MIBUZYO YAMU BBAIBBELE YAINGULWA

Ino mbaani bayoounka kujulu, alimwi nkaambo nzi?

Mamiliyoni aabantu balombozya kuunka kujulu baakufwa. Jesu wakaamba kuti baapostolo bakwe basyomeka bakali kuyookkala kujulu. Katanafwa, wakabasyomezya kuti walo a Bausyi bakujulu bayoobabambila masena kujulu.—Amubale Johane 14:2.

Nkaambo nzi bantu ncobayoobusyilwa kubuumi bwakujulu? Ncinzi ncobayoocita ooko? Jesu wakaambila baapostolo bakwe kuti bayooba bami. Bayoolela nyika.—Amubale Luka 22:28-30; Ciyubunuzyo 5:10.

Sena bantu boonse bacita zibotu balaunka kujulu?

Muzisi zinji, bantu basyoonto buyo mbabalela. Mbwaanga aabo mbabusya Jesu kuyoopona kujulu ubabusyila kuti bakalele nyika, cileelela kuti aabo basalidwe kabali basyoonto. (Luka 12:32) Ibbaibbele lilawaamba mweelwe wini wabaabo bayoolela antoomwe a Jesu.—Amubale Ciyubunuzyo 14:1.

Aabo baunka kujulu tabali mbebalikke bayoopegwa bulumbu. Balelwa basyomeka ba Bwami bwa Jesu bayookkomana kupona buumi butamani muparadaiso anyika. (Johane 3:16) Bamwi bayoonjila mu Paradaiso kwiinda mukufwutulwa bwaakunyonyoonwa bweende bwazyintu bubyaabi oobu. Bamwi bayoonjila kwiinda mukubusyigwa.—Amubale Intembauzyo 37:29; Johane 5:28, 29.

Kutegwa muzyibe zinji, amubone cibalo 8 cabbuku eeli, Ino Ncinzi Cini Bbaibbele Ncoliyiisya?, ilyakamwaigwa a Bakamboni ba Jehova

Mulakonzya kukkopa a Web site ya www.jw.org

[Cifwanikiso icili apeeji 16]

Jesu wakababambila masena kujulu basikumutobela bamwi. Sena mulizyi ncobayoocita ooko?