‘Ciindi Cibikkidwe’ Cilaafwaafwi
MBUBWENYA mbuli musinsimi Habakuku, basikwiiya ba Jesu bakali kuyanda kuzyiba mapenzi naya kumana. Basikwiiya ba Jesu nibakazyiba kuti Bwami bwa Leza buya kumana mapenzi anyika, bakamubuzya Jesu kuti: “Ino makani aya azooba lili? alimwi ncinzi cizooba citondezyo cakuboola kwako acamamanino aaciindi?” (Matayo 24:3) Jesu wakabaingula kuti Jehova Leza alikke nguuzyi ciindi cini Bwami nibuya kutalika kweendelezya ano anyika. (Matayo 24:36; Marko 13:32) Nokuba boobo, Jesu abamwi bakasinsima ziya kucitika anyika iziya kutondezya kuti ciindi cilaafwaafwi.—Amubone kabbokesi kali kululyo.
Sena zyintu eezyi tazicitiki mazuba aano? Jesu alimwi wakaamba kuti kuya kuba mulimo wakuyiisya bantu nyika yoonse. Wakaamba kuti: “Aya Makani Mabotu aa-Bwami azookambaukwa munyika yoonse kuti abe citondezyo kumisyobo yoonse. Elyo mamanino azoosika.”—Matayo 24:14.
Eeci ncecicitika mazuba aano. Bakamboni ba Jehova balaucita mulimo ooyu. Mumasi aali 236, Bakamboni bainda kutuulunzuma tuli 7 baambila bantu ncobuya kucita Bwami, alimwi balabagwasya kutobela zyeelelo ziluleme zya Leza, walo uuyanda kumana mapenzi oonse. Amuzumanane kwiiya makani aamba Bwami bwa Leza kutegwa mube abulangizi bwakuya kupona kutamani munyika munyina mapenzi.
Kabbokesi kali apeeji 15]
Magwalo Aamba Ziya Kucitika Kumazuba Aakumamanino
MATAYO 24:6, 7; CIYUBUNUZYO 6:4
• Nkondo iitanabwenwe.
• Mizuzumo mipati.
• Nzala.
• Malwazi.
• Kuvwula kwamilandu.
• Kumana kwaluyando.
• Kunyonyoonwa kwanyika.
2 TIMOTEO 3:2
• Kuya,’ndisya mali.
• Kutamvwida bazyali.
• Kuliyanda.
2 TIMOTEO 3:3, NW
• Batajisi luyando lwakuzyalwa andulo.
• Batanyoneki.
• Batalyeendelezyi.
• Batayandi bubotu.
2 TIMOTEO 3:4
• Bayandisya kulibotezya kwiinda kuyandisya Leza.
2 TIMOTEO 3:5
• Balyaamba kuba Banakristo.
• Kuya kuba basinsimi banji bakubeja.
• Kupenzyegwa kwa Banakristo bakasimpe.
• Bantu tababikkili maano kukucenjezya kwa Bbaibbele.
[Cifwanikiso icili apeeji 15]
Nyika yoonse, Bakamboni ba Jehova bayiisya bantu makani aamba zya Bwami bwa Leza