti mwana amvwisye kabotu zyakalembwa mubbuku.”

Nomubabalila bana benu cakupozya, cimupa ciindi cibotu cakuvwiila mibuzyo. Mulakonzya kukanana zifwanikiso zijanwa mucibalo ncomubala. Hoppe ulaindilizya kwaamba kuti, “Ikuti mwana kamvwisya zilembedwe mubbuku, ciyakupa kuti kayandaula mabbuku aambi akwaabala kutegwa amvwe zilembedwe mukati.”

Bazyali banji akati ka Bakamboni ba Jehova balakondwa nobabala antoomwe abana babo. Balakonzya kubala mabbuku aali mbuli bwayaaya, Ibbuku Lyangu Lyamakani Abbaibbele, Listening to the Great Teacher, alimwi a Muntu Mupati Kwiinda Wakaponede.a Aaya mabbuku taabagwasyi buyo kuciziba kubala kabotu bana, alabagwasya akubaa luyandisisyo lwakubala bbuku lyalo lyuulwa kapati munyika yoonse mboizulwa—Ibbaibbele Lisalala. Aboobo, ikuti kamuli bazyali, amupe citondezyo cibotu kubana benu kwiinda mukuyandisisya kubala Jwi lya Leza. (Joshua 1:7, 8) Amusole mbuli mbomukonzya kujana ciindi cakubabalila bana benu!

Bupanduluzi buyungizidwe